مسلسل أوراق الحب مدري صدفه .. هل يعكس واقع مجتمعنا الاماراتي .. ؟؟ !! {أتمنى أشوف آرائكم} - الصفحة 8

vip_uae · 06-07-2010, 04:28 PM

بصرااحه الموضوع يستاهل انه نتناقش فيه
لأنه بصراحه انا تابعته وما أحيدني اصلا اتابع مسلسلات لكن عاد مسوين حشره علشانه
والتنقيعات كثرانه في المسلسل بصراحه
واللي لوعلي بجبدي اني تابعته للنهايه وآخر شي طلع بصراااحه بايخ
وأحسهم يايبين بس لهجة هل العين وبعد منقعه واللي يمثلون السموحه يعني هب اماراتين والقهر بعد المخرج اردني

بالله عليكم شقايل تبونهم يظهرون صورة بناتنا وشبابنا
وجني واااايد ارمس
السموووحه __DEFINE_LIKE_SHARE__

ઇ النورس ઇ · 06-07-2010, 06:22 PM

[align=center]

المشاركة الأصلية كتبت بواسطة vip_uae

بصرااحه الموضوع يستاهل انه نتناقش فيه
لأنه بصراحه انا تابعته وما أحيدني اصلا اتابع مسلسلات لكن عاد مسوين حشره علشانه
والتنقيعات كثرانه في المسلسل بصراحه
واللي لوعلي بجبدي اني تابعته للنهايه وآخر شي طلع بصراااحه بايخ
وأحسهم يايبين بس لهجة هل العين وبعد منقعه واللي يمثلون السموحه يعني هب اماراتين والقهر بعد المخرج اردني
بالله عليكم شقايل تبونهم يظهرون صورة بناتنا وشبابنا
وجني واااايد ارمس
السموووحه

حياك الله اخوي

ومرحبابك بين اخوانك ^.^

يا ريال مدري اي لهجه هذي اللي ظهرولنا اياها

قمت أشك في وطنيتي ههههه

ما اعرف شو اللي كاظنهم يرمسون هالرمسه

يعني مادري ,, المخرج هو اللي جبرهم ؟؟

ولا من عندهم عشان يخلونه غضب مسلسل اماراتي ؟؟
[/align] __DEFINE_LIKE_SHARE__

S._.alsuwaidi · 06-07-2010, 08:54 PM

الصراحه انا ما شفت المسلسل بس اسمع الي يقولونه عنه
والكل يذمّـه و كيف طريقه كلامهم و موووووول ماشوفه يعكس واقع مجتمع الامارات __DEFINE_LIKE_SHARE__

ميلاد جرح · 06-07-2010, 09:16 PM

النورس...,,

اهنيك على هذا الطرح المتميز .. واللي اختلف وكسر جدار المنقول دائما..

اولا ... المسلسل لو كانت فيه بعض الايجابيات الا انه السلبيات غطت عليها بشكل كبير...

جميعنا نعرف الحب وكيف يكون الحب .. ولكن بهذه الصوره والممثل المذكور

يعيد ويزيد ويقول حب عفيف وطاهر ..؟؟؟؟ وين العفه والطهاره في الموضوع

كيف ام ترضى لبنتها تتعرف في الغربه على واحد وفوق هذا كله تستقبله ؟؟؟؟؟؟

شي غريييييييييييب ....!!!

لكن.. البعض قال انه هالاشيا تحدث عند بعض العوائل

اذا المسلسل يتحدث عن فئه معينه فقط لاغير فئه تواجدها ضئيل في هذه الدوله المعطاءه
.؟؟

نحن لانرضى بهذا التشويه اللي حصل ...

يوم نزلت المسلسلات التركيه حاربوها بشده والسبب قصصها الغير منطقيه
واللي على اساس انها تخرب عقول الشباب

.... اذا الحين الشباب من حقهم يختربون دام هذا المسلسل

يحمل اسم وانتاج دوله عربيه وخليجيه ... (( اماراتيه بالاخص ))

المخرج غير اماراتي
المؤلف غير اماراتي
الممثلين غير اماراتين
الكادر الفني والتنفيذي غير اماراتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

علامة استفهام كبيره تدور حول مالهدف من هذا المسلسل....

بالفعل تشويه لأبعد حد... لمجتمعنا....

النورس

اسفه على الاطاله ولكن هذا بعض مافي جعبتي تجاه هذا العمل الفني .. الغير منطقي

احترامي وتقديري

ميلاد جرح

__DEFINE_LIKE_SHARE__

الجوهر الماسي · 06-08-2010, 10:19 AM

مرحبا مره ثاانيه

للتصحيح وياك الجوهر الماسي مب الجوهره

ريال

المهم

انا مب من متابعين المسلسل وبعدين يا مكثر البلوتوثات والفيديوات اللي تبين الشباب اللي يصيحون على بنات ويتضاربون على بنات وغيرها وياما اهل انفصلوا والسبه بنيه

وبعدين دائما المسلسلات تحكي قصه من المجتمع وليس المجتمع كله

وبعدين عندي نقطه ليش ما تشوفون ان المسلسل بين جانب من امارة بوظبي وحضارتها وعمرانها في طريقة تصويره والاماكن اللي استغلها فريق العمل مثل شاطئ الراحه وجزيره اللولو و غيرها من هالاماكن اللي الكثير من اهل البلاد ما يعرفون جمال هالاماكن وما زارها .

__DEFINE_LIKE_SHARE__