((جيتـ كليـ شوقـ وإحساسـ ولهـ أحملـ أشواقـ الإماراتـ بيديـ)) قصة حب اماراتيه رووعه .

غلآآآآآهـ · 11-03-2008, 07:41 PM

البآآرت 61

الدكوره : لأه هيااا حتنام عندنا النهارده
هزاع : اووكي وباجر
الدكتوره : ان شا الله

هزاع : يلا انا ساير
الدكتوره : حتسيبها وتروح
هزاع : ما عليها شر خلووها وانا باجر الصبح بيي اشووفها
الدكتوره : اووكي تمااام
هزاع روح عنها الدكتوره وهو متشقق الا بيطير من الوناسة
رد البيت وسار الحجرة حس عمره متكسر عالاخــــر لا وردها على نوره
هزاع : اوووف كله من نوورووه الجلبة كسرتنااا ((شي طبيعي بتتكسر يا اخ هزاع دام انك تشرب هه))
ويحس انه يبا يرقد بس شو يرقده الساعه خمس العصر

.............

صوب ساره ((هاذيج الحماره هههه))

ساره مريوم الحقيره وميرووه والباجيات السبب في فصلي من المدرسة آآآآخ انا ارااويهن عبالهن ماعرف ارقامهن ماعلييهـ خل هاذيل على طرف وخلني ادق حق ميود نسلم عليه هههههه اشوف هزااعو مامداننه

دقت

مايد : مــرحب
ساره بدلع : هلااا شواخ
مايد : الحين صوتي صوت وحده اسمها شواخ هب عقل بعد انتي فيج
ساره ماااتت قهر : انزين ما نتبهت خلاااص
مايد : مره ثانيه بطلي عيونج زين و تستوين شلقه وتخربطين بارقام الناس
ساره : شوي شوي هههههههههههه بلاك عليه شو قلت انا
مايد : ..........مايرد

لان سكر بويههااا هههههههههه
اما ساره انقهرت قالت شكلها العايله الكريمه كلها تسكر بالويه ههههههههه وانا قلت هذا بيكون طيووب مااالت عليه

...........

في بيت هزاع كان خالي مافيه غير البشكاره

وتيلفون البيت احترق ومبايل نوره نفس الشي

ام عبد الله تدق ومحد يرد عليها ومريومه والبنات كلهن يدقن الها ومايحصلنها

وهزاع مرتز في دار الــﻆـبي ويا حارب ويرمسون عن مانع

هزاع وهو يشرب : هههههههههه شراايك نزوووره
حارب : لا لا تخبلت انته شو يودينا عنده ونحن سكارى تباهم يفرونه وياه هههههههه
هزاع : حلاتهـ هههههههه
حارب : حلك بطنك قول آمين
هزاع : ما سمح لك ترا
حارب : ما تسمع شوو
هزاع : اقووولك مااااا سمح ما سمح
حارب : انزين خيبه اسمعك هب اصمخ انا
هزاع جب عليه الكوب بويهه
حارب يشهههق لانه بااااااارد فيه ثلج : يالحيوااان
هزاع : من أي نوعيه
حارب : ههههههههههههه الالييفة
هزاع : ههههههههههه دوومك دمك ثجييل
حارب : طالع عليك شسوي يعني
هزاع : ههههه لا حبيبي ما يخصك فيه
حارب : فرحان بعمرك يعني
هزاع : ولييش مافرح جوفني اعذب بلاد
حارب : وع طاع شكلك يا ريال بعدين ارمس
هزاع : ماسدك اللي انجب عليك يعني
حارب : ههههه خلاص خلاص كلتنا
هزاع يطالع ساعته : خييييبه 10 يلا يلا بروح متى بوصل هناك
حارب : شووو تسوي هناااك انزين دام انك في بيت روحك وويا حرمتك خلها تولي وتم هني
هزاع : جب جب يلا هب فايج لك تراانيه
حارب : خلاص خلاص انزين بس اووف ما تنطاق عنبوك انزين كله تي هالوقت والبنات زعلانات منك تروح بسرعه وهن يبن يشوفنك
هزاع : قوولهن ما يبا يشوف ولا وحدة فيكن
ونش وﻆـهر من الشقة وركب سيارته وشخط فيها بالزيييين ويطير وهي حاس بعمره وطبعا بيوصل بسرعه لان بيسيير سييييده وما بيتعب عمره
اول ما وصل راكـ وقف سيارته في مكان مخشووش ونزل السيت لان حس انه لو كمل زياده بيرقد بالدرب

.......................

الصبح

نش هزاع من رقاده على الساعه 6 الصبح وانتبه انه هب في البيت في السياره

كان تعبان وااايد ومتكااسل ومافيه أي نشاط وشغل سيارته وتحرك صوب البيت

واول ما وصل سار على طول يرقد

............

عند نوره في المستشفى اول ما نشت الصبح الساعه 7خبرتها الدكتوره عن كل شي ونوره صح انها كانت ما تباه بس غمضها النونو ويلست تصيح وتسب هزاع من قهرها

والدكاتره يهدن اعصابها

الدكتوره : بس خلاص يا حببتي دا امر ربنا
نوره : كله من هزاااع هزااع هو السبب بكل هذاا
الدكتوره : ياا نوره اتعوزي من ابلييس يا حببتي ما تبكييش خلاص بأه
نوره : اتصلي في امايه ولا ابويه دقووولهم دقوولهم
الدكتوره : حاضر بس انتي ناامي دلوأتي
نوره : ماابااا
الدكتوره : ما يصحش نتصل فيهم دلوأتي ممكن نايمين ولا حااقه
نوره : ابااا امااايه ابااااااااااهااااااا
الدكتوره ماعرفت شو تسويلها سارت زقرت النيرسات الثانيات وزخووها وثبتوها عشان ماتفلت منهن وﻆـربووها ابره ترقدها

..................

اول ما نش هزاع طالع الساعه لقاها 2 الـﻆـهر

اتذكر نوره سار لبس جينز وقميص طبعا من غير نقاش هذا هو اللي يلبسه أكثر شي

سار المطبخ وﻆـهر له ديوو ومعدته خاليه بعد شوو هالانسان هه

وركب سيارته وسار المستشفى وهو يطييير خايف لا تكون دقت حق حد او حد ياها حليله مايدري ان مخدرينها

وصل المستشفى ودخل عليها لقااها راااقده

هزاع : نوره
هزاع : نووووره تسمعيينيه
نوره ......((تسمعه وماتبا تنش))
هزاع : نووووره نشي تسمعينيه ولا لااا
نوره :.............. ((معانده للحين))
هزاع مسك اصابعها لقااها باااااااااااردهـ وااايــد
نوره تيبست مكانها حتى وهي مغمضه استحت منه تمنت انه ما يشل ايده عنهااا
هزاع يزقرها من اول ويديد : نوووره
هزاع : نووووووره
نوره :.......... ((مكيفه هه مستانسه لان حااﻆـن اياديها بكفووفه))
هزاع : حبيبي قوومـــي
نوره تفج عيووونها بسررررعه : شووووووووو
هزاع نقز بعيد : بسم الله بلااااج
نوره قفطت منه وغدت طماطه حمرا ههههه
هزاع فخاطره لا لا الحبيبة مستحية اثاري رمستها صدق ((انها صدق تحبه))ههههههههههه زين زين جي بتسهل عليه ههههههه وبقدر استغلها

هزاع رد يتجدم : سلاااامتج نوره
نوره : .........
هزاع :انا ادري متضايجه من سالفة امس انا آآسف
نوره رفعت راسها تطالعه وفخاطرها مستحيييل ها اللي واقف جدامي يكون هزاع لا ويعتذر بعد
نوره : انته هزااااع ولا يتهيا لي
هزاع : ههههههه نوره سووري والله عاللي سووييته بج ساامحيني
نوره ترفع ايدها تراويه : شووف شووف ايدي شو استوابها بسبتك شوف خدي شوف جتفي كله علامات والسبة انته
هزاع : ترا اقووولج انا آآســ
قاطعته : مااااباااك تعتذر مستحيل اسامحك
هزاع انقهر منها ورد على حقيقته : طــــززززز فيج ههههه لا تخافين ما بترجاج انا ههههههههههههه
نوره غرغرت عيونها من الدموووع : شفـــت عمركـ كيف تقــهـــر هه انته من تنقهر او تعصب ما تقدر تيود عمرك
هزاع : بس جب تزهبين اغراضج بشلج الحيـن
نوره : مابا اسير وياكـ تباني امووت على ايدك
هزاع : لا بتين وغصبن عنج بعد وجدامي بتمشين
نوره : انته لييش تعاملنيه جي حتى البشكاره تعاملها أحسن منيه
هزاع : صــخي بس
نوره صخت عنه وهو ﻆـهر يرمس الدكتوره عشان اذا بيرخصوونها او لاااا

ونوره نشت تلبس عباتها

وياها هزاع : يلا خلصتي
نوره من غير نفس : هييه
هزاع : يلا طوفي
نوره مشت جدامه وهي ساكته

نهاية البارت 61

البآآآرت 62

نوره مشت جدامه وهي ساكته

وصلو البيت بعد دقايق

حدرت نوره قبل هزاع وربعت الحجرة اللي مجابله حجرته وتمت تصييح هناك شرا المينونه حتى صياحها من دون هدف ماتدري تصيح بسبب البيبي او لان ﻆـاربنها
الله اعلم

اتذكرت يوم يود اياديها واصابعها حـﻆـنت ايدها وهي تذكر الموقف ((خيبه بعد اللي سواااه وجي وزعلانه منه بعد))

جهة هزاع في الحجرة الثانيه ويرمس حارب

حارب : ياخي خلنا نغير جوو بنستانس هناك انته ولا مره سافرت معانا
هزاع : شسوي اسير انزين
حارب : ترا اقوولك بنستانس عندك بيزات ولا مفلس
هزاع : تنكت اكيييد عندي مخبايه بيزووع
حارب : ياا سلاااام عيل شرايك تفضيه هناك
هزاع : كم يوم بنتم
حارب : اوونه كم يوم بنيلس 6 شهوور
هزاع : خييييييييييييبه ودوااامي
حارب : خذ اجازه
هزاع : لاااا والله دام انك انته ماتدفع من جيبك ابوك اللي يصرف علييك يالبطالي وانا تباهم يقطعوون عني معاشي
حارب : اووووه كيفك خلاص ما تبا كيفك
هزاع : لا لا تعال بسير بسير بس اتصخر وياك
حارب : هه الحيواااان ههههههه
هزاع : انزين منو بيي ويانا
حارب : امممم بيي مهير ومعاه اخوه فيصل
هزاع : اخيييييهـ هاذيل بيون عيل ببتلش انا
حارب : ههههههههههه سير لاه نحن بنسير نحااوط ونهيت هب انواجع الخلق
هزاع : انزين خلاص بس الