غـــلا ، قصه من اجزااااء ، روووووعه - الصفحة 27

مغرورة بس معذورة · #1 11-16-2008, 11:46 PM

يسلمو ونتريا البارت الياي __DEFINE_LIKE_SHARE__

الغنــاهـ · 11-17-2008, 12:43 AM

حرام والله .. قويه طلعت امه .. مايهزهاا ريح .. عافاانا الله ..

مشكوور ياخويه على البارت الرووعه ..

ونتريا التكمله ... __DEFINE_LIKE_SHARE__

a-s-m-h · 11-17-2008, 07:53 PM

مشكووووووور اخوي على البارت ونتريا البارت الياي واتمنا لو يكون اطول __DEFINE_LIKE_SHARE__

♕ وليد الجسمي ♕ · 11-19-2008, 10:52 PM

المهــم ..
غلا قررت انها تتجهز من لبنان وباريس ..
اول اسبوع لها ببيت يدها ..
كانت قاعده تحط مناكير على اظافرها وتدندن بروحها ..
رن موبايلها شافته .. رقم غريب .. !!
ردت يمكن حد يبيها لان طول ..!
غلا بصوتها الناعم : الووو !
خالد : هلا غلا
غلا تصرقعت خالد متصل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
غلا: أ أهلين هلا خالد ..
خالد : شخبارج ؟
غلا: الله يسلمك انت شخبارك
خالد : حمدلله تمام شخبار عمي وعمتي والكل
غلا : بخير يسلمون عليك ..
خالد : هههه الله يسلمهم
قعدوا من هالسوالف المعتاده شمسوين ومادري شنو
خالد : اقول غلا !
غلا : هلا ..
خالد : فاظيه باجر !
غلا : اكيد .
خالد : عيل بعد المغرب انشالله امر بيت ابوي
غلا : انشالله ، ناطرينك ..
خالد : انشالله ، يلا توصيني بشي؟
غلا : سلامتك
خالد : يسلمج ، ديري بالج على نفسج
غلا استتتتتتتتتتتتتتتتحت صج من هالجمله : انشالله ،، مع السلامه
خالد سكر
حس شكثر غلا مستحيه منه من كلامها مبين تسكت وترد ولا تظحك
هههه يحليلها والله ..
آآآخ الله يعينا انشالله ..
طلع زقاره وقعد يدخن طفاها وطلع ..
دخل عليه ابوه
وخالد اهتز لمن شاف ابوه بالدار
خالد ( اوف شنو بعد شصاير؟ الله يستر ) : هلا يبا تفضل
سعود قعد على الكرسي يبي يحاجي ولده
سعود : يبا خالد
خالد : سم يبا .!
سعود : يايبا لاتشيل بخاطرك على اللي صار منا ، احنا ماسوينا هاي الا لانه شفناه فيه الخير لك ولها
ولمصلحتكم ثنينكم ، باجر تعيش وياها وبتعرف وبتقول ابوي قال وتدعي لنا ..
خالد : يبا أي خير الله يسلمك ، خير ! وحالة اخوي عمر!!! شلون تصير خير؟ يبا انا حاولت اقنع نفسي
باللي يصير لكن نفسي مو راظيه، يبا احس انه حرااااااااااااام حراام تعرف الحرام هذا اللي احسه

حرام اخذ وحده واتهنى معاها وقلبي يفرح وياها وعمر اخوي قلبه يتقطع ويحترق وخاطره فيها
صعبه يبا صعبـــــــــه ، اوف .
سعود : ياولِــدي كلامك لابيجدم ولابيأخر كل شي صار وانتهى انتوا الحين لبعض انت رجلها وهي حرمتك
خالد انغص من الكلام : انشالله يبا
قعد يسولف معاه ويتفهمون لكل شي ..
سعود ولطيفه حسوا ان خالد ولدهم ظحكة البيت كله راح صح كلامه صعبه يرجع ..
وعمر دلوعها صار ينفر من القعده وياها بس يسلم ويطلع داره نادر ماياكل وياهم ..
عمر كان قاعد بداره ويرسم كل شي يرسمه يدل على حزنه ..
راسم نار تذوب قلب ( هاهاهاها )
والنار ماسكتها ايد حرمه ( لطيفه ) ..

بال شوفوا شلون عبر عن مشاعره امه ماسكه لقلبه النار
لطيفه طقت باب دار عمر ودخلت
عمر شافها قام عن كرسي مكتبه معصب وسوى روحه بيروح يتسبح
لطيفه : ماتقولي شفيك ؟؟؟؟؟؟؟؟
عمر : مافيني الا سم شربتيني اياه ، بولي اتسبح يمه وخري الله يخليج
لطيفه : اخ ياعمور انا امك تحاجيني جذيه !
عمر : على عيني وراسي انج امي ، لكن ام (ماعرف شيقول ) ..... ولاشي يمه اسف وحقج على راسي من فوق ..
طلع وراح تسبح ..
لطيفه ظاقت الدنيا عليها بحالة ولدها مكتأب حزين منجرح ومبين عليه ..

.* ثاني يـــووم *.
خالد لبس ثوبه ونسف الغتره من الزين حط له شوية دهن عود وتعطر وكان محلق ومعدل نفسه
نزل لقى عمر بالصاله منسدح تفاجأ ماتوقع يلقاه ومتى يوم بيروح لحبيبته ؟!؟!
عمر : ياشيخ ، وين رايح ؟
خالد : ههه هلا عمر شلونك اليوم ؟
لطيفه جات تبخر ولدها وخالد وده يلعن الساعه اللي طلع فيها من داره ..
لطيفه تبخره وعمر نقزه قلبه وفهم
عمر : ماقلت لي وين بتروح
لطيفه : رايح لخطيبته بعد وين رايح !
خالد طالع اخوه بنظرات مكسوره وعمر يتظاهر انه فرحان
عمر : أي أي شغل عدل ، الله يهنيك انشالله
عمر قام بيروح
خالد : وين وين ؟
عمر : لا بس شوي راسي مصدع بنام بس ترجع وقظني عشان نسولف
خالد : ماطلبت يابعد عمري خلاص روح نام انت
لطيفه راحت وخالد راح لعند اخوه يحاجيه
عمر : بس ها مو تروح ايدك فاظيه
خالد : هههه انشالله
ظحكوا لبعض وخالد حب راس اخوه قبل لايروح وطلع
كان خالد طالب باقة ورد كبيره أرظيه وصلت للبيت العود مع اذان المغرب
كان شكلها فظيييييييع ورد احمر وعليه لمعه ..
غلا كانت قاعده تسكر شغابتها لما جاتها الخدامه تقولها ان خالد وصل
كانت لابسه تنوره بنيه لين الركبه ولبست معاها دلاغ شبك وبوت ولابسه بدي تايجر دانتيل ظييق وعلى
الاطراف الدانيل اسود ..
خالد كان يموت بالتايجر هههه
كانت مسويه شعرها عادي نفخه بسيطه واطرافه ملفلفه شوي
خالد كان واقف وارتبك لمن شافها وهي بعد وايد قراب هالمره وبروحهم !! @@
ماعرف شيسوي مد يده وسلم وقعدوا
غلا كانت تسولف معاه وتظحك وخالد يظيييييييع ، كان يطالع شعرها حلووو يميل لما تتحرك
وانتبهت له لما سكتوا
غلا : شفيك خالد !
خالد : ها لا ولاشي :d
غلا : =)
خالد : أي صج وصل البوم صور الملجه ( احترق)
غلا : صج وينه ؟
خالد : ماجبته والله
غلا : اهاا
خالد : هههههه لا كاهو معاي
غلا ( يحليلك ) ، خالد حس انه بدا يملق ماعرف شيسوي حده مرتبك اول مره يقعد هالقعده
ماطوولو وايد قعدوا يشوفون الصور وكل شوي تدقر يده بالغلط وتلف الصوب الثاني وهو بعد
خخخ مساكين ..
عمر كان بدار ويغني بصوت واطي
عمر :
حرمتينا من الغالي يادنيانا حرمتينا
بقت كلمه بخواطرنا
بعدنا لا ماقلناها
وعلى غفله من الفرحه
يافرقانا سرقتينا
حكايتنا مع الغالي
بعدنا ماكتبناها
لنا غنوة فرح
عيت ظرفوك لاتخلينا
نغنيها وهو ياما
بصوته قال وغناها
رسمنا الحلم لعيونه
وبالغنا بآمانينا
اثارينا نعيش اوهام
بنتعب ماوصلناها
ترى تو القلوب صغار
ترى تو العشق فينا
حبايــــــــــــــــــب
مابعد شفنا الدموع
وماذرفناها..
على صوت الخطى
الغضه البريئه
حزن جيتينا
حكيايتنا وامانينا
كأن مابديناها!!
عمر كان يغنيها على غير لحنها على لحن حزين ،،
خلصها وقام قعد يتنفس ..
فكر لأول مره !
خالد اخوي ليش يدخن ؟؟
أكيد واجهه ظرف صعب ودخن!!
يمكن طالع لابوي ؟؟
بس ليش هم الاثنين يدخنون وانا لا؟
مممممممممممممممممم مادري؟؟! __DEFINE_LIKE_SHARE__

♕ وليد الجسمي ♕ · 11-17-2008, 09:48 PM

من الصبح لطيفه قامت وعدلو الخدم كلهم البيت

وغيروا شوي بالأثاث والورد عم البيت كله بترتيب روعه
وريحة الورد كلها مغطيه البيت
قومت خالد الساعه تسع تريق وخلته يروح يحلق لحيته
ويعدل عمره ويشتري لغلا هديه لملجتها
راحت لغلا الساعه عشر وربع وهي نايمه وهديتة عمر منثره على السرير
دخلت لطيفه وشافت الاوراق بس ماعرف وشو ذي ؟

فتحت الستاره وظربت الاشعه بعين غلا
فتحت عينها غلا وقامت وربطة شعرها فيدها وبوجه ملائكي
غلا: بناااااام خالتييييي
لطيفه : يلا يلا قومي ناسيه اليوم ملجتج
غلا ترضخ بروحها مره 2 على السرير وبصوت عالي : اففففففففففففففففففففففففففففف
لطيفه :يلا خلصي
غلا: انزيييييين
قامت غلا وغسلت وطلعت لبست بدله عاديه للبيت لان عمر راح مع خالد اخوه
شفتوا اخوان جي؟
حتى لمن خذ حبه منه! حس انه واجب عليه يروح معاه
ويخاويه بهاللحظات ويتعب معاه ..
الله شوفوا العيال شلون!!
والام شلون .؟؟؟؟؟
ماعلينا ..
غلا لبست برمودا جينز وتيشيرت فوشي رشت عطر ونزلت بدون ميك-اب ولاشي ..
بياض جسمها باللي لابستها كان طالع مو طبيعــــــــــي يسر النظر ..
قعدت تاكل وهي ميته يوع
بعد ماخلصت ريوقها طالعتها لطيفه بنظره
غلا: شنو ؟؟
لطيفه: شجهزتي لنفسج اليوم ؟؟
غلا: ولاشي ؟؟؟
لطيفه : بعـدي عليج ، الحين بتجيج مالت الكوافير وفيج خير ناحسي
غلا : اعوذ بالله من الشيطان الرجيم
غلا راحت دارها وحاجت عمها وسكرت منه لانه بدوامه
قعدت تحاجي عاليه
تذكرون راشد؟؟؟؟
اخو عاليه ..
كان منعجب فغلا .
بس لمن درى بسالفتهم
عرف انها مو من نصيبه ...
تكدر عليها لانها حسافه تظيع من يده ..
المهمم
وهي تحاجي عاليه دخلو عليها
عاليه: وشهالقرقعه عندج؟
غلا: انا ادري حتى بداري محتليني
عاليه : ههههههههههه آييه عليج
غلا: هههه والله
Dwana: Come On Our little Pride the Cwafeer is here For You.
غلا: ياربـي Ok I'll come bring any thing for them
كانو مجموعه جايينها من صالون كبير ومشهور بقطر ..
وحده تسوي شعرها ووحده لاظافرها ووحده جابوها عشان الماسكات وجي ووحده للميك اب وجات وحده
عشان تظبط الفستان وتطلع
والله لطيفه متفيقه اذا راعية السالفه مطنشه ..
يالله ..
سكرت غلا وقامت لهم
بريجين : ياأهلين بالعرووووس تفدلي
الخوات استحلوا الدار وقلبوا كل شي بكيفهم
غلا: أهلين ياهلا ،، هاه شالسالفه ترا انا مادري عن شي
بريجين : ولايهمك حيااااتَي نحنا رح نلبئك مع انك اسم الله منك نائصه شي
غلا تبتسم لها .
فتحوا شعرها وانثر على جتوفها كان ناعم حييييييييييييييييييييل
بريجين : اسم الله اسم الله شو بجينن
غلا تقرى على روحها ههههههه
غسلوه وسوو لها حمام زيت
وقعدوا 2 وحده لاظافر ريلها والثانيه ليدها ..
سادحينها على كرسي طوووووويل وحاطين لها ماسك على ويهها
وقعدوا يسوون لها مساج وحاله ..
بعدها شالو عنها كل شي ..
وقعدت مع وحده وخلصت من شغلها معاها :P
جربت الفستان وكان يبي له تظويق شوي ودوه ورجعوه لهم بنفس اليوم
ماخذ شغله غير ساعه
بعدهاا حطوا لها مرطب بريحة العود الأصلي على كل جسمها ريحته كانت قويه وتصبغ بالجسم 3 ايام
غلا احتشرت بالريحه ..
بعدها قعدوها على الكرسي وفتحوا شعرها سشوروه وسووه لها كيرلي روعه
مثل نانسي وحطوا النشاف عليه الكبير
وبعد ماخلصت
حطوا لها الميك –اب
فستانها كان روووووووووعه
وردي فاتح مخصر على الجسم كله
معري من فوق ويتعلق على الرقبه فتحة الصدر شوي كبيره قالت لهم غلا يرفعونها
الفستان كان راقي خيل ووله ذيل والستراسز او الكرستال الكبار كانو مرشوشين على الفستان
وطالعه جنااااااان عليها وعلى جسمها المخصررر ..
اول شي حطوا لها الميك-اب
وردي مع الـGlitter الابيض اللي يعكس على وردي
حطوا لها اياه على جفونها وخطوا لها الكحل وكحلوا عينها من داخل
والقلوس كان وردي فظيييييييع عليها
خلصت ميك اب وراحت لبست الفستان وطالع واااو عليها
كان عجيب مع بياض جسمها وهي مستحيه لانه معرى حيل
غلا ( واااي يالفضيحه شلون جي ياحسرتي بطلع له جي )
طلعت ولبسوها شغابه كبيره الماااس ترطخ ..
فتحوا اللف عن شعرها وطلع يجننننننن عطروها وسنعوها وطلعوا عنها بعد ماظبطوا كل شي
قريب المغرب وتمت معاها بس مالت الميك اب
دخلت عليها عمتها تغريد بعد الصلاه بنص ساعه ..
وهي لابسه فستان تايجر والشعر مموج والميك اب شحلاته مع خلودي الصغير
ملبسينه ثوب وحاله ..
تغريد: ماشالله ماشالله الله واكبر على بنتناااا ، مبروك يالعروس
غلا ماردت تبي تصيح لكن ان صاحت بيجيها كففففف من تغريد ههه
بعدها بربع ساعه ظبطت مالت الميك-اب مكياجها اخر شي وطلعت عنها
غلا: عمتي انا خايفه وايد ..
تغريد : ولايهمج حبيبتي انتي الحين بتنزلين وانا بنزل معاج
غلا : اف الله يستر من تحت
تغريد : اممممممم محد بس كلنا
غلا : هاااااااااه شنو كلكم من من
تغريد : هههههه مفاجأه
غلا: لا عاد ترا والله اشرد من
تغريد :وي وي هههههه حبيبتي اهلنا كلهم هني
غلا: اف لاتقولين
تغريد: والله وخالاتج بعد
غلا: ياااااااااااربي
عطرتها تغريد وبخرتها وعدلوها ونزلوا على انغام انتي حلوه لعبدالمجيد عبدالله ..
غلا كان قلبها يدق بقووووووه
الصاله كانت اصلآ كبيره وهالمره عامره بالناس اف
والدرج كبيرررررر ومزين على اليمين واليسار بالورد والشمعدانات ..
رفعت عينها طالعت الباب لقت عمر طالع من مجلس الرجال من بره بس هو يمشي طالع يعني مو منتبه لداخل
البيت لانه بيجب ناس لداخل المجلس
الباب كان قزاز بس عاكس اللي بره مايشوفون اللي داخل والحديد المطاوع مزين الباب ..
المهم قعدت غلا على طلعت لطيفه مسويه الملجه والخطوبه بيوم واحد ..
بعد ساعه دخل خالد مع عمه وابوه وهو منغص ..
بس رفع عينه وشاف غلا على طول لف على عمه سعد
خالد ( اوف سترك يارب هاي غلا؟)
كلهم وخرو وخالد ارتبك ماعرف شيسوي جسمه يتراقل مستحي حيل
المكان كله نسوان واليباب يخجل منه من زمان ولا النسوان يستحي حيل منهم
باس جبين غلا وقعد معاها
غلا تبي تصيح صج عيونها بس كلان تلمع وخالد يطالع سعد وابوه مفتشل جنه يقولهم خلاص يلا بقوم اطلع
سعد حب راس بنت اخوه وطلع هو واخوه
المصوره كانت تصورهم بكامرة الفيديو والثانيه صور
بعدها جابوا شبكة غلا والدبل فباقه رووعه بالورد العنابي
خالد انصدم قال لامه؟ : وشو ذي؟
لطيفه : هديتك والشبكه
كان صعب يسمع كلام امه من الاغاني والصرقعه
غلا من الصوب الثاني كانت تطالع عمتها وهي موللللعه وشو ذي شهالفشله ؟؟
اففففففف
لبسها خالد الطقم ودبلتها لاأرادياً رفع يد غلا وباسها
غلا حست قلبها وقف ورجع يدق بقوووووووه وتلخبطت من قلب
خالد بعد ماعرف شلون طلعت منه هالحركه
قعد وهو ويهه احممممممممممممممممممممممر
شوي شوي لطيفه ودت الناس لصالة ثانيه للعشا وخالد وغلا بروحهم
خالد يايكح يايعدل قعدته وغلا ترفع الفستان المسكينه
خالد كل شوي يطالع من طرف عينه
وهو مستحي
تغريد : يلا عاد قولو مبروك وصيروا خوش اوادم يلا . انا بروح اتعشى انا وخلودي زين ماما!!
خالد ظحك لخالته ظحكه تجنن عيونه تلمع والغمازات مع التحليقه
ياويلي ويلاه
كان لابس ثوب فيه دق عند الرقبه وطالع زقرررررررت محلق ومحدد زوالفه ومسوي قفل
خالد تنفس وتكلم
خالد: مبروك ياغــــــــــــــلا
غلا استحت وابتسمت : يبارك فيك
بعدها سولفوا شوي جنهم اول مره يشوفون بعض ..
مسكها خالد ومشوا وهو ماسك يدها لاشعوريآ وهي محترقه لين غرفة الاكل
غلا ماكلت شي
ولا خالد بس قعدوا مع الناس مجامله
خلصوا كل شي وصوروا مع بعض
والمصوره تاخذ لهم لقطات جريئه وخالد يعترض
خالد : لالا لو بعاد احسن
المصوره : لااااء بدك تحط ايدك ع خصرااا
غلا: صدقيني بعاد احلى
ونحاس طول الوقت والا تلزقهم فبعض وتشبكهم وحاله ..
عمر لما رجع شاف البيت كله شلون فرحانين بخالد
عمر : الله واكبــــــــر . وراح داره
صلى له ركعتين وانشرح صدره دعا لاخوه انه يوفقه وان ينشال الهم من صدره ..
راحت غلا لدارها وخالد بعد
تدرون .. !
خالد من سكر باب داره قعد يفكر بغلا
والله تستاهل اللي يتظايق عشانها
وعى لحجيه وسطر روحه ههههههه
ثااني يوم لطيفه طرشت خالد لدار غلا وراح انصاعاً لاوامر امه ..
طق الباب وغلا كانت لابسه تنوره جينز لين الركبه وبدي كت
غلا بنعومه : مــــــن ؟
خالد : انا خالـد
غلا (وي ببدل بسرعه طلعت بلوزه ولبستها طلعت ظيييييييييييييقه حيل ماعرفت شتسوي رجعت لبست الكت
وسكرت الكبت بسرعه رشت عطر وبسرعه بسرعه فتحت الباب
خالد ابتسم لها وهي بعد
دخل خالد وراح عند الكرسيين اللي قرب غرفة التبديل ..
قعدوا سالها اشيا بسطيه وجي
خالد : غلا
غلا: هلا ؟
خالد : ترا باجر انشالله بترجعين بيت ابوي العود
غلا وعلامات الفرح على ويهها : صصصصصصصصصصصصصصصج؟
خالد بظحكه مكاره : هاهاها أي صج
غلا : اخيراَ
خالد : أي عشان تتمين هناك لين العرس (طالعته غلا) قصدي عرسنا ..
غلا : اها
خالد : يالله انا استأذن عندي كمٍ شغله اليوم ..
غلا : اذنك معاك ..
طلع عنها خالد ولف عليها بس ماعرف شيقول حتى غلا استغربت ليش لف عليها؟؟
طلع خالد وراح
غلا نادت وحده من الخدامات وقعدوا يحطون الاغراض فالشناط وكل شي
عمر مر عند دار غلا وشاف هالاجواء ..!! __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غرف نوم للصغار روووووعه	da1a3	اثاث و ديكور المنازل والمطابخ والصالات	10	09-11-2009 12:46 PM
جيُت لمنتداكم ادور لي غـــلا بينكم	ارقـى الـجـمـال	تراحيب وتهاني	34	08-22-2008 12:44 AM
نعل روووووعه	طيور المحبه	الأناقة والجمال والموضه والطفل	11	03-19-2008 04:26 PM
..صور مسنجر ..روووووعه...!	الحايره	المسنجر وملحقاته , توبيكات , ماسنجر بلس , msn	9	03-19-2008 12:37 AM
[حصّري] آخر سكربتات Dev Team ! روووووعه×روووووعه	سَوّافْ	المسنجر وملحقاته , توبيكات , ماسنجر بلس , msn	44	01-29-2008 07:30 PM