تواقعوا الشيبه والعيوز لوول *_^ ]..

أم عفراء · #1 09-01-2008, 01:01 AM

.

.. خلكم معانا على الموجه ..

الشيبــــــــــــــــــــ ــه:

قلبي شباب ولازم اني اعرّس .. مابا العيوز اللي اتوسّد على الباب
الخير وايد وانا ماني مفلّس .. عندي فلوسٍ تدعم البنك في الحساب

العـــــــــــــــــــــي وز:

ما باقي غير خشمك وهالضرس .. تبغي تعرس وانت غادي شالغراب
قابل صلاتك الله يشفيك م المس .. والاّ ترى باطب ويهك بالتراب

الشيبـــــــــــــــــــه :

إنتي عيوز وأكلك الروب والخس .. اما انا ماكل سوى تكه و كباب
ما فيني سكر غير ضغطي نازل بس .. دام الهوى فيني ترى كل شي طاب

العيــــــــــــــــــوز:

لا بارك الله فيك يا الشيبه يا النحس .. ما تيبك الرمسه ولا ايبك اعتاب
قصرلي صوتك مابا اسمع ولا حس .. عطني طلاقي وانقلع واقبض الباب

الشيبــــــــــــــــه:

دومك نحيسه وذا لسانك يبا قص .. ربي ترى حلل لي اربع بالكتاب
هذا خميس الاعمى يا كم عرس؟ .. مرتاح في الدنيا بل اهم واعصاب

العيــــــــــــــــوز:

بطران وراسك كالصخر يابس وعص .. مالوم طبعك يوم ربعك هالكلاب
غادي شرا الاريل.. ودومك اتحيّس .. استح على ويهك.. أصلع ولعاب

الشيبـــــــــــــــــه:

فكيني من ويهك ترى مالي أي نفس .. زهقان من شوفك وابغي لي أحباب
هذا طلاقك طالقه اربع وخمس .. شلّي طلاقك من ضميري بلا احساب

العيـــــــــــــــــوز:

مشكور يالشيبه ومن دون أي دس! .. عندي حبيب ما ابتعد لحظه وغاب
يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب

الشيبــــــــــــــــه:

يالله قبل لا موت منك واغتص .. طلعتي لي قرنٍ وراسي بعد شاب
يا شينه البرقع ترى قدرك اختس .. عيوز ولك في الدنيا خلان واحباب

العيــــــــــــــــوز:

مثلك تراني وهذا لك في العمر درس .. لاني أميز بين شيبه وشباب
والا نسيت اني على الموضه ألبس .. ما علموك اني بلا شيله وحجاب __DEFINE_LIKE_SHARE__

آ۶ـشڨ ڎآڪ }›،. · 09-01-2008, 04:02 AM

~ْ مبآرڪ عليْْڪم آلشھٌر ْْ~

ـههههههههههـ

ماتنرآآم العيوز مقوآها --{ ادبته من الخآآطر

آحلى طرح شفته ^^

يعطيج العافيه ونرقب يديدج _^

~ْآللھٌ يْْتِِقبل ڝيْْآمڪم ۈقيْْآمڪم ْْ~ __DEFINE_LIKE_SHARE__

ra3ie alvtc · 09-01-2008, 07:41 PM

تسلمين يا ام عفرا

ع الموضووع .. __DEFINE_LIKE_SHARE__

كنترول النعيم · 09-01-2008, 10:23 PM

ههههههههههه

احيد وآحد عـآمري يبدع فيهـآ

تسلمين ختيهـ

وربيـ لـآ هـآنج __DEFINE_LIKE_SHARE__

داعمة قطوة · 09-01-2008, 11:12 PM

خخخخخخخخخخ حليلها العيوز

يسلمووو عالطرح __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حوار شعري بين الشيبه والعجوز	محروم.كوم	منتدى أخبار المواقع والمنتديات العربية والأجنبية	0	06-17-2010 10:40 AM
قصـة حكمة الرجل الفقير والعجوز	محروم.كوم	منتدى أخبار المواقع والمنتديات العربية والأجنبية	0	08-01-2009 11:00 PM
قصـة حكمة الرجل الفقير والعجوز	محروم.كوم	منتدى أخبار المواقع والمنتديات العربية والأجنبية	0	08-01-2009 10:50 PM
الشيبة والعيوز}}؛؛	همس الحراآير	الشعر المنقول	7	07-01-2008 03:39 PM
جوهرة والعجوز	حكومة زعبيل	قصص و روايات	1	04-19-2008 01:11 AM