غـــلا ، قصه من اجزااااء ، روووووعه - الصفحة 63

الغنــاهـ · #1 01-29-2009, 11:32 PM

انسدحت غلا وهي تحس خلااص ماتقدر تسكت بعد عن عوار بطنها .
حطت يدها عليـه وغمضت عينـها
حست انها صارت احسـن ارتااااحت ونامت في سبات عميــــــــــــــــــــــــــــــــــق ،،،
خالد بعد نام وقام على صلاة العصـر وشافها نايمـه .
لبس وراح المسجد لانه كان قريب من بيتهـم .
صلى ورجع البيت فتح باب الدار ولقاها لين الحين نايمـه ،،

" اففففف ردينا ، شفيها تركت هالحاله وردت لها هي مو من عوايدها تنام هالكثر
لا قبل العرس ولا بعده يااالله "
بدل ثوبه ولبس ثوب للبيت ونزل قال للخدامه تسوي له Black coffee وقعد يشربها وهو يدخن
خذ موبايله واتصل فسعــــد ..
سعد كان نايم بعد ..
خالد : الوووو .
سعد وهو نايم : أهلين هلا خالد
خالد : انت نايم بعد شفيكممممم على النوم !!
سعد : ليش شصاير ؟؟
خالد : مادري ياخي غلا ردت تنام مثل قبل
سعد : عادي يبا ، يمكن من لوية البيت
خالد : انزين الـGrand mama موجوده اليوم !
سعد : سؤالك مثلك والله ، يعني امي من متى تطلع ؟
خالد : اعوذ بالله منك ، يبا عندي لباقه اسأل ، اسأل
سعد : كركر ظحكتني
خالد : اقول اقول
سعد : هلاا !
خالد : رد نام يلا يلا
سعد : احسسسن
وسكروووووووووووووووووووو ،،
خالد قعد فالصاله واظلم الوقت واذن المغرب عليه
صلى ورد للبيت ،،
غلا كانت فالدار ، مكسله وتلم شعرها ومنهــد حيلها
دخلت الحمام بدون وعي وافتحت الماي عليها لان حست راسها ثقل ..
طول الوقت وهي ماسكه راسـها ،،
طلعت بعدها وبدلت
لبست جلابيه بيضا فيها جوري عنابـي مشطت شعرها وتعطرت
نزلت لقت خالد ،،
ظحكت فويهه
خالد : هاا ، صباح الخيـــــــر ، خرعتيني عليج
غلا : ليش مافيني شي انا
خالد : تركتي هالعاده ورديتي لها ومب راظيه نروح نشوف شفييج
غـلا : شفيني؟
خالد : يعني ماتشوفين نومج زاد ؟؟
غلا تبي تظيع السالفه : ههههههه لا حبيبـي هذا نومي بس متلخبط تعرف البيت وحوسة البيت

خالد : أكييد؟ عمي سعد توه قايل هالكلام بعد
غلا : كلمممته !!
خالد : أي
غلا : تكفــى حبيبي خنرووح لهم
خالد : امممممم خليني افكر فالسالفه وارد عليج
غلا انصدمت من صجه !!
خالد لف عليها : ههههههه اتغشمر اتغشمر كل شي جدي عندج
غلا : شسووووي خرعتني
خالد : زين مالي شي قبل لانروح !
غلا : هههههههه يلا يلا قوم لانتأخر
خالد قط غترته وتجتف : وقت ثاني نروح
غلا تقرب منه وهي تظحك : خلاص يا خالد لا طلعنا اوريك شلك
خالد : No الحييييين فاهمه
غلا تجر شعره : قلت لا طلعنااااااااااااااا
خالد : احححح اح هديييييييه ،، (شالت يدها) ، ليش جذي عورتي شعري =( !
غلا (وااي) : خـلاص توبه
خالد : لا بجر شعرج مثل ماجريتي شعري
غلا : ها لا !
خالد : ها لا يعني تكسريني خاطري ماااااااااااااااافي
غلا تخرعت ولفت عشان يجر شعرها
خالد لمها من وراها وهمس فاذنها .. : تنكســــــــــر يدي ان فكرت ، انتي الغلا .
غلا خلاص بطنها صار يعورها دبل من كلام خاااالد
خالد : يلا حياتي قومي ماتبين نطلع ؟
غلا قامت بدون ولا حرف وخالد يطالعها
(( يحلييلها والله صغيييره ،،صغيييييييره )) ..
.*.*.*.*.*.*.*.*.*.*.*.*.*.*.*.*.*.*.*.*.*.*.*.*.
غلا مابدلت ولاشي بس زيدت كحلها شوي وحطت قلوس بلون الـ Cheery وخففته شوي
لبست ساعه ولبست عباتها وخذت شنطتها ونزلت لخالد ..
خالد : الله الله ماقدر على الكاشخيـــــــــــن انا
غلا : هههههههه
خالد : مش آدررر
وركبوا السياره ،،
خالد يقصر صوت المسجل : غلاا !
غلا تلف عليه بدون ماترد
خالد : اخاف نلقى امي وابوي هناك!
غلا : يروحون هالايام؟
خالد : لا هم بس اخر الاسبوع لكن حاس بنشوفهم !
غلا : واذا
خالد : الله يهداج يعني ماتعرفين امي
غلا : ماعليك ماراح نلقاها .
خالد : ........... ( ورجع انتبه لطريقه ) ..
سكتت غلا وتمت تفكر بنلقاهم ؟ ولا !!
وصلو للبيت العوود ،،
غلا : شفت محد
خالد : ههههه زين زين بل
غلا ظحكت ولف خالد بسرعه ينزلها
نزلت ومسك فيدها خالد وغلا مستحيه زين بس مو جدام عمي استححححي ،

