Ŵђęň Ľỗve Ŧũŗňś to Ŕęăľįŧy--->Śăђįỗ Śŧỗŕy

شيب الحلا · #1 10-10-2008, 12:40 PM

بسم الله الرحمن الرحيم

السلآم عليكم ورحمه الله وبركآته

آشحالكم ربكم بخير؟

من زمان ابتعدت عن الكاتبه من سنه تقريبآ
يوم حنيت للكتابة قعدت آفكر عن شو تتكلم قصه الي بسردها لكم
بشو اتكون نهايتها انا لي شهر تقريبا افكر عن شو بكتب
وقررت عن شو بكتب ^.^
لي يومين اختار عنوان للقصه طبعا اهم شي العنوان والمضمون
والعبرة في النهاية =)

اليوم بسدح لكم قصه الثانيه مختلفة تمآما في شخصيتها وآحدآثها ونهايتها ..

وآحداثها من وآقع نعيشه هـ الآيام
~
آتمني من الجميع انهم يردون ردود تساعد اني آكمل القصه والابتعاد عن يسلمو ومشكورة

بقلم
شيب الحــــــــــــلا

بـ عنوآن ~

Ŵђęň Ľỗve Ŧũŗňś to Ŕęăľįŧy--->Śăђįỗ Śŧỗŕy

بمعنى عندما يتحول الحب الي وآقع

الحلقة الآولۓ

شخصيات تعرفونها من خلآل القصه~ْ

في الصآلة سآعه6 صباحاً

{شط الحشامن شط به والقلب مني صوبه واللي مريح ولا دريلي حل بي ماحل به~ْ

آم نهيان تمشي بريحاتها ترمس روحهآ
"ياربي شو هذليه البنات للحين ما نشن"
"اسميهن محد يضوي حد شراتهن خمده كله"

آم نهيان رآحت حجره شمسه توعيهآ
آم نهيان: شمسه يلآ يآ آمي نشي دوام..
شمسه:اهمممم .
آم نهيآن: شمسه تقومين لآ اصب عليج ها قلآص مآي~تهمهمين جنج ميهودة
شمسه (بعين مفتوحه والثانية مسكره): خلآص خلآص هاذوه نشيت والله..

راحت ام نهيان توعي موزه وشيخه وحمده

بعد سآعه................ 00:7

في الصآلة

موزه: آقول وين نهيانوووو..
شمسه محطيه ايده ع خدها:نهنه ماعرفش فينوه~
حدر نهيان سمع اخته يوم تزقره نهنه.
نهيان:آقول لوع الله جبدج انتي و ها الدلع مآلج.
شمسه بنظره براءة: هيه صح مواز جيه نهيان آصغر عيآلج دلعينه نهنهماتعرفين انه البجر..
موزة: حسبي الله عليج يا جذوب ..
نهيان يهوس ع اذون شمسه: عن الخرط سمتعج وشفتج ..
موزة:ظهر الحق و زهق الباطل.
شمسه تفرها بالمخده: جي نحن بحرب وانا مآدري
نهيان:امفف عليكن حشره.

يعلني مآخلآ منك عسآني آفرح بك يآخوي والله انك نور هالبيت كله عسى ربي لآ يحرمنا من شوفتك~
كلآم العيون شمسه لآخوها نهيان~

___

في المطبخ

شيخه حادره المطبخ ترمس اختها حمدة: محلآت ريحت محلا من ايدنيج.
"تراني متيه يوع حمدوتي"
"آقلج وين العسل"
حمده( مبطله عيونها) : حشى صارطة رادو من صبآح الله خير.
شوآخ: هب هبآج الله...قولي مآ شاءالله..
حمدة: مآ شاءالله بس سكري حلجج.

في دار الزين "العين"

شمسه: حشى هآي شو تسوي في المطبخ ذبايح انا مآدري.
موزه: قومي صلبي عودج هآتي رويق فآلحه تحرطمين بس.
شمسه:اكرمينا بسكوتج آنسه بنانا.
موزه:امفف عليج.
(حدرن حمده شواخ فديهن صينيه محلآ)
ام نهيان نزاله من تحت: يعل ايديج الحنآ يا حمدة.
شمسه: افا و شميس مالها من الدعوه نصيب.
نهيان بنظره حآدة: ابا اعرف ليش الغيرة لي بتحرق يوفج.
شمسه:مامي شوفي نهنه.
نهيان طآآآآخ ع راس شمسه ما يحب تزقره جي.
ام نهيان: الله يهديكم~ْ
حمدة هي تضحك ع اخوانها: امين.

عذيجة هي ام نهيان عمرها 40 سنه بعد توفى ريلها هو ابوا نهيان ماعرست معنه تقدموا له وايد قالت نصيبها ربي خذاه مع ريلها تكرس كل حياتها في تربية عايلها.

نهيان:23 خذ من صفآت ابوه في طيبه وآخلآقه ماخذ من آمه الجمال خشمه طويل سيف حنطاوي وعيونه وسآع~ْ ويشتغل ادراه آعمال بالشركة لي ورثاها عن ابوه الله يرحمه

حمدة عمرها 22 سنه ما تدرس قآعدة في البيت ان شاءالله تعرفون شخصيتها من خلآل الاحدآث.

شيخه: عمرها 21 سنه دوم و يا حمدة آختها بس مشكلتها وايد حساسه.قاعده في البيت بعد ما خلصت دبلوم

شمسه:20 تدرس في الجامعة كتومة لآبعد الحدود بس ها كتمان يمكن ينفجر بيوم تبوح ما في خاطرهاْ~

موزة:19 سنه تدرس ويا شميس في الجامعة مواز اتحب وايد شميس صح تجوفونهم يتهادن آكثر شي بس ترتاح وايد لشمسه تبوح وتشكي حالها ل شمسه.

{"حل ابحشايه يا ملا حب الحبيب وابتلا والقلب دونه ما سلا شط القواد وعذبه"~

في الجآمعة
العنود: حي الله اشميس. (توايها)
شمسه: الله يحيج ويبجيج ومن الشر ينجيج.
العنود: شحالج يعلج بخير..
شمسه تناظرها بنظرو حنونه: وليك تبريني انا منيحه بشوفت وشك الحلو(ويهج)
العنود تضحك :لآ يق عليج تكونين منهم.
شمسه: ايه شو بهن يعني كل يوم بئولي وليك تبرني..........................و انا بقول في خاطرية آمين.
العنود: الله يعينه من بيضويج.
شمسه حست بهوادها انقبض: جب جب يحمد ربه والله.

في شركة
ابو نهيان الله يرحمه

سوزان: حاضر استاز نهيان.
نهيان: مشكوره احين تفضلي ع مكتبج.
سوزان: طيب استاز....تظهر خاري المتكب
وفجآة يتبطل الباب بالقووو
سعيد: مرحبا ولد العم.
نهيان وابتسامة هاديه: مرحبا باجي ولآهان في ذميته ويخاشمه.
سعيد: ياريال وينك لآحس ولاخبر ..جنه الا عرست محد درى بك.
نهيان يضحك ع ولد عمه: في ذمتك وين افضى عشان اعرس.
سعيد بنظره خبيثه: قلت يمكن بعدين نحن بعصر السرعة كل شي يصير فيرست.
نهيان:الله ينطبك ويضحك العرس هب منه ودرب.
سعيد: زين فكنا من طآري العرس سندرت رآسي.
نهيان: هب جنه انت بطلت سالفة... يضرب ال جرس يزقر سوزان :تعالي سوزان.
"حاضر استاز"
سعيد يعدل سفرته
سوزان تحدر: تفضل استاز بدك شي مني.
نهيان: ماعليج امره اباج تسوين لنا جاهي.
سوزان: ايه تكركم عينك استاز.
سعيد من دون مايحس ع روحه:تسلم لي عيونج.
نهيان ابستم ابستامه بمعنى انطم يا سعيد
بس سعيد ماعبر نهيان ولد عمه تم مبهت في سوزان مبطل حجله
سوزان ابتسمت: تومر شي تاني استاز نهيان.
نهيان: لآ مشكورة..

سعيد عمره 23 طبيج نهيان وايد ربعاه بس مشكلته مغازلجي درجة آولي ولي بقلبه ع لسانه~
يا ترى شو بكون دور سعيد بقصتنا؟!!

في السيارة بعد ماخلص دوام

موزة طربانه وتغني : طاير من الفرحه طاير وقلبي على نار ناطرثاير من الشوق ثاير وحشني شوف اشميس مدري شقدم هديه كل شي اشوفه شوي هي نجمه الشرق هي وهي عروس الخليج..
شمسه تصفق :عاشو بنانا مدري نسيت............................. هي تذكرت
موازه مني وفيني مكانها وسط عيني ابيها واهية تبيني هذا الحكي من زمان...
تمن طربات لين وصلن البيت..

في الصآلة

آم نهيان: حي الله البنات.
شمسه تحضن آمها تحبها ع راسها: الله يحيج امي ............... يعلني ماخلا من شوفتج.
موزة تحب امها: شحالج آمي .
ام نهيان: بخير طاب حالج.......يالله قومن بدلن بنحط الغدى
شمسه وموزة:ان شاءالله.

في غرفة البنات
موزة:اشميس اممممممم ابا اقلج شي.
شمسه:قولي ..
موزة تنهدت خلت ينب شمسه يقشعر
:اشقت له يا شميس.
شمسه صخت:................مدت ايدينها ع ويه آختها رفعته:آرمي حمولج ع ربج صدقيني لو يعرف انه مواز بنت حمد اتحبه هالحب جآن ضوآج بعبآتج.
مواز:اهممممممم
شمسه لوت ع آختها: موزة لآ تفكرين حيآتي ان شاءالله بكون من نصيبج مادري عندي احساس انه لج
ماباج تندمين التفكير لانه ربج ولي تدبير..
موزة حست برآحه:الله يسمع منج~

في غرفة الطعام

شمسه ترد لذاكرتهآ لوراء تذكرت موقف من بينها وبين ولد عمها
قبل سنتين

آم نهيان في ايدينها المدخن: شمسه شلي المدخن ودخني المليس الريايل.
شمسه تشل من ايدين امها المدخن: امي اخاف حد يطب عليه وانا ادخن.
ام نهيان: عادها ساعة ما صارت 12 .............واخوج ولد عمج يلفونا ورا الصلآة
شمسه هي رايحه صوب المليس: ان شاءالله .
بطلت باب المليس حست برعشه من كثر البراد
راحت صوب تلفزون بطلته ع قناة حواس كانو حاطين اغنيه ميحد حمد

هالدنيا حلوه بشوف عيونك الحلوه
يامن غديت بحياتي كلما فيها

إن غابوا الناس عني قلت انا فدوه
إلا انته لا تغيب عن عيني وتجفيها
إن قلت أحبك ترا ماقلتها رضوه
من كل قلبي أحبك صدق وعنيها
لكن خذني حبيبي خطوتـ(ن) خطوه
بكره الليالي تفسر لك معانيها
آنا تمنيت شوفك في العمر منوه
والروح تسأل عيوني وين غاليها
وأحلم بك ان كنت صاحي والا في غفوه
واليوم دنياي تتحقق أمانيها
ياقلب طيب أبد مايعرف القسوه
ياسنين شفت السعاده في لياليها
من نور حسنك غدت أيامنا حلوه
تحلا بشوفك ويحلا كلمافيها

خلصت اغنيه اول بيتن ترددهم شمسه

شمسه : هالدنيا حلوه بشوف عيونك الحلوهيامن غديت بحياتي كلمافيها..

حسب برعشه بجسمها يوم سمعت بنصخ حد وراها تمت تنفضض محلها
حمد: اسمحيلي بنت العم مادريت حد بـ الميلس..
شمسه بعد عاطنيه ظهرها ....جان تتغشى بشيلتها صدت صوبه........... بعافية ظهرت رمسه : مـ...سموح.
ع الطول شلت عمرها صوب حجرتها كان شعورها مختلط بين فرحة والخوف
صوب حمد يحس ان هواده انقبض من جافها وتم يتفداها في خاطره..

ماحست شمسه الا بـ نهيان يقطع حبل آفكار المودة والشوق لحمد
نهيان:"اشميس ناوليني الملح.
نهيان بحس عآلي: شمسه ناوليني الملح.
شمسه ماحست غير دمعه طاحت ع خدها مشتها بسرعة من دون حد ينتبه: ها .
نهيان يطالعها: من قال ها سمع .....................عطيني ملح.
شمسه تناوله الملح بابتسامه باهته

في بيت ابو مايد

مايد : امي عاده ابا اعرس خلاص ترا مليت.
جاسم ياشر ع روحه: امي انا وياه ابا اعرس.
ابو مايد يضحك ع عياله: جيه هي حلآوه .
جاسم: افا ابوي ماتبى تجوف عيال عيالك.
ابو مايد: منئ عيني اجوف عيالكم شالين البيت بحشرتهم.
مايد: عيل خلاص يا بو مايد نبى نعرس.
ابو مايد: الله يرحمك يا خوي حمد .......نزل راسه تحت.
مايد لوى ع ابوه: امين حبه ع راسه.
ام مايد تمش دموعها: مابا تحصلون اخير عن بنات عمك حمد ............ياليت انه حمد ولدي وياكم معرس ع بنت عمه محد يعرف وين ارضه وسماه وصاحت.
الكل تنهد شوق لحمد لي محد يعرف وين ارضه
مايد: الله كريم يا آمي.
ام مايد بصوت يقطع القلب:ونعم بالله............... سنتين مدري عن ولدي..

بعد دقايق
اليازية هي نزاله من دري: حي الله اخواني شنغل ومنغل.
جاسم: الله يحيج يا عيوز النار.
اليازية تاشر ع روحها: محد غيرك يا شيبه يا مخرف يــ...
ام مايد: بتسدين ثمج .
جاسم بـ ضحكه انتصار: ويه سكتوها..
اليازية اطالع ابوها :باباتي جوف جسوم.
ابو مايد: تعالي قعدي حذالي ...............هو يطالع جاسم :خف ع اختك ترا هاي الغالية ما رضى عليها.

بالوقت نفسه حدر سعيد من خاري
سعيد: السلام عليكم ورحمه............. وحب راس امه وابوه
الكل : وعليكم سلآم ورحمه..
اليازية:سعدان بتشارك اخواني بتعرس ع بنت عمك بنانا.
سعيد: اولآ محد غيرج سعدان يا العيوز وثانيا محد يختار لي مرتي غيري.
ابو مايد:مابا اتحصل اخير عن بنت عمك وانا ابوك.
سعيد : يا بوي القلب ما يهوى.
ام مايد: بنجوف من بتضوي .
سعيد: بضوي الخير ان شاءالله.
اليازية تقربت من اخوها همست له: هيه اكيد وحده من هالرغيد اللي ترمسهن.
سعيد: اقول يزوي سدي ثمج احسنلج............... نش عنهم سآر حجرته محرج من رمسه يزوي~

اليوم الثاني
في الجامعة

العنود: لآ والله حلفي انتي بس.
شموس: وحياتج..
العنود: لآ تحلفين بحياتي ويا راسج..
شموس: بس انت هب مصدقتني برايج ............مابا اكمل السالفة عناااااد فيج وصدت عنها..
العنود تبسم لها: كملي ......................و غلاة غاليج..
شمسه من قآلت ها رمسه طرى بالها حمد وتنهدت...
العنود:شياج صخيتي فجآة ...........تيود ايدين شموس
تفاجات يوم شافت عيون شموس تغروقت
شموس بحس واطي: خلينا نقوم ............. ابا اروح الحمام اغسل ويهي..
العنود صخت عنها قالت يوم ترتاح تنشدها

وشحال قلبي في بعادك وشحال قلبي لي هديته لك
وشحال قلبن يرقب ردتك لدار مفتونك

في بقعة ثانية
موتر بالتحديد

شال موتره بصوت آغاني و فونه يصيح مره ومرتين هو خبر خير
فجآة بدون مايحس ع روحه دعم موتر الي جدامه
نزل سعيد بسرعه من موتر عسب يتاكد من راعي الموتر اذا صار به شي
سعيد مبطل عيونه: سلآمات شيخه عسى ما صابج شي..
البنت بإرتباك: بخير........بس طشونه تروعت..
سعيد متلوم: سموحه منج شيختي .
البنت: مسموح بحل آخوي ..........عـ العموم صار خير.
سعيد:موترج وديه الوكآله عـ حسابي قوليهم سعيد محمد مد ايدينه عطاها رقمه..
البنت: ونعم والله بس اسمحلي ماروم اخذ رقمك و موتر عادي بعدله بوكآلة ع حسابي..
سعيد: لآوالله انا غلطان وانا اتحمل...........رقمي خذيه سبحان حد سالج شرطة وانتي مادليني احسن خذيه.
البنت مدت ايدينها وخذت رقمه: يزاك الخير مخاوي شمآ..
سعيد جاق الحلج : وياج شيختي..

دقايق كل راح بحآله بس الفكر شغآل

هل هي بداية حب يديد ونهآية حب عذري؟؟!!
او هي لعبة يديدة ؟!!

{اعشق و حب ما تريد الناس تهوى الجديد

صوب سعيد جنه معرس ريال فجآة صخ تذكر انه ما شل رقمها شو يضمن له انه تسويله تلفون انقهر زود يوم ما نشدها عن اسمها وسمها بخاطره((صويب السولعيه))
شل تلفونه يبى يدق ل نهيان

صوب نهيان يرمس شمسه و مواز:
يلآشيخات الله يهديكن نقعتني ربع سآعه.
شمسه: سموحه نهيان كنت آسولف ويا ربيعتي ما نتهبت يوم سويت لي مسكول..
نهيان يصد صوبها: لآ والله ............وانتي مواز مانتبهي.
موزة تهز راسها بعلآمة لآ..
ماوحال نهيان يرد ع مواز الا سعيد يدق له
نهيان: مرحبا ملآين ولآيسدن.
سعيد: مرحب باجي ولآهان...............شحالك؟
نهيان: بخير طآب حالك .........من صوبك ؟
سعيد: بخير وهب بخير ..........
نهيان يضحك: جيه لغز ها!!
سعيد يتنهد : هيه اضحك يا ولد العم شو اقلك .............اتريا اتصال من وحدة السولعيه سميتها صويب السولعية..
نهيان: لآ حالك صعيبه يا سعيد يبالك شيخ يقرا عليك قرآن..
سعيد: هيه انسحرت ابها وانبهرت بجمالها..
نهيان: يالله اسميك الا متخشع تخشيع
..

دقآيق وصلوا البيت
مواز حدرت حجرتها
حطت ويها في المخدة وتلحفت وانفجرت وتصيح بصوت عآلي
مايحبني مايحبني مايحبني
مايحبني مايحبني مايحبني
مايحبني مايحبني مايحبني

شمسه ترقى دري تقول في خاطرها الله يهديك يا نهيان مابغيت ترمس سعيد الا مواز تسمع
الله يعينج
:مواز بطلي الباب مــــــــواز
نشت مواز بطلت الباب فرت عمرها بحضن اختها تمت تصيح بقهر وتشآهق
شمسه عورها قلبها ع مواز: حطي الرحمن بصدرج..
"فديت روحج لا تضايجين"
موزة بصوت متقطع: آآ......ه آ...........حـ ـ ـ ـ ـب ــ ـه .........وردت تصيح

صوب آم نهيان

ام نهيان: شيخه ريتي االبنات..
شيخه: هيه امي ريتهن من سآع.
آم نهيان:عيل قولي لـ موني تنجب الغدا لهن..
شيخه: ان شاءالله..هي حادرة المبطخ تسمع ضكحة حمدة ويا موني
"هيه انا في يعرس ويا شواخ انا ياخذ مايد وشواخ ياخذ جاسم
موني : ايو هزا هلو داسم مايد <---- حلو جاسم ومايد..
هاوقت حدرت شواخ سمعت شو تقول موني
شواخ : قلل الله حلآج قولي آمين............ عيني عينك تغازل خطيبي..
حمدة نقعت من ضحك: شو حرج خلها تتغزل به..........وموني تشآركها ضحك
شوآخ :ضحكتن بلآ ضروس ..وتطالع موني
:انجبي الغدا لـ ماما شمسه وموزة..
موني:جين ماما..
شوآخ:شين بويهج.
حمدة: ابا اعرف ليش حاطة دوبج بدوب هـالبشكارة المسكينة..
شواخ:سجين بحلجج ........رآحت لـ حجرة شمسه ماحلصتها
عقب رآحت حجرة موزة
بطلت الباب بالقو تفآءجت شوآخ يوم شآفت موزة ويها مفحم من زود الصيآح
شوآخ تتقرب منها:مواز شو بلآج..؟؟
موزة:...........................
شمسه :الله ينطبه سيرهم عطآهم امتحان مفآجا عآد مواز خبصت وتخآف تعيد السمستر.
شوآخ هب معتنقه: اذا صج ان شاءالله تعوضين بـ امتحانات الياية..................اذا ما تبن تقولن ع هواكن ......هي مروحه صدت عليهن:... عقب صلآة العصر نروح السوق نتشرآ للعرس...

