والله مدري ليه ضايق ومخنوق

محروم.كوم · #1 07-08-2010, 04:00 AM

والله مدرى ليه ضايق ومخنوق ,,
واحس به نبرة بكا في كلامى ,,

لالاتهيّضنى على الدمع ياموق ,,
ادنات والله ما يمطّر.....غمامى ,,

ياعين كانه دمع هليه ولــ فوق ,,
ماودى اشعر بانكسارى امامى ,,

الليل كله لين صافحنى شروق ,,
وانا اليّل هالصباح ......بظلامى ,,

كل السما رعد وبكاءات وبروق ,,
حزن تزبّر فى سماى. امترامى ,,

(بشويش تكفه) لامس الجرح برفوق ,,
كذبه تراها ضحكتى وابتسامى ,,

ثوب الفرح ياسيد الهم مشقوق ,,

شفها تراجف من لبسته عظامى ,,

شفنى نخل كلى عذابات وعذوق ,,
لالا تهزّ........ولاتطيّر.....حمامى ,,

المصدر: منتديات مجنونات

مافيه داعي تهلّ الدمع من شااني
بكره يقولون ليه يالحبّ بكيّته

انا تمنيّت تذكرني وتنسااني
وانته ياليتك تمنّى اللي تمنيّته

رسايلك جااات بين اسمي وعنواني
وتعلقّت بين ضيّعته ودليّته ؟؟

بعض البشر لو يدوّرني ما يلقااني
وبعض البشر لو يجاذب سيرتي جيته

لا تنشغل خلنيّ يا سيد خلاّني
استسمحك وقتي اللي معك قضيّته ؟

قولي ( ؟ )الحلم خلّيته وخلاّاني
او قول بالعكس خلاّاني وخليّته ؟؟

ياسيفي ودرعي وخيلي وميداني
البيرق المنكسر لرضااك رزيّته ؟

اموت من ضيقتي مير الله احياني
وجوارحي نوب لا حيّه ولا ميته

رغم اني اعاني من الوقت ما اعاني
مسحت صبري على جرحي ودااويته

فرشت لك قلبي وشلتك وسط وجداني
وارتحت في قلبي المفروش واذيّته

في ذمتك لا ترااودني على اجنااني
وصلت حدّ الجناان ولا تعديّته

وان قلت وش جاك مدري منك وشجااني
مغير مديّت لك كفيّ وعضيّته ؟؟

ماعاد مع راسي الا روس جنحااني
والريح لاهبّ مع طاريك هبيّته

اسمح لي اجر صوتي واسحب الحاني
والشعر لا ضقت غنّااني وغنيّته ؟

العام 00 انا مبتلش في عقدة الساني
واليوم 00 انا شاعرن ما ينهدم بيته

ومافيه داعي تهلّ الدمع من شااني
بكره يقولون ليه يالحبّ بكيّته __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري