دام قلبي أختارك ما همني عيوبك - الصفحة 21

ريامي · 08-30-2008, 06:17 AM

يوم طحت طاح المدخن على إيدي وصبوعي وتميت أصارخ كانت خالتي وراي يالسه تضحك بصوت عالي وتقول لي هذا دواج مب أنتي اللي تأخذين ولدي مني يا بنت ............
ريم تتويع: أنا ما خذيته أنتي اللي دمرتيني ااااااااااااه يمه جان تأخذ خالتي الضوء بس مب كله تم كمن قطعة عند الدري وخذت الباقي وحطت في المدخن فسمعنا صوت الباب انفتح فركضت خالتي داخل حجرتها وشفت حارب ياي ركض
حارب:شوفيج فديتج
ريم:طحت !
حارب كان ياي صوبي
ريم: فديتك حاسب شي ضو
حارب:فديت روحج ( كان ياي صوبي يبا يشلني بس ما خليته ويه وخلاني أقوم معاه ومسك إيدي اللي احترقت منه وباسها حسيت خاطري أضمه بس تكابرت ومسك إيدي لين ما وصلنا قوق في الغرفة يلس عندي وكان وااايد قريب مني)
حارب: كيف أحترقتي؟
ريم:ما شيء كنت أبغي أيبلك المدخن وأنا راكبة الدري طحت على ويهي
حارب يه صوبي وحضني:فديتج والله حاسبي على عمرج ويلا سيري غيري ثيابج بوديج المستشفى
ريم:لا والله ما يحتاي لا ماله داعي
حارب:لايحتاي( وحط إيده ورا ظهري ) يلا حبيبتي قومي
ريم ميتة من المستحة: إن شاء الله
حارب:فديت اللي يسمعون الكلام
سرت كنت أبغي ألبس العبايه بس ما قدرت لأن إيدي كانت تعورني فجأة دخل حارب:تبين مساعدة (ابتسم)
ريم:لا شكرا (حارب اتجدم مني)
حارب:لا تبين
كان ورايه الخزانه وحارب كان يتجدم منها وااااااايد وأنا كنت أحاول أرد ورا بس ما قدرت فحارب اتجدم مني خلاني التصق في الخزانة وهو كان يالس يتجدم أكثر وقرب ويه من ويهي وباسني على ويهي ومسك رقبتي
حارب: أحبج مووووووووووت
ريم نزلت راسها وكانت ميتة من المستحة حارب مسك ويها :رفعي راسج ابا أشوف عيونج
ريم رفعت راسها وحارب باس راسها ومسك يدها ولبسها عباتها ومسك يدها ونزلنا
ريم (بصوت واطي):ما بتتأخر على الدوام
حارب: دام أنا وياج خلي يولي الدوام
ريم(ابتسمت)وسرنا المستشفى كان الشمس طالع كانت الساعة تقريبا ستة ونص وصلنا وكنا يالسين نترية الدكتورحطيت راسي على جتفه لأن كنت أحس بويع
حارب: تعورج؟؟!!!!
ريم تمنت تسمع كلمة حلوة منه حارب:تعورج؟!!
ريم:هااااااااا شوي
حارب:في شو كنتي سرحانة اتفكرين
ريم:ولا شي

حارب طالعها بنظرات:متأكدة
ريم:ولا شي كنت أفكر في يدي
حارب: إن شاء الله بسيطة
ودخلنا على الدكتور والدكتور عطاني بعض النصايح وحارب راح يشتري الأدوية ونحن رادين البيت كانت الساعة سبعة وربع تقريبا
حارب: نروح نتريق؟ بس مب شرات ذاك المرة
ريم (ابتسمت):برايك
حارب:تم
وحارب مر على ريف وخذلنا سندويشات من كم نوع وعصاير وسرنا البحر وكان الجو وووووايد بارد حارب نزل من السيارة ووقف هناك
حارب صد صوب السيارة:يلافديتج أنزلي
ريم هزت راسها بمعنى أوكيه وكان وايد صعب حقها تنزل لأن إيدها اليمين محترقة حس فيها حارب ويا يفتح الباب وتفرب منها وخذ الكيس وكلنت أنفاسه واااايد قريبة من أنفاسها فحست بدفا وخذ الأكياس ومسك إيدي بإيد الثانية ويلسنا على البحر ريم ما كانت تقدر تأكل باليمين لأن الدكتور لاف يدها فكانت تأكل باليسار
حارب:أنتي ما تعرفين أن مب زين تأكلين باليسار
ريم كانت ترتجف من البرد:ما أقدر أكل باليمين
حارب: وأنا حق شو عايش
ريم نزلت رأسها حارب قرب صوب ويهة وقرب سندويشة من حلجها وهي طالعته وكلت السندويشة حارب (ابتسم وتم يأكلها)
ريم:أشوي أشوي بغص
حارب:تأمرين أمر
تم ياكلني ويشربني وهو شرب العصير من وراي وبعدين هو تم ياكل وأنا كنت ميتة من البرد فحس فيا ويا قربني من صدره وحضني حسيت أني في عالم ثاني ما بغيته يودرني
حارب: أشوف عايبنج السالفة
كانت بتقوم من حضنه بس رمها في صدرها وحضنها بالقوة
ريم:يا ماصخ وتقول أني أنا الماصخة
حارب:ههههههههه فديتج والله اتمصخر معاج
ريم :لا مابا مابا لا مابا
حاولت أتقوم بس حارب حط صبعة في شفايفها وضمها لصدره أكثر ريم سكتت وغمضت عيونها
حارب:لا يكون رقدتي
ريم:لا بس إيدي تعورني
حارب: فديتج يلا قومي نروح نتمشى ومسك إيدي وتمينا نتمشى طول الدرب وهو ماسك إيدي وبعدين ردينا عند السيارة وفي الدرب كان عادي يسولف وياي
أنا نسيت أقولكم شكله كان لابس كندورة بيضة وغترة حمراء وعقاله وهو أصلا يسمونه غرشوب دبي يعني ما شاء الله عليه وكان مندمج في الطريج وأنا كنت أطالعه ما شاء الله عليه رموشه طوال وغلاظ ووصلنا البيت شفت خالتي أمل قاعدة في الحديقة حديقتهم كبيرة واااااايد وفيه كل أنواع الزهور وخالتي تحب تيلس هناك
خالوأمل: هلا وغلا فيكم
ريم+حارب:أهلين وسهلين خالو أمل
(تسوي عمرها ما تدري شو السالفة) خالو أمل:شو السالفة؟ شو صابنج؟
حارب: أحترقت اليوم الصبح ووديناها المستشفى
خالوأمل:بس المستشفى (قالت بأسلوب مب حلو)
حارب:آآآآآه لا وبعدين سرنا نتريق
ومسك إيدي ورحنا فوق
خالو (ابتسمت):الله يحفظكم
ونحن سايرين فوق خالو: روح بتتأخر على دوامك
حارب:ما عليه بأخذ إجازة اليوم أمي
خالو أمل: ليش علشان سواد عيونها سير الدوام أحسن لك
حارب: خير إن شاء الله
وسرنا فوق وهو يه وعق عباتي
حارب: أعق ها بعد (وأشر على قميصي)
ريم:هاااااااا لا أنا بروحي بغير
حارب:ههههههههههههههههههههه
وبدلت ملابسي ويوم طلعت شفت حارب يالس على الكرسي
حارب:حبيبتي انا طالع تأمرين على شي
ريم: لا سلامتك
حارب:الله يسلمج (تقرب مني وباسني على خدي)مع السلامة بس قبل ما أروحأبا منج طلب بسيييييييييييط
ريم:تم
حارب:هههههههههه أنتي قلتي تم صح وأنتي عند كلمتج

ريم:هيه طبعا
حارب:يلا عطيني بوسة................................... __DEFINE_LIKE_SHARE__

فروشة الملاك · 08-30-2008, 04:38 PM

ناااااااااااايس بس وااااايد قصير

بليييييييييز المرة الياايه طولي بالباااااااارت
يسلمووووووووووووووووووووووووووووو __DEFINE_LIKE_SHARE__

%كشخة% · 08-31-2008, 12:23 AM

مشكورررررررررررررره والله ...

ربي يعطيج الف الف الف عافية ...

بليز ما تقدرين تكمليها قبل رمضان ...

يعني القصة بعد لها واااااااايد ؟؟؟ __DEFINE_LIKE_SHARE__

سمو الشيخه نوفوه · 08-31-2008, 02:27 AM

يسلمؤؤؤؤؤؤؤؤؤ __DEFINE_LIKE_SHARE__

كنت أحبك .. · 09-01-2008, 11:00 PM

ربي يعطيج العافيه

وياليت ماتطولين علينا

نترياج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دام قلبي اختارك ما همني عيووبك	♥ روحي تحبك♥	قصص و روايات	39	03-19-2010 01:48 PM
ماذا تقول لو أهديتك عيوبك؟!	مــ اكون ــن	الحوار والنقاش - الرأي والرأي الآخر	23	02-13-2010 08:50 AM
دآآم قلب اختآآرك ما همني عيووبك	ميراني..~	استراحة قصص وابداعات الاعضاء	51	02-01-2010 01:21 PM