الي اكبر منك بيوم اعرف منك بسنه

محروم.كوم · #1 08-20-2010, 05:40 AM

ههذي قصة نبي نسليكم فيها وهي من الواقع مرة طلعت للمقناص انا وا حد من الربع يحب طلعات البر لكن الصقارة ماله بها المهم ونمشي يوم الاربعاء ونبيت عند الابل لواحد من اخواني وفي صبح الخميس ابحث عن الحباري وخويي معي وفي ذاك المكان ونلقى جرة حبارة اثرها صغير الي نسميها القعيطاء وخوكم تجيه ذيك الربشه الله اعلم بها قلت تقص اثرها قال خويي ابشر الرجال اول مرة يقص اثر الحبارا قام يلف مع اثرها قلت تعال سق السياره المهم استقطع لاثاره حتى نيرتها من محاس اثرها في هذا الاثناء كان معي طيري من فصيلة الحر ويطلع ذاك الطلع وعطيه سبوقه تابعته بالنظر يمكن كيلو والا الطير ارتفع وصار قدامه طير لكن حجمه صغير عطني الدربيل ياولد دربلت الا وهوطائر الدرجلان طرده شوي وحل الطير دعيت الطير وتابعت قصاصة الحبارا واجدها طائره مثل امس لاني لقيت مرشها ناشف اعزكم الله دورناها مالقيناه رجعنا لاهلنا يوم الجمعه وسيرت على واحد من شيباننا كان صقار لكن الكبر منعه من نقلت الصقر اخبرته بالي حصل قال اسمع طيرك طلع على الحبارا ولكن اخفت نفسها وحال بينه وبين طلعه الدرجلان حطيت كلام الشايب براسي واطلع للموقع ثاني اسبوع واتجه يم طلع الطير تقريبا كيلوين وكان معي صقار من خويانا وجيت ولقيت مربض الحبارا على صوب طلع الطير دوجنا بالموقع وهد عليها خويي ولاقسمها الله وحطيت هذه القصه للعبره احيانا يحول دون طلع طيرك شي وهوطلعه ثبات والله يوفقكم هاسنه بالحباري الواجده __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري