وراك وراك ( والمـــســــخــــرة ) وراك !!! - الصفحة 4

Ŀάмάя · 09-07-2008, 02:58 AM

صدقت في كل كلمة اخويه النعيمي

وانا بعد شفت اول حلقه من مسلسل ابلة نوره وفعلا كانوا العامري والحوسني عالشبريه طايحين
واونه يصبح عليها

يعني سوو ضجه عسب مسلسل نور والمصاخه اللي تصير
والله عالاقل هذيل تركيين .. انتوا مواطنين وقلدتوهم .. لكم عين ترمسون بعد !!!

وشفت اللقطات اللي طراهم اخوي النعيمي .. وفي وراك وراك .. انقهرت عالآخر
يعني جد جد مصختها .. وكيمرة الفون تروح كل مكان وعادي عندها

ومثل ما قال احد الاخوه .. لو تخرطفت جان ..........

شو بنقول .. بصراحه .. المسلسلات هالسنه .. زايدين فيها جرعة المصاخه بزيااااااااااده

والله يعين السنين اليايه سما دبي ودبي شو راح تقدم لنا

واسمحولي طولت عليكم

ويعطيكم العافيه __DEFINE_LIKE_SHARE__

النعيمي · 09-07-2008, 02:59 AM

المشاركة الأصلية كتبت بواسطة زهور 2007

السلام عليكم ورحمة الله وبركاته..

صدقت يا اخوي النعيمي...انا شفت برناامج وراك وراك...والله انا ما اعرف انه نااس ليش يسوون كذاا برااامج..يعنى شو يستفيدوووون من هالشي..؟ كلها قله ادب صرااحه...و حلقه اليوم بعد شفتــه..والله كنت اتاابع و مستحيه..مثلما حرمه كاانت تسوي الحركااات مع الفناان ....و كااميرا راايح فوق و تحت..و ما ادرى وين ...و حتى رجاال كاان مستحي...و يعنى عيب صرااحه يسوون هالحركااات..و هم يعرفوون انه هالبرناامج أكثرهم صغاار سن هما الى يتاابعوون.شو راح يفكرووون؟...و صرااحه هالشي تجي ع الادااارين ..يعنى هم ليش يرضووون هالبراامج فى قنوااتهم...لا فى شهر الفضيل..عيب صرااحه

أشكرك يا اخوي ع الطرح الموضوع الحسااس جدأ....لاهنت..

ربي يعطيك صحه و العاافيه

وعليج السلام ورحمة الله ياحيج يازهور

ماشالله متابعة للساحة الإماراتية

وانا ماشي قاهرني الا ها الحركة الماصخه والخسفة الي سوتها هالممثله
كل شي يبون توطين حتى حركات الغرب " توطين " صراحة اذا التوطين جذه انا متبري منه ومابا اشوفة على محطاتنا
الإماراتية ، نحن ستوينا امعه للغرب ونقلدهم بحركاتهم حتى وان كانت خارجة عن نطاق الأدب والدين الإسلامي

تسلمين يازهور على المرور والتواصل

اخوج/غديّر __DEFINE_LIKE_SHARE__

نوافي · 09-07-2008, 03:04 AM

السلام عليكم ورحمه الله وبركاته

مشكووور اخوي النعيمي على موضوعك اللي جاي بوقته انا الصراحه ماشفت اللي برنامج (وراك وراك ) بس شفت اللي بالمسلسل انته ماسمعت بالمثل اللي يقول ( اذ لم تستحي فافعل ماشئت ) يعني ماعليهم شرهه

انا صدق اني مب اماراتيه لكن اكيد مارضى

بعدين مادري كيف جتهم جرأه على هالشي يارجال مالهم مذهب

اكرر شكري لك مشكوووووووووور

وتقبل مروري

نــــوافــــي __DEFINE_LIKE_SHARE__

النعيمي · 09-07-2008, 03:07 AM

المشاركة الأصلية كتبت بواسطة بنت الافلاج

وعليكم السلام والرحمه

واايد براامج سخييفه ومالها هدف ولا مغزى وخاصه مال الكيمرا الخفيه والضحك

شفته اليوم بالصدفه هذا يسمونه طفاااسه وقلة أدب والله انصدمت من الحركه
يعني مب حلوه والله هو اصلا منصدم ما يباها تلمسه كيف تتجرأ عليه !!!
حسبي الله عليها اللي ما تحشم ولا تخيل

وهاللقطه شفتها بعد شي مخزي الصراحه وانا اقول يا قناة سما دبي ترا هالشي ما يشرفنا
جان الا انتو تفكرون بانكم بترفعون اسم الامارات بهالطريقه فانتم غلطانييين لا يشرفنا ولا يشرف اي دولة اسلاميه

هذا غيض من فيض

الله المستعان

يعطيك العافيه اخويه النعيمي عالطرح الطيب دومك متميز

بانتظار اليديد ^_^

الله يعافيج عيوزنا

الريال انقفط ويالس يعق عليها شوفيج ويضحك وهو اساسا ماله خاطر
والله لو انا مكانه عرفت شقايل اربيها ان ماربوها هلها
حتى لو هناكي تصوير وتسجيل
ها اللي قاصرنا مواطنات يتلمسن رياييل يدام الأوادم وتضحك وياه ..

لاحول ولا قوة الا بالله

تسلمين بنت الأفلاج على التعقيب الطيب ، اليوم وانا اتابع الحلقة حسيت انهم نزلوا براسي الأرض
للأسف

بارك الله فيج وتسلمين ع التواصل

اخوج/غديّر __DEFINE_LIKE_SHARE__

النعيمي · 09-07-2008, 03:10 AM

المشاركة الأصلية كتبت بواسطة ,,swan}~

انا شفت الحلقه امايه كانت يالسه ويانا في الصاله والله استحيت

حتى امايه علقت قالت الريال استحى وهي عفانا الله لا حيا ولا مستحى

استغفر الله

خل قلة الادب

اصلن البرنامج ما فيه شي يديد كله تقليد كوبي بيست من برنامج كاميرا خفيه اجنبي اسمه

"just for laughs"

الكل يعرفه

يعني مدري وين اليديد والمسلي في هالبرنامج ع قولتك مصخره وبس

والله يالس اليوم ويا ولد عمي وهو قال لي شرا رمستج
البرنامج تقليد

هههههههههههههههه قلت لكم نحن امعة للغرب وضاع الإبداع وسط المعمعه

تسلمين على المرور يا ختي حنان

اخوج / النعيمي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وراك وراك ........ ابوهاجر الجنوب	محروم.كوم	منتدى أخبار المواقع والمنتديات العربية والأجنبية	0	07-24-2010 02:40 PM
متى نراك في برارينا !!	محروم.كوم	منتدى أخبار المواقع والمنتديات العربية والأجنبية	0	10-11-2009 03:50 PM
وراك وراك	غانم قطر	نغمــات للهــواتف	19	10-03-2008 03:30 AM
:.. وراك وراك ( والمـــســــخــــرة ) وراك ..:	قـلب دبـي	المواضيع المكرره	2	09-13-2008 12:49 AM
طلب اغنية برنامج وراك وراك	الراهي2009	نغمــات للهــواتف	3	09-06-2008 02:06 AM