شعـر آلـشـــعر فـــي جيتـــك

محروم.كوم · #1 07-02-2010, 04:00 AM

بسم الله الرحمن الرحيـم

ما تباطيت القصيد إلا تباطيتك ** والشعر في جيتك شكل وطعم ثاني
عانك اقبلت ولمحتك في شطر بيتك ** فكره مجنونه تسلى بضيقة اوزاني
يا اعذب احساس ملكني علك وليتك ** تفهم الشعر ان شربك بصحة لساني
يعلم الله في غيابك ما تناسيتك ** بس في مره نوت انساك ممداني
قلت ابنسى وارتفع صوتك ولبيتك ** واثر خفاقي بصوتك عنك ناداني
وش اسوي دامني بالجوف ربيتك ** طفل تسوى هالحياة بعين شرياني
تلعب وتكبر وتكبر لين عديتك ** بالغلا آخر نماي وكل شيباني
والله ان عمري بدأ من يوم حبيتك ** واعرف انه ينتهي لو قلت تنساني
حط في باك انا من عام خبيتك ** ان صحيت بخافقي وان نمت بجفاني
مابي غيرك يلمحك حتى لغنيتك ** غرت من صوت الصدى لردد الحاني
من كثر ما اشتقت لطيوفك تمنيتك ** رمش عيني او تصير الشوف لعياني
وان تمادى هالحنين بجفني ضميتك ** وقتها القاك لكن ليه ما القاني
والله انك من لفيت بنبضي حييتك ** وكني بقولة هلا بينت حرماني
هذا حالي يا الغلا من يوم خليتك ** وانت طمني علي فالبعد وش جاني
اذكر اني بالوفاء صغتك وسميتك ** واذكرك انك بالوفا كنت تحداني
صرت اشكك في كلامك لين بكيتك ** وقلت موعدنا يجي كان الله احياني
ويوم جيت بخافقي وبخافقك جيتك ** كنت انا رابح مع اني خاسر رهاني
والأكيد اني لقلبي بيدي وديتك ** وعاد شوف اليوم وين الحب وداني
يا عساني صدق ولعتك وهميتك ** يا عساك بجد تعشقني وتهواني
ولو تقول اني بغيابي عنك عنيتك ** انت همك صرت اعده حسبة اخواني

وســــلآمتكم ...

هذه القصيدة من كلمات الشاعر / محمد جار الله السهلي

لمشاهدة مقطع الفيديو

تحياتي لكم ... بــو فـآرس ( أنس )

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري