يا نور كل الإمارات=تدللي وأنا عليه دلالك

صادق · #1 08-07-2010, 12:08 AM

إهــــــداء الـــــى مــــن دعــــــاني للتسجيــــــــل في هــــــذا المنتــــــــــدى

وجــــــــه القمــــــــــر

[poem=font=",6,teal,bold,italic" bkcolor="transparent" bkimage="http://vb.ma7room.com/mwaextraedit2/backgrounds/155.gif" border="groove,4,red" type=1 line=1 align=center use=ex num="0,black""] وجه القمر يا نور كل الإمارات=تدللي وأنا عليه دلالك
ما أرفض طلب لو كان به دمع وآهات=وأنتي طلبتي شي واليوم جالك
قصة غلا ما برمجتها عربسات=والبث حصري في زوايا مجالك
شي(ن) تجاوز بك حدود الخيالات=لا تتعبي جسمك وقلبك وبالك
لو شفتي في شعري جميل العبارات=شعري جماله ياخذه من جمالك
أنتي أميرة قلب صادق ولاآت=صادق تبدل بالنعم لك لحالك
إي بالله إني طالب رضاك بالذات=وودي أقضي باق عمري قبالك
نقضي العمر ما بين روحه وجيات=وكل العواذل ما تقطع حبالك
يا جعل تفداكي جميع البنيات=وجميع من في الأرض جعله فدالك
ما شافت عيوني ولا بالمنامات=مثلك ولا حتى يقارب مثالك
يهز قلبي طاري الشوق باسكات=كنه على الهزاز جاه اتصالك

والا كما صوت الفيراري من فيات=فوقه خفوق اللي تعجل وصالك
من حبكم قاطع جميع الإشارات=بالسرعة القصوى خفوقي مشى لك
حبك مخلد داخل القلب ما مات=لأنه شهيد(ن) في معارك نزالك
إن تسكني قلبي بدون الإجارات=هذا لأن القلب راضي بذلك
لكن تشوفي في خفوقي حكايات=جنونها يا وجه ما هو طرى لك
من البشر فيني عميق الجراحات=كم واحدن يجرح ولا هو درى لك
والناس تبغى مننا اليوم حاجات=ولا تنطري ياوجه منهم جزا لك
بهج منهم هجة الكنج باسكات=وأنتي على المحروم شدي رحالك
عرفت مما نزلته السماوات=انك لوحدك تسألي عن فعالك
وان الغني من صاحبته القناعات=وان الفقير اللي بفقره شكى لك
وان الشرف في الآخرة بالعطاءات=تعطي يمينك دون تدري شمالك
وانك بعفوك عن جميع الخطيئات=قد تحرجي من بالخطايا سعى لك
وان الأمل يعني من الورد باقات=وإن اليأس مدفونها في رمالك
وان أكثر اللي نسمعه جيب أو هات=وأقل شي(ن) نسمعه خذ وجا لك
وان التعالي والتكبر من صفات=ناس(ن) تجي أدنى من أدنى نعالك
ومثل الذي يحلف مع الله بالات=مثله مثال اللي بغيره وشا لك
وإن العدو اللي يبيعك على فتات=وان الصديق اللي يصدق مقالك
وإن المحبة ما تثمن بالأبيات=وان الشعر مهما على ما رقالك
واختامها مني سلام وتحيات=وأشواق تترى من خفوق(ن) دعا لك[/poem]

مــــــــن أشعــــــــاري
__DEFINE_LIKE_SHARE__