غـــلا ، قصه من اجزااااء ، روووووعه

♕ وليد الجسمي ♕ · 01-04-2009, 11:21 PM

قال لها انه بيروح مع رفيجه يبيه بشغله وبيرد بعد المغرب ..
غلا لفت شعرها وقعدت ترتب اشيائهم وتطلع الصوايغ ..
.* بعد المغــــــرب *.
غلا كانت تحت تنطر خالد لابسه ومخلصه بعباتها
كلهم طلعوا وحتى عمر طلع
مر وسلم عليها
خالد دخل : حياتي شتسوين بروحج؟؟
غلا : انطرك خالد .
خالد ظحك لها وهو راظي عنها : حياتي والله بس ربع ساعه عمري ماطول
غلا : ولايهمك روح تسبح وبدل ملابسه
خالد : يوووه ماجهزت ولاشي
غلا : شدعوى وانا وين رحت
خالد : جهزتيهم
غلا : يس
خالد لم غلا وباس راسها : حياااااتي انتي
غلا : يلا عمري بسرعه لانتأخر
خالد : حلاتها اصلآ ننطرهم احسن
غلا : نذاله
خالد : كيفي
غلا : خاااااااالد
خالد : انشاللللللله (راح ولف عليها) ، عاد تعالي معاي
غلا : خالد بنتأخر جذي ..
خالد : غلاا بوله عليج تعالي
غلا استحت وركبت وياه
وراحو تسبح خالد وخفف خطوط القفل خلاه خفيف وتفله وحدد الزلف
طلع ولبس الثوب ونسف الغتره وغلا قطت عباتها ومسكت المدخن
غلا : تفضل (وقعدت تبخره )
خالد : أي أي توصي فيني عن العين
غلا : ههههههههههههههههههههههههههههه
خالد : حاسبي يبوقوني عنج بعدين
غلا فتتحت عينها وداست على ريله : بايخ
خالد : آآآآآآي يالملعونه
غلا : احسن
لبست عباتها وطلعت مسكها خالد من يدها ورصها على الباب
خالد بين اطول منها لانه دنع : حلفي بس
غلا : خاااااااالد عاد =(
خالد يعطيها خده : بسرعه بسرعه
غلا استحت مننننننه موت وبصوت واطي : تكفى خالد
خالد وجنه مايسمعها : بسرعه يلا
غلا باست خده
خالد : عبالي بعد
وصلوا للدرج ووقف خالد
غلا : يااه شفيك خالد بعد؟؟
خالد أونه بريء : ولاشيي
غلا : عفيه ترا صج تأخرنا
خالد لف وراح وراها وشالها وغلا صرخت
خالد : هاهاهاها
ونزلها على الدرج ونزلوا لين الباب
غلا : خالد
خالد تسند على باب الصاله اللي يطلع على الحوش : ترا احبج
غلا : وانا اموت فيك
خالد : اااااخ ياألبـي
غلا : حبيبي والله تأخرناا
خالد : من هالعين قبل هالعين
ركبوا السياره وتغشت غلا وراحوا للبيت العود تعطر خالد قبل لاينزل
وغلا اول مادخلوا مالقوهم كالعاده فصالة الاستقبال

دخلت غلا وقطت الشيله وعدلت شعرها وخالد يطالع
غلا وهي تعدله : ليش جي تطالع
خالد : مرتي وكيفي
غلا ظحكت له وعدلت شكلها ورشت عطرها وراحت وياه
كان سعد طالع من الصاله يبي يشوف خالد الصغنن وينه
سعد : بوه هلااااااااااااااا واللللللللللللللللللللللللللللللللللللللللللل للللل لللللللله
غلا مشت بسرعه لعمها ولمته
وسلمت عليه وسلم على خالد
سعد : يه يه شلون محلوه جذي؟؟
غلا استحت وطالعت خالد وهو نظراته كلش
نزلت عينها تورطت
سعد : علميني خلني اطيح مرتي
غلا : ههههههه
سعد خذهم ودخلوا المجلس وقامت الحشره
وسلموا عليهم وحااااااااااله لفت غلا شيلتها لان عمر بيدخل
وقعدوا كلهم وبعدها راحوا النسوان الصاله الخاصه لهم
وفصخت غلا العباه والكل اثنى على لبسها وروعتها فهاليوووم ..
فاطمه : Looking wo0ow '3laaaaaaaaaaaa
غلا : هههههههه تسلمين عمري
تغريد : تحجي عدل فطيم
فاطمه : مااامي غلا تجنن موت
تغريد : وايه عليج هاي اللي طلع معاج
غلا ظحكت لهم ..
بعد ماخلص العشا سعود طلع للبيت مع ولده عمر
وخالد تنحنح ودخل لصالة الحريم ماكان فيها غير مرته وامه وعمته وبنتها ..
خالد : هاا شسويتوا فمرتي؟؟
تغريد : وي بسم الله ، شسويناا؟؟
خالد : لايكون بس هفيتوا عليها
تغريد : هههههههههههه لحول
غلا استحت وايد يعني يقول هالكلام جدامهم تستتتتتتتتحي هيي
قعد خالد وياهم شوي وكل ماتحجت فاطمه قال (بوووه هذي اللي تتفلسف) وتفتشل المسكينه
هو كان يتغشمر ويستعبط معاها يقول يا يا كونتنيو كريزي
هههههههه
بعدها راح البيت هو وغلا وامه ..
وصلوا للبيت وخالد سيدددددده هو وغلا للدار انهد حيلهم اليوم
خالد : لااااا ياربي وباجر بعد
غلا : هههههههههههههههه فرحانييين فيك قول الله يغنيهم
خالد : لائه ياربي هنفجررررررررر
غلا ظحكت : فيه العافيه
خالد : يعااافيج ياحلوه ، كلتي ولا ؟
غلا : أي كلت حمدلله
خالد : عاد اتخيلج غلا ، واي واي يمه خروف اخااف
غلا ظحكت بس عصبت : هههه وييييي تتطنز علي ها خالد
خالد : افا والله افا
غلا : أي تتطنز عليييييي ، الله يسامحك ياخالد
خالد : حبيبي جب
غلا : انت جب
خالد : انتي
غلا : انت انت
خالد : انشالله بنجب ( يمثل على انه زعلان ووطى راسه وفرك عينه اونه بيصيح)

