السلام عليكم ورحمة الله وبركاته

قالوا علامك تلتجي للصعايب =قلت السبب بالنت ناسٍ طاطيح
ياطيبهم ون كنت للكل عايب =ناسٍ على ذبح الصعايب صحاصيح
لاجبت صعبٍ وِلِّموا له نصايب =يصبح ذبيح في قبور المذابيح

خذ غطوةٍ من فكر للغطو طايب =ولا ظنها تخفى الوجيه المفاليح
غطوة ولو هي جتك من فم شايب =عندي على ماقول صدق التصاريح
بنتٍ ومنها عِليَّة القوم هايب=ولا الوم انا ناسٍ عليها مشافيح
ينسب لها مخلوق لاصار خايب =في عين من شافه ردي الملاميح
اِلها ضديدٍ من عداد النوايب =والكل في حربه يسن التساليح