اناني ومايحب الا نفسهـ

سلمى · #1 10-09-2008, 11:39 PM

السلام عليكم ورحمة الله وبركاتهـ

النبي محمد " صلى الله عليه و آله و سلم" حث على أن نعامل الناس معاملة حسنة وبعد نقابل الأساءه بلأحسان

بس ساعات تقابل نوع من البشر يجبرك انك تعاملهـ بالسيئهـ ..

الي صار ان بنت كانت وياي من ايام ابتدائي الين الجامعه يعني اكثر المراحل الدراسيه كانت وياي ف نفس الصف

وهاي البنت دوم تطلب المساعده مني ومن ربيعاتي بس مستحل تقدم مساعده لحد يعني تطلب منا نشرح لها

ونساعدها ف حل الواجبات وتطلب دفاترنا بس ماتسمح لحد ياخذ دفترها او كتابها المهم اتفقو كل

البنات انهم يعاملوها بالمثل يمكن تحس وتتغير بس ابد ماتغيرت ..

واستمرت تطلب المساعده البعض التزم بالاتفاق والبعض ماقدر وقدم المساعده حتى لو من ورا خاطرهـ ..

يوم كنا ف ثالث ثانوي كل يوم ف اختبارات الفاينل نسألها شو سويتي تقول

زفت لاتسألون ماقدمت زين ويوم طلعت النتيجه الكل قال نسبته الا هاي البنت قالت استحى اقولها

لانها تفشل وعقب عرفنا انها يابت نسبه قريبه من نسبنا وكانت من ضمن المتفوقات .

هي تخاف لو ساعدتنا بنتفوق عليها وبناخذ علامات احسن منها .

ويوم سرنا الجامعة اختارت نفس التخصص الي اخترتهـ

" يعني لاحقتني في كل مكان شو هالحظ النحس"

احيد اول بروجكت انطلب منا ف الجامعه عرضت عليها تشترك ويانا ف نفس القروب قالت لا ابا اسويه بروحي

ويوم ماحصلت فكرهـ مناسبهـ وضاع الوقت ولازم تقدم لبروجكت طلبت مني اكتب اسمها ويانا بس البنات ماطاعو

الي بغيته منكم وبما ان الجامعة يومين وتفتح ابوابها تخبروني كيف نتعامل وياها ؟؟

لو حد منكم قابل انسان انااااااني ويحب نفسهـ مثل هالبنت كيف بيتعامل وياه ؟؟

والسموحهـ ع الاطالهـ بس الموضوع يهمني وايد __DEFINE_LIKE_SHARE__

النعيمي · 10-10-2008, 12:40 AM

وعليج السلام ورحمة الله وبركاتة

والله صدق اني مب طالب ولكني ماداني هالأسلوب طووول ..

الي بغيته منكم وبما ان الجامعة يومين وتفتح ابوابها تخبروني كيف نتعامل وياها ؟؟
عاملوها عادي كالسابق يعني معامله طيبة ، بس اذا تبا حاية عطوها بولباس ..
واذا هي تخبرتكن ليش هالأسلوب خبروها بالسبب .. مافيها شي بالعكس جذه بتحسسونها فـ تصرفاتها وهذا اساسا منقود واستغلال بنفس الوقت ...

لو حد منكم قابل انسان انااااااني ويحب نفسهـ مثل هالبنت كيف بيتعامل وياه ؟؟
والله تبين الصراحه عادي اعطيه فالويه واقول له ـ انا مايغلبني شي

والله يعينج ختيه سلمى ، وتسلمين ع الطرح ونتريا منج الزود ان شالله

اخوكم/ النعيمي __DEFINE_LIKE_SHARE__

nootyboy5555 · 10-10-2008, 10:13 AM

سلاااااااااام عليج اختى سلمي مشكوررررررررررررررة على هاي المشاركات الحلوة مثل ماقال اخوووووووي(النعيمي) هذا الشي بيخليها تفهمكم والسموووووووووووووووووووووحة........... __DEFINE_LIKE_SHARE__

~ M.H ~ · 10-10-2008, 10:43 AM

انــا واجهـــت وايد بنــات جيهـــ...بس بعد افضل ان يساعدها ونحــاول انبيلها اللي هي عليهـــ..

بس انا هنيهــ..وايد اخوي النعيمي..ان اعطيها ف الويهــ...واكيد ما بتقصرون فيها وهي ويا الوقت بتحســـ..

اشكرج على الموضووعـــ..تحياتيــــ... __DEFINE_LIKE_SHARE__

سلمى · 10-10-2008, 01:33 PM

تسلم غدير ع الرد ماقصرت ربي لايقصر ف عمرك و ان شاء الله بسوي الي قلت عليهـ

nootyboy5555 عليك سلام الله ورحمتهـ العفووو اخوي وحلت دنياك يارب
تسلم ع المرور والرد ويعطيك العافية

بنت :: سويز لاند :: العفو غلايهـ ومشكوره ع المرور ماقصرتي وعساج ع القووة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة طفل رسم نفسهـ قبل ان يموت ...	طعن الانذال	قصص و روايات	4	01-19-2013 07:42 PM
طواجين مغربية للتقديم ومزيد من اواني الفخارية على الطريقة اليدوية	محروم.كوم	منتدى أخبار المواقع والمنتديات العربية والأجنبية	0	03-01-2010 06:50 AM
انا الي يداوي جروح البشر و نسى نفسهـ	3deemat e7sas	استراحة قصص وابداعات الاعضاء	80	06-29-2009 04:22 PM
!!!! رجل يحرق نفسهـ ؤلمـ يتأإلم !!!!	! ولد مليونير !	عجائب و غرائب	43	08-19-2008 10:19 PM
بلاني زماني بوااحد اناني	قمر ام القيوين	تصاميم الاعضاء	12	02-23-2008 12:00 PM