يا نأاأس يا عالم نبا وقفتكتــــم ويانا ..

الكتبـي · #1 09-14-2008, 12:46 AM

السلام عليكم ورحمه الله وبركاته ..

شاحلكم كلن بحاله ؟؟ يعلكم لبخير ؟؟ يا مرحبابكم ..

انا الصراحه مب عارف ومن وين ابدا وصارت لي فتره طويله ما شاركت ..

المهم انا بعطيكم الموضوع واتمنى من كل قلبي انكم تنشرون هالموضوع وتفكون هالعالم والناس من هالمشكله بمساندتكم لها .. وبكون فالنهايه شاكر لكم جزيل الشكر .. بس يا ريت تقرونه ما بياخذ من وقتكم خمس دقايق صدقوني بالضبط خمس دقايق والسموحه ..

انا اليوم ويهت ويا ربيعي وسرنا انفطر عند واحد من الربع في منطقه السيجي والي هيه قرب مدينه الذيد واتوقع انه الكل او معظمكم ايعرفونها ..

والحال يا عرب ما هوه مثل اول انا الي احيده ايام اول السيجي معروفه بالوديان والامطار والخيرات ولله الحمد بس والله يا ناس انه الي حاصل فيها هالايام والي ايشوفها بيقول فخاطره والله هذي هب السيجي الي انعرفها ..

ولا فوق كل ها اني ريت خبر فالجريده والي هيه الخليج ايقول كالاتي :-

بلدية الفجيرة توقف 45 كسارة عن العمل لفترات محددة

آخر تحديث:السبت ,13/09/2008

الفجيرة - السيد حسن:

اتخذت بلدية الفجيرة خطوة مهمة تعد الأولى من نوعها حيث اوقفت العمل في جميع الكسارات الموجودة في مناطق الطويين والسيجي وثوبان والبالغ عددها حوالي 45 كسارة بسبب الارتفاع الكبير في نسبة الرطوبة والتي تؤدي الى احداث اضرار بيئية كبيرة وتشكل خطراً عل صحة سكان هذه المناطق.

وقال المهندس علي قاسم رئيس قسم البيئة والكسارات في البلدية ان هذه الخطوة جاءت لتؤكد حرص حكومة الفجيرة على صحة المواطنين ومراعاتها للقوانين البيئية الاتحادية.

وتم ايقاف الكسارات ابتداء من الساعة الثامنة والنصف مساء وحتى الصباح.

وأشار إلى أن مدير البلدية شدد على ضرورة التأكد من توقف الكسارات عن العمل في تلك الاوقات وفي الأيام التي ترتفع فيها الرطوبة بشكل كبير. خاصة ان الإمارة لديها 66 كسارة منها 45 كسارة فقط في الطويين والسيجي وثوبان والحيل.

انتو تقرون جيه بس صدقوني الي يصدر هالرمسه مادري كيف يرمسون ولا يعتمدون كلامهم .. يعني انهم يقولون رمسه والي ايصير كلامي ثاني .. يا ناس والله انه اهل هالبقعه ( السيجي ) مب ع حالهم بيتوهم تكسرت طاحت عليهم الغبره عنهم يوميا جنه ضباب والهزات الارضيه من الدانميت يوميه ع الظهر هب هزه او هزتين .. تعال احسب كم كساره هنيه وعط كل وحده وتفجيرها والله في ناس عايشه فخير وفي ناس ما اتحاتي بنقول هالكسارات مال شيوخ ولا رجال اعمال بس كل شي له حده بشل الكسارات مسافه مليون كيلو ورا اليبال بعيد عن هالمساكن والشعبيات يعني معقوله في ناس ساكنين فمكان وفيوم وليله اييبون كسارات وايقولون لهم يالله يا اهل الشعيبه بنسويلكم بيوت فالمكان الفلاني وسيرو هناك عنبوه ما صارت ل هالدرجه يعني وصلت فيهم المواصيل

والله يا ناس صدقوني لو انه بو خليفه رحمه الله عليه وغمد الله روحه الجنه ما راح ايصير ربع الي صاير

ما اللوم شيوخنا هالزمان .. محشومين طول الله عمارهم بس صدقوني لو هم ع علم بالي صاير ترا والله رواحهم ما بيسكتون ولو انهم هم عايشين فعز وهالشي ما يباله دلاله شيوخنا معروفين سد وذخر ..

اونه ايحافظون وايحاتون صحه الانسان وع تلوث البيئه .. ايهبون والله ولا ايعبرون ولا يفتكرون فحد

لو مهتمين جان ما زادو كل سنه او نص سنه كساره او ثنتين فكل طرف والله يا ناس اني بعاودكم بموضوع ثاني وفيه صور واحكمو رواحكم عليهم

الكساره فوق البيوت ماحد مرتاح ولا مترحم منهم

بنقول نفاد براينا نحن وبيوتنا انزين نخيل هالعرب والبهيمه والحلال بيعيش فهالجو ؟؟

انا مب عارف شو اقول ولا اعبر يوم انا وبعيد عنهم واقول جيه عيل لو يبت لكم واحد وتكلم عن شعبيته بنفسه شو بيقول شو بيسوي ؟؟

انا ما بكثر عليكم فالرمسه بس والله كل الي اتمناه منكم يا مخاوين شما انكم تنشرون هالموضوع فكل مكان ويا ريت اتوصلونه لناس لهم دور فالمجتمع

ع الاقل ايوقفون هالكسارات او يبعدونها بعيد عن هالمناطق

هب اييون وايقولون يالله نحن سوينالكم شعبيه يديده وسيروا لها

ماحد بيتخلى عن داره

ولا فوق كل ها عشان ايسكتون الناس ايوزعون عليهم زجاه وايعطون الناس فلوس شهريا بس عشان يسكتون وحليلهم الشواب ينقص عليهم بسرعه

الله المستعان الله المستعان بس

السموحه طولت عليكم

بس حبيت اعرفكم ع شي يعيشونه اهل الامارات ( اماره الفجيره بالاخص )

تحياتي لكم

اخوكم الكتبـــي __DEFINE_LIKE_SHARE__

$برق لمع$ · 09-14-2008, 12:05 PM

تسلم اخوووووي على اهتمامك

انا ما أعرف المكان اللي ترمس عنه بس من كلامك يبين ان الوضع ما ينسكت له

الله يعين أهالي هالمنطقه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ودي أشوفك ولامس أياديك ًٍَِ.. قصيدة حلووو^_^	غانم الكتبي	تصاميم الاعضاء	11	07-14-2009 11:48 PM
اضضضضضححك ويانا ^^	elgomar	نكت , سوالف للشباب والبنات	8	08-02-2008 05:06 AM
اظحكووو ويانا	هيام القلب	نكت , سوالف للشباب والبنات	14	08-01-2008 10:42 PM