غـــلا ، قصه من اجزااااء ، روووووعه - الصفحة 43

روعة_احساس · #1 12-18-2008, 05:20 PM

مشكور اخوي على البارتات الحلوه
و نتريا البارتات اليايه __DEFINE_LIKE_SHARE__

♕ وليد الجسمي ♕ · 12-21-2008, 02:52 PM

مر على كلامنا يومين
غلا وخالد كنسلوا الهني مون وخلوه شهر ونص بفرنسا بس
عجبتهم موت ..
راحوا لساحة الكونكورد ..
خالد كان واقف وهو متونس عليها
مشى هو وغلا وقعدوا فكافيه ..
غلا طلبت فدج كيك وخالد طلب تراميسو
قعدوا ياكلونها وفجأه السما ظلمت وارعدت
غلا طار قلبها هي موتها البرق والرعد تموت خوف من صوتهم
تحس نبضها يوقف من الخرعه
خالد انتبه لها لانها شهقت
خالد : شكلها بتمطر
غلا : وييي احنا بعاد عن الفندق
خالد : شنسوي ؟
غلا : مادري بس نرد خالد الله يخليك
خالد : ليش
غلا ماتبي تبين انها متخرعه : ها عشان المطر ومب زين
خالد يبي يطفرها : لايبا حلاتها تحت المطر ، ايبااا والرعود ياسلاام
غلا عيونها انترست دموع : الله يخليك خالد انا اخاف
خالد : ههههههههههههههههههههههههههههههههههههههه
ههههههههههههههههههههههههههههههههههههههههههههه ه
ههههههههههههههههههههههههههههههههههههههههههههه ههههه هههه
ههههههههههههههههههههههههههههههههههههههههههههه ههههه ههههههههههه
غلا انصدمت : ماقلت نكته ؟
خالد : ههههههه رعد يخوفج ؟
غلا : لا عادي نقعد خلاص
خالد :يلا غلا بتزعلين ؟
غلا : لا مازعلت عادي والله =)
خالد : حيااااااااااااااتي
غلا تلف عنه وعيونها تقطر
خالد : غلاا شفييييييج من صجج بتصيحين لايشوفونا العالم
غلا : صج هامك كلام العالم
خالد : حياتي انتي
غلا : برد الفندق
خالد وهو يحط الفلوس : زين زين بنرد لاتسوين لنا اعصار كفايه المطر
غلا تطق بريلها على الارض..
قام خالد هو وغلا بعد ماقرب لهم الدريول السياره لاقرب حد
كانو صاخين واخرتها لقط الدريول قناة سوا ..

قول آميــــــن
عساك تحبني
وتموت فيني
قول آميـــن
عسى ايدينك
ماتفارق ايديني

خالد مسك يد غلا : مب قايله آمين انشالله ؟؟

غلا بصوت واطي : ليش؟
خالد : عساك تحبني وتموت فييني
غلا تحط راسها على جتفه ..
خالد : بتنامين عمري؟
غلا : راسي مادري شالسالفه
خالد : كله مني سهرناج امس
غلا : هههههه شدعوى
وصلوا للفندق كان المطر شوي خاف رذاذ بس شوي قوي
خالد وهم يمسح بابهامه وهو شابك بيد غلا ،، على يدها ..
خالد : غلا ،، غلاي ، غلاا قومي
غلا فتحت عينها وهي مفتشششله حدهااااااا
خالد : يلا ياحلو وصلنا
غلا ابتسمت له ونزل خالد قبلها وغلا بعده وهو ماسك يدها ينزلها
وصلوا للفندق وسيده للسويت
غلا كانت متجمده بس ماقالت لخالد دخل خالد يتسبح وغلا بدلت ملابسها
وتلحفت تدفي روحها
خالد فتح باب الحماام ينادي غلا
خالد : غلاااااااااااا
غلا نطت : هلاااااااا ،، (راحت له) ، نعم خالد؟؟
خالد : شربت الشامبو ههه قصدي خلص
غلا : هههههههههههههههههههههههه ماكو غيره شنسوي
خالد : وااااااي وشعري << يقلد عليها
غلا : هههههههههههههه مادري بشوفلك صبر
راحت غلا نبشت بشنطتها لقت شامبو
غلا باب الحمام وانفتح هيييييييييي
ردت على ورا عند لفة الحمام
غلا وهي تتراقل : خخـ ... خاالد !
خالد من ورا الباب مد يده : ثانكيوووووو غلويه .
غلا قعدت على السوفا وهي تلعب بشعرها وتطالع التلفزيون
طلع خالد بروبه ماعطي غلا ظهره
لبس قميص بجامته لانه نساه ..
لف عليها وهو يسكر أزرته
خالد : ها غلا تبين عشا؟؟
غلا وهي ماسكه بطنها : ياااااااااااااريت صرت ماشبع
خالد: ههههههه احسن والله
غلا : هههههههه بس عفيه مالي خلق البس وانزل
خالد : من قال اانا لي خلق هههههههههههههههههههههه
غلا : ههههههههههههههههههههه ،، خلاص عيل نطلب؟؟
خالد اوكيه راح وقعد حذا غلا لاصق فيها حيل
اتصل خالد وطلب
طلب هو ستيك وغلا شوربه وجكن ونقز ..
خالد لما سكر لف على غلا وهو مرجع راسه على ورا
غلا وهي مستحيه : يه!
خالد : يه انتي
غلا : خالد لاتطالعني جذي
خالد يمثل بيده على راسه : كـــيـــفـــي
غلا لفت عنه وخالد جرها وحطها على صدره __DEFINE_LIKE_SHARE__

♕ وليد الجسمي ♕ · 12-18-2008, 11:40 PM

خالد وغلا كانوا يتمشون فالشانزلزيـه والمدينه منوره والجو حلووو
كل شي فيها ينبض بالحياه والحرمه
قعدوا فكافيه يتريقون ,,
خالد وهو يشرب الـ ( بلاك كووفي)
خالد : جيتي باريس من قبل؟؟
غلا : أي بس ماشفتها
خالد : متى ؟
غلا بخجل : جيت اجهز من هني
خالد : اااهـا ..
غلا : وين بنروح اليوم ؟
خالد : اممممم اليوم بيجي المترجم اظن بنروح لنهر السين ومنطقة الحي اللاتيني << ووهو شاق حلجه
غلا تبتسم : ااااااها
خالد : ااها .!
غلا : ههه لاتكفى ردينا ؟؟
خالد : هههههههههههههههههههه
خلصوا ريوقهم وقامو يتمشون ويشترون اشيا
طلع خالد من المحل وطلعت وراه غلا جات جنبه مسك يدها وتمو يتمشون
وغلا مستحيه منه ومن نظرات العالم كلها
خالد يأشر بيده : شوفي غلا ,,
غلا : وااو شنو هاي ؟
خالد : أظن هاي قوس النصر ..
غلا : الله حلووو وايد
خالد طالعها وابتسم
خالد : نظاااراتهم ياشيييخ
غلا : هههههههههههههههههههههههههههههه لااا لاتعيب عاد
خالد : هههههه ماعيب والله

غلا فصختها : زين جذي
خالد : أي عيونج احلى
غلا ردت لبستها وابتسممت بقووووو
خالد : أي لين ماينشق حلجج
غلا : ههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههه
خالد : انتي صج حد يدلدغج غلا ؟
غلاا : لا ؟
خالد : من زمان كله تظحكين
غلا سكتت وماردت خالد مشى معاها ووصلوا لين السياره اتصل على الفندق وراحو جابو المترجم
راحو للنهر وشاافوه خالد جن جنونه على النهر خخخ
كانت هالمنطقه متركزه فيها كثير من المطاعم والكافيهات
لمن وصلوا كان على الغدا تغدوا وخلصوا وقامو ..
أمجد فالسياره كان قاعد جدام وخالد وغلا ورا ..
أمجد : أي سيدنا لوين هنروح ؟
خالد : والله على كيفك احنا هذي اول زياره لنا وين حاب تودينا
أمجد كان راعي قرقه وهذرة
أمجد : أي تاججج راسي رح وديكن اليوم من بعد ماخلصنا من هالمشوار الأمور للنهر
هنروح لساحة الكونكورد انتو شفتوا أديش حلو النهر والمطاعم وخلافووو
(( غلا زهقت وراسها انبط منه حطت راسها فيها النوده على جتف خالد .. ))
هونيك رح تشوفو مسله مصريه بالساحه .......... وتم يشرح ويشرح ويشرح ويهذر
وغلا وخالد تسندروااااا
خالد دخن وغلا قامت من على جتفه لما دخن
سكت امجد وقعد يهذر مع السواق
خالد يهمس لها : شفيج غلا ؟
غلا بعصبيه هاديه : مافيني شي
خالد : شلون مافيج ؟
غلا : ماكو شي خالد
خالد سكت عنها وكمل زقارته ..
كان ريحة عطره صابغه بملابس غلا ..
نزلوا للساحه يشوفونها والناس كانت متجمعه ..
غلا قربت منها وحده وسلمت عليها وبعد خالد عنهم
كانت وحده من رفيجات غلا ..
راحت عنها غلا وردت لخالد وخالد كان يطالعها
خالد : ياهلااااااا
غلا : هههههههه
خالد : من هذي؟
غلا : رفيجتي من الثنويه
خالد : اااها
سكتوا وتمو يشوفون
غلا : آآي بتنكسر رقبتي طويله حيل ههههه
خالد : ههههههه مساكين القصار ترا
غلا : هههههههههههه ويييييييي خف علينا يا طويل
خالد : حمدلله طويل وافتخر ههههههههههههههههه شعندددده !
غلا : ههههههههههههه اشك فعقلك ياولد عمي
خالد : ليش بالله شايفتني قاضب قيتار وناكش شعري ومبهدل روحي واطامر؟ ؟
غلا : هههههههه بسم الله شوي شوي علي اتغشمر والله
خالد : يلا يلا ماعندنا بنات يعرفون الغشمره
غلا تقرب منه : احلف خالد
خالد : ها ، لا جذاب
غلا لفت عنه وهي مبتسمه ..
خلصوا من هالطلعه على العشاا وردوا للفندق ..
غلا دخلت الغرفه وقطت روحها على السرير تعباااااااانه
خالد جا وقعد وهي منسدحه
كانت قاطه شيلتها وناثره شعرها وتلعب بالعضاضه ..
خالد : هااا تعبتي !
غلا : هههههههههه يعني
خالد : هههههه حقج علي الطلعه كانت متعبه وماقلت لج
غلا : يوه وانت تحب تتعذر يعني
خالد : شسوي !
غلا : لاتسوي شي
خالد : ههههههههه حلفي
غلا بدلع : خااااااااااااااااااااالد ..
خالد : ياربي ، روح خاااااالد والله
غلا فتحت عينها وقامت
خالد حس ان غلا متظايقه لكلامه اللي يقوله بس هو شيسوي لسانه ماخذ على هالأسلوب
والله مو بقصد اقولها والله بكيفه لساني هذا
غلا طلعت وهي لابسه قميص نوم عنااابي طويل بس بدون جم من فوق ..
خالد كان مبدل ولابس بجامه سودا ومخلي كم زرار من فوق مفتوحين ويلعب بالموبايل<< شعندك!
غلا انصدمت شنو محلو خالد بالأسوووود اف
خالد حط الجهاز وقعد يغني بصوت واطي وغلا تفجج شعرها لانه شارت فيه العضاضه بطرفه ..
خالد بصوت واطي :
في عيني اليمنى من الورد بستان
وفي عيني اليسرى عجاج النسنِِِِِِ
تهزمنــي النجلا وانا ند فرسان
واخفي طعوني والمحبه تبينِِ
غلا : شتقول؟
خالد بخرعه : ماقلت شي والله !
غلا : تقول نجلا؟
خالد : ههههههههه اغني
غلا وهي متخصره : ياسلام من نجلا انشالله ؟؟؟؟؟؟؟ اللي تغني عليها
خالد عدل قعدته ومسك يدها وقعدها وغني بصوته الحلو ..
يغني : تهزمنــي النجلا وانا ند فرسان
واخفي طعوني والمحبه تبينِِ
خالد : ها عرفتي من نجلا ؟
غلا تطقه بخفيف بالمشط : عبالي بعد
خالد لما وقفت عنه غلا انسدح وهو راد يده على راسه والثانيه يدق فيها شفته
خالد : تغارين علي غلا ؟؟؟
غلا دق قلبها كل شي الا هالسؤال ماعرف شقول وااي فشيله اف اف شسوي شهالحريقه ياعالم
غلا : هلا ؟
خالد : تغارين علي؟؟
غلا بخجل :. مو ريلي؟
خالد : بلا ريلج وولد عمج
غلا : شلون ماغار ؟
خالد : من نجلا؟؟؟
غلا : ههههههههههههههههههههههههه
خالد يغني :
البارحه مريـــت
في أحلى الفصول
صيف وشتا
وناظرتهـــا
وقلبي يقول هذي العيون (يأشر على عيون غلا)
إلـى متى ؟؟ ..
حبيبتي ياكثرها عيونك على هالليل
وان ما التفت اشوفها..!
ياحبيبتي يااازينها عيووووووونك ورى هالليل
سحرني برق سيوووفها

