| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
12-13-2008, 11:49 AM
| ||
| ||
 السلام عليكمـ
تم يا مزيزن راك ماطلبت شي وعسب خاطركمـ راح انزل 3 بارتااااات ... وسموحهـ __DEFINE_LIKE_SHARE__  |
|
12-13-2008, 11:52 AM
| رقم المشاركة : [ 2 ] |
| عضو ماسي | سلطان : ألــوو (...) : هلآآ سلطون البارت الرابع عشر / الفصل الاول سلطان استغرب وانصدم سلطان : اهلين عمو شحالج شيخه : الحمدالله بخير ، انت وين ؟ سلطان : فالبيت يعني وين ؟ شيخه : فديتك اتروم تمر عليه وتوديني بيت روضه لأن الدريول محد و سيف وراشد ظهروا وشكلهم نسوني لأني كنت راقده سلطان : خلاص فديتج اتجهزي عقب 5 دقايق بكون صوبج شيخه : مشكور فديتك سلطان : العفوو شيخه : مع السلامه سلطان : مع السلامه ميره : هاااه هاااه زخيناك تتفدى منو ؟ ، اصلا هاي الي رمستها منو ؟ سلطان : مــــــالت عليج هاي عمو شيخه ميره : شو تبا منك ؟ سلطان : تباني اوصلها بيت عمي سالم ميره : انا ابا اسير بس هب متفيجه ابدل سلطان : برااايج يلا انا ساير سار وشل سويجه وشغل السياره وتراياها لين ما حرت وتحرك ومر على شيخه وخذاها وساروا صوب بيت سالم وروضه وكانوا طول الوقت ساكتين ويوم وصلوا شيخه : ثانكس فديتك والله ماقصرت سلطان : ولكم عمتو حياج اي وقت شيخه : ههههه انزين مابتحدر سلطان : نوو بسير شيخه : يلا انزل شوي وعقب سير يالله عيب اتي وماتسلم سلطان : عموو والله مالي بارظ شيخه : يلا يلا بسرعه جدامي سلطان : هههه خلاص بنزل وامري لله واتصلت فـ عوشه وقالت لهم انهم واقفين برع وقالت خلهم يحدرون ولا يدقون الجرس لأن موزه راقد بيوعونها وشيخه قالت لها ان سلطان موجود ياي يسلم عقب بندت و ساروا هيه وسلطان داخل وسلموا على الموجودين ( سالم + روضه + عوشه ) واتصل سلطان بـ عبدالله وقاله انه هو تحت ، عبدالله قال لسلطان انه فوق فـ الحجره خل ايه عقب استأذن سلطان عسب يسير فوق وهو يالس يركب الدري ساره كانت نازله وكانت منزله راسها وسرحانه سلطان شافها وتم يظحك على شكلها وقال بيلعوزها سلطان وقف جدامها وجان شوي يعلي صوته : بشو تفكريـــــن ؟! ساره نقزت من مكانها : سلطـــون شو تسوي هنيه ؟! سلطان : هههههه افاا ماتبيني ؟ خلاص الحين برد البيت ( وجان يصد اونه ساير ) جان اتزخه ساره ساره : والله اتمصخر بلاك؟ سلطان صد صوبها :شوفي كل ماتسيرين مكان انا وراج وراج ساره : هههه اشوفك سلطان : فديت هالعيون تذبـــــح جان مره وحده يسمعون حد يركب الدري على طول سلطان زخ ايد ساره وسحبها ودخلها المطبخ التحضيري ودخل وياها وقفل الباب ساره : ايــه شو تسوي ؟ سلطان : هههههه بلاج زايغه ماباكلج ساره : سلطون بطل الباب والله مافيه عالمشاكل سلطان : ساروه حياتي بلاج كان في حد راكب الدري كنتي بتدخلين فـ تحقيق سين جيم ( سؤال ، جواب ) ساره : انزين كنت اروم انقذ عمري بجذبه ، اف ليش سحبتني ؟ سلطان : كنت ابا اسولف وياج اشتقتلج ساره : يعني ماشبعت اليوم كنت ف بيتكم ورمست وياك وااايد سلطان : لا ماشبعت ، وبعديــن بلاج زايغه ؟ ساره : مـــاشي سلطان حب بس يزيغها زياده جان يتقرب منها وهيه كل شوي تبتعد وهو يتقرب اكثر وهيه قلبها يـــدق من خااااطر ساره مره وحده : سلطــــــــان بلاك ؟ سلطان : ههههههههههههههههه شكلج وانتي زايغه عذاااااب دزته وحاولت اتسير بس مارات لأنه رد وقف مكانه وتم يطالعها وهيه اطالعه وتتامل فجماله سلطان : شرايج فيني حلوو ؟ ساره عرفت انه حس انها يالسه تتأمل فيه ساره بدلع : ههههههه هيه بس انا احلى سلطان : ياويـــــــل حالي عالدلع لالا مارووم وجان يتقرب هني ساره لزقت عاليدار ساره : اووووه سلطون وبعدين خوز عنيه سلطان : مابــا شو بتسوين ؟ ساره دزته وجان تشرد صوب الباب وفتحته وظهرت ومره وحده صدت وقالت : بشــــرد يعني شو بسوي ؟ وتم سلطان يظحك عليها وعلى حركاتها وعقب حدرت حجرة ظبيه شافت شيخه يالسه سلمت عليها وانسدحت ساره عـ الشبريه وعرفت الي كانت تركب الدري كانت شيخه وحمدت ربها ان ماشافتهم ولا جان كلتهم الحين سلطان من ظهرت ساره من المطبخ سار صوب حجرة عبدالله ودق الباب وحدر وسلم عليه وتم يسولف وياه وعقب ساعه نزلوا الشباب تحت وكانوا البنات ( ظبيه + شيخه + ساره يالسين ) رواحهم عبدالله : عيل وين اميه وخالو عوشه ؟ ساره : شكلهم كانوا ناسين شي وساروا ياخذونه عبدالله : الحين كل ها عسب ملجه هاااي ( ويأشر على ظبيه ) ظبيه : لا والله الحين انا صرت هااي ماعليه يا عبود (وتبوز) نزل سعيد وشاف ساره : هلا هلا ببنت الخاله ساره : اهليــن سعيد : شحالهم الحلوين ؟ ساره بدلع : تماام ومن صوبك ؟ سعيد : يسرج الحال ، ها شو وين اماايه ؟ ساره : مادري شكلها ظاهره ويا امايه سعيد : هههه زين زين عيل سمعت انكم بترقدون عندنا ساره : ليش هب عايبنك خلاص برد بيتنا سعيد : افاا لو يا الغاليه لو البيت ماشالكن عيوني تشلكن ساره : تســــلم ( وتطالع سلطان الي كان يالس مجابلنها ) انصدمت من نظرااته شكله كان معصب من خاطر ساره : اممم انا يوعانه بسير اكل شي تبون ايبلكم شي ؟ سعيد : هيه فديتج خاطريه فـ سلطه فواكه ساره : من عيوني البشكاره حق شو زينه الكل ماعدا سلطان : هههههههههههههه ساره استغربت ان سلطان محرج يعني هيه ماسوت شي ، طنشت وظهرت وسارت صوب المطبخ فـ الصاله سلطان كان صدق مفول : يالله عيل انا بترخص عبدالله : لا ويــن خلك ، اليوم معزوم عالعشا عندنا سلطان : لا والله مشكور عبدالله : افاا تردني سلطان : لا هب جي بس واعد اختيه اظهرها << خخخ خرط عليه عسب يشرد عبدالله : لو جي خلاص برايك سلطان : يلا عيل مع السلامه سلم عـ الكل وظهر ، وهو كان ظاهر شاف ساره توها ظاهره من المطبخ سوالها طــــاف ولا جنها موجوده ومول ما عبرها حتى ماسلم عليها ، ساره انصدمت من حركته وتمت تقول فـ خاطرها : يعني انا ماسويت شي ليش هو جي مغيظ ؟ ، مارامت تستحمل لحقت سلطان الين السياره وكانت ماسكه السلطه الي مسوتلها لسعيد ساره : سلطــان بلاك ؟ سلطان يشغل السياره : ماشي ليــش ؟ ساره : صدق والله فيك شي ، شكلك محرج قلي بلاك ؟ سلطان مارام يسكت : سيري سيري عند سعود سيري سو لفي ويااه ماباقي الا ........ << وسكت ساره انصدمت : سلطان شو تقول ؟ ، سعيد بحسبه اخوي وهو اصغر عني بوااايد سلطان وهو يطالع السلطه : لا وبعد سوتله السلطه سيري سيري عطيه ساره : بلاك ؟ يعني اونك اتغــار ؟ سلطان : اونـــــي ساره : انزيين انا ماسويت شي عادي شرات ما انت اترمس اي وحده بس انا مارمست اي واحد ها ولد خالتي واصغر عني بعد سلطان : سيــري سيــري حليله الولد فـ خاطره ياكل ساره : سلطون يالله عاد مابخليك تسير وانت زعلان سلطان : ........ ساره : خلاص سوري مابرمس ويااه يالله عاد لا تدلع عليه مافيه عمو شيخه تظهر الحين سلطان : ههههه اتخافين منها ؟ ساره : اقلك مسوتلي رعــب سلطان : هههههههههه ساره : انزين زعلان ؟ سلطان صد الصوب الباب يشوف لو حد ياي ولا وجان يرد يطالع ساروه : انزيــن لو زعلان شو بتسوين ؟ ساره زاغت : يعني انت شو تباني اسوي ؟ سلطان بخبث : تعالي ركبي السياره __DEFINE_LIKE_SHARE__ |
|
| |
| |
|
12-13-2008, 11:55 AM
| رقم المشاركة : [ 3 ] |
| عضو ماسي | البارت الرابع عشر / الفصل الثاني ساره حرجت : سلطــــوووووووون سلطان : هههه اتمصخر بلاج خاطريه اكل هالسلطه ساره : هههههههه تفداااك سلطان : بس انتي الي مسوتنها ؟ ساره : يب سلطان : ياويــــل حالي خلاص عطيني اياها ساره عطته السلطه : انزيين الحين هب زعلان ؟ سلطان : لا ساره : يلا عيل بااي وسارت جان سلطان يصارخ : خــلاص بعدي زعلان صدت ساره : ههههههه قص على غيري ياللوتي وحدرت البيت وسلطان تم يظحك عليها و ياكل السلطه عقب ساره حدرت المطبخ وجان تسوي سلطه ثانيه لسعيد وعقب سارت الصاله وعطته وهو كل السلطه وعيبته واايد صوب سلطان خلص وكل السلطه كلها وعيبته واايد وتم يتفدى ساروه وحط الاف ام وكانوا حاطين غنية اليازيه محمد = غرام المحبين غمض عيونك واحلم انك معايا إن الزمن ما يوم فرق حبيبي بعطيك أنا عمري و روحي هدايا وأهديني إحساسك و نبض الشرايين من يوم شفتك شفت سعدي و هنايا و أيام عمري يالغلا قربك اتزين تذكر حبيبي يومك انته معايه غنت ورود الحب وسط البساتين شعري بوصفك يا حبيبي تعايا وغلاك عندي فاق أعلى الميازين ماقول من حبك حبيبي كفايه دام الهوى جمع بالإحساس قلبين أوعدني ما تعشق حبيبي سوايا و أوعدك ما أعشق سواك انت يازين أعيش أحبك و أعشقك للنهايه و أحيا بوصلك يا غرام المحبين عقب مر الوقت بسرعه وكل ابطال قصتنا رقدوا << تصبحون على خير وأحلام سعيده للكل وفي اليوم الثاني يوم اليمعه اليوم المنتظر لـ يمعه و ظبيه و الكل اليوم ملجه ظبيه ويمعه نشت ساره من الرقاد الساعه 9 وشافت ظبيه راقده عندها وعمتها شيخه راقده عـ الارض ، نشت من مكانها وسارت الحمام وغسلت ويهها وعقب بدلت ولبست مخوره صفرا وفيها ورود ورديه فاتحه ، سارت جدام المنظره رسمت عينها بجحال اسود وحطت جلوس وردي فاتح وسحت شعرها ورفعته بتوكه ورديه و لبست شيلتها السوده الي عليها رسومات بالوردي وتعطرت وظهرت نزلت تحت شافت خالتها روضه +امها +يدتها موزه +عبدالله +ريل خالتها ( سالم ) + ابوها يالسن فالصاله تحت ساره : السلام عليكم الكل : وعليكم السلام والرحمه ساره : شحالكم الكل : بخير وسهاله ومن صوبج ؟ ساره : تمام ، ها اتريقتوا ؟ الكل : هيه روضه : الا وين ظبوي ؟ ساره : بعدها راقده عوشه : حبيبتي ساروه سيري وعيها ساره : من عيوني وردت وصعدت وسارت حجرة ظبيه ووعتها ، سارت ظبيه الحمام وغسلت ويها ولبست مخوره زرقا ورسمت عيونها بجحال ازرق ورفعت شعرها بتوكه زرقا ولبست شيله سوده فيها ورود بالازرق وتعطرت ونزلت ويا ساروه ، ظبيه سلمت ع الكل وسألت عن الحال وعقب سارت ويا ساره وتريقوا ويلسوا يسولفون عن الصالونات والفساتين وهالسوالف فـ بيت حميد تحديدا فـ حجرة ميره نشت الساعه 9 وربع سارت الحمام وغسلت ويهها ولبست مخوره خضرا وسحت شعرها ورفعته بتوكه خضرا وتجحلت وحطت مرطب وتعطرت ونزلت شافت ( امها + ابوها + احمد + حصه ) يالسين تحت فالصاله حدرت عليهم وسلمت وسألتهم عن الحال ميره توه اتذكرت شي : اوووه الا تعالو وين عبيد ؟ حصه : عبيد راقد عند سلطان البارحه حاشرنا مايبا يرقد الا عند سلطان ميره : هههههههههه والله انه سوالف هالعبيد حصه : شفتي عاد ؟ ميره : ها اتريقتوا ؟ الكل : الحمدالله هيه ميره : يالله عيل انا بسير اتريق حصه : اتريي فديتج بي وياج احمد : وين وين وين ؟ ميره : يعني قالت بي وياج وانا قلت بسير اتريق يعني وين ؟! اكيـــد فحجرة الاكل يعني مايباله ذكاء الكل : ههههههههههههههه احمد: لا ماشي حصوصتي ماتروم يلسي بسرعه حصه : ههههه احمد فديتك خلني اسير وياها احمد : حصوص والله اخاف عليج ميره : اوووب اوووب لا ماااروم احمد : جب انتي سلطان توه حادر : واااااك لقطي ويهج الكل : هههههههههههههههههههه حميد : سلطان يالمسود اشعنه تحدر وماتسلم ميره : خخخخ وجان يقفطونه ، فديتك يا بابا رديتلي حقي سلطان : ههههههه حقي اونه وين تبين ( ويصد صوب ابوه ) السموحه فديتك والله ماكان قصدي .. جان يسير ويحب راس امه وابوه ويسلم على الكل سلطان : يلا انا بسير تامروني بشي ؟ ميره : مالت عليك 24 ساعه ظاهر سلطان : الله واكبر الحين بيصير شي ام احمد : بسم الله عليكم ، صدقها ماتروم تقر فالبيت ؟ سلطان : الحين انا مواعد الربع ، يلا تامروني بشي ؟ الكل : لا سلامتك سلطان : الله يسلمكم وجان يظهر سلطان وسارت ميره تتريق حصه : اوييييييه نسيت اسأل سلطان عن عبيد احمد : ولا يهمج انا بسير اشوفه الحين ( اول ماوقف احمد جان يحدر عليهم عبيد شعره كشه وحالته حاله ) حميد : هههههههههه عبيد بلاك حبيبي ليش جي شكلك ؟ عبيد : وين عمي سلطان ؟ ام احمد : ظهر ، ليش ؟ عبيد بوز : الجذااااب براويه قال بيظهرني (وجان يصيح ) احمد حظن ولده احمد : فديتــــــــــــك والله انت بس آمر وين تبا تسير اليوم انا فاضي بوديك اي مكان عبيد بدى يهدا شوي : اممممم ابا اسير امارات مول احمد : انت تامر امر كم عبيد عندنا عبيد يلس وشق الحلج حصه نشت من مكانها احمد : وين وين ؟ ام احمد : احمدووه بلاك عالحرمه كل ماوقفت وين وين ؟ حميد : ههههههههههه خايف عليها ليش تغارين ؟ ام احمد : لا والله الحين انا الي اغاار ؟ حميد : اتمصخر فديتج ميره : اووووب اووووب عاشوا الشواب يتفدون بعض لالا الصراحه ماروم حميد : جب انتي ، سوسه ما اتي الا على هالمواقف مايفوتها شي الكل : ههههههههههههههههههههه ميره وهيه تأشر على عبيد : هههههههههه طاعوا كشته يظحك هنيه الكل ظحك ماعدا عبيد الي تم يصيــح عقب حصه زقرت اليسا وقالتلها تبدله وتغسل ويهه وتريقه صوب الشباب ( سلطان + سيف + حارب + راشد + عبدالله + يمعه) كانوا يالسين فـ كوستا الي فالمول يمعه كان عازمنهم عالفطور سلطان : فديتكم والله اي شي فخاطركم اطلبوه ترى يموع مايقصر الكل : ههههههههههههههه عبدالله : اييه اييه هب على ريل اختي ترى ما ارظى يمعه : وفديــــــت اختك انا عبدالله : لا والله اشكره جدامي ( وجان يكفخه عالخفيف ) سلطان : استغفـــــر الله ماعنا شباب يتفدون بنات حارب : شوفوا شوفوا حتى الصبح شي بنات حلوات يا ويييل حالــــــــي سيف : ليش قالولك البنات مايظهرت الا العصر والفليل يمعه : حليله يتحراهن خفافيش الكل : ههههههههههههههههههههه حارب : مايظحك انزيين سلطان : عيل ليش تظحك ؟ حارب : كيفه ياخي راشد : ياويـــــل حالي الكل انصدم وتم يطالع راشد سيف : ها رشود بلاك ؟ راشد : ههههههههههههههه شربت العصير عيبني الكل : ههههههههههههههههههههه عليــنا عبدالله : اعترف اعترف شو شفت وينها هاي الغرشوبه راوني اياها راشد وهو يدزه عالخفيف : اسكت اسكت والله اني ماشفت وحده حلوه شرات الي فبالي الكل : اووووووب اوووووووب سيف : ومنو هاي الي فبالك ؟ حارب : سبيجه ، لالا رقيه ، لالا سديجه ، لالا عذيجه راشد : منو هذيله ربيعاتك ؟ سلطان : اووووه حروب عندك كل هذيل وماتخبرني ، انزين اتبرعلي بوحده سيف : انا بعد ابا وحده عبدالله : اخخ عليكم شو ها المنكر بعد ( ويصد صوب حارب ) لا تنساني انا بعد الكل : ههههههههههههههههههههههههه راشد : افاا افاا ماهقيتكم جي اشقايل تنسوني حارب : لالالالا انتو اليوم هب صاحيين ، حد مشربنكم شي قبل لاتون ؟ سيف : امممممم هيه انا شربت ماي حارب : باااااايخه والله باايخه سلطان : ههههههههه منو هاي البايخه ؟ حارب : حرمتــــــــك سلطان : هااه عاااد حدك هب على حرمتــــــي الكل : اووووب ها سلطون منو حرمتـــك ؟! سلطان : احم احم وحده الله يستر عليها سيف يهمس باذنه : شكلي اعارفها سلطان : هييهييهييي جان يمرون شله بنات هنود يظحكون كل وحده مخسفه عمرها من خاطر اونهن متكشخات سيف : اوووه سلطون هذي حصلت حرمتك سلطان انصدم : ويــن ويــن ؟ سيف اشر على وحده منهن كانت طويله وسمره ولابسه برمودا حمرا وقميص اسود وشعرها مبطل ولونه اسود وكشـــه من خاطر والقصه قافطه الكل : ههههههههههههههههههههههههههههه سلطان : عنلاتك هاي لو هاي حرمتي عيل ربيعتها حرمتك وأشر على الثانيه وكانت اقصر عن ربيعتها بشوي ولابسه تنوره بيظه قصيره ( لين ركبتها ) وقميص ابيض في رسمه بنت بالوردي بالنص وكانت مبطله شعرها وبعد كشــه راشد : هههههههههههههه اتصدقون يليقون عليكم الكل ماعدا سيف وسلطان : ههههههههههههههه وتموا على هاي الحاله سوالف وظحك وعبط وطنازه فـ بيت سالم وروضه تحديدا فـ حجرة ظبيه توها نشت شيخه سارت الحمام غسلت ويها ولبست مخوره بيجيه وتجحلت وسحت شعرها ورفعته ولبست شيله سوده وتعطرت وظهرت وشافت ساره وظبيه مجابلين التلفزيون وحاطين على حواس ومرتبشين شيخه : صباح الخير ساره + ظبيه : صباح النور شيخه : تدرون انكن متفيجات ؟ ظبيه : ههههههه ندري ، شو نسوي والله ملل شيخه : هههههه مادريبكم يلا عيل انا بنزل بسير عند اميه موزه ظبيه : ترى عبدالله وسعيد وبابا ظاهرين يعني هب فالبيت شيخه : زين زين يعني اخذ راحتي ظبيه : يب شيخه : يلا عيل سي يو ظبيه : سي يو2 نزلت شيخه تحت شافت امها ( موزة ) و عوشه و روضه يالسين تحت شيخه : صباح الخير وسارت حبت امها على راسها الكل : صباح النور شيخه : شحالكم ؟ .. شخباركم ؟ الكل : تمام ومن صوبج ؟ شيخه : ترتوب موزه : يعلج بريل كل ها رقاد ؟ شيخه : بسم الله عليه مابا ريل خلني جي فري احسن ، اميه والله كنت تعبانه موزه : سكتي سكتي كل ما واحد يتقدملج ترفظينه وبدون سبب شيخه : امييه لوسمحتي ما احب ارمس فـ هالموضوع موزه : دومج جي ما اقول غير الله يهديج عوشه : يهدي اليميع انشالله عقب شيخه استأذنت وسارت تتريق فـ العين فدار الزين تحديدا فـ بيت مريم مايد وخميس وفاطمة وميثا ومريم كانوا يالسين تحت فالصاله مريم : شوفوا البارحه انا قايله لعوشه ان بنبات عندهم وحظرت الشيخ مايد مادري بلاه مسولي طاف وماودانا دبي ترى اليوم الملجه مايد : اميــه فديتج والله آسف كنت ويا الربع مريم : مسموح فديتك يالله بنات وشباب سيروا بدلوا وجهزوا لبسكم وخذوا وياكم لبس لأن اليوم بنبات فـ بيت محمد فاطمه : الله ونــــــاسه ميثا : لازم بتكونين مجابله حبيب القلب 24 ساعه مايد وهو يرمس ميثا : جب جب انتي صخي مابا اسمع صوتج مسوده الويه مريم : ويــه ميوود بلاك جي اترمس اختك مايد : ماشي بس ماتسمعين رمستها !! مريم : هههههههههه ماعليك منها هاي ياهل ميثا بوزت : لا والله الحين انا ياهل ؟!! مايد : هيه ياهل شو بتسوين ؟! ميثا تمت معصبه و اونها زعلت جان اتسير حجرتها وتموا مايد وفاطمة يظحكون عليها ، خميس كان فعالم ثاني عنود يت على باله هب مصدق كل ها ظهر من عنود مريم : خموووس فديتك بلاك ؟! فيك شي ؟ خميس : ...... فاطمه : خموووس اميه اترمسك خميس : ..... مايد وهو يصارخ : خمـــــــــوووس خميس وهو توه منتبه : هاا ، شو صاير ؟! فاطمه : اميه يالسه اترمسك من الصبح خميس وهو يرمس امه : السموحه الغاليه قسم بالله ماسمعتج مريم : مسموح فديتك ، بس قلي بلاك متغير هب انت خميس ولدي الي اعرفه خميس : ماشي مريم : يعني بتجذب عليه !! خميس : لالا بس صايره مشكله بيني وبين اربيعي مريم : اهااا جي السالفه يعني ، خلاص فديتك لاتكدر خاطرك ولا تفكر انشالله المشكله بتنحل ، طلبتك قول تم خميس : تـــم مريم : ماباك جي اباك اترد خميس الي اعرفه ولدي حبيبي دلوعي مايد : لا والله فاطمه : انا اعتــــــــرض الحين خموس دلوعج وانا شو ؟ مريم : ههههههههههههه فديتكم والله كلكم حبايبي فاطمه : فديت امااايتي والله مريم : بسج لواته يالله سيري جهزي لبسج واتجهزي ادريبج ساعه الين ماتلبسين وتتعدلين مايد : خخخخخ صدقج والله خميس : ماتعارفون منكر البنات بعد فاطمه : فديت توأمي توه رمس والله احبك يا خموس خميس : ماعلي ان ماخبرت رشود ( ويغمزلها ) براويج فاطمه احمـــــررت وابتسم وسارت حجرتها مايد : ههههههههه اونها استحت اسميهم البنات حركات خميس : يوم اقول انهن منكر مريم : هههههههههه هيه جي اباك رد خميس الي اعرفه خميس ابتسم : افاا عليج يالغاليه ، يلا عيل انا بسير حجرتي مريم : الله وياك ( وتصد صوب مايد ) وانت حضرتك هب ناوي تسير وتبدل مايد : ههههههههه الحين الحين ساير مريم : يـــلا بسرعه مايد : من عيوني يا عيوني مريم : اووه جمله سارونه فديتها والله ، يالله عيل انا بسير مايد : الله وياج وجان يسير حجرته وهو يفكر ان اليوم سايرين بيت خاله محمد اكيــد ساره بتكون موجوده آآه ياساروه والله اشتقتلج ، بس المشكله ها سلطــون يقهــرر فكل مكان ظاهرلي ، متى بتحسين فيه متــى ؟! __DEFINE_LIKE_SHARE__ |
|
| |
| |
|
12-13-2008, 12:44 PM
| رقم المشاركة : [ 4 ] |
| عضو ماسي | البارت الخامس عشر فـ بيت قوم ظبيه تحديدا فوق وين ساره وظبيه كانوا يالسين ساره وجنها توه تذكرت شي : هيــــه ظبوي ظبيه : بسم الله بلاج ؟ ساره : تعــالي عزمتوا خالوه شما ؟! ظبيه : هيييه تعالي نسيت اخبرج هيه عزمناهم واليوم ياين الامارات ساره : مـــالت عليج توه تذكرين ويي والله متولهه عليهم ، انزين متى بيون ؟ ظبيه : اظني طيارتهم بتوصل الساعه 3 الظهر ، تدرين انهم ماخذين اجازه اسبوع عسب ملجتي وملجه رشود اخوج بيتمون عنا اسبوع ونــاسه ساره : حلـــــفي ويا هالراس وماتخبريني بعد ظبيه : والله نسيت ساره : انزين كلهم بيون ؟ ظبيه : يس اوف كورس ساره : ياااي كشخه احس ان بنستانس من خاطر ظبيه : هيه ساره : انزين وقوم خالي منصور ؟ ظبيه : هههههههه شو الطاري يالسه تسألين عنهم ؟ ساره : خخخخ اتأكد ظبيه : مادري بس نحن عزمناهم بيون حتى هم بيتمون اسبوع عنا عسب ملجت اخوج بعد ساره : بيرقدون فـ بيتنا ؟! ظبيه : هههههه ليش ماتبينهم ايون ؟ ساره : مالت عليج اسأل بلاج عليه ؟ ظبيه : خخخخ اتمصخر اعصابج ، هيه بيرقدون فـ بيتكم ساره : بس امايه ماخبرتني ظبيه : يمكن مسوتلج سبرايز ساره : الا قولي يمكن نسـت ظبيه : يمكن بعد ساره : اليوم قوم عمو مريم بيون بيتنا كشخه ظبيه : هيه تعالي اميه عزمتهم صح ؟ ساره : هيه ظبيه : كشــــــخه (الخاله شما : هيه اخت روضه وعوشه الصغيرونه وهيه ماخذه واحد كويتي وعايشه وياه فالكويت بس من فتره لـ فتره تزور خواتها , وهيه عندها بنتين ، ملاك 16 سنه و وجدان سنتين << عقب راح اتعارفون عنهم اكثر ) ( الخال منصور : اخو عوشه وروضه وشما العود وهو عايش فـ شارجه وعنده ولدين هزاع 28 سنه هب متزوج ويدرس فالخارج عبدالرحمن 20 سنه << وهذيله بعد عقب بتعارفون عنهم اكثر ) فالمول تحديدا صوب الشباب حارب : وجي اخباركم يعني الكل : هيــه حارب : ها يموع يقولون اليوم ملجتك يمعه : خخخخ بصراحه اليوم اثبتلي وبجداره بعد انك غبي حارب : افــاا ليـــــــش ؟! يمعه : يعني من الصبح قاعدين يقولون اليوم ملجتي وجي حارب : هههههههههه هيه والله بس عاد هب غبي مره وحده تراها قويه هااه الكل : هههههههههههههههههههههههه سيف : ذكرتني بواحد الله يذكره بالخير كل مانسبه يقول ترى هالكلمه قويه هاه حارب : خخخخخخ انا اعرفه ؟ سيف : اممممم تقريبا حارب : هههههههه شكلي عرفته الكل : ههههههههههههههههههههههههه يمعه : يالله عيل انا بترخص بسير الحلاق وبسير آخذ كناديري من الدوبي و و و و سلطان : فديــت معرسنا ، الله يعينك يمعه : هههه يلا عيل تامروني بشي ؟ الكل : سلامــــــــتك يمعه : الله يسلمكم ، فمان الله الكل : فمان الكريم وجان يسير عنهم يمعه عبدالله : تدرون ان اخوي سعيد مظهرلي قرون سلطان : اشوفك صرت تيــس بصراحه توني اعرف السبب الكل ماعدا عبدالله : ههههههههههههههههههههه عبدالله : تيس الي يلس وياك سيف : ههههههههه يعني كلنا تيوس الكل : هههههههههههههههههههههههههههه راشد : ها جهزتوا كناديركم وسفركم حق ملجة اليوم ترى شي وااايد بنات سلطان : ههههههههههههه وين فطيم عنك ؟! راشد : يالاسود فطيم فـ عينك اسمها فاطمه سلطان : فديتني اسمراني سيف : الاسمراني مر يا يما وقالي ( جان يمدها ويرفع صوته ) هــــــــــااااي فـ هاللحظه وحده اجنبيه مرت صوب سيف هيه تتحرى سيف يقلها هااي جان ترد عليه هــــااي وتمت شاقه الحلج واطالعه وتبتسمله صوب الشباب سلطان : ههههههااااااااااااااي والله انك عجيـب طيحت وحده اجنبيه فـ شباكك سيف : شو قالولك الرجل العنكبوت ؟ حارب : لا اسبايدر مان الكل : هههههههههههههههههههههههه سلطان : ههههههههههههههه اتنكت بعد راشد : والله انكم مخبل عبدالله : من زمــــــاان توك تدري ؟ راشد : شلكي جي ، سيفوو شوف الاجنبيه اسميها ذابت فيــك .. خخخخخخ حارب : ههههههههه صدقك سيف قفط : جــــــــب عـــااد هيه روحها رزت فيسها اصلا انا مارمستها حارب : هااه هااه اعترف سلطان : عليــــــنا يا بو التقردين ؟! سيف : افاا يا سلطون انا بو التقردين!! حراام عليكم كله تظلموني راشد وعبدالله : يلا سيفو 1 2 3 اهئئ اهئئ الكل : ههههههههههههههههههههههه سيف : ويا روسكم تطنزون عليه هااه حارب : لا شكلهم يحاولون راشد : هب جنكم وايد مستانسين ؟ ، ترى ورانا شغل لازم انسير المطار انيب خالوه شما وريلها وعيالها سلطان : منو هذيله بعد ؟ سيف : ههههههههه الله يغربك هااي خالوتي اليوم يايه من الكويت اتخيل بتم عندنا اسبوع عبدالله : تدرون حتى خالي منصور اليوم ياي راشد : هيه خبرتني امااايه سيف : صــــــــدق !! سلطان : تعالو هزاع رد من السفر ؟ راشد : لا ما اظن حارب : خخخخخ منو هذيله بعد ؟ سيف : اهلنا .. لوول حارب : اهااا يلا عيل شباب انا بترخص بسير البيت ماباقي شي على صلاة اليمعه راشد : هيه والله سلطان ينشد : الا صــلاتي ما اخليها سيف يكمل : اهي حياتي ودنيتي فيها الكل : هههههههههههههههههه وكل واحد منهم نش من مكانه وتوجه لسيارته وحركوا صوب بيت حميد ميره كانت يالسه ويا حصه وامها فالصاله الي تحت ميره : وين سار احمد ؟ حصه : ترى ودى عبيد المول ميره : اهااا ، اماايه ترى انا بسير الصالون ويا ساروه ام احمد : زيــن والمطلوب ميره : خخخخخخ فديتج ابا بيزات ام احمد : ههههههه ادريبج ، سيري عند ابوج وخري منه 1500 ميره : بـــــــس !! ام احمد : ليش كم تبين ؟! ميره : 5000 درهم ام احمد : لا والله ليش انتي العروس وانا مادري حصه + ميره : ههههههههههههههههههههه ميره : لا هب جي بس الاحتياط واجــب ام احمد : سيري سيري عند ابوج الله يهديــج ميره : انزين قولي حق ولدج الثور خل يوديني بيت قوم ظبيه سلطان وهو توه حادر سلطان : الثور الي بياخذج يالثوره ، السلام عليكم الكل : هههههههههههه ، وعليكم السلام سلطان وهو يطالع ميره : انا الثور هاااه ميره : انا قلت سلطان ؟!! لا ماقلت بلاك شاك فـ عمرك حصه : ههههههههه لا والله يعني احمدااني هو الثور !! ميره توهقت : افــاا اخواني ثيران لا حشى الكل : هههههههههههههههههههه ميره : سلطان فديت راسك وفديت خشمك وفديت حرمتك ودني بيت قوم ظبيه عقب الغدا سلطان : اييه اييه اييه لاتتفدين حرمتي اغاار عليها حصه : اوووب اوووب اوووب منو هاااي بعد ؟ ميره : ههههههه هاي وحده امها داعيه عليها خخخخخ سلطان : انجبي ترى مابوديج ميره : لالالا لو جي السالفه ايم سوو سوووري سلطان : هههه خلاص قلبت اعتذارج جلبي ويهج ميره : مــالت عليك الشيخه ميره تتأسفلك تقلي جلبي ويهج سلطان : اووووكـــي دوريلج حد غيري يوديج ميره : اوووووه خـــلاص ، افف كل من هاللسان انا مايخصني الكل : هههههههههههههههه سلطان : زين يوم تعارفين ان لسانج طويل ، يباله قص ميره تمت تتحرطم وسارت صوب ابوها عسب تاخذ منه بيزات حق الصالون عقب مر الوقت وساروا الشباب المسيد وصولوا وعقب ردوا اتغدوا وصارت الساعه 3 سلطان خذ ميره ووصلها بيت قوم ظبيه وعقب سار صوب قوم سيف ، سيف كان ويا راشد كانوا يتجهزون عسب يسيرون المطار ويبون خالتهم راشد : سيفو وسلطون انتو تعالوا وياي سيف + سلطان : اوكي عقب حركوا الشباب وساروا مطار دبي تقريبا وصلوا عقب نص ساعه نزلوا من المطار سلطان كان هب كاشخ وايد بس كان لابس كندورة بيظه وكاب اسود وفيه رمسه بالابيض وشعره ظاهر من ورا وسيف شراته << كانوا مطقمين ، وراشد كان لابس كندوره بيضه ومتسفر بسفره حمرا وكان شكلهم هالثلاث كيوووت تموا يترون شما الين ما وصلت هيه وريلها وبناتها ( يوسف : ريل شما وهو كويتي وهو اسمراني وعيونه سود وريال طيب ويحب حرمته وعياله واايد .. ملاك : بيظه وعيونها سود وشعرها اسود وعمرها 16 .. وجدان : بيظه وعيونها سود وشعرها الين جتفها اسود ونعيم واايد حلوو وهيه شوي دبدوبه وعمرها سنتين .. ) شما : هاذووه راشد ولد عوشه ملاك : وينه وينه ؟ يوسف : ملاك يوزي عن الحركات البايخه ملاك : بابا انا شسويت بس سألت ابا اشوف ولد خالتي راشد : مرحبا بـ خالوتي (ويسلم عليها ) شحالج ؟ شما : مرااحب ، تمام ومن صوبك ؟ راشد : يسرج الحال الحمدالله على السلامه شما : الله يسلمك راشد وهو يصد صوب يوسف :هلا هلا بـ عمي يوسف يوسف : اهلين ، شلونكم يا اهل الامارات راشد + سيف + سلطان : تماام وتموا يسلمون على الكل ويسألون عن الحال سيف وهو يشل وجدان : واااي فديتها كيوت خالو منو ها ؟ شما : ههههههه هاي بنتي وجدان ( وتأشر على ملاك ) وهاي ملاك سيف : عاشت الاسامي ملاك : عاشت ايامك ، انت منو ؟ سيف : احم احم انا سيف طال عمرج ملاك : عاشت الاسامي ( وتأشر على راشد ) وها منو ؟ سيف : ها اخوي راشد ملاك : اهاا ( وتأشر على سلطان) عيل ها منو ؟ سيف : هههه ها سلطان ولد عمي ملاك : اهااا ووين ساره وحصه ؟ سيف : فالبيت شما : ملوكه بسج اسأله لعوزتي الريال سيف : هههههههه لا عادي فديتج عقب اتريوا الين مانزلوا اغراضهم من الطياره وشلوهم وعقب حطوا الاغراض فالسياره وركبوا وتوجهوا لبيت محمد كانت عوشه هناك تتريا شما اتيهم عسب شوي يريحون بعدين يسيرون الصالون حق ملجه ظبوي ، وصلوا البيت ورحبوا بهم ترحيب غاوي ويلسوا يسولفون وياهم شوي عقب ساروا قوم شما الجناح الي عوشه راوتهم اياه عسب يرتبون اغراضهم ملاك : ماما تدرين ان عيال خالتي عوشه حلويين شما : هههههههه هيه فديتج اصلا شباب الامارات كلهم حلوين ملاك : لا مو شرط حتى شباب الكويت حلوين شما : كويتيه مالومج ملاك : ويي فديتنا اشفينا ؟ شما : اووه ماقلت شي ، يالله سيري جهزي اغراضج بعد شوي بنسير الصالون ملاك : اوكيــك وعقب 10 دقايق بالضبط وصلت مريم وعيالها ورحبت ابهم عوشه ويلست وياهم شوي عقب وعطتهم هم بعد جناح خاص ابهم عسب يرتاحون وساروا يرتبون اغراضهم ويتجهزون فـ بيت سالم وروضه ساره : ظبـــــووووي يالله اتأخرنا ظبيه : افففف يايه ساره :بسرعه نحن حاجزين الساعه 3 ونص الحين الساعه 4 اخرتينا ظبيه : هههههههه اتريي والله يايه عقب ساروا كلهم وركبوا السياره وكانوا ( ظبيه + ساره + ميره + شيخه ) ومن الصوب الثاني فـ بيت محمد ( ملاك + شما + فاطمه + ميثا ) ركبوا السياره وساروا ويا سيف عقب كل البنات التقوا بالصالون سلموا على بعض ، وسلموا على خالتهم شما وتحمدوا لها بالسلامه ويلسوا يتريون دورهم وظبيه حدرت الحجرة عسب اتخلص هيه اول وحده تراها اهم وحده فالملجه وعقب مر الوقت وسارت الساعه 7 خلصوا كلهم وردوا البيت وسارت كل وحده تلبس فستانها __DEFINE_LIKE_SHARE__ |
|
| |
| |
|
12-13-2008, 12:46 PM
| رقم المشاركة : [ 5 ] |
| عضو ماسي | ( ميره : كانت لابسه فستان بيج وفيه حركات عالخصر ، وحطت ميك آب خفيف تدرجات البيج ودخلت فيه شوي عنابي وكان ميكبها وايد روعه ونعومي وكانت رافعه شعرها كامل ومنزله خصلات على ويها وكان شكلها خبـــاال .. ساره : كانت لابسه فستان تركوازي << كان ظاهر اللون عليها خبااال ، وفيه حركات عالخصر والصوب النك ، وكانت حاطه ميك اب خفيف تدرجات التركوازي ومدخلين فيه شوي من اللون الوردي الفاتح وكان بعد شكله وايد روعه ونعومي وراقي ، وقصت قصتها مدرجه وكان شكلها متغير وشعرها كانت مسويلها كيرلي وباف من الفوق وصدق كانت محلـوة وشكلهــا روعــه .. ملاك : كانت لابسه فستان قصير الين الركبه لونه ليموني وحاطه ميك اب ليموني وكانت مستشوره شعرها ع برع وكان شكلها كيــووت وفطوم : كانت لابسه فستان ازرق فاتح وبسيـــــــط وحاطه ميك اب واايد سمبل وكانت رافعه نص شعرها وكانت محلوه وكان وشكلها طــرر .. وميثا : كانت لابسه فستان قصير تقريبا شرات فستان ملاك بس لونه زيتي واللون كان خباال على ميثا وكانت مسويه بف بشعرها وحاطه ميك خفيف وكانت محلوه .. شيخه : كانت لابسه فستان عنابي وكان مخصر على جسمها وكان شكلها رووعه وحاطه ميك اب ورافعه شعرها كامل ومسويه حركه فيه وكان واايد محلوه .. شما : كانت لابسه فستان برتقالي وحاطه ميك اب فنان و مسشوره شعرها وكان شكلها روعه .. حصه : كانت لابسه فستان احمر وحاطه ميك اب احمر فــاتح ومسويه تسريحتها شرات ميره رافعه شعرها ومنزله بعض الخصلات وكان شكلها روووعــه .. و عوشه + مريم + روضه +مهره + موزه + ام احمد كانوا كل وحده لابسه مخوره فناانه عاد كل وحده كانت احلى عن الثانيه .. واخيـــرا العروس ظبيه : كانت لابسه فستان ودري روعـــــه وفي وايد حركات وشغل و وحاطه ميك اب خبـــال روعــه درجات الوردي ومدخلين فيه كمن لون وكانت مسويه بشعرها حركه غريبــه بس واايد كشخه وكان شكلها متغيــــــرر وكانت صدق محلوه لدرجه اظني هيه كانت احلى وحده فالعرس .. ) نزلوا كلهم تحت الا ساره وميره تموا ويا ظبيه الي كانت صدق صدق زايــغه من خاطر ، وكان واايد ناس ياين مر الوقت بسرعه وكانوا حاطين اغاني وحشره جان يتصل عبدالله بامه عسب يعطيها الدفتر وتوقع ظبيه ظهرت ام عبدالله وشلت عنه الدفتر وسارت صوب ظبيه __DEFINE_LIKE_SHARE__ |
|
| |
| |
|
| مواقع النشر (المفضلة) |
| الكلمات الدلالية (Tags) |
| ليشّ, تتعّمـد, تعّـذبنّي, ؟..}~* |
« شاب سعودي يتزوج حبيبته رغم بتر ساقيهاقصة حقيقية..ارجوقرائتها بالكامل لتعرف المستحيل...حياكم.....
|
بحضر زفافك يا حياااااااااااتي ( قصة صارت في بوظبي) »
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بَڪٌلْ [ هُدۈَء ] أخَطۈآ خَطۈَآتيْ.ِ~ | شذى الحب | تراحيب وتهاني | 5 | 06-13-2010 11:41 AM |
| أمُوت مرّة لو أحسّڪ تضايقتْ ،/ و مليُـون مرّة لا إختنـق صُوتڪ بـ آه ،! [BB wallpapers | نظرة ودآع | برامج وصور وثيمات والعاب بلاك بيري و IPhone | 22 | 04-19-2010 12:57 PM |
| ليشّ تتعّمـد تعّـذبنّي ؟..}~* | شوق الريم | قصص و روايات | 9 | 10-07-2008 03:47 AM |
الساعة الآن 12:33 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227