وراك وراك ( والمـــســــخــــرة ) وراك !!! - الصفحة 10

راعية الكروزر2007 · 09-10-2008, 10:35 PM

مرحب

وعليكم السلام ورحمة الله وبركاته

اول شي مشرفنا النعيمي مشكور عالموضوع الغاوي

احم

وثاني شي بعلق عالموضوع

تبى الصدق انا بروحي استحيت يوم شفت الموقف

نحن كنا كل العايله نطالعه

لا حشيمه ولا مستحى

عنبوه الريال اللي هو الريال استحى وخيل يوم كل ساع تتقرب منه

وهيه ما حشمت

نزين كان باماكنهم يسوون مقلب غير عن هذا

مالقوا الا هذا المقلب

ومارامت هيه تصوره من بعيد

يعني تقربت منه بطريقه فضيعه الصراحه

عنبوه خوانا نحن ما نتقرب منهم بهالطريقه

وما اعتقد انها بروحها تقدم البرنامج

عندها ريال ليش ما خلوا الريال هو اللي يسوي هالمقلب

بصراحه

ما اعرف شو اقول

انا تميت انزل راسي واقول اختربت الدنيا

لا مستحى ولا حشيمه عنبوه الريال استحى

هذا اونه يسمونه مقلب

هذا ينزل الراس اكثر من ما يخلي العرب يضحكون

ومشكور عالموضوع الغاوي

ولو مهما قلنا ما اعتقد انه كافي

وصح انه اغلب المسلسلات هزت وشوهت صورتنا جدام العالم __DEFINE_LIKE_SHARE__

ابكي زمان بكاني · 09-10-2008, 11:31 PM

السموحه اخوي ارد مره ثانيه

صحيح ان مسلسل " حاير طاير " قدم موضوع يهين بنات البلاد و اعيالها بشكل عام سواء بنت او ريال ..

بس البعض .. البعض من البنات .. ومن الشباب .. يستغلون غيابهم عن البلاد و عدم وجود حسيب او رقيب لهم .. و ينسون او بالأحرى يتناسون ان الله يراقبهم ع الدوام .. و ما يستحضرونه في اوقاتهم و افعالهم..

يعني تصرفاتهم غريبه و اقول لك هذا الكلام بناء على الي شافته اربيعتي .. و الله انها ردت ع نص السنه و كملت في البلاد..؟!

استغربت من التحرر المفاجأ الي يصيب البنات و الشباب المواطنين في البلادين الي برع؟!
والعياذ بالله جنه مرض ؟!!

يعني اذا هم ما يعرفون انتوا منو؟ يمكن يمر حد يعرفكم ؟!

رب العالمين يعرفكم ما يجهلكم..!! يعني ما يهمهم الأمر و يتركون انطباع سيئ عنا نحن العرب ..!!

وصدف سألني واحد اجنبي مستغرب من حالنا في بلادنا و في حالنا في بلادهم ؟!

مستغرب ليش البنات ملتزمات و محتشمات في بلادنا وفي بلادهم ولا يعرفن معنى الحشيمه الا هنتين او ثلاث منهن؟!

انا اشوف ان المسلسل قدم شي من واقعنا مع انه غلط و ينقص من قيمتنا .. بس اذا اعترفنا بواقع اعيالنا بنلاقي طريقه نحل فيها مشكلتهم في المستقبل .

السموحه.. مجرد رأي ^ ^

تحياتي
__DEFINE_LIKE_SHARE__

رمز البداوه · 09-11-2008, 09:38 PM

شفت برنامج وراك وراك ألي تقدمه المذيعه غزلان الصرااحه لا مستحى ولا خيال ..يعني ألحين هالأشكال يخربون سمعه دولتنا ....

وشفت مسلسل أبله نوره الصراحه الممثل محمد العامري ما صخ في هذا المسلسل كيف جيه يسوى ما شاء الله
ماخذ راحته في هذا المسلسل ......

تسلم أخويه النعيمي على الطرح المميز والمهم .. وربي يعطيك العافيه ... __DEFINE_LIKE_SHARE__

شيخه الغيد · 09-11-2008, 11:15 PM

المشاركة الأصلية كتبت بواسطة النعيمي

مواطن ومواطنه) اليوم كان الحوار او المقلب مع المطرب الإماراتي هزاع وفي اثناء المقلب اتيي المذيعة (الممثلة المواطنـــة) وتوجه التلفون على المطرب هزاع بطريقة غريبة
من اسفل لأعلى وحول جسمه وحتى على جوانبة والإقتراب من اذنة ولمسها وحتى لمس يد المطرب ...!!!!!
بدا الإحراج على المطرب وهي ماشالله ( مصختها وخارتها ) وياه ، لاحشيمة ولا تخيل على روحها ..

يعني وضعية اليد على الكتف هاي راح تضييف شي للمشهد!!!!؟!!! ( هيه بيزيد من قلة الأدب)
او جهاز الهاتف ويوم تمرره على جسم الريال هل هذا بيزيد شي من المشهد ( هيه اكيد بيزيده قلة الأدب )

معاك حق و الله ياخويه حسيت باشمئزاز منها و الله ..
و لاعت جبدي من هالحركه ..

عيب و الله عليهم .. __DEFINE_LIKE_SHARE__

...فيمتو... · 09-12-2008, 02:38 AM

والله والعثرتين فيهم
مسخوها عالآخر مسودين الويوه وخاصه هاللي
اسمها غزلان والثاني اللي وياها ،لا حيا ولامستحى

عنبوكم زاد حشموا عماركم استحوا ع ويوهكم طالعين ب هالصورة اللي تفشل
اونهم يعني يضحكون عبالهم انهم مقدمين برنامج حلو ،، والله دواهم حد يغسلهم بعصا
ولا ذاك المسلسل ابله نورة يعني لازم تسوون حركات لا بركتن فيكم سودتوا ويوهنا جدام الخلق
نحن عيال الامارات عدنا عادات وتقاليد متمسكين فيها ونحترمها ،احترموها ولا انتو مب مواطنين ؟؟
جان هالبلاد ماعايبتنكم ذلفوا عنها فستين داهيه سيروا خربطوا في بلاد برا تقبل مثل تفاهاتكم اللي مالها آخر
بسكم عاد ترى بلادنا ما تبا هالمصخرة اللي تصير كل رمضان

مشكور يالنعيمي عالطرح والله اني
كنت بكتب موضوع عنهم لغير سبقتني
ماشاءالله عليك ،،، يعطيك الصحة والعافية
والسموحة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وراك وراك ........ ابوهاجر الجنوب	محروم.كوم	منتدى أخبار المواقع والمنتديات العربية والأجنبية	0	07-24-2010 02:40 PM
متى نراك في برارينا !!	محروم.كوم	منتدى أخبار المواقع والمنتديات العربية والأجنبية	0	10-11-2009 03:50 PM
وراك وراك	غانم قطر	نغمــات للهــواتف	19	10-03-2008 03:30 AM
:.. وراك وراك ( والمـــســــخــــرة ) وراك ..:	قـلب دبـي	المواضيع المكرره	2	09-13-2008 12:49 AM
طلب اغنية برنامج وراك وراك	الراهي2009	نغمــات للهــواتف	3	09-06-2008 02:06 AM