كل ارمضان على هالمواااال؟؟!!!!! - الصفحة 2

ابكي زمان بكاني · 09-02-2008, 04:44 AM

\\

//

تسلمين الغلا ع الطرح الغاوي

هذي مشكلتنا كلنا و ندور لها حل؟!

يا ختيه بعد انتوا شوي قريب من اوقات بعض ..لكن نحن الي في البيت؟!

انا اختصرت الدرب و اخذت اجازة من عند الدكتور اسبوع

بفكر بـ طريقه عشان اوصل الجامعه من دون عوار راس ؟! و تبين الصراحه الزحمه تقتل ..
مرات نوصل المدارس من وقت و مرات لا.. وانا العوده فيهم

يعني لازم انا الي اسير وياهم وما يهونون علي انزلهم وهم اول الأوادم واصلين ؟! الصراحه المدارس اتخوف الحين
البلا منهم!!

اظن الي حطى الأوقات كان مسطل و يبا يخلص بسرعه ويظهر

بس صدقه النعيمي ..

الأعمار مختلفه عشان جيه يراعون الي في التأسيسي و في الروضه ويخلونهم من 8ونص و فوق .. والي في الأبتدائي و الأعداديه مخلينهم ع الساعه 8 ونص و الكبار الله العالم بحالنا

بعدنا في اول رمضان الله يعينا ع نصه !!

والسموحه ..مجرد راي

تحياتي

//

\\ __DEFINE_LIKE_SHARE__

وزيرة الحب · 09-02-2008, 12:48 PM

المشاركة الأصلية كتبت بواسطة مس جلكسي

والله يا الموضوع بوقته
لان نفس السالفه في بيتنا والله
اخواني اليهال دوامهم الساعه 7:30
واختي تروح المدرسه الساعه 8
واختي الاخيره دوامها الساعه 8:30
واللي اتداوم الساعه ثمان تاخذ السياره سبع ونص عشان ماتتأخر
والاخيره ما تبا تظهر من هالوقت لان بتم فتره فالسكول
وحشره
ومن غير وحده مستجده بالكولج الله يعين السياره لمنو

من امس مسويين حشره وضرابه للسياره

والله التربيه لازم اتوحد الدوامات يعني الواحد ما عنده شغله غير توصيل المدارس
والدوامات لو موحده الواحد بيروم يتصرف وين بيكون اول شي ولا وين بيسير
لكن جيه الواحد ملخبط لان كل واحد يبا يسير بوقته وكل واحد بصوب
ومن غير زحمة السيارات

انا ايدج الراي انهم يوحدون الدوامات واساسا هم ليش جيه مسويين ما ادري كل واحد بوقت
ما شي رقابه والله ولا حسن تصرف عندهم
لان الناس والطلاب هم اللي يتعبون ويبون يوصلون بالوقت

تسلمين ع الطرح
ونترقب منج كل يديد

الله يسلمج ويسلم غاليج.....والله صدق....يعني الحين هاللي حاط هالقرار...ما يعرف بظروف...ما يقول كل مدرسة ع راسها

تراها هب حاله....والخير مال الضرابة ع منوه يتوصل قبل ..عندنا وعندكم...ههههههه

يعطيج الف عااافيه على رايج....نورتي الصفحه
__DEFINE_LIKE_SHARE__

مجرووووح العــين · 09-02-2008, 02:46 PM

عليج السلام ورحمة الله وبركاتهـ

مبارك عليج شهر الطاعه وينعاد علينا وعليج بصحه وعافية

هههههههههههههههههههه

عجبني موضوعج يا وزيرة الحب وما قصرتي

الحل كله اظني شي باصات تودي وتيييب ولكل واحد فالمدرسه له باص يوديه واييبه ليش هذا الدلع كل واحد ينش وقت متى الباص ماله اي وخلاص لا عوار راس ولا شي

ونفس الشي للجامعه شي باص وخاصه للبنات اما الشباب كل واحد وله موتره

يعني اشوف ماله داعي للدلع

والسموووحه على القصور

وتسلمين وما تقصرين على هذا الموضوع الرايع

وربي يعطيج العافيه

وتقبلي مروري __DEFINE_LIKE_SHARE__

*نظره مني تسدك* · 09-02-2008, 11:31 PM

السلام عليكم ورحمه الله وبركاته

الشهر مبارك علينا وعليكم وع اليميع ياربي..^^

هههههههههه الحل يطولي بعمرج ومثل ما ذكروا الاخوان

<< الباصات>>

الدوله ما قصرت شي باصات لكل مدرسه حسب وقتهم ولا اخوانج هم مدلعين يختي

المداارس في رمضان تتغير اوقاتها لكن مع هذاا حطت لكل منطقه باصات لهم توديهم وتييبهم...^^

ني اخواني وخواتي يسرون بالباص

ومتى يسيرون بالسياره اذا الباص روح عليهم خخخخخخخ

تسلمين غلايه ع الطرررررح الحلوووو

والصراااحه دريولكم غمضني الله يعييييييينه...^^

تقبلي مروري....^^ __DEFINE_LIKE_SHARE__

ضــيّ · 09-03-2008, 02:30 PM

موضوع فنـــاااااان
مسكين هالأسلم أحسه تعبان صدق
الرأفه !!

نحن بعدنا ما داومنا
لكن هالسالفه الحمدالله ما تستوي عندنا
دوام مدرستنا موحد حق الروضه و الابتدائي و الثانوي
تبدا الحصه الأولى الساعه 8 و 45 أو 9
يعني 8 ونص نحن فالسكول

الله يعينكم بصراحه
و انا ضد سالفه الباصات
فيها خطورة ع اليهال
و الدنيا تزيغ ماعادت مثل أول
خلوا جودي الحلوة تهز طولها
و توديهم

تحياتي ~ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري