بسم الله الرحمن الرحيمـ،،

هذي اول قصهـ اكتبها .. وحبيت اشاركـ ـ ـكم فيها ..

وبـ ص ـراحهـ اول تجربهـ لي بـ ـهـالمجال ..



ومثل كل قصص النت فهي باللهجه العامية

أتمنى إنـ ـهـ ـآ تنآل اعاجبكمـ



البارت الاول

4 – 6 – 2007 م
وحدهـ من مدارس العـ مسقط ـاصمهـ - عمان

الحور: يالكللللللللللبة تعالي بوورييييج رجعييييييليي الجلكسيي مااالييي
ريم: ولا فالاحلام هههههههههههههههه

"طااااااااااااخ"

الحور: وجججججججع عمى بعييييييين العدووو ما تشوف انت
راشد: اوووه سووري والله بس انتي جاية مسرعه ههههه
الحور: رشوود و ويعه شتسوي هني !
راشد: اووه مرحبا مرحبا بنت الخالة تعالي خشمج خشمج
الحور: ضربته على راسه هعع
راشد: اااايي حور يعععووورر
ماجد: ههههههههه تستاهل
الحور: مجوود انت بعد هني ليش حظراتكم هني ؟
ماجد: اييه ناسية ان هاي مدرستنا مثل ما هي مدرستج ؟!
الحور: ايييييه صح نسيت
ريم: بسم الله ليش تاخرتي توقعت بتتمين تركضين وراي (وتشوف راشد وماجد) اووه الثنائي المرح انتو هني
راشد: اووه انتي بعد هني هع هعات
الحور: المهم يالله جلدي كرو محيي الدين برع ينطرنا
راشد: ايييييه صح الدوام خلص ..! واااااو خلصنا مدارس خلصنا ثاني اعدادي
ريم: واحنا خلصنا اول ثنوي .. مررررحباا بالثاني ثنوي
ماجد: الا قوووولي مرحبااا بالاجااااااااااازة
الكل: ههههههههههههههههههههههههههه

ويروحون للسيارة..


الحور بنت سيف.. بنوته عمرها 15 سنة .. سمرة بخفيف طويلة جسمها حلو لا هي متينة ولا ضعيفة .. عيونها سوووودة و وسيعهـ وشعرها اسسود ونااااعم .. طويل يوصل لنهاية ظهرها .. امها وابوها متطلقين .. وهي عايشة مع امها ولا تدري عن ابوها .. ربتها امها "مها" اللي كانت بعمر ال19 لما جابتها .. بمساعدة خالها ابو طلال (سالم) وهو ابو ماجد .. واهتم فيها ودخلها احسن المدارس و وفرلها احسن عيشه


عائلة سالم (ابو طلال).. متكونة من سالم الاب الحنون.. و زوجته منى (ام طلال)، عيالهم طلال، 17 سنة حاليا في الثنوية العامة (ثالث ثنوي) من بعده دلوعة البيت.. شجون بنت بالاسم .. لا كلامها ولا لبسها ولا تصرفاتها يدل على انها بنت مع انها حلوة بالحيل ..

عمرها 14 اصغر من الحور وريم بسنة .. تدرس في مدرسة خاصة بس غير عن اللي فيها ربعنا هع .. بعدها اخوها ماجد .. اصغر منها بسنة يعني عمره 13 سنة واايد متعلق باخته شجون .. يطلع ويروح وييجي معاها وحتى فاللبس وهالاشيا متشابهين، طبجة راشد وما يتفارقون ..

واخر العنقود مريم عمرها 3 سنوات .. عسووووله ماشالله عليها كيوت ومتعلقة باخوها طلال واايد

عائلة موزة، اخت سالم ومها الكبيرة متزوجة احمد بن راشد.. تاجر ورجل اعمال كبير وينحسب له الف حساب

عندهم من العيال 4: خالد 24 البجر ذراع ابوه اليمنى ما يستغني عنه ابوه.. دارس في بريطانيا بامر من ابوه عشان يرجع ويساعد ابوه في شغله .. واول ما رجع خطب سلمى 23 سنة.. بنت عمه اللي كان يعشقها .. وحاليا سلمى حامل....

خلود: 19 سنة .. في الجامعة سنة ثانية حبابة وهادئة رومانسية لاخر درجة ، بعدها راشد 13 سنة، بيروح صف ثالث اعدادي هو وتوامه ماجد ولد خاله اللي ما يفارقه ابدا ..

عائلة مريم، عندها من العيال 4 .. زوجها (مبارك) متوفي من 4 سنوات تقريبا وكان اعز ربع سالم.. وكان شريكه في نفس الوقت .. مريم من الجنوب بس عاشت سنين عمرها في العاصمة وابتعدت عن اهلها وبعد وفاة زوجها ما لقت اهل ترجعلهم .. وزوجها ماله من الاخوان الا واحد وفرقتهم الفلوس .. فتكفل فيهم سالم << اصيل.. ومسك حلال ابوهم.. ويعتبر مريم مثل مها و موزة خوآتهـ،،

عيال مبارك ومريم: محمد اكبر الاخوان .. شايل مسؤولية امه واخوانه من وفاة ابوه يحاول يكون الرجال في البيت ويعوض اخوانه .. صغر عمره يمنعه بس بمساعدة خاله سالم يتحمل.. حليو.. حنطاوي وطويل له هيبة ومرح البسمة ما تفارق شفايفه يتحمل كل شي ويحاول يرضي الكل في النهاية.. عمره 17 سنة .. نفس عمر طلال وحاليا يقدمون امتحانات ثالث ثنوي..

بعده تيجي ريم، توام حور وربيعتها الروح بالروح وماتفارقها ابدا، بيضة طولها متوسط تميزها عيونها البنية، فهد، عمره 13 سنة.. مخلص ثاني اعدادي ورايح لثالث طايش ومتهور لاخر درجة ما يحط اعتبار لاحد ابدا.. ما يطيق راشد وماجد وبالنسبة له هذيل low class


..................................

في السيارة:
ماجد: بوريك انت .... اخر مرة تجلس فيها جدام
راشد: هع هع طبيعي السنة الياية ان شالله بسير بروحي
ماجد: تروم انت
ريم: حووري فدييييييييتش
الحور: شتبين؟ من الاخر؟
ريم: هههههههه فديت بنت خالتي اللي فاهتمني .. بتسيري البيت ؟
الحور: لا بيتنا فاضي ماماتي بتكون طالعة بسير بيتكم
ريم: تعجبيني بنت الخالة خشمج
ويتخاشمون لوووول
وصلو للحارة .. على فكرة سالم بنى بيته وبيت مها ومريم بنفس الحارة ، وبعدها بسنتين انتقلت اخته موزه لنفس المنطقة يعني كلهم ساكنين عدال بعض


راشد: يالله بنات ببااااي
البنات: بااااي


...


في بيت ابو محمد
ريم والحور: سلاااااااااااااااااااااااااام عليكم
محمد من فوق الدرج: اهلا اهلا بالاميرات
ريم: انا ولا ست الحسن والدلال؟
الحور: هههههههه اكيد انا
محمد (بابتسامة ساحرة): ها شو سويتو في الامتحان
ريم: عني لا تسالني ابو التخريف
محمد: يضربها على راسها: ابو العبط لانج
ريم: لا امه ههاااي
الحور: انا سويت زين .. يعني مشي الحال
محمد: حلو يالله قومو تكشخو وتلبسو
البنات: لييييييييييييييييش؟
محمد: مو خلصتو اول ثنوي؟ يبيلكم طلعة لا؟؟؟!
البنات: اكييييييييد
محمد: عيل يالله بدلو هالمراييل وتكشخو و بنروح ممممممممم وين ما تبون
البنات: مااااااسسسسسسسة مووول
محمد: ههههههههه شوي شوي انزين يالله بدلو .. وصح صح شوفو شجون اذا تبي تيجي معاكم
ريم: اففف ما تنبلعلي هالمخلوقة
محمد بصرامة: ريم و وجع ..! عيب عليج هذي بنت خالج
ريم: افف انزين ما قلت شي بسكت
الحور: محمد انا بسير بيتنا بتجهز وعقب بمر على شجون
محمد: اوكي حبيبتي
ريم: حمووود عيب
محمد: اففف انتو شو يدخلج انا وخطيبتي
الحور: حررررريييق ههههههههههههه << نذلة لوول وتروح عنهم

"الحور & محمد" علاقة حب بريئهـ بدات بين اثنين جيران وكبرت عشان تصير علاقهـ ولا اروع .. اهلهم يعرفون والكل يعرف ان الحور لمحمد ومحمد لـ الحور .. والكل يدعيلهم بالخير


بعد ما تكشخت الحور ولبستلها بدلة .. اتفقت هي والريم ان ما يلبسون عبي بما انه الوقت ظهر وما بيكون في حد في المول
مرت بيت خالها سالم وسالت عن شجون .. سارت البشكارة تزقرها
شجون: هااي
الحور سكتت وهي تشوف اللي جدامها ! اول مرة تشوف شجون بملابس البيت
برمودا وسيعه لونها زيتي و نعال –اكرمكم الله – بو اصبع مال شباب و تي شيرت عليه صورة عقرب و قلادة من هاي اللي فيها احجار و سكوربيان اسود في وسطها << مب صدقي طبعا لوول و شعرها القصير مرفوع وسماعات الفون طايحة على رقبتها
الحور: مراحب .. شخبارج شلون الامتحانات؟
شجون: ولا يهمج ان شالله فل مارك وانتي؟
الحور ابتسمت على رغم تصرفات شجون الا انها ماشالله شاطرة في دراستها: الحمدلله على كل حال 
شجون: خير ان شالله كنتي تبيني في شي
الحور: اي .. محمد ولد خالو مريم قرر يطلعنا انا وريامي عشان خلصنا امتحانات شراييج اتيين ويانا
شجون: اممم عادي يعني
الحور: هخهخهخ اكيد عادي لو مو عادي ما بيي اقوللج مع الويه
شجون: اوكيك عيل عطيني تن منتس بتجهز و بييلج
الحور: اوكيك عقب تعالي بيت خالو مريم عشان كلنا بنكون هناك.. و خبري رشود ومجود اذا بييون ويانا
شجون: اوكيك تمام


-----------


في احدى الشركاتـ الكبيرهـ .. – مسقط – عمان

السكرتيرة: استاز سالم في فاكس واصلنا على ايميل الشركهـ بس شكلو اشي خاص
سالم: خاص ! على فاكس الشركة !! هاتيه لو سمحتي
السكرتيرة: تفضل استاز
سالم وقف في مكانهـ!! وعلامات الصدمة على وجهه !
السكرتيرة: خير استاز شو في؟
سالم: ها .. لا ولا شي .. تفضلي مكتبج مشكورة
السكرتيرة : اوكي
سالم: مها لازم تعرف ... بس كيف بخبرها .!!


------


منطقة الشاطي – مسقط – عمان


فهد: اففففففف ياخي طفرت من هالمكان ما عندكم غير هالبليارد والكمبيوترات واذا غيرتو سرتوا السينما بس مليت
سعيد: انزين دام ما عاجبك الوضع سير دورلك مكان غيره
أفلح: هههااي اللي يسمع انه بيلاقي مكان .. يابوك لف ودور مردك ترجع هني
فهد: اي والله .. ع الاقل لو عندي سيارة كننا بنستانس اكثر
سعيد: وااابووك وين تبي انت سيارة وبعدك ما كملت الـ13
فهد: طع الكورفت اللي هناك .. يسوقها واحد ويانا في المدرسة الاسبوع الماضي كمل 14 سنة !!!
أفلح: هذا ولد فلان وفلان .. وبعدين بايع روحه الصراحة .. انت ما تسمع عن هالحوادث اللي تصير؟
فهد: افف بدا الاخ بالمحاظرات .. اقول قومو عند السينما اشوف شلة بنات حلوات
سعيد: يصففففففففر افف يطيحون الطيير يالله فوووقه
ويقومون الشباب عن السينما..


"منطقة الشاطي" منطقة معروفهـ في مسقط تجمعات الشباب اغلبها تصير فيها .. تقريبا عبارة عن مربع فيه جيم وصالة بليارد والعاب مقابله السينما وعدد كبير من المقاهي والكوفي شوبس ..


------


الماسة مول – صالة البولينج


شجون : يسسسسسسسسسسس ستراااااااااااايك
ماجد: فديييت اختي gimmi 5 sis
ويضربون كف بكف..
الحور: اففف ياربي مليت اناا
محمد: فديت الملانين انا ,, شباب ما تريدو تتغدو ؟؟ انا جوعان بصراحه
راشد: ويااك بو جاسم انا بعد بمووت من الجوع
ريم: مجود شجون قومو يالله الدور وخلصتوه يالله نسير ناكل
شجون و مجود: اوكييك يالله
وينزلون للطابق اللي تحت ويطلبون ..
ريم: ماااشاالله طحين في الوجه مو ميكب
الحور: هههههههه لالا هي كانت تطبخ بس زلقت وطاح ويهها في الطحين
الكل: ههههههههههههههههههههههههههههه
شجون: الللللللللاااااااااه فلنتااااااااين اييه تعالو باي شهر احنا
راشد: هع هع لا فلنتاين متاخر
ماجد: هههههه مضيعين الكلندر الاخوات
محمد: بس عيب عليكم جالسين وتعلقو ع الناس ما عيب؟
الحور: حمووديي صرااحهـ ملل وايد واذا ما علقنا ع الناس بنعيش في حالة اكتئاب
الكل: هههههههههههههههههههههههههههه

فجاة تفز الحور وتناد محمد: حمووووود طع هناااك
الكل يلف ع المكان اللي اشرتله حور
محمد يوقف في مكان ويمشي بسرعهـ ..
..: اييي اترك قميصي يالثوور
محمد: انت ما تستحي مو تسوي ورا البنات و ويش لابس !؟ ماتستحي؟
..: قلتلك اتركنيي,, ويفك نفسه من ايد محمد
محمد و وجهه احمر من كثر العصبية: فهوود و وجع
فهد: شفيك خير؟
محمد: شتسوي ورا البنات ما تستحي انت؟
فهد: عادي نغازل نمشي الوقت
محمد: وتقولها بعد .. انت مافيك مروة ما تحشم؟ ما كان عندك اخت ولازم تخاف عليها
فهد: اختي تخسي تسوي كذا .. قلعت رجولها قبل ما تطلع من البيت بهالشكل
محمد: هه اللي يسمع انك تشوفها ولا تدري عنها
فهد: افففف وايد مكبر راسك انت .. لا تنسى انك مو ابووي انزيين
ويروح عنه بسرعهـ
محمد واقف مبهت بعده ما مستوعب شو قاللهـ اخوه الصغير .!!!
الحور: حمود حبيبي خله يغيب لا تشغل بالك فيه
محمد: يلف ورا .. هاا؟!
الحور تبتسم: يالله فديتك تعال كمل غداك
محمد ابتسم بس الدمعه في عينه .. رجع للطاولة ويشوف شكل ريم اخته اللي انقلب 180 درجة .. و راشد وماجد وشجون اللي يلفون على بعض ...


-----

الساعهـ 3 ونص .. فلي هزاع - العين – الامارات
ملاك: امااااااايه ارجووج ابا اطلع مع مصعب و سلاامي ما بطول والله بس ساعة
شيخة: اففف منج انتي كل يوم طلعه
ملاك: يدوه فديتج انا خلصت مدرسة و ملاانة حدي ماعندي شي اسويه
شيخه: خلاص سيري ويا خوانج .. بس سااعة ويا ويلج لو تاخرتي
ملاك: فديييتج امااااايه وقامت حبت راسها وركييض عسب تبدل ملابسها

(ملاك بنت سيف.. بنوتهـ عمرها 15 سنهـ، سمرهـ بخفيف.. لا هي طويلة ولا هي متينهـ .. عيونها عسليه وسيعهـ و شعرها بني بخفيف .. عاشت طول عمرها يتيمة الام والاب مع وجود اهلها على قيد الحياة .. امها اجنبية .. يابتها وعقب عقتها وردت بلادها.. ابوها انسان مشغول 24 ساعة .. تكفلت فيها يدتها شيخه .. و ربتها بمساعدة عمتها عذيجة .. اللي تكون امها بالرضاعة في نفس الوقت..)

..: هوود هوود
شيخة: هداا يا وليدي محد غرييب تفضل حياك
مصعب: شحاالج امايه شيخهـ؟ (ويقرب يحب راسها)
شيخة: بخير ياوليدي من صوبكم؟ شحال امك؟
مصعب: الحمدلله يسرج حالي فديتج .. هييهاأ تسالين عن امي ما جنج مرمستها من ساعة
شيخة: وااعووقي تراددني يا ولد شيخة
سلامي: ماامااتي سمحيييله عاد تدرين مصعوب ما يقصد شي
شيخة: وييديي شو هااي ماماتي بعد وشو مصعووب رجال طول بعرض بلحيته وشنباته وتقووولين له مصعوب
مصعب: ويووو هزبووهاا
سلامي: !! مو مشكلة اتفقت عليه انت ويدووتك هاا .. اصبر خلي تجي ملووكة وتاخذلي حقي منكم
ملااك: ملوووكة وصلت
عذيجة (ام ناصر) ,, متزوجة راشد (ابو ناصر) تاجر .. حالته المادية جيدة جداا.. عندهم من العيال 6

اكبرهم التوام: ناصر و مصعب .. ناصر اكبر من مصعب بنص ساعهـ تقريبا .. عمرهم 19 سنهـ .. توهم مخلصين الثنوية ومسجلين بجامعة الامارات بس بتخصصات مختلفه.. فيهم جمال فضييع ماشالله.. حنطاويين وطول وعرض .. عيونهم وسيعه ورموشهم كثيف، يتشابهون بالشكل واايد بس باختلاف الشخصيات .. مصعب رزين وريال يعتمد عليه وتفز له الميالس ..

بينما ناصر انسان تافه لا له شغلة غير المولات والدوارة والمغازل..
من عقبهم تيي سلامة.. عمرها 17 سنة .. حاليا بثالث ثنوي وماشالله عليها شاطرة وماينخاف عليها .. قصيرهـ وبيضه عيونها سودة و حبااابه .. خجولة من الدرجة الاولى وعلى اقل كلمة تحمررر ...

بعدهم سيف، 15 سنه .. بعمر ملاك، اخته بالرضاعهـ، اسمر وشعره طويل .. يويل درجة اوله وعشقه الميدان، رجال ويعتمد عليه .. دومه ويا اخوه مصعب ويحاول يصير شراته ويرفع راس اهله .. مع انه مو وايد فالح في الدراسة ..

من عقبه اتيي شمسه عمرها 10 سنوات دبدوبة ماشالله عليها وبيضة قمة في البراااائه بصف سادس.. و اخر العنقود عبادي << عبدالله عمره 6 سنوات .. بصف اول ابتدائي.
--
سلامي: اخيييييييييرا شرفتي اخت ملاك وينج انتي من ساعة احنا هنه نترياج
ملاك: سمحوولي فديتكم بس لين ابدل وتوايه اخته واخوها
مصعب: حصل خير .. يالله بنات قومن خلا نسير المول .. مواعد منصور ولا ابا اتاخر عنه..
ملاك وسلامي: قووووللهـ اييييب وياااه رواااضيي
مصعب: بسم الله الرحمن الرحيم سكنهم في مساكنهم شفيكم
ملاك: مصعووب حبيبي اتصل فيه خليه ييب رواضي والله لهاا وحشة الدووبهـ
سلامة: بليز بليز اتصل فيها صارلي اشكثر ما شفتهاا
مصعب: فالكم طيب بتصل فيه فالسيارة .. يالله بنات مشينا .. مع السلامة يدوه
شيخه: في حفظ الله

----
عيلة حميد ابو حمد، وزوجته نورة، عنده من العيال 4، 3 شباب و بنت ..

اكبرهم حمد 25 سنة، متزوج سارة بنت خالتهـ .. وعندهم بنتين سمر 2 ونص و فجر سنـ1ـه ، و من عقب حمد ايي حامد عمره 22 سنة، توه متخرج من الجامعهـ ..
حليو والبنات دايما مستخفين عليهـ .. بس هو ما يعطيهم فيس p= من عقبه ايي منصور .. بعمر مصعب وناصر .. ربيع مصعب الروح بالروح ..

ومن بعدهم اخر العنقود روضهـ .. مدللة ابوها واخوانها عمرها 16 سنة .. اكبر من ملاك بسنة واصغر من سلامة بسنة يعني في الوسط لوول
---
العين مول – العين – الامارات
مصعب: يالله يا بنات .. اكوه منصور وصل و وياه روضه ..
منصور + روضهـ: السلام عليكم
البقية: وعليكم السلام والرحمة
وتقول روضة توايه البنات
مصعب: يالله يا بنات سيرو خلصو شغلكم واحنا بنصعد الكوفي شوب اللي فوق .. لما تخلصون دقولي وبنييلكم هني
البنات: اوكي
ويروح كلن لشغلهـ ..
----

وبجي ينتهي البارت الاول ،، اللي تقريبآ كان كلهـ تعريف للشخصيآت

بانتظار الردود اللي تفرح