₪۝ ((.. الــي نطقته نعم ₪ والــي قصدته لا.~

~~ذيب ولد ذيب~~ · #1 08-09-2008, 09:52 PM

السلام عليكم ورحمة الله وبركاته

,
موقف صعب

يجبرني وقتي .. انطرح فيه
احيان لازم في نفس اللحظه .. القرار
نعم .. لا
ساعات .. ننطق بكلمة نعم
وداخلنا .. لا
وساعات .. ننطق بكلمة لا
وداخلنا .. نعم
( غصبن عليك .. لا مو بديك )
بعض المواقف .. تجبرنا نقسى على انفسنا
والي من حولك .. واقرب اقرب ناس ..تقسى عليهم
( غصبن عليك .. لا مو بديك )
بعض المواقف ..
تجبرك تنسى احساسك شوي .. ويمكن كثير
وتبعد عنك العواطف .. وتنسى طيبة القلب
( غصبن عليك .. لا مو بديك )
بعض المواقف ..
تجبرك تناظر عيونك في المرايه
وما تناظر عين احد .. يمكن لو تناظر عين احد
قرارك .. تشتت .. ويمكن تضيع

,
,
تخيل

عليك القرار .. وهذا القرار يسبب لك
غصه في الداخل .. عوار القلب .. دمعة عيونك
تكتم انفاسك .. تشهق بصدرك .. وكف ايدك على خدودك
واصابع تمسح جبينك .. وصوتك ضاع
يمكن وقتها
لو نطقت ب .. لاااا
صعب الي حولك يفهم اسبابك .. صعبه وايد
ويمكن لو نطقت ب .. نعم
تنطقها بعد النفس العميق وتنطقها بصوتك حزين منكسر داخل فوادك
وصوتك خفيف
.. ن ع م ..
وبعد الكلمه هذي الي حولك يبتسم .. والكلام الي حولك يدور
( صدقني هذا الصح .. قرارك صح .. )
وقتها دورك .. تبتسم كذب .. ومن يفهم تحت الابتسامه كم دموع
تروح لغرفتك .. تقفل عليك الباب .. وتتسند على ذا الباب وتنسحب لين الارض وتقعد على ريولك
وتنطق وصوتك ضـاع
( دخيل المشاعر لا .. دخيل الي فيني لا .. دخيل الي يبكي لا )
,
,

,
,
قبل لا يصير كل هذا

تخيل كل شي قلته .. قبل لا يصير كل هذا
صحيح الدنيا فيها ناس
من يسوى وما يسوى
صحيح في دنيتي كم ناس .. ايذا اعطيهم دمع عيني .. ولا حاجه
وايذا اعطيهم سهر عمري .. يظل شوي
لكن انتبه وايد
قرارك يهدم انفاسك .. على بالك بترضي الكل
ترى غيرك على باله .. كلامه صح .. وهذا الصح
وما يدري بتفاصيلك .. ويمكن تستحي شويه

واجه اقرب احبابك ..
قبل ما تقول ( انا موافق )
وفي الاخر .. تعيش القلب بدون احساس
ويتلوم احبابك .. تحسسهم بذنب اكبر
على بالك بتسعدهم وترضيهم .. خطــاك اكبر
,
,
,
:: همســـة ::

ساكت
ومالي راي
صوتي
انحبس وياي
الي اختنق
بالهــوا
ما تفيده
( قطــرة ماي ),
,

والسموحه منكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
۝\|\|₪[ .. أسـولف للبحر عنك .. وفجأه هديت أمــواجه .. ]₪\|\|۝	:: مختلف ::	شعر و خواطر	17	11-13-2010 08:26 PM
₪₪ للمرهـ الثالثة فرزاتشي×كريستيان اديقير×رالف لورين والكثير+ آراء من تعاملو معي ₪₪	محروم.كوم	منتدى أخبار المواقع والمنتديات العربية والأجنبية	0	06-06-2010 10:50 AM
₪۝ احساس صوره ۝₪ .. مع كــاتب وصــورة .. ( للجمــيع )	~ al sha3er ~	شعر و خواطر	153	10-18-2009 11:05 AM
₪₪لي صاحبـ{ن} صبيت له دمـــــــي[ فكوب] كـــــــبه وهو يضحك وأنا هناك {×.منصــــــاب.×} ₪₪	At3abne _ glah	قصص و روايات	33	08-15-2008 04:23 PM
₪۝ .. ابتــدا الفصل الح ـــزين .. ۝₪ .. ( بعد الغ ـــياب )	:: مختلف ::	شعر و خواطر	12	06-02-2008 10:22 AM