دام قلبي أختارك ما همني عيوبك - الصفحة 24

فروشة الملاك · #1 09-11-2008, 07:43 PM

البااااااااااااااااااااارت __DEFINE_LIKE_SHARE__

ريامي · 09-13-2008, 01:57 AM

الجزء السابع والعشرون

ريم دخلت الغرفة وشافت حارب منسدح على الشبرية ولابس كندورته وحط إيده على عيونه ريم تقربت منه وباسته على راسه
ريم: فديتك لا تزعل
حارب شل إيده من على راسه: شوفي الكلبة كيف سودت ويهنا
ريم:خلاص فديتك اللحين ارقد وباجر يصير خير
حارب اشرلي على شبرية عداله : تعالي إيلسي هني ليش واقفة
ريم يت يلست عداله علشان يهدء
حارب:آآآآآآآآآآآآآآآآآآآآآه يا ريم شفتي شو سوت
ريم حطت راسها على صدره:خالص فديتك باجر الصبح تفاهم وياها
وبدا حارب يلعب يخصل شعره
ريم: حارب
حارب: عيونة
ريم:أبا أقلك شي بس لا تعصب
حارب(اتغير ملامح ويها):خير قولي
ريم(بدلع):أنا يوعانة
حالاب: يخلي اليوع والله قومي نسير نتعشى
ريم: بس برع (اصلا ريم كانت تبى تطلع حارب علشان يغير جو)
حارب: الساعة وحدة
ريم(مدت بوزها بدلع):خلاص مابا
حارب:فديت روحج والله فديت اللي مادة البوز
ريم(بدلع):يلا قوم حارب
حارب نش من على الشبرية ومسك إيدي ونزلنا تحت طبعا هو ثيابه كان متجسف
ريم: لحظة بكوي كندورتك انزين
حارب: مالي خلق لا
ريم:شو بيقولون بعدين ريلها ثيابه متجسف
حارب: شو رايج ألبس قميص وبنطلون
حارب سار بدل وأنا تميت أتريا الين ما خلص وبعدين نزلنا تحت وعند المدخل شي دري ثاني ريم ما انتبهت له فكانت بتتخرطفت بس حارب مسكها
حارب: بسم الله عليج شي يعورج
ريم:ههههههه لا
حارب: فديتج يلا قومي يالياهل
ريم:حلااااااااااام أنا
حارب وهو يعض شفايفه: فديت التراب اللي تمشين عليه
ريم استحت ونزلت راسها لأنها ما قدرت تتخيل نظراته لها ريم قامت و حارب مسك إيدها وراحو ركبوا السيارة
حارب: وين عمري تبا تتسحر هع
ريم:ههههههههه ( وضربته على جتفه) ماصخ
حارب طالعني بنظرات تلومت منها ونزلت راسي حارب مسك إيدي فلفيت صوبه حرك شفايفه بدون ما ينطق وقالي أحبج بحركة شفاته الصراحة حسيت عمري رهينة جدامة يوم قالي هاالكلمة واستحيت فنزلت عيوني المهم نزلنا وسرنا صوب البحر عقب ما اشترى العشى وكان الجو بارد وهو لابس برموده
حارب: ها حبيبتي شكلج مابتنزلين
ريم: بنزل
حارب: يلا (ومد إيده)
ريم:كيف بنزل وأنت ماسك إيدي (حارب كان يالس حذالها)
حارب:جي (نزل بسرعة فتح الباب صوبي وشلني)
ريم: لا يا ماصخ والله إنك ماصخ
حارب:هههههههه يلا كلي وأكليني بسرعة لأني ميت من اليوع لاغدا ولا عشا
ريم: أنت ما تغديت
حارب: لا أنتي شبعتيني سم يوم صديتي عنبوج بوسة ما تبين اتبوسيني
ريم قربت ويها صوب حارب وباسته حارب ابتسم بس هي بسرعة ابتعدت عنه بس خارب طول ما هم كانوا ياكلون كان قريب منها وماسك يدها خلص حارب ياكل وريم بعد فرقد حارب على ظهره على البحر وراسه على ريل ريم
حارب: ريم
ريم: نعم
حارب:أحبج مووت
ريم: وأنا بعد
حارب قام ويلس شو أنتي بعد
ريم:أنا بعد أحبك
حارب: قولي والله
ريم: والله
حارب: فديت منطوقج والله
ريم(احمرت) وتمت اتفكر كيف اتجرأت وقالت له أحبك وين مايد يا ريم خلاص هو كان يجذب عليه كا هالمدة معقولة 5 سنوات وأنا ماأدري
حارب:وين وصلتي
ريم:هااا أنا وياك يلا قوم نروح البيت باجر دوام
حارب:لا حبيبتي باجر الجمعة بس قومي نسير البيت
وركبنا السيارة وفي الطريج
حارب: ريم
ريم: نعم
حارب: أنا أسف لأني ما خليتج اتروحين ويا شهاب
ريم(ابتسمت):بطوف لك هالمرةههههههه
حارب:هههههه تسلمين ووصلنا البيت
ريم: فديتك الين ما تسير تتسبح أنا بسير أشوف خالو
حارب: زين اتسوين سرت صوب حجرة خالتي سمعت صوت صياحها تدعي ربها يغفر لهاعلى ما سوت ما قدرت أمسك عمري بعد أنا تميت أصيح وياها تميت على باب الغرفة
خالتي: تعال حارب
ريم: خالو أنا ريم مب حارب
خالو:حياج بنتي ت عالي
أول ما دخلت غمضتني وحضنتني بالقو وتمت اتصيح وانا أصيح وراها
خالتي: سامحيني فديتج أدري أني غلط وايد في حقج
ريم: لا خالو فديتج مسموحة بالحل ودخيلج لاتقولين جي الله يخلبج وتمينا انصيح مع بعض الين ما دخل علينا حارب الغرفة ورغم أن كان يشوفني أنا وأمه كنا انصيح هو كان يالس يبتسم الإبتسامة كله كان مغطي على ويها
حارب: عساكم دوم جي ويا بعض وتريحوني
تمينا نضحك أنا وخالتي ودموعنا على خدنا
خالتى:فديتج والله ريحتيني سيري حبيبتي ريلج يترياج
ريم: يلا عيل خالوأنا بخليج الحين
خالو: ربي يحفظج و يخليج
ريم (وهي تبوس رأس خالتها):الله يحفظج ويطول عمرج يا رب
خالتي: ريم فديتج باجر كلنا بنسير عند مايد اتزهبوا بعد الصلاة
ريم + حارب: إن شاء الله
حارب مسك إيدي ورحنا الغرفة
ريم: اتسبحت
حارب:هيه
ريم: عيل أرقد أنته
حارب: أوكيه بس اليوم وين بترقدين ليكون تحت بعد
ريم (تتمصخر):هيه ليش لا
حارب: بذبحج
ريم: أوكيه يلا سير أرقد
حارب: أوكيه يلا تصبحين على خير
ريم: وأنته من أهله فديتم
ريم سارت تتسبح وهي طول الوقت كانت تفكر كيف بتسير عند مايد باجر كيف بتجابله أكيد ميثا بتكون هناك وأنا ليش أفكر فيه خلاص هو حر في حياته الحمد لله أنه رزقني بريل يحبني وخاف علي وطلعت ومشط شعري ورقدت قمت الصبح اتسبحت ولبست وسرت صوب غرفة هند شفتها خايفة كانت تتحراني حارب
ريم: صباح الخير حبيبتي
هند: صباح النور(بدت اتصيح) فديتج
ريم(حضنتها): ليش اتصيحين فديتج
هند: بيذبحوني اليوم
ريم: لا فديتج سيري اتسمحي من أمج وبوسي راسها وأنا بقول حق أخوج يبليج رقم يديد بس أوعديني مرة ثانية ما تعيدين اللي سويتي
هند: والله ياريم ما طلعت مع أبدا بس دوم كنت أرمسه فالتليفون والله يا ريم
ريم: أدري حبيبتي الحين أباج اتقومين وتستسمحين من أمج يلا فديتج أوكيه
هند: إن شاء الله فديتج
ريم سارت الغرفة لقت حارب راقد فتقربت منه وباسته

ريم: حارب فديتد لين اللحين راقد
حارب: لا حبيبتي
ريم: انزين قوم نش اتسبح
حارب: إن شاء الله طويلة العمر
ريم:يلا قوم
حارب: الزفته وينها
ريم اتقربت منه ويلست:هي اليوم حلفتلي إنها عمرها ما طلعت معاه وحرم أنا قلتلها تستسمح من خالو وأنت اطلعلها رقم يديد وولا جنه حد درى
حارب يا وحضنها: فديتح والله.....والله اني احبج وغيرتي حياتي وحياتنا وباس راسها
ريم:.............................
حارب: يلا قومي من عل ريلي خليني أسير اتسبح
ريم (استحت):أنا مب يالسه على ريلك انزين
حارب:هههههه يبين انزين يلا قومي
حارب مسك ويها فاستحت ونزلت راسها وقامت من على الشبرية
حارب قام: لا تنسين اليوم بنمر على مايد
ريم: لازم يعني
حارب(باستغراب):هيه لازم وأمي قايلة حق خالو أميرة من البارحة مب حلوة عاد حتى هندو يايه ويا سيوف
ريم: أهااا عيل هند ما تدري
حارب: برايها الغبية
ريم: هاا وبعدين نحن شو قلنا
حارب: سوووو ري
ريم: يلا قوم بتتأخر عن الصلاة
حارب: أوكيه
ريم: أنا بسير أجهزلك الريوق
حارب(غمزلها): ما عندي مانع
ريم: الحمد لله والشكر
حارب:هاااهاااهاااااي ريم طلعت من الغرفة وسارت المطبخ شافت خالو ريم باست راسها
ريم: صباح الخير
خالتي: يعلني أفداج صباح النور
ريم: شو هالريحة الحلوة
خالو:ها خبز حق مايد قلت للطباخ يسوي
ريم: افا وحق حارب
خالتي (ابتسمت): موجود فديتج
ريم: أوكيه جي زين
خالو:عيل يلا نودي الريوق على الطاولة
ريم: إن شاء الله
ريم ساعدت خالتها ودو الريوق على الطولة ونزل يوسف
يوسف: صباح الخير
ريم+خالو: صباح النور يوسف سلم على خالو وحب راسها
ريم: عيل أنا بسيرفوق أشوف ريلي
يوسف: احترمي وجودي
ريم:ههههههههه مرة ثانية
ريم ركبت الدري وسارت صوب غرفتها يوم دخلت شافت حارب واقف جدام المنظرة يعدل غترته
ريم: هااا حبيبي خلصت
حارب: خسارة أنتي متوضية
ريم:يلا أنزل
حارب(غمزلها)ونزل وريم نزلت ويا على الدري
حارب: أنزلي يلا أووه
ريم: برأيك أصلا أنا بنزل قبل ما تقول انزين
خالو من تحت: شو فيك عليها؟
ريم: هيه خالو أهزبيه (واتطلع لسانها له)
حارب ابتسم ونزل تحت واتريقوعل الخفيف وسارو الصلاة بعد ما ردوا ريم وهند وخالو كانو متزهبين حارب شاف هند بنظرات حقارة
ريم: حارب تبا غترتك
حارب عرف مقصدها من هاالكلام وبعدين كلنا سرنا صوب السيارة هند وخالو ويوسف في سيارة وريم وحارب في سيارة ثانية ووصلنا المستشفى وحارب سار وخذله حلاوة وورد بس أنا كانت ميتة من الخوف والله يا خوفي ننفضح ياالله استر علي يا رب بس أنا ما كنت احب أظهر هالخوف وصلنا الغرفة سمعت صوت ضحكة سيف ومنصور ويوم دخلنا داخل شفت شيوم ومعها وحدة أكيد كانت ميثا بس صج كانت واااايد حلوة وخالتي ميرة ومايد وشهاب ومنصور وسيف يعني كان زحمة اشوي الغرفة دخلت وسلمت على خالتي
ريم: هلا وغلا اللحين مب زعلانة مني
خالتي ميرة:كيف ازعل منج أنتي شرات بنتي الصغيرة فديتج دلوعتي
ريم: فديت قلبج خالو وسلمت على شهاب
شهاب:هلا توة ما نور
ريم: شو السالفة
شهاب(يهمس):اتصلت فيج
ريم:لاااااااااع
شهاب: مالت
ريم:هههههههه (سلمت على شيوم)
شيوم:اهلين يالحلوة لا ما نروم وااايد محلوة ياالجلبة
ريم:احم احم استحيت
شيوم:لا تصدقين عمرج وهاي ميثا (و أشرت عليها) هاي الله يسامج بنت عمسعيد ومنصور وسيف ومايد
ريم سلمت علىيها ويلست وكانت اطالع نظرات مايد لها وهو يصد ويرد يطالعها ريم يلست حذال حارب غياضا فيه
منصور: هاااااااااا ريموووو بشري
ريم: خير شو ابشر
منصور شو ما اتصلتي
ريم:هاااا لاوالله سوري نسيت
منصور: مالت عليج
حارب:ايه أنته احترم نفسك ترى بقولها ما تتصل
منصور: اسف يا قيس ابن الملوح السموحة منك غلطنا على ليلى العامرية
حارب: هيه جي أباك(ويغمزلي)
منصور: احترموا وجودي يعني كلنا (حتى مايد)هههههههه
أشويه ودخلت أمي مع أبويهوسلمت على أمي وأبويه وتم أبويه تقريبا 5 دقايق حاضني بعدين شفت الدموع في عيونه يعلني أفداه أبويه وتمينا يالسين أشويه مرة وحدة....................
منصور: ااوووه يلا اتصلي طلعتي عيوني ام(ن) يا بنتي برع
ريم:بسم الله انزين يوم بوصل البيت بتصل
منصور:لا اللحين
ريم: شيوم شو رايج؟
شيوم: سيف انت شو رأيك؟
سيف: مايد أنته شو رأيك؟
مايد: ميثا انتي شو رايج؟
ميثا: ههههههه شهاب أنته شو رأيك؟
شيوم: عزالله رحتي فيها ميثو
ميثا: ليش
شيوم: لو مشاعل سمعتج بتذبحج والله بتاكلج
كلنا:هههههههههه (حسيت شهاب استانس)
ميثا: أنا ما رمست هاي هند (هند بس ابتسمت)
ريم: لا يلا محد راضي
منصور: مالت عليكم يلا
ريم: شيوم ما قلتيلي رايج
شيوم:ها سيوف قول
سيف:امممممممم ما يستاهل ياجر اتصلي
منصور قام أونه بيضربه وكان مسكنه من رقبته
منصور: قول اللحين وإلا أنت بعد بترقد عند ميود اليوم
سيف:ههههههه أوكيه خلاص اللحين
كلنا تمينا نضحك
ريم: أوكيه وخذت الموبايل وطلعت برع شافت منصور ياي وراهاريم ضحكت ومنصور بعد ضحك بس سو عمره بريء
منصور: أبا أسمع يعني أنتي سماعه وأنا سماعه
ريم: والله وقمت تحب يا منصور
متصور(احمر):ههههههههههه
ريم:لا وقمت تستحي بعد
منصور: ريموووووووو بس عاد
ريم: ههههه (واتصلت في فطوم)
ريم: هلا وغلا
فطوم: فديت هالحس
ريم طالعت منصور: فديتج والله بس شو نازل عليج؟
فطوم:بس جي كيفي ليش صوتج غير اليوم؟
ريم: بلاه صوتي!
فطوم: ما أدري المهم اشحالج؟
ريم:غبيه (فظربها منصور على راسها) آآآآآآي
فطوم:بلاج؟
ريم: ولا شي المهم وينج؟
فطوم:في البيت وأنتي؟
ريم: أنا في المستشفى
فطوم: ليش؟شو مستوي؟
ريم: تذكرين منصور ولد خالتي ميرة
فطوم: هيه بلاه شو صابنه؟
ريم طالعت منصور شافت منصور الأرض مب شالتنه
ريم: ولاشي تعبان شويه
فطوم(لاإراديا):فديت والله
منصور:فديت روحج
فطوم:...................
ريم إطالع منصور كيف اتجرأ ورمس منصور فر السماعة وسار برع
ريم: الو فطوم
فطوم:...............
ريم:فطوم والله سوري بس هو كان يبا يعرف شو شعورج صوبه هو والله طلع والله
فطوم: يالسخيفة شو يعني سمعني وأنا أتفداه
ريم:يلا عاد بي كول هو أصلن يبا يخطبج يعني يا ما بيسمع منج هالكلمات
فطوم: سخيفة
ريم:يلا بخليج اللحين
فطوم: انزين هو صج تعبان
ريم:ههههههههه لا فديتج هو مب تعبان
فطوم: أوكيه يلا باي
ريم: باي بس لا تنسين اتفكرين في اللي بالي بالج
فطوم: أوكيه
بندت التليفون عن فطوم شفت مشاعل متصلة
ريم: هلا وغلا بخطيبت شهاب
مشاعل: أهلين أشحالج
ريم: تمام وأنتي
مشاعل (مستحية): الحمد لله
ريم: ها انتي ترمسيني وكل هامستحية لو بترمسينه شو بتسوين
مشاعل: ريموو حرام عليج ايش ما يتي أمس
ريم:تعرفين عاد خلاص ريلي وحاله
مشاعل: اهااا انزين اشحاله
ريم: بدينا
مشاعل:ههههه بس أسال
ريم: أنا اللي لازم أسال عن أخويه عندج اللحين
مشاعل(استحت):لا عاد والله بس أمس شفته
ريم: لا حسافه اليوم ما مر بيتكم
مشاعل: سخيفة انزين
ريم: انزين هههههه يلا سيري طولت على قوم خالتي
مشاعل: ما أعرف شو السالفة المهم تيك كير وسلمي
ريم: على منو
مشاعل: على شهاب
ريم: يلي ما تستحين ههههه
مشاعل:ههه يلا باي
ريم: بباي
ريم سارت صوب الغرفة سمعت صوت شيوم و مايد دخلت وما شفت حد
ريم: وين ساروا
شيوم: كاهم ساروا
ريم: وأنا
شيوم: أنا وسيوف بس ثواني راح يودي ميثا وبيرد

