كورنيش دوحة عراد من أخت مبارك

محروم.كوم · #1 04-17-2010, 10:50 PM

السلام عليكم ورحمة الله

جبنا لكم صور جديدة لكورنيش دوحة عراد الجديد اللي فتحوه تقريبا في نهاية سنة 2009 تقريبا مع العيد الوطني
ويكون الكورنيش يطل على المطار وفندق موفنبيك مباشرة
ايضا يوجد جسر خشبي فوق بحر الكورنيش اللي يطل على فندق موفنبيك
كنت اتمنى اصور لكم الجسر ولكن المكان كان جدا مشحون حريم وعالم ماشاء الله
فماقدرت اصور براحتي الا فوق الجسر المعلق على الشارع
تبلغ مساحة هذا الكورنيش تقريبا 3 كيلو
هو خاص للمشي بالتاكيد
وفيه العاب للاطفال مساجد للنساء والرجال وحمامات الله يعزكم وكفتيريات مطاعم بعضها لحين مافتح راح يفتحونهم قريب يمكن وايضا مزود بمايكرفونات على طول الكورنيش كامل يعني نقدر نسمع الاذان لانهم يشغلونه لنا ووووووومرات يحطون موسيقى هاديه ووووووو شغلات وناسه صج
ووووبعد قبل ايام مافتحوه ماكان فيه سكيورتيه وايده لكن احين
ماشاء الله السكيورتيه كل مكان موزعين وووووو حتى سكيورتي حريم
ماشاء الله يعني كلشي اوكي

وماشاء الله بالنسبة لي هذا اضخم مشروع كورنيش قامت به مملكة البحرين لنا وفعلا دايم اروح هناك والناس ماشاء الله هناك مليانه وخاصة ايام الويكند ماكوووووو مواقف

والمكان جدا جدا راقي وجميل وسميته انا كورنيش فايف ستار
لانه وايد كشخه ووووووو بالنسبه لي هذا احلى كورنيش بالبحرين
ووووووفعلا المكان هناك يجنن جلسات تجنن زهور اشكال الوان

وروايح تهبل ومكان يرد الروح
واحلى شي مناظر الطيور والنورس اللي تحوم عند البحر

صورت لكم بعض الصور الجوووووية
اتغشمرررررر صور علوية اخذتها لكم وانا فوق الجسر المعلق على الشارع الرئيسي لعراد

هذي صور مواقف السيارات واللي قدامها اللي تشوفونها نوافذها زجاجيه شكلها مطاعم بس لحين مافتوحهم

صورة شارع عراد

صورة للشارع نفسه طبعا الزاوية هذه انا واقفه هنا وهذا الجسر المعلق

صورة للالعاب من بعيد ان شاء الله مرة الجايه اصور كلشي قريب بالجزء الثاني ان الله كتب

جلسات عائلية تقريبا اغلبها هالشكل وفي منها انواع ثانيه اكبر

هذا هو فندق موفنبيك مطل عالكورنيش

هذا النوع من الجلسات اللي صاير مثل خيمه بيضا هم روعه

وهذا الجسر اللي انا وافقه اصور منه واضن هذا اللي قدامي اشوفه الفرع الثاني الجديد للمطار اللي يسوونه كان هو

نرجو عدم الرد حتى تكتمل الصور
__DEFINE_LIKE_SHARE__