السلام عليكم ورحمة الله وبركاته :
امسي على الجميع بالخير . واتمنى في البداية ان كل اللي يشاهدون هذا الموضوع
يتقبلون الضبان .
هذا سلمكم الله قبل يومين كنت معزوم عند احد الزملاء القداماء (بالبر) المهم وانا ماسك الطريق الصحراوي إلا اللي اعترض علي بالخط هاك الضب اللي سارح وبعيد

عن جحره وفجأه إلا انا قدامه اتوقع انه انصدم يوم شافني وتوررررررط مايدري
وين يروح المهم وانا انزل من السيارة متجه له ولحظة ماشافني نزلت قال الحقنـــي
كانك صااااادق والله وهو ينطلــق لجحره وانا وراه وحسيـت ان جحــره قريب من
حركته السريعة قلت بيني وبين نفسي والله ماتروح وراك وراك اثاري الدعوة ماهـي
لعب يبيله تنزيل كفــــرات وانا انزل كفراتــي اكرمكــم الله (واصير حافي) وابشركـــــم
مسكته ورزقني الله بثين زيادة من زميلي بعد ماوصلت عنده وعطيته السالفه عاد
انــا لي فترة طويلة يمكن من فوق 6 سنوات ماطلعت لصيدهن .
ومن بكرا تواعدت انا وثلاثة من الربع ابو معاذ وابو احمد وابو راجح نطلع ونتعشى عليهن ،
وابشركم تمت الطلعة واليكم الصور اتمنى انها تنال اعجابكم .


هذا بعد سلخهن وتنظيفهن



نفس الوضع



مع الثوم وشوي فلفل



هنا اقطع البصل



ونحط على البصل شوي ثوم عشان تضبط المرقه



مع حبتين طماطم



ونحط عليه قرون الفلفل للنكهه



وبعدها حبيبات القلب الضبان



ونظيف البهارات



يتبع الرجاء عدم الرد حتى اكتمال الموضوع