يامسكينه إذا حلمـك تذلينـي قبـل تمشيـن للشاعر المبدع فيصل الدلوم

محروم · #1 03-14-2010, 01:01 AM

السلام عليكم ورحمة الله وبركاته

صباحكم سعاده وطاعه

قصيدة جدا اعجبتني للشاعر المبدع فيصل الدلوم كلمات سطرها من قلب

يامسكينه إذا حلمـك تذلينـي قبـل تمشيـن
نصيحه إصحي إلنفسك وشوفيني يامسكينـه
إذا حبك يخليني أذل نفسـي لأجـل ترضيـن
ترى ماني مثـل غيـري إذا حبـك تذلينـه
عطيتك كل مابيدي وكنتي للأسـف تقسيـن
وأخذتي أكثر أمـن اللـي تبينـه وتمنينـه
وبعد منتي تمكنتي وصرتي بالهـوا تطغيـن
خذلتي قلـب ماكنـك بيـوم أنتـي تهمينـه
وقلت أمشي على جوّك وألبي كـل ماتبغيـن
وأعيّشك (جو) لوأنـك حلمتـي ماتعيشينـه

تحسبيني أنا ظلك أبمشـي ويـن ماتمشيـن
لوأنك راميّه نفسـك بوسـط النـار ترمينـه
وغبتي وكانت الغيبه تقص القلب بالنصيـن
خساره من بعـد طيبـه بهالغيبـه تجازينـه
وأنا وياك عشرتنا تـرى ماكملـت سنتيـن
وقلبي أن صار بيدينك أقول أنـك تحكمينـه
خدعتيني وجبرتيني معاك ألعب على الحبلين
ومر(ن) كنت أذوقه منك .. صدقيني إبتذوقينه
مدامك ماتهابينـي ودايـم عادتـك تنسيـن
بذكرك كل شي فينـي قبـل كنتـي تهابينـه
أنا منهو جرحتيني وجرحي ردلـك جرحيـن
أنا منهو خضعتيله وطحتـي عنـد رجلينـه
نسيتي من على شانه ولعيونه تهون العيـن
لوأنه يطلبك عمرك عشـان إرضـاه تفدينـه
ترى ماهمني حبـك وأنـا لعيونـك الثنتيـن
بكون آخر حبيـب أنتـي توقعتـي تحبينـه
وأبد ماقول لك خوني؟ لأني واثـق إبتلقيـن!
ولوخنتي ولقيتي شخصن يريحـك تكلمينـه
بخليك أنتي تشكيله ويشكي منك ليه تشكين؟؟
بتلاقيني أنـا فبالـك بكـل مـره تحاكينـه
ومدامي دايم فبالك تلاقين الفرح مـن ويـن؟
مدام الدمعه في عينك وطيفي مـن تنادينـه
أبحرق دمك وبأبعد وأبرجع وأنتي إتشوفيـن
بصير (الصعب) ولايمكن صعب مثلي تلاقينه
وراسك لأقلب الدنيا على راسـك وماتسويـن
كلامن قاله لك شاعر صعـب أنـك تلومينـه
تعودتي على (كسر الخواطر) وأدري إبتبكين
خلاص إبكي عشان أضحك على دمعن تهلينه
على بالك إذا غبتي بذل نفسي عشان إتجيـن
وأنا من ذل (ك) فبعده وحقرانك (يامسكينـه)

لستماع القصيده يرجى اتباع الرابط التالي:http://www.ma7room.com/music/song_listen_11922_1

للشاعر كل الشكر والتقدير على ابداعه اتمنى له التوفيق

تقبلو طرحي
محروم __DEFINE_LIKE_SHARE__