غلا فهمت قصده : صج عاد !
خالد : هههههههههههه
بعد صمت
خالد : ترا صج غلا تعجبني عيونج
غلا وهي مستحيه : ليش
خالد : انا من زمان احس اللي مثل عينج ، مادري شلون؟؟ نظراتها غير محد عنده مثلها
غلا : ياسلااام

خالد : والله جد وايد حلوين ماشالله
غلا : هههههههههههه خااااالد تتطنز ؟؟؟؟؟
خالد : لا وربـي
غلا : =)
خالد : اف سفري ورى عيونك تعــــــب ( وهو يتل قميص بجامته ويرده)
غلا : شوي شوي على روحك خالد
خالد : هههههههههههههههه
تمو يسولفون وبعدها قاالوا للمترجم انهم بيتمون بالفندق
ويتعشون فيه ويطلعون يتمشون ويردون

فقطر ..
عمر كان منسدح على كراسي الشاليه بره وربعه يشوون وواحد يولع جراخي
مر عليه طيف غلا وقام متخرع من اللي شافه
غلا ؟؟ جات علي؟
ليش طريت عليها وهي مع خالد ؟؟
آآخ أكيد حبيتها ياخوي
ااخ ياقلبي حساايف ياغلا ظعتي مني
غلا تنحب بسررعه
إيه الله يهنيكم انشالله
انا ليش ماتصل لخالد ؟
اذا ماتصلت بيظن اني زعلان ويمكن يفكر بشي غير
وينكدون على بعض شهر عسلهم ..
مسك موبايله واتصل
خالد وهو كأنه كان يظحك وسكت ..
خالد : هلا والله والف غلا بالغااااااااااااااااااااااااااااااااااالي حبيب قلبي
عمر بحزن بس غيرها : هلا والله هلا بالمعرس
خالد : يابعد عمري شخبارك؟ شمسوي زين طرينا عليك بس
عمر : متى رحتوا لاجل تطرون بس؟؟؟
خالد : ياويلي انا شهالحب شهالحب ؟
عمر : هههههه والله اشتقت لك ياخالد شمسوي شخبارك وشخبار العروس؟
خالد : الله يسلمك كلنا بخير انت شلونك شمسوي انشالله طيب
عمر : بسماع صوتك ياخوي ..
خالد : الله يخليك انشالله ، ها مطول بالشهاليهات شكلك
غلا كانت حذا خالد ،، وحست انه عمر .: قعدت تلعب بالمخده تلهي قلبها لانه حرام
هي على ذمة واحد ومو حلوه اصلآ ..
عمر : والله شنسوي تغيير المدِينه مللللللللللل ياخوي مُمله مافي غير هالمجمعات
خالد : يابعد هلي والله ، خلاص يالشيخ مانطول عليك
عمر : يالله وانت بعد مانطول عليك دير بالك على روحك ومرتك
خالد : لاتوصي وانت هم تحمل بروحك وعن السرررعه
عمر : انشالله ، يالله الله وياك
خالد : فمان الله ..
سكر خالد وبارتباك .. : هاي عمر اخوي،، يحليله
غلا بمرح : اا يحلييييله ، شخبارهم ؟
خالد : والله تمام
غلا : = )
خالد : هاا ماتبين تتعشين ؟؟
غلا : ههههه عادي ، انت تبي؟
خالد : يس وانتي تبين
غلا : هههههههههههههه .
راحت غلا ولبست تنوره جينز وبلوزه من save the queen كلها اشيا ودانتيل والايد فرنسيه
شكلها كان عجيييب تكحلت وحطت قلوس بيج وتعطرت وطلعت ..
خالد كان لابس بنطلون جينز مايل للرصاصي وقميص أزرق تعطر وطلع ..
غلا ( اللللللللللاي روعه ) : ها خلصت ؟
خالد : أي ، يلا مشينا؟
غلا تاخذ شنطتها : يلا
طلعت وطلع خالد وراها يسكر الباب ..
مشوا لين اللفت وركبوا كانو بس هم اللي يمشون
انفتح باب اللفت وكانت ضبة عرب وشباب ..
جدم خالد على غلا وهي وراه ماسك يدها وتطوف معااه
كان المكان زحمممممه شكلهم الناس توهم واصلين
قعدوا فالمطعم والمطعم هم كان زحمـــــه ومليان عرب..
خالد : شكلهم توهم واصله طيارتهم ..
غلا : أي تصدق لان زحمه مو طبيعيه ..
خالد : تقولين ببلاد عرب مو بفرنساا !!
غلا : هههههههههههههههههههههههههههههه
خالد : والله مالقيتوا غير فرنسا
غلا : ياسلام
خالد : يخربون علينا ( يغمز لها )
غلا : خالــــــــــــد ..
خالد حط يده على حلجه : سكتنااااااا يباااااا ..
غلا : ههههههههه
وجابو المنيو طلبو وقعدوا ينطرون أكلهم ..
.*.*.*.*.*.*.*.*.*.*.*.*.*.*.*.*.*.*.*.*.*.*.*.*.* .*.*.
احنا ماتكلمنا عن خطبة العم ( سعــد ) و معشوقته ( عليــا ) ..::..
سعد كلم امه وكلموا أهل عليا بالكويت ووافقوا خطبوها رسمي
وقررو يسوون حفلة الملجه بردة خالد وغلا من السفر
عشان ماياكلون عنهم الجو ولا الونااسه ..
سعد كان رجال وسيم اسمر مو طويل وايد ولاقصير متوسط طوله ..
شعره أسووود وعيونه حلوه وسيعــه العايله كلها متوارثه الغمازات خخخ ..
وعليا كانت أجمل وأجمل كانت بيضا بس مو حيل وشعرهاا دجااا من حلاته ..
كانت العايله كلها تعرف ان شعر عليا احلى بألف مره من شعور كل البنات ..
كانت عيونها لوزيـه ولونها فاتح وشفايفها وررررررديه مثل خدودها ..
حبت سعد من يوم كانوا صغار لكن ماكانت تقعد معاه ولاشي ..
المهمـــــــــــــــ ..:..
.* اليوم الثانــــــــــي *.
بعد صلاة المغرب الكآبه كانت عامه بيت العم سعود
لطيفه كانت قاعده تحاجي اختها بالتليفون وعمر بداره ..
كان قاعد ماسك قلم ويرسم على الجلاد البني < أظن الكل يعرفه
البني الورق قديم حيل هوو ..
المهم .. __DEFINE_LIKE_SHARE__

الغنــاهـ · 12-19-2008, 12:54 AM

حررررررررررررررررررام قطعت بمكان غير مناسب ..خخخخ

المهم مشكوور ياخويه على البارت الرووعه ..

ونتريا التكمله بفارغ الصبر ..خخخ __DEFINE_LIKE_SHARE__

مغرورة بس معذورة · 12-19-2008, 03:01 PM

يسلموووووووووو خيوووووووو ع البارت الروعه

وننتظر البارت الياي

ثاااااااانـــــــكــــــــس
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غرف نوم للصغار روووووعه	da1a3	اثاث و ديكور المنازل والمطابخ والصالات	10	09-11-2009 12:46 PM
جيُت لمنتداكم ادور لي غـــلا بينكم	ارقـى الـجـمـال	تراحيب وتهاني	34	08-22-2008 12:44 AM
نعل روووووعه	طيور المحبه	الأناقة والجمال والموضه والطفل	11	03-19-2008 04:26 PM
..صور مسنجر ..روووووعه...!	الحايره	المسنجر وملحقاته , توبيكات , ماسنجر بلس , msn	9	03-19-2008 12:37 AM
[حصّري] آخر سكربتات Dev Team ! روووووعه×روووووعه	سَوّافْ	المسنجر وملحقاته , توبيكات , ماسنجر بلس , msn	44	01-29-2008 07:30 PM