غـــلا ، قصه من اجزااااء ، روووووعه - الصفحة 10

♕ وليد الجسمي ♕ · #1 09-02-2008, 11:01 PM

خالد وعمر اللي فتحوا عيونهم على وسعها اول مادخلو الفيلا ياترى شاللي صدمهم؟ وليش كل هالرعب اللي دب في نفس كل واحد ؟ تتوقعون ششافوا؟
كان العم سعد واقف على عكاز مسوي حادث وماعلموا أي حدد ..
خالد ركض لعمه وخر على ركبه
خالد: عمـــــــي،، شصادك ، شصار فيك؟

سعد بابتسامه تعبانه من النفخه اللي على خده : هههه مافيني الا العافيه..
خالد : شصار فيك عمي ؟
عمر : عمي شصاررررررررر! والله ان شافتك غلا بتجن (لازم يعني حاشرها بكل شي) ..
سعد : سويت حادث .:!:.
خالد : اوف الله سلمك ، حمدالله ماصار فيك شي (يحب يد عمه)
سعد شال ايده بسرعه : الله يخليك ياخالد..
عمر: ماتشوف شر عمي ، استريح ليش واقف..
سعد وغمازته مبينه من خده التعبان : ههههه مرتاح لاتحاتي غلا وينها؟
عمر ( آخ منها ) : مادري عمي
خالد : انتوا خلكم انا اروح ادورها لك ..
عمر الي صار جنه ياهل سبق خالد نحاس وراح دورها قالت له الخدامه تتمشى برع ..
غلا كانت لابسه بنطلون أبيض وقميص احمر شوي مخصر لافه شيلتها بس بخفه واظحه ..
عمر تسبه قعد يطالعها وهي مب منتبها ، قاعده على الديرفه لشخصين تمرجح روحها وهي تشوف السما والغيوم ..
غلا ( ياريتج يايمه وياي ، مثل عاليه رفيجتي كل شي تقوله لامها وامها تنصحها وتقولها لا و أي ، ماولهتي علي يمه ؟ وانت يبا؟ ماتبي تشوفني شلون كبرت؟ اذا انتو ماتبون ترا انا ابي * تمسح دمعاتها * أبي يباا ولهانه عليكممم بخاطري مره لو لدقايق بس أعيش بعايله ودي بخاااااااااااااطري .... )
مسحت دموعها بسرعه لما لمحت عمر جاها بخطوات سريعه وقعد على الارض محايد الديرفه ..
عمر : شفيج غلا؟
غلا توقف : مافيني شي ..
عمر : ودموعج؟
غلا : راسي مصدع ..
عمر : زين غلا بس حبيت اقولج ان مو علي اوكيه!
غلا (يه) : عمر تكفى (يقاطعهم صوت خالد اللي صرخ عليهم من بعيد) ..
خالد : يووووووووهو ، ياللي فالعلالي ..
عمر : اوف مو وقتك ..
غلا شهقت : عممممممممممممممممممممممممممممممممي ! وبخطى سريعه راحت له ولمته وهي تشهق صياح دخلو البيت
( خالد كان اكره منظر عنده يشوف دموع الناس ، قلبه رهيـف ، يكره دموع أي د لو عدوه ، هالدور بنت عمه اللي صارت بحسبة اخته * لا انا ماحب جي مابي اف * ) ...
سعد يمسح على راسها : بس ياغلا ، عشان خاطري ، غلا حبيبتي لاتصيحين
غلا قومي عشان خاطر عمج
خالد يحس بغصه مايحب هالمنظر ،وعمر اوف بحضن عمي وتصيح ليش جي يه!
غلا فهمها عمها ماتبي عيال عمها تستحي منهم
طالع سعد خالد بنظره بس ماكان يبي يتكلم ..
خالد فهم عمه وجرر عمر وراحو بعيد عن الصاله ، خالد بكل قوته كان جار عمر وحذه على سوفا احد الصالات ..
عمر : شفيك خلود انت كل ماشفتني عاملتني جني بقره
خالد : فديت الكااااااااوز انا يحلاتهم والله عندهم شنب ( يجر شعره من عمر ، دزه عمر بعد صوت اخ يالكلب من قوة جرته )
يكمل خالد : ههههههههههه والله وكبرت ياعمور وطلع لك شنب هاهاهاهاااااي يحليل الكااااااوز والله
عمر : انت ماتقوللي شتبي ؟ لالا صج شتبي تبي شي ؟ يعني قاعد بالحديقه ابي اتحجى انطق اقولها عمي جاااااي، الا وانت جاي ... شتبي خالد ؟
خالد اللي وطى راسه اونه زعل كلش ومنزل حواجبه على انه زعل حييل على اخوه ..
خالد بصوت واطي وهو يمثل ببراعه : مابي شي ..
يمشي اونه بيطلع وهو لين الحين موطي ..
عمر صدق : لااااااااااااااااااااااااااااا خالد اتغشمر
خالد يلتفت له وهو متعمق فالدور : زعلت انا ، ربنا يسامحك
عمر : ههههههههههههههه يقطع ابليسك ياخالد ، نكته وربي
خالد :ههههههههههههههههه وانت تحلم بواحد زيي ينكت لك طول النهارده
عمر: هههههههههههههههههههههههههههههههههههههههههههههههههه ههه النهارده بعد
خالد : ههههه مع ويهك طس فراااااسي زقاره تفر مخي ، أيـبـااااااا (يطلع علبة الزقاير ويحطها ويولعها )
عمر : اووووف متى بتهد هالمسخره
خالد : أي والله انا مادري ليش ادخن مع اني مابي تصدق
عمر : اقلع عن التدخين اخي
خالد : انني احاول لكن دائمآ ارى يدي تمتد هكذا * يمثل خالد ويدعسها بجيبه * وارى الزقاره تخرج وتولع نفسها وتقول سيدي خالد دخنـــــــي
عمر : انك فتى كااااااااااااذب
خالد : كلا اني لاأكذب
عمر : كذاب وكذاب
خالد : كلا ورأس أمي وأبي لاأكذب
عمر : لا انك ،،،،،، شب
خالد الي فطس ظحك : ششششششب وااااااااااااااااااااااااك كاكاكاكاك ياولد الفصفص شب ، قمممممممممممم طس عني
عمر : يوهووووووووو تدور الزله مع ويهك
خالد : شقال قال شب هاهاهاهاااااااااااااااي
عمر : يه
خالد : هاهاها شب
على هالضحك والروح الخفيفه خلص يومهم بعد ماغلا كانت غرقانه فدموعها على عمها مع انه ماكان متعور وايد ..

.*.*.*.*.*.*.*.*.*.*.*.*.*.*.*.*.*.*.*.*.*.*.*.*.* .*.*.*.*.*.*.*.*.*.*.*.*.*.

... ¯¨'*•~-.¸¸,.-~*' بعد مرور 3 أشهــر ¨'*•~-.¸¸,.-~*' ...

فصل الشتا ..
بعد مامرت 3 أشهر عليهم نكلمكم شوي عن بعض التطورات وأهم الاحداث..
°l||l°غلا و عمر °l||l° : تطورت علاقتهم صار يقعدون مع بعض ويتكلمون بالساعات حتى ..
°l||l° خالد °l||l° : واااااي شنقول عن خالد هالوسيم ، صار شكله جناان من بعد ماسافر مع ربعه برحله لأسبانيا وفرنسا لفحة
سماره صارت مو طبيعيه طوله زاد وجسمه ظعف شوي غير من قصة شعره وخلااها أحلى متدرجه نوعآ ما ..
°l||l° سعد °l||l° : أحلو حيل عن قبل متن أكثر وتشافى من كل شي فيه ، وسمعنا انه يبي يعرس ( محد يدري؟ ) .. ههههه ..

°l||l°سعود ولطيفه °l||l° : على ماهم لطيفه فهالايام انتبهت لغلا وعمر مما قسى قلبها على غلا __DEFINE_LIKE_SHARE__

Grshoob Albdoo · 09-03-2008, 12:56 AM

تسلم

ونتريا الياي __DEFINE_LIKE_SHARE__

فروشة الملاك · 09-03-2008, 08:54 PM

نااااااايس نتريااا الباارب الياااي ..

يسلمووووووووووو __DEFINE_LIKE_SHARE__

فروشة الملاك · 09-03-2008, 08:54 PM

نااااااايس نتريااا الباارت الياااي ..

يسلمووووووووووو __DEFINE_LIKE_SHARE__

♕ وليد الجسمي ♕ · 09-04-2008, 06:29 PM

غلا وعمر كانو قاعدين يسولفون فالمسبح ..
غلا : ههههههههه لا عمررر حرام عليك
عمر : هههههههه والله غلا ماجذب عليج
غلا : متأكــــــــــــــدد ؟ ( تخزه بنظرات ) ..
عمر : اويلي ويلااااااه ، ماقدر على هالنظرات اناااا شيلي عينج
غلا : ههههههههه نصااااااااااااب
عمر : نصاب ؟
غلا : هههههههههه أي نعم عندك مانع؟
عمر : غلا ممكن أعرف شي ؟
غلا : آمر
عمر (اويلي انا ) : ليش كله تظحكين ؟
غلا (تفاجئت) : لا عادي ظحك بوقته
عمر : لا وايد ( بروح مداعبه )
غلا على بالها جد : انحرمت وايد من الظحكه ممنوعه علي صارت يوم جاتني؟
عمر : يااااااااااابعد هلي انتي ظحكي يبا كثر ماتبين ومتى ماتبين
غلا شردت ووقفت عند الباب : تسسسسسنع لاتقول هالحجي
عمر يركض لها : على بالج بخليييييييييييييييج
غلا شردت لداخل البيت وقعدت عند ليدي تلوفي على قولة خالد هههههه ..
عمر كان رافع يده كانه محتر ويوم شاف امه .. طـخ ..
راح عمر داره يتسبح ويتدفى من بعد ماتجمد من البرد ..
لطيفه : وين كنتوا ؟
غلا (ها؟ ) : كنا بالحديقه قاعدين وياعمي سعود وراح ورحنا شوي المسبح وردينا
لطيفه : اها بس ياغلا لاتطولون ويابعض صج بحسبة اخوان بس ولد عمج
غلا (وهاي اللي موجعني) : حاضر ..
لطيفه راحت دارها وهي تشل شالها ومجله توها شاريتها
لطيفه : هاج تبين تقرينها ؟
غلا : اوكيه ، بس اخلص اجيبها لج يمه
لطيفه : أي انشالله لاجا خالد قولو له محمد بن عبدالله اتصل
غلا بحيره : اوكي انشالله ..
قعدت غلا وهي تقرا المجله رافعه ريل ومنزله ريل من على الكرسي ومتدفيه فيه
دخل خالد وهو لابس ثوب اسود مقلم بالرصاصي الغامق ..
خالد : السلام عليكم ، اوب غلويه هني ، هااا شتسوين صدتج اعترفي ! تهربين شنو ؟
غلا : هههههههههههههههههههههه ، ماهربت شي والله
خالد : شايفج انا شايفج لاتمثلييييييييين عليييييييي..
غلا: ياخالد ههههههههههههههههههههههههههههههههههههه
خالد : يااغلا أين المناره لطيفه ؟
غلا ماتت على هالمسمى : ههههههههههههههه وانت كل يوم مسميها باسم ههههههه
خالد : افا عليج ، تبين اسمج
غلا : لالالالالالا هههههههه تكفى لا
خالد : تحملي ترا هذي لعنة الفراعنه ايه
غلا: ههههههههههههه
خالد : ياحليلج والله
غلا بخجل ونعومه : أي صج خالد ، اتصل فيك محمد بن عبدالله ..
خالد بعصبيه هاديه : ووووووووووو من رد عليه ؟
غلا تتغشمر : انااااااا
خالد : شننووووووووووووووو رديتي عليه ؟
غلا : لالالالالالالا اتغشمر والله خالتي قالت لي وبس
خالد : ياويلج تحملي تردين عليه
غلا اللي انصدمت اول مره من دخلت البيت وبحياتها اصلآ حد يكلمها بهالأسلوب
لدرجة ان دموعها بدت تلالي بعينها الناعسه ..
غلا بحزن : اوكيه ( تروح دارها )
خالد : يوهوووووووووووووووووووووووو..
مشى خالد للطابق الفوقي بعصبيييييييه كبيره ..
تتوقعون خالد راح يطربق الدنيا على راسها؟ يهاوشها ؟ يقولها اكبر من تتغشمرين وياي؟ يتاسمح منها؟ يظربها ولا يهاوش عمر؟
غلا دخلت الدار وقفلت الباب فصخت شيلتها بكل هدوء ودموعها تطيح من عينها وهي تبدل وتربع ملابسها وتلبس ..
غلا( انا لو لي ام ولا ابو ولا حامي محد تجرأ وكلمني جي ، لكني ملطشه اللي يبي يتفرعن علي ، خالد اللي كنت عادته اخوي العود يكلمني بهالأسلوب ؟ ليش؟ انا يعني وان رديت عليه شصار خربت الدنيا؟ مالت عليك يالخايس )
خالد ركب الدري وهو يكلم نفسه :
(شدعوى انا شسويت شكلها حساسه هالبنت ، اوف ، بعد انا مب لازم اصرخ عليها) ..
مر بممر الغرف وراح لدارها ..
يطق الباب
، مره ،
مرتين ،
ثلاث

،، بس محد يفتحه له..
خالد ( شدعوى من صجها زعلت ؟ )
???????????????????????????????????????
غلا اللي كانت داخل دارها تصلي السنه ماجاوبت على الباب ..
لبست غلا جلابيه عنابه وذهبيه *شتويه* بس هالمره لاشيله ولاشي قعدت بالدار ..
قعدت غلا تبرد اظافرها وهي مشغله اغنية لاتتنهد ( لكاظم الساهر) ، منكرتهم عنابي طلع جناااااااان على يدها لانها بيضا ، رهيبه ، تجرب مكياجها gloss شوية بلاش
وتمسحهم كحلت عينها وفحمتهـم طلعوا خطيرييييييين حطت روج عنابي قوي وفوقه Gloss شفاف وزيدت لمعته الشفافه فتحت شعرها الاسود الطوييل وجابته على جدام وقعدت تطالع
روحها كان شكلها طالع فظييييييييع حلوه صج ، مسحت الحمره عن شفايفها ولمت نص شعرها
تمت تدور بدارها الكبيره الممله على قولتها اتصلت رفيجتها عاليه وقعدوا يسولفون قالت لها يمكن يسافرون وغلا قالت ماتدري بتسافر ولا ..
سكرت منها وقعدت متملله تقرا مجلات وترتب الدار ، ماتبي تنزل تدري بتشوف عمر ومب راحمها اسأله ..
راحت عند الكمدينه طلعت علبة الرولات تبي ترول شعرها الطويــــــــــــــــــــــــــل..
ماوعت الا بطقة الباب غلا وقفت على حيلها المايل ..
غلا بصوتها الناعم : جايــــــه ،، من ورا الباب وهي تلف شيلتها ،، : مــن ؟!
عمر ( أويل قلبي ) : انا عمرررررر فجي الباب عندي لج هديه
غلا ( عشان اذبحك ) ، فتحت : آآآآآآآآآآآآآآآآآآآه عمي سعد ( لمته ) وحشتني عمي شلونك ؟

سعد : هههههه يابنت عمج انا بخير حبيبتي انتي شخبارج شمسويه؟(وهم يدخلون الدار) ناقصج شي؟ تبين شي؟
غلا: أخ ياعمي شقولك متملللللله ابي اروح الكويت هههههه وحشتني خالتي مريم وآمنه ونور ووووو(يقاطعها سعد)
سعد : بس بس بس بتعرفينا عليهم الله يهداج ..!
غلا : هههههههههههههههههههههههههههه لا اقولك انا
سعد : حاضر انشالله اشوف لنا حجز على هالاسبوع شرايج؟
غلا تفكر : اممممممممم ، الاسبوع الجاي عمي (تغمز له ) يمدينا نتسنع لهم
سعد : ههههههههههههه ، يالله حبيبتي انا بروح مضظر
غلا : لااااا عمي توك جاي ماخذت خمس دقايق
سعد : ماعليه غلاي ظايج الوقت علي هالايام بعدين امي تعبانه شوي وتعرفين تغريد لاهيه وياعيالها
غلا : سلامة قلبها يدتي شفيها ؟
سعد : ههههههه تتدلع لالا جايتها نشله خفيفه
غلا : خلاص عمي مرني باجر من زمان مارحت هناك
سعد : من هالعين قبل هالعين ،، غيره؟
غلا تبوس عمها : اموااااااااااااااااااااااااااااااح ، ابيك سالم
سعد : يالله حبيبتي ديري بالج على روحج
غلا : حااااضر عمي
عمر اللي انقهر جنه سمنديقاه واقف لا عبرته ولاشي شخط بره الدار من طلع عمه سعد
يقول فباله : (( اوريج يام كشه تحقريني ها ! أي يبى طايحه بعمج تبوس اراويج غلوي والله لاازعل زعله ماوراها زعله والله نص ساعه بزعل عليج صبري بس )) ..
خالد اللي كان راد من بره وهو جايب سويت وياه للبيت
خالد وهو طربان حده : هنني ياللي جميعي لك هناا حطني بآخر مداااي..
طيرك اللي مايبي غيرك اناا ضمني انت فضااي..
صدق اني فيك مغرم فييك والحيااه ايش الحياه الا مشاهد ناظرييك؟..
يانهار لو تغيب الشمس وااضح..
عمر : ههههههههههههههه تتحداني؟
خالد درى ان عمر بالصوت بيكسبه : For Sure Baby
عمر يتنحنح : ان تبسمت قلت الموعد شفاك وان تمنعت بانفاسي دعيتك يارجى العمر لو حفتك الاشواق ليتك اول طريق الحب ليتك ودع البرد كفٍ ضم يمناك صافح الود قلبي يوم جيتك حيّ ذا الشوف ماتنمل دنياك شف سواة العيون اليا لقيتك...
خالد (بعد تفكير) : اممممممم،،
((بعبط))
لييييييه الألم والآآآآآآآآه لين الزمن دوااااااااااااااار ؟ ومعاااااندك باصرااار والحب ليه ننسااااااااه؟
عمر : روووووووووووح زين ماخذها عبط
خالد : هههههههههههههههههههههههههه
عمر يتعبث فالعلبه اللي بيد خالد : اممم شجايب وياك؟
خالد يدزه : شــــــــــــــــــــــــي
عمر : شنو هالشي
خالد : شـــــــــــــــــي
عمر : ياخالد بلا مصاخه شجايب ؟
خالد : شــــــــــــــــــــــــــــــــــي شي شي شي
عمر : اوووووووه (يقوم) ..
خالد : هههههههههههه دلوع امك روح قول لها
عمر بعصبيه : جبببببببببببببببببببببببببببب لاتقول دلوع امك
خالد : هههههههههه انت اصلآ تتمنى دلع الليدي تلوفي ،، وينها بس؟
امهم وهي طالعه من دارها
لطيفه : هاا حبيبي ؟ كاني
خالد : اماااااااااااااااااااااايه
لطيفه : ههههههههههه ها ها شتبي كاني
خالد : هههههههههههه لا بس جايب هالحلو ذوقيه اماااااااااااااااايه
لطيفه : جنيت خالد ؟ امايه و امايه اثقل حبيبي
خالد : هههههه ذوقي بس انتي الله يخليج
لطيفه تهز راسها وتاكله : امم حلوووو
خالد : نياهاهاهاي عشان تعرفون خالد بسسسسسسسس (يحلوك والله )
غلا كانت نازله على الدري وهي كاشخه بجلابيتها والمناكير العنابي ، العيون كلها صارت عليها ،، تتوقعون العيون صارت عليها على كشختها ؟؟؟؟؟؟؟؟

ولا شايله اغراضها عمها سعد بيمرها وتطلع من هالبيت ؟؟؟؟؟؟؟؟
زعلانه على عمر ؟؟؟؟؟؟؟؟
زهقت من خالد ؟؟؟؟؟؟؟؟؟؟
خالتها كانت تعذبها واحنا ماندري ؟؟؟؟؟؟؟؟؟؟؟ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غرف نوم للصغار روووووعه	da1a3	اثاث و ديكور المنازل والمطابخ والصالات	10	09-11-2009 12:46 PM
جيُت لمنتداكم ادور لي غـــلا بينكم	ارقـى الـجـمـال	تراحيب وتهاني	34	08-22-2008 12:44 AM
نعل روووووعه	طيور المحبه	الأناقة والجمال والموضه والطفل	11	03-19-2008 04:26 PM
..صور مسنجر ..روووووعه...!	الحايره	المسنجر وملحقاته , توبيكات , ماسنجر بلس , msn	9	03-19-2008 12:37 AM
[حصّري] آخر سكربتات Dev Team ! روووووعه×روووووعه	سَوّافْ	المسنجر وملحقاته , توبيكات , ماسنجر بلس , msn	44	01-29-2008 07:30 PM