غلا تدري انه يمثل بس شكله كان يقطع القلب
حلو ويمثل واااااااااااااااااااااااي
غلا راحت له ومسكته من جتوفه : حبيبيييييي اتغشمر
خالد : اهىء اهىء ياربي محد يحبني شسوي؟
غلا : خاااااالد وانا وين رحت؟
خالد : وخري بنتحر
غلاا :لاااااااااااااااااا تحمل خالد عفيه
خالد : بطب من دريشتنا
غلا : خالد
خالد : لاتحاولين
غلا : أحبـــــك
خالد كان ماشي ولف عليها : شنو شنو
غلا ظحكت : احبك
خالد : حلفي
غلا: احبك
خالد : اعشـقـــــــــــــــــــــــج ، اموت فيج احبج احبج
غلا ظحكت له وفصخت الطقم ودخل خالد الحمام
وهي راحت لغرفة التبديل علقت الفتسان ولبست بجاما ورديه
وخالد طلع من الحمام بس كان واقف يحط لزقه على صبعه انجرح
وغلا كانت مغسله وجهها
خالد : احي ياصبعي والله وراح شبابك ياولد سعود
غلا تطقه : بسم الله عليك
خالد : ثـفـتي ثـلـون
غلا : ههههههههههههههههههههههههههههه
خالد كان لابس شورت اسود وتيشيرتها اسود
كان مايرتاح فالبيت الا بالشورت ..
طلع خالد وراح انسدح على الفراش
غلا دنعت وقلبت شعرها وربطته ورفعت راسها
خالد : الله الله عيدي عيدي
غلا : هههههههههههههه شنو مسرحيه
خالد : عفيه عيدي
غلا : بس اوش اوش نام
خالد : نحيسه
غلا : يه
خالد : نحيسه
غلا : نحيسه واحبك زين
خالد يجرها : واموووت فيييييييييييييييج

.*.*.*.*.*.*.*.*.*.*.*.*.*.*.*.*.*.*.*.*.*.*.*.*
عمر كان بالميلس مع تركي ولابس نظاره طبيه محدده بالأسود
كان شكله كيووت
ويدق عود :
علمتني وشلون احب ..
علمني كيف انسـى
يابحر ظايع فيك
الشط والمرساا

تركي : اقول بوسّعود
عمر : سم
تركي : واحد من الشباب تصدق كان يلبس نظارات وسووو له عمليه ماعرف شسمها
ويعني مارجع يلبس النظاره
عمر : اخاف يخوك يغلطون فشي ، عيوني راس مالي
تركي : هههههه لا شدخل يبا ، عمليه ماتاخذ منك نص ساعه
عمر : اوله من صجك ؟؟
تركي : والله العظيم تبي رقمه دق واسأله
عمر يحذف عليه المخده : انجب زين ماشكك فيك بس قصدي بسرعه اخاف خربوطي!
تركي : لالا انت اسأل دكتورك وشوف
عمر : انشالله يصير خير باجر نمره
تركي : انشالله << ورجع يسوي نغمات ويسجل صوت عمر وهو يدق ويغني

شآخرة عمر وعيونه؟
وشآخرة حب خالد الجنوني لغلا ؟؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غرف نوم للصغار روووووعه	da1a3	اثاث و ديكور المنازل والمطابخ والصالات	10	09-11-2009 12:46 PM
جيُت لمنتداكم ادور لي غـــلا بينكم	ارقـى الـجـمـال	تراحيب وتهاني	34	08-22-2008 12:44 AM
نعل روووووعه	طيور المحبه	الأناقة والجمال والموضه والطفل	11	03-19-2008 04:26 PM
..صور مسنجر ..روووووعه...!	الحايره	المسنجر وملحقاته , توبيكات , ماسنجر بلس , msn	9	03-19-2008 12:37 AM
[حصّري] آخر سكربتات Dev Team ! روووووعه×روووووعه	سَوّافْ	المسنجر وملحقاته , توبيكات , ماسنجر بلس , msn	44	01-29-2008 07:30 PM