اعظم الدورات

!هاه! · #1 07-24-2010, 09:07 PM

السلام عليكم ..

شحالكم ؟؟ عساكم بخير ؟؟ ..

انا بالعاده اغلب مواضيعي او كلها تكون في قسم تصاميم الاعضاء ..

اليوم حولت ع القصيـد هع ..

حبيت احط لكم قصيده من كتاباتي المتواضعه ^^ ..

وبغيـت رايكم فيها ..

القصيده بعنوان اعظم الدورات ..

سئمت من هالحياه و دوراتها
يوم اكتشفتها مليئه بدورات
واعظم دوراتها عشت انا مجرياتها
اروي تفاصيلها فهالقصيده بابيات
لي خل(ن) تعجز توصفه ابياتها
دايم فعينه حابس(ن) دمعات
وسئلته فيوم وش سباتها
وحاول يغير الموضوع بتصريفات
قلتله ماتمشي علي تصريفاتها
قال : ابد ماهي الا سخافات
مابي اكدر بروحك و راحاتها
قلتله فضفض واترك الراحات
قال : روحي عافت سكاتها
والقلب يشكي كثرة الطعنات

والعين فالخفا زايده دمعاتها
وخوي(ن) بقربه تزين اللحظات
وفبعده عيني اداري بكياتها
دايم يحكي لي عن الي فات
عن مواقف خله ونهاياتها
وانا اسمع وفالقلب ونات
واحاول اخفي العين وعباراتها
وارسم بوجهي احلى الابتسامات
لجل مايدري بالروح ونياتها
وسكت وطالعني بذيك النظرات
وكن روحه خانقته عبراتها
وقال : قلتلك ماهي الا سخافات
وتنهد لو ماتنفعه تنهيداتها
وبعدها سكت وطول السكات
وعقبها الساعه طالت اوقاتها
مادرا انه عدني من الاموات
يومه حكى لي القصه ومجرياتها
وبكذا انعادت اعظم الدورات

وسواالم ..

ارقـب ردودكم .. __DEFINE_LIKE_SHARE__

الرهيب القطراوي · 07-25-2010, 09:06 PM

يسلمو يا اختييي
هاه

كلمات روعه صح لسان القائل
وسلمت ايادي الناقل
وننتظر المزيد
الملاحظه: الكلمات روعه ولكن ينقصها قليلا التدقيق في الوزن والقافيه ولكن المحاوله جيده وتستحقين التقيييم وإلى الأمام.
&&&
إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور

انا ابدوي ثوبي على المتن مشقوق
مــثل الجـبال السـمر صبري ثـباتي

& الودعاني عاشق الريان القطري &
__DEFINE_LIKE_SHARE__

ઇ النورس ઇ · 07-26-2010, 01:32 AM

وعليكم السلام ورحمة الله وبركاته

مرحبابج ختيه

منوره قسم الشعر ^ـ^

قصيده جميله الصراحه

الفكره حلوه .. والاسلوب أحلى ^^

صح لسانج واعتلا شانك

شدي حيلج أكثر فالوزن

حاولي انج لما تكتبين .. تلحنين القصيده على لحن معين

وبتكون القصيده موزونه ان شا الله

أرقب قصايدج اليايه ^,^

وفي انتظار تفاعلج

تقبلي مروري المتواضع

النورس __DEFINE_LIKE_SHARE__

!هاه! · 07-26-2010, 05:59 AM

تسلمون خواني ع المـرور .. منورين البيج ..

ومشكورين ع الانتقادات ..

مع اني كنت اتحسب ان القافيه والوزن تمام ^^ ..

بس باخـذ بنصيحتك اخوي النورس ..

اشكـر ثنيكم ع الكلماات ^^ .. واشكـر تقييمك اخوي القطراوي ..

ومشكورين مره ثانيه ع المـرور .. __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري