تروح تصلح سيارتك يعدمونها لك

محروم.كوم · #1 07-08-2010, 10:50 PM

السلام عليكم ورحمته الله وبركاته

أمس كنت بصناعية الدمام بحي الخضرية
طبعاً حاط الموتر أزين به حاجة
اللي حصل كان فيه ورشه بجانب الورشة اللي فيها سيارتي
وكل العاملين فيها من اليمن وعددهم تقريباً 5-6

اللي حاصل كان واحد فيه يعدل بموتر وطلع ناقصه قطعه
وصوت على واحد منهم علشان يروح يجيب القطعه الناقصه
قبل ما يسكرون محلات القطع الغيار لصلاة العشاء

وعلى طول طلع ويركب ألتيما لونها أسود موديلها تقريباً 2006-2007
ويفجرها ويمشي بسرعة جنونية بشوارع مكسرة ومحفرة وكلها مطبات

ويوم انه رجع قبل المحل ب10 أمتار يسحب هاك الجلنط ويوقفها على زحفه
ويدخل مبسوط ومستانس ويعطيه القطعه
عاد انا بالبداية فكرت ان السيارة له وكيفه مالي دخل
بس تفاجأت لما قالي الفلبيني اللي يصلح بسيارتي
ان الموتر هذا حق زبون حاطها من الصبح وقالوا له يجي باليوم الثاني يستلمها

وطول اليوم رايحين جايين فيها ولعن وتكسير بها

واللي زادني قهر يقول انهم دايم ياخذون مواتر الزباين بالليل ويتمشون بها
طبعا على اساس انهم يسكرون محلهم بعد صلاة العشاء؟؟؟؟

وعلى هالاساس احب انصح جميع اخواني بمنتديات مكشات انهم مايحطون مواترهم في اي ورشه
ويقعد فوق راسه لين مايخلص الموتر
لا تتحجج بالاشغال ولا بحرارة الجو

لأن زي ما سمعنا يلعبون بالموتر والشي الآخر يفكون قطعها الاصليه
ويركبون قطع تجارية او من سيارات أخرى
وبعضهم لما تجيب له القطع الاصلية ما يركبها يركب لك تجاري ويرجع القطعه ويستفيد من قيمتها

طبعاً انا ما اعمم على الجميع بس وللأسف الاغلبية كذا
والسبب انعدام الضمير والخوف من الله
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري