وراك وراك ( والمـــســــخــــرة ) وراك !!! - الصفحة 7

..عزت نفسي.. · 09-09-2008, 12:00 AM

المشاركة الأصلية كتبت بواسطة :*'*: مغازلجي مسجون :*'*:

لا أخوي موضوعك حلو وماعليه كلام

بس إللي يدخل ها المجال توقع منه كل شيء شين

لا تستغرب في زمن كله جايز

لا يا اخـوي اسمحـلي ,,

مب كـل من دخـل هالمجـآلـ ’’ شين ,, في نـآآس ما شــآآء الله عليهم ,,

و لا تنسـى فـ كـل مكـآآنـ ’’ في الزين و الشين ,, __DEFINE_LIKE_SHARE__

النعيمي · 09-09-2008, 01:34 AM

المشاركة الأصلية كتبت بواسطة غزيل الدار

مابعلق على المشاهد لانها مب الوحيده فقط في القنوات الاماراتية

ويكفي انه كلنا مستنكرين هالشي

بس بيني وبينك ،، محد راح يسمعنا ولا يفيسنا ،،

الي ورا هالمسلسلات ماتدري وشو يبغون يوصلوله بالظبط!

والله الهادي

هيه نعم ، ولكن انا متعمد ها الكلام على الإمارات بالذات ومالي حاية في حد ثاني
ويقول لج المثل

كثر الدق يفج اللحام

ونحن من حقنا نرمس وننتقد واذا ناس اتقول نحن اندور الزله فهذا من حقنا
لأنه طال عمرج هذا اعلام يعني شي ( محسوب عليك وعلى دولتك) دام صبغة المادة ( محتواها) اماراتي

وطني انا ، انا وطني

غديّر النعيمي __DEFINE_LIKE_SHARE__

النعيمي · 09-09-2008, 01:41 AM

المشاركة الأصلية كتبت بواسطة بنت الافلاج

الله يكون في العون اصلا اهلها وين هالانسانه ؟ يوم يشوفونها جيه تسوي وجدام خلق الله وين الغيره دمهم ما يفوور ؟!!

عايبهم أسلوب بنتهم و الا راافعه رااسهم بهالطفاسه والحركات اللي مالها معنى ؟؟

هاللي مستغربه منه وين اهلهن هالبناااات حسبي الله عليهم من اهل

عيالهم أمانه باجر بينسألون عنهم وكيف ربوهم لا حول ولاقوة الا بالله

العباره اللي بالون الاحمر اشكرك عليها وهذا ان دل على شي فيدل على غيرتك على بنت بلادك وحرصك وانتمائك للامارات

الله يكثر من أمثالك ^_^

ربي يسلمك النعيمي وهذا واجبنا بالتوفيج لك

ومن قال سالم يابنت الأفلاج
افا عليج ها العوق طال عمرج ، وانا مايهمني شخصية الإنسان كثر ماتهمني وطنيتة

المواطن انتماء وغيرية وحب الوطن ماينقاس بأي ثمن

تسلمين بارك الله فيج

اخوج /غديّر __DEFINE_LIKE_SHARE__

النعيمي · 09-09-2008, 01:44 AM

المشاركة الأصلية كتبت بواسطة وزيرة الحب

مرحبا الله حيه النعيمي
تقبل الله صيامنا وصياامك ان شالله...اولاً يعطيك الف عااافيه على موضووعك الطيب...

لا ياخي.....لا بنقول ولا شيء...وراينا من رايك...وانته من العنوان موضحنها...مسخره بمسخره..
والله ما ادري شو ياها (سما دبي)..اول ما طلعت محد أحسن عنها...حاشمة عمرها بكل برامجها..إلا الحين والله الواحد يشوف العيب منها....والمشكلة الادهى الكوادر العاملة عليها مواطنين...

والله سالفه وراك وراك...خبروني عنها...والحق ما شفتها....بس باااقي الحلقات كنت وياهم اون لاين...ابا اضحك..والله ما اقدر...المقالب سخيفه...وما فيها شيء ابداً يضحك....ترانا بس صرنا نقلد اللي نلقاه زين وإلا شين.....
عاااااااااااااده كله كووووووووووووووم وحركة العاامري ( اللي ضيع المذهب والسنع والمعااني)....كنا بالصاله والشيبه يالس...قسم بالله استحيت على عمرية انه طلعت هالحركة جدااام ابويه....ابويه هزبنا...وقال بدلوا عن هالملقط....ارمضان هو وإلا مصااخه...هيه والله صدقه ابويه....يعني احترموا انه المسلسلات يطالعونها يهال....واصلاً الحركة كانت ابداص مالها داااعي....يعني شو ضاافت على الدور غير سختتفه وقله ادب....
ولكن ( ان لم تستح فأفعل ما شئت)....شو راهم غير كوبي وبست......بس الواحد جان سكت بيسكت مره ومرتين وثلاث....والواحد جان ما غار على هويته وعادات وتقاليده تراه ما منه فااايده....
الظاهر حركة عزلان...ويا هزاااع....كسرت التوقعاات.....مادل هاي وين تبا...والله لو كنت ريال(أحم أحم)...وسوت هاي فيني هالحركة...بس من تحت أيدها عليه...الطراق معلم ع ويهيا...والريال ما ينلام...منصدم من المسخره.....
صراااحه....قله الآدب في كله بقعه...والمسااخه والسخاافه في كل مكان...والواحد عليه شروى ما يقولون اهلنا...بيدار بيته..ودام هااي القناه منا وفينا..ومن دولتنا...لازم علينا نرمس..ونقول ونقاااول...ونوصل صوتنا لين ما نروم...

وجان الباقين اختربوا ...نحن هب ملزومين نطالع شو يصير عندنا ونسكت ونقول لا...تراه الكل جيه...

يا آيها الناس عليكم بأنفسكم....وارد واقول..الواحد عليه بيدار بيته.....اي شيء يخص دولتنا وفيه اسمها...بنرمس اليوم وباجر واللي عقبه...حتى لو ما وصل صوتنا مكااان....

الواحد يسوي اللي عليه والبااقي على الله.....>>>> وهذا اضعف الأيمااان

السموووحه ع الإطاله يالخوي

بارك الله فيك

تقبل مروري

صح لسانج ياوزيرة الحب

اشكرج على كل كلمة قلتيها

النعيمي __DEFINE_LIKE_SHARE__

النعيمي · 09-09-2008, 01:55 AM

دمعة الشوق - سيرجيو

شكرا على التواجد والتعليقات الطيبة

النعيمي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وراك وراك ........ ابوهاجر الجنوب	محروم.كوم	منتدى أخبار المواقع والمنتديات العربية والأجنبية	0	07-24-2010 02:40 PM
متى نراك في برارينا !!	محروم.كوم	منتدى أخبار المواقع والمنتديات العربية والأجنبية	0	10-11-2009 03:50 PM
وراك وراك	غانم قطر	نغمــات للهــواتف	19	10-03-2008 03:30 AM
:.. وراك وراك ( والمـــســــخــــرة ) وراك ..:	قـلب دبـي	المواضيع المكرره	2	09-13-2008 12:49 AM
طلب اغنية برنامج وراك وراك	الراهي2009	نغمــات للهــواتف	3	09-06-2008 02:06 AM