بعد دقآيق مواز غفت

شمسه ما تحملت رآحت حجرتها
بطلت السدة وظهرت صورته حضتنها
لو انت من بينا جان انا ثلآث عروس تظهر من ها البيت
وين دراك يا قلب شمسه رد والله ما اعاتبك بس ابا اكحل عيني بجوفتك
رد يا حمد رد رد بس كآفي عذاب
تذكرت يوم اليازية طبت عليها~ْ
:اشميس اباج بكلمة رآس.
شمسه: رآس لآ يد وتضحك..
اليازية: بايخه بنت العم.
شمسه: سبحان الله ظاهره عليج يا بنت العم.
اليازية متقصدة: خلآص هونت كان لج آمانه من عرب.
شمسه حست بهوادها انقبض: خلآص بنطم بس هاتيها..
اليازية: اتري ابا اقلج شي يقولج كل عام وانتي له حبيبه يقولج كان وده يحدر عليج اليوم بس اتعرفين عندنا منقود حد يحدر ع الحرمة ايام الخطوبة.....................يوم بـ تغدين حرمة المصون بيحدر..
شمسه:هاتي امانة زين ..
اليازية : نو نو آول شي روحي سويلي جاهي.
شمسه تضربها عـ جتفها: قسم وربي مذله...............زين عطيني امانه بسويلج ذبيحه هب الا جاهي.
اليازية تضحك: اسولف وياج ..

فجآه آغاني شآلة البقعة
سعيد شغل ع اغنيه ميحد حمد

طير الحمامے

والبنات اطلوووق صوب الدريشه توايجن

حمد ايول من خاطرة كل سآعه يصد صوب غناته وايبس صوبهن
و نهيان محد يتحداه فيولته مسكت الشباب..
وانضم لهم سعيد ومايد وجاسم يلسو يولون

ردت لواقعها بطلت الكبت عشان تشغل عـ CD
كانت الهدية بمناسبة عيد ميلآد شمسة وكان يوم خطبة حمد لشمسه
هداها ميدالية ع شكل قلب كان مخبوق ابها حرفه وحرفها
H♥S
وياهم CD لآنشودة

هلآ يللي تمنيتك نصيبي

هلا يالِلي تمنيتك نِصيبي ...
هلا يا فرحي وسعدي وطيبي ...

هلا يا نصفي الثاني هلا بِك ...
هلا باللي أناديها بحبيبي .
..
هلا باللي أناديها بحبيبي
...جمعنا ربي العالم بحاليّ ...

جمعنا الخير ودعوات الأهاليّ ...
وأنا والله يا أم العيال ...

شكرت الله بإنك لي نصيبي ...
هلا ياللي تمنيتك نصيبي ..
هلا ياللي تمنيتك نصيبي ...

هلا يا فرحي وسعدي وطيبي ...
هلا يا نصفي الثاني هلا بك ...

وصلت عند المقطع تمت تشاهق من زود الصياح
رحت و خليتني هنت عليك كل ها السنين ما تدري عن هوى داري
ما ولهت ع بلآدك ما اشتقت للعين ما اشتقت لآمك ولآهلك
اخوانك بعرسون جريب وانت لآحس ولآخبر وين غاط عنا يا حمد

هلا باللي أناديها بحبيبي ...
هلا باللي أناديها بحبيبي ...

عليم الله يا أجمل وأطهر ...
وأشرف حب يحي بي ويكبر ...

بأنك في وجودي شئ أكبر ...
من أن آخذ أنفاسي وريقي ...
...

هلا ياللي تمنيتك نصيبي ...
هلا يا فرحي وسعدي وطيبي ...

هلا ياللي تمنيتك نصيبي ...
هلا يا فرحي وسعدي وطيبي ...