دخلوا ولقو يدتهم بس سلموا عليها وقعدوا شوي يسولفون معاها ..
خالد قعد يتقهوى خخخ مع يدته ويسولف مثل كل مره ولا يفهم حرف .
غلا : يمــه وين ابوي سعد ؟
يدتها : فوي يايمه ، مانزل اليوم ولا شفته
غلا : خلاص انا بروح انزله
خالد يطالعها بنظرات
غلا تقرب منه وهي واقفه : شعندك ؟
خالد انسطل : ولاشي
غلا تحط يدها عليه وهي ماسكته من رقبته : عيل شيل عينك عني
خالد : .........
ومشت عنه غلا لعمها سعد
خالد بصوت عالي: فدييييييييييت الاحممممممممر
غلا ظحكت بصوت عالي وطلعت لعمها .
يدتها : شفيك يمه تصارخ ؟
خالد : لا استخفيت يمه
يدته : أي حمدلله ..
خالد : ههههههههههه لا اله الا الله
غلا طقت باب الدار ودخلت
سعد : هلا هلا الله حيهممم ، شهالنور اللي دخل علييي
سعد كان يلبس
غلا راحت ولمت عمها بقووه وشمت عطره الدايم اللي تمووت فيه
غلا بنبره غريبه : ولهــــــــت عليـــــــــك عمـــــــــــي .
سعد : حياتي انتي ، يعدلها " ، قولي شفيج غلا لاتخشين علي انا اعرفج
غلا : مافيني شي ياعمـي لاتشغل بالك انت ، كلنا ننتظرك تحت
سعد يمسك يدها لما قامت : ورحمة اخوي تقوليـن
غلا سكتت ، انربط لسانها ماعرفت شتقول
سعد : بتقولين لي ولا خلاص اعتبرتيني غريب !
غلا : لا عمي لاتقول جذي ، بس والله مافيني شي انت ششايف؟
سعد : احس فيج شي ، لطيفه رجعت تقولج شي ؟
غلا : لا مادري عنها من نزلنا البيت
سعد : خالد ؟
غلا : خاالد ؟ خالد يزعلني ، من صجك عمي
سعد : يمكن قال كلمه وزعلج
غلا : بالعكس خالد مافي منه 2
سعد : الله يهنيكمم انشالله ، قولي لي شخبارج بعد
غلا : والله بخير ياعمي ، ماتنقصنا غير شوفتك وسوالفك
سعد وقف وهي معاها وتم لامها وهم يمشون لتحت ..
خالد وقف يوم شافهم نازلين على الدرج
خالد : لا والله معاريس الهنا وانا مادري !
سعد : هههههههه هلا هلا بوسّعود
خالد : لو سمحت شيل يدك
سعد : ههههه اعوذ بالله الناس تسلم قبل مو تآمر
خالد : أي ها الحين لازم اسلم
خالد يسحب غلا من عنده وشالها قعدها على الكرسي
غلا حست انها يااااااهل بينهم خخخ
خالد : ان قربت صوبها اذبحك واقطعك صغار صغار واحطك فاكياس واتبرع بك
سعد : اف اف اف اعوذ بالله شهالمجرم اللي عطيته بنتي ، ول
قعد سعد وحب راس امه وقعد ياكل فواكه ويسولف وياهم
غلا من يدخلون بسالفة الشغل تزهق وتبعد عنهم ،،
وخرت وقعدت تطالع التلفزيوون ،،
قعدت الافكار فبالها تروح و تجي
والعوار فبطنها هم يجي ويروح وهي تعبس ووتغمض عيونها
خالد شافها وخرت عنهم لكن سعد سالفه ورا سالفه فالشغل ,,,
__DEFINE_LIKE_SHARE__

♕ وليد الجسمي ♕ · 01-30-2009, 01:42 AM

يعطيك العافية أختي الغناهـ..

شكرا لك على البارتات رووووووعه

دمتي في حفظ الله تعالى وعلى طاعته ..

على الخير نلتقي لنرتقي .. __DEFINE_LIKE_SHARE__

الغنــاهـ · 01-30-2009, 02:12 AM

المشاركة الأصلية كتبت بواسطة وليد الجسمي

يعطيك العافية أختي الغناهـ..

شكرا لك على البارتات رووووووعه

دمتي في حفظ الله تعالى وعلى طاعته ..

على الخير نلتقي لنرتقي ..

الله يعافيك ياخويه ..

والعفوو ..

ومشكور ياخويه على مروورك الرووعه .. __DEFINE_LIKE_SHARE__

a-s-m-h · 01-30-2009, 12:53 PM

ثانكس خيتو على البارت الروعه

وننتظر البارت الياي ولا تبطين علينا

تقبلي مروري __DEFINE_LIKE_SHARE__

Shai5at El7sn · 01-30-2009, 01:43 PM

وين التكمله مالت القصه؟؟؟؟

لاااااااااا لا تقولون ان هذي نهاية القصه!!!!!!!!!! __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غرف نوم للصغار روووووعه	da1a3	اثاث و ديكور المنازل والمطابخ والصالات	10	09-11-2009 12:46 PM
جيُت لمنتداكم ادور لي غـــلا بينكم	ارقـى الـجـمـال	تراحيب وتهاني	34	08-22-2008 12:44 AM
نعل روووووعه	طيور المحبه	الأناقة والجمال والموضه والطفل	11	03-19-2008 04:26 PM
..صور مسنجر ..روووووعه...!	الحايره	المسنجر وملحقاته , توبيكات , ماسنجر بلس , msn	9	03-19-2008 12:37 AM
[حصّري] آخر سكربتات Dev Team ! روووووعه×روووووعه	سَوّافْ	المسنجر وملحقاته , توبيكات , ماسنجر بلس , msn	44	01-29-2008 07:30 PM