بقعة ضوء - الصفحة 2

القناص007 · #1 08-31-2008, 02:25 PM

السلام عليكم ورحمة الله وبركاته

الله يعطيكم العافيه..

ادري ان الموضوع بينحذف أو بينحط تحت بند مكرر
بس لا بد من أن تحط النقاط فوق الحروف

... عندي كم ملاحظه واتمنى أن تأخذ على محمل الجد لمصلحة المنتدى
لوحظ غياب دور بعض المشرفين في المنتدى يعني صار لون ولقب المشرف مجرد شيء عابر وماله أهميه والعضو اللي حصل على اللقب ماحاول يكون قد المسؤوليه.. يعني واللي أعرفه الاشراف دور مهم جدا بالمنتدى من تنظيم وتنسيق ومراقبة المواضيع والرد على استفسارات الاعضاء الجدد بالاضافه الى دعوة اعضاء جدد للمنتدى مع العلم ان هذا دور كل عضو بالمنتدى ولكن المشرف له دور فعال اكبر
ندخل بصلب الموضوع..

... أخواني واخواتي.. الاشراف مو زيادة عدد مشاركات.. أو مسابقه على مراكز أكثر الاعضاء مشاركه.. لأن النجاح مو بالكم بقدر ما يكون بالكيف.. يعني المشرف ماراح يتعرض للمسائله اذا تأخر باضافة موضوع أو اقتصرت مشاركته على الردود.. لكن يتحاسب على كم المشاركات اللي يشارك فيها بدون وجود تفاعل!!
يعني في اعضاء يشاركون بمواضيع..ويكتبون ردود..أو يضحكون على صوره.. او يبدون ملاحظه أو نقد ويكون دور المشرف..( مشكور على المرور ) !! بس ؟؟!!!! تدرون ان هالكلمه وتكرارها تقتل روح الحوار والمناقشه والتفاعل بالمنتدى؟؟!! أصلا تخلي الاعضاء يبعدون عن مواضيع هالعضو اللي يتكاسل بالرد؟!! والسبب ......؟؟؟ اما سباق على عدد مشاركات ولحق ما تلحق أو لاهي بلصق المواضيع !!
ووين دورك كمشرف؟؟؟

عشان جذي عندي اقتراحات.. ...
يمكن يعتبرها البعض تعدي على شي مو من صلاحياتي..

لكن

تعودنا على الصراحه..........

1- المشرف اللي يغيب أكثر من شهر وبدون ابلاغ المشرف العام أو بدون وجود سبب مقنع يسحب عنه الاشراف

2- المشرف اللي يهمل القسم الخاص فيه.. نأسف ونقوله اما تحاول تنشط أو عطي غيرك فرصة الاشراف

3- من حق المشرف توجيه النقد أو تعديل الموضوع اللي يحتاج تعديل مع ذكر السبب ..وعلى العضو اللي يسجل بالمنتدى احترام راي المشرف واذا شاف أن هالشي فيه ظلم..
يوجه رساله للمشرف العام أو المدير العام يتظلم فيها

4- المشرف دوره مراقب ومنظم وخلق روح التفاعل وانعاش المنتدى .. ومو من دوره يلصق مواضيع والرد بردود سطحيه لمجرد زيادة العدد.. واذا يبي يشارك الحد الاعلى اليومي 3 مواضيع فقط لا غير وهالشي ينطبق على الاعضاء بعد.. والسبب ان كثرة المواضيع تربك المنتدى وهالشي ما يرفع المنتدى بالعكس يقتله ..لأن في مواضيع ما تاخذ حقها بالقراءه المتأنية والرد رد شافي عليها .. والسبب ان الاعضاء يبون يشاركون بكل المواضيع..والسبب الثاني .. في مشاركات لأعضاء تضيع بالزحمه ..خاصه الاعضاء الجدد اللي يشاركون بموضوع باليوم او بالكثير 3 بالاسبوع .. واذا ما لاقى الاهتمام راح ينسحب لأننا راح نرد على مشاركة العضو القديم والمعروف ونهمل الجديد

بالنسبه لي شخصيا.. اعترف ماني ملاك..انا بشر ولي عيوبي .. اخطأ وأصيب.. احيانا اتقبل النقد ..واحيانا اتألم منه.. لكن نبي نتحمل الصراحه ..لكن مو صراحة التجريح.. نبي صراحه بناءه ولها هدف معين

استفسار
1/كيف بعض المشرفين ايحصلون على الأشراف
وماعندهم شي يشرفون عليه أو بمعنى آخر ماعندهم شي يأهلهم للأشراف
يعني موضوع واسطة أو.........................................
2/ في مشرفين بس ايردون على مواضييع المشرفات ويهملون الأعضاء
ماهو السبب .........نقدر انقول.......دهان سير....أو......

للأمانه
في مشرفين الصراحة ماعليهم كلام المواضيع ماتكتمل بدونهم هم اللي يعطون الموضوع طعم ولون خاص __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مليون ريال تعويض لموت ناقة في بقعة زيت	محروم.كوم	منتدى أخبار المواقع والمنتديات العربية والأجنبية	0	06-24-2010 06:00 PM
اشرف بقعة على وجه الأرض	محروم.كوم	منتدى أخبار المواقع والمنتديات العربية والأجنبية	0	10-26-2009 01:50 AM