هلا يا نصفي الثاني هلا بك ...
هلا باللي أناديها بحبيبي ...

بعد دقايق

رآحت الحمام وانتو بكرآمة تمسحت وصلت العصر
مدت ايدينها لخالقها
يارب سالتك و لآغيرك سآالت انك ترد حمد لنا بسلآمة
يارب برد فؤاد امه عليه
بحس مبحوح ما كان ودها تقول هاالكلمة بس غصباً عنها
ان كان ميت ترحمه برحمتك وتدخله فسيح جناتك
يارب طمن قلوبنا لو حي و لآميت

في بقعه ثانية

"امايه ولي يسلم عمرج خليني اروح العرس"
"قلتج لآ يعني لآ ما تفهمين الرمسه ..
العنود تحب امها ع راسها:خلآًص ع امرج ....................قامت بـ تروح حجرتها.
ام خلفان: العنود ...............انا موافقه عـ سيرتج بس ع شرط هب تبطين..
العنود تربع جدي امها تلوي عليها: يعلني ما خلآ منج.
ابو خلفان +خلفان حدروا ها وقت
ام خلفان: عاد خلفان يوصلج ويردج.
خلفان عاقد حايته: وين اوصلها من وين اردها.
ام خلفان: عرس خوآت ربيعتها..
ابو خلفان: من بيت منو ربيعتج؟
العنود: بنت حمد..........
ابوخلفان: ونعم وسبعه انعام ..............هب ها ولد عمهم لي غآط سنتين؟
العنود: هيه نعم..
الكل :الله كريم.
العنود:ونعم بالله..
ام خلفان: الله يعين امه لي ما تدري عنه..اذا عايش ولآ توفى..

في بقعه ثانية
بالتحديد غرفة النوم
منسدح يجلب تلفونه يمسح مسجات لي مالها داعي

"ولهت عليك حبيبي وينك"
"لا ماروم خلها يوم ثاني"
"هيه اكيد"
"الف مبروك وعقبالنا حياتي"
"وينك ياريال شعنه هب مدوام "
"وانا بعد"
"خلها يوم ثاني ماروم اليوم"

ماوحاله يمسح مسجات الباجي الي تلفونه يصيح

المتصل علآية
علآيه: انت وينك حرام من متى اسويلك مسويلي طآف.
سعيد عدل يسلته: هلآ علآية............والله مشغول ..
علآيه هي تشاهق: سعيد ملجتي اسبوع الياي ............يبوني اخذه بعافيه انا ماريده ابغضه..
سعيد:هاي نصحيه مني خذيها مابا اتحصلين اخير عن ولد عمج يآ علآية؟
علآية تصيح بصوت عآلي: وش قصدك يعني عادي عندك آخذ وآحد غيرك.
سعيد: ها نصيبج عليا بعدين انا توني صغير 23 صراحه ماريد اعرس بها العمر يعني شوي اكبر وانتي بسن الزواج وبنت لا تمت ترفض............... و فاتها القطار محد يتقدم لها..
علآيه : انت وآحد لعاب علقتني بك واحين تقول ها رمسه حسبي عليك ياشيخ ...............وصكرته بويه
سعيد عوره هواده يوم دعت عليه

من صوب علآيه
ماوحالها من سكرت عنه الي هي مطرشه مسج

"لا تتصل فيه كفايه
خلاص ماحبك لاابغيك
معا لي يازين حايه
ابدا ولا لي خص انا فيك
ارجوك لا تحاول معايه
ابعد عسى ربي يخليك
ارجوك لا تحاول معايه
روح عسى ربي يخليك
كل شي له وقت ونهايه
ناهيك عن اسباب ناهيك
ومن اول الدرب وبدايه
وانتهى زمن الحبل في ايديك
كل له فن وهوايه
واخر هواياتي اجافيك
عزمت اسيبك ياضانيه
ورفجه عليه مااتصل فيك"

وصل مسج سعيد تضايج زود يوم قرآه كان يبى يدق لها بس قآل بخاطره خلاًص مايبى يعلقها به زود

مختصر
ام نهيان ارخصت حياتها لعيالها ورا ريلها وربتهم آحسن تربية ونعم الام وربي زرعت بذور الخير بين عيالها وحصدت الخير منهم تستاهلين ام نهيان =)

نهيان: انسان طيب لآبعد الحدود يحب خوآته يحب يتهاد وياهن تعرفون شخصيه من خلآل الحلقات الياية..

حمده: انسانه طيبة و على نياتها ما تحب تجرح حد محيرة لولد عمها مايد..

شوآخ: عصبية بعض الشي وفيها كبريآْء مادري لين وين يوصل يا شوآخ=)

شمسه:مرحه لبعد الحدود لكن انطفى المرح الصادق فيها .............تتصنع المرح لكي لآ تظهر ما في جوفها من غياب حبيبها..

موزة:صغيره العايلة بس كبيرة بقلبها الكبير الذي آحب المدعو سعيد ماذا تكون نهاية حبك هذا يا موزة =)

ابومايد: لآ اقدر انا اقول الا انه من ريحه ابو نهيان في كرمه ونخوته ..

ام مايد: مسكينه هالام قلبها يتفطر ع طفلها الكبير حمد مهما كبرنا بعمرنا نبقى اطفال في انظارهم..

مايد:الطيبون لطيبات =) يحمل من خصال حمده زوجة المستقبل..

جاسم: عصبي شرا شوآخ عصبي +عصبيه=انفجار =) الله يعين

حمد: مختفي لآ يعلمون ان كان حيآ او ميتآ
سعيد: طبيج نهيان.......... لكن لآ يعلم انه يصيب بسهامه ذلك القلب الكبير ..

اليازية: دلوعه ابوها وتحب تقرض اخوانها خصه سعيد =)

همسات
قلوب تعيش الأمل فقلب شمسه يعيش في ديار الأمل في رجعه المحبوب الي أرضه
فمتى سيعود حمد
هل هو حي يرزق ؟!!
او دفين وسط الثرى ؟
فهو بـ قلب محبيه حي يرزق ..

عندما يكون الحب حلمن !!
هل من ممكن انا يتحول الي وآقع

عندما يكون الحب من طرف وآحد ماذا ستكون نهايته؟
عذاب"سعادة"كره"حقد"نسيان"

عندما يزيد النار الشوق في قلب المحبين من يطفأ ها ؟

عندما نهدي قلوبنا الطيبة الي نفوس الضعيفه فماذا ستكون النتيجة"
تسآولآت كثيره في ذهن كل قرأء القصه!!

آتنظر ردودكم قرءاي~ __DEFINE_LIKE_SHARE__

Roo7 wlhana · 10-10-2008, 01:11 PM

الصرااحة القصة حلووة واااااااايد وانا بتاابع وياااج للنهاااية

ونتريا البااارت اليااااي

تسلمين ع القصة الناايس __DEFINE_LIKE_SHARE__

ShaMsya · 10-10-2008, 02:02 PM

el89aaa 6 A R! w Ntryya el part el Yay

W Dn't Be Late

__DEFINE_LIKE_SHARE__

°•.شامسيهـ وصلاويهـ.•° · 10-13-2008, 04:46 PM

البارت طرر

تسلم ثبوعج الغلا

ع القصه

تسلمين

تحياتي

__DEFINE_LIKE_SHARE__

ارقـى الـجـمـال · 10-17-2008, 06:44 PM

رووووووووووووووووووعه القصه,,

يعطيج العافيه

نتريا البارت^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
» Ļάΰήđяỹ Яỗỗм «	¬»ĤǿหєЎ	اثاث و ديكور المنازل والمطابخ والصالات	20	08-22-2009 09:47 PM
тђє ΐήђẩbΐŧєd ΐšlẩήd ƒΐğђŧ 2009 DVDяΐρ XvΐD-ƒΐςō	мặzỳOσѝ~ặđ	افلام عربية , أجنبية, هندية , يابانية , كورية وغيرها	0	05-31-2009 05:18 AM
ђẫṔṕЎ ḅįṱђ Ḏąy to ɱąяŷДmā.	ɱąяŷДmā	عدسة الاعضاء , كاميرا الاعضاء	15	04-05-2009 03:18 AM
دُرٍبُـ دُرٍبُـ jỗjộ يًـتِـگمٍـ	JỗJộ	تراحيب وتهاني	30	10-25-2008 09:37 PM