ريم: بدون ليسن الأخ
مايد: عادي ياما سقنل بدون ليسن
ودق تليفوني وكان حارب
حارب: ريمووو
ريم: نعم
حارب: فديتج شيوم بتيبج اليوم البيت أوكيه
ريم: لااا أعرف إنك تبا الفكة مني ما تباني خلاص ما عليه
حارب: لا تستوين غبية بس شيوم قالت تباج اليوم اتسيرين بيتهم
ريم:اههاا أوكيه سووووري
حارب: اوكيه حبيبتي بس لا تتأخرين لأني بشتاقلج
ريم(أحمرت):إن شاء الله وسكرت التليفون
شيوم: شو قالج أخر شي احمريتي يلا قولي
ريم: مالت عليج صج أنج غبيه ولا شي لا تأليفين
ريم: مايد إن شاء الله بيطلعونك من المستشفى
مايد (ابتسم): إن شاء الله باجر خلاص لاعت جبدي من المستشفى
ريم:إن شاء الله قريب بتطلع وبتعرس بعد
مايد اتغير ملامح ويها: خير إن شاء الله
شيوم: ترى سيوف برع
ريم: يلا عيل
شيوم وريم قاموا وطلعوا
سيف:يلا بسرعة ورايه واايد ربيعات
شيوم: جب
سيف:ههههه اتغارين علي لا ما أروم
شيوم: يلا يلا لا تصدق عمرك
سيف: أوكيه يلابطوفها هالمرةبس عشانج
وركبنا سيارة سيف شيما يتها كوول
شيوم: أهلين
حصوص: ........................
شيوم: اليوم اممممم
شيوم: ريموو بنروح اليوم بيت حصوص
ريم: ما ادري بسال حارب
سيف: يلا عيل اللي يتزوجون ويحبون
ريم: يلا عقبالك
سيف:لا لا بس خلاص استحي
ريم:هههههههههه
شيوم:حصوص ريم بتسال حارب وبنرد لج مع السلامة
ريم :عيل بتصل
ريم اتصلت في حارب
حارب: هلا حبيبتي
ريم: حبيبي عادي اسير بيت ربيعة شيوم
حارب: بس تراني بشتاق لج واااااااااااااااااااايد

__DEFINE_LIKE_SHARE__

فروشة الملاك · 09-13-2008, 04:18 PM

يسلموووووووووووووووووووووووووووووووووووووو __DEFINE_LIKE_SHARE__

عاشقة ^&^& · 09-16-2008, 01:46 AM

القصة روووووووووووووووووعة

مب بس روعة إلا جنان

بس بلز كمليها
__DEFINE_LIKE_SHARE__

فروشة الملاك · 09-18-2008, 08:42 PM

الباااااااااااااااااااارت __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دام قلبي اختارك ما همني عيووبك	♥ روحي تحبك♥	قصص و روايات	39	03-19-2010 01:48 PM
ماذا تقول لو أهديتك عيوبك؟!	مــ اكون ــن	الحوار والنقاش - الرأي والرأي الآخر	23	02-13-2010 08:50 AM
دآآم قلب اختآآرك ما همني عيووبك	ميراني..~	استراحة قصص وابداعات الاعضاء	51	02-01-2010 01:21 PM