- إكبر معآي شوي ||~

ريـــف.. · #1 03-25-2010, 02:35 AM

.
.

.
.

وترحلين ،
وتذبل اطراف السنين ،
وتورق بصدري بساتين الحنين ،
واشعل عيوني بـ ليل الانتظار ، وانتظر يمكن تجين .. وما تجين !
وايتراوى لي وصولك ؛
مع صرير الباب ، وعناق الستاير ..
مع مراجيح الهوا في ساحة البيت الحزين ..
في غيابك ..
كل صبح يمر يمنحني أمل إنك تجين ،
وكل شمس تغيب تغتال الأمل ..
وترحلين !!
ليه عني ترحلين !

يمروني ،
وأحس عيونهم تسألني : شلوني ؟
يبون ارتاح !
وانا اغلى ما ملكته .. من يديني راح !
أكيد ارتاح !!
وهم مع كل لحظة تْمر ينسوني ،،
يمروني ،
وانا ادري ما طريت فـ بالهم .. لكن ؛
.
.
.
يمروني !

قبل تمطر لك الدنيا فرح ، وتغيب !
[ حبيبك ] كنت !
قليل اشيا يغيّبها الزمن تبقى ،
واحدْها إنت !
وكثير اشيا على مَرّ الغياب تهون ..
وانا كنت احسب اني ما اهون ، وهنت !!

ما شَيْ على حاله !
العام في قلبه ،
واليوم - اذا حظي كريم - اطري على باله !!
ما شَيْ على حاله !

( هالبُعد وشّو له ! )
تكفون قولوا له !!

يا الغايبين الحاضرين ؛
انا نبت فيني من الفرقى حنين !

شْلونكم ؟
وشلون دمع عيونكم ؟

لا الحين اذا مريت انا في بالكم تبكون !
أو دمعكم ينضب ولا تدرون !
بالله إذا شفتوا الشروق ابكوا ،،
كيف الصباح يمرّنا من دونكم !

و رحلتي ..
من يذكّرني اذا مرة نسيت اسقي زهرنا ؟
من يسلّينا اذا طوّل سهرنا ؟
من يصحّي الصبح فينا ؟
من لنا لا ضاقت الدنيا علينا ،
وانعمى هالدرب في نصف المسافة ..
من يجينا !
من يرجعنا علينا !!
لو رحلتي !

أوقات .. تخنقي الدمعة من الفرحة ،
.... واوقات .. حزني يروح ولا وصل دمعي !

لا تحزنين ان غبت !
انا اوعدك أحزن لنا واكثر ..
انا اوعدك أندب ليالي عمرنا ، واشتاق ، واتحسّر !

انا اوعدك ما يبقى بغصون الفرح : روح وغصن أخضر !
انا اوعدك باللي تبين !
وانتِ ولا يضرّك ؛
لو مرّ بك حزن الغياب اوقات ..
طبتِ وغدا شرّك ،

لكن أنا ما طبت !

فيه حكيٍ بصدري ودّي آقوله ،
ــ بسّ مدري وش اللي عنه يمنعني !
ارحم شفاي ، دامك تعرفه .. قوله ،
ــ أدري انك بعزّ الصمت تسمعني !!

يا طيفها ؛
أحزن ولا يدرون !
واثير من حولي كثير ظنون !
يا طيفها ؛
تحزنّي الشمس العصر !
شمس العصر :
تستحضر اصوات وصور !
نوم ، وسهر !
ريحة عطر !
شمس العصر :
شمس وقمر !
.
يا طيفها ؛
ما للدموع عيون !

.
. __DEFINE_LIKE_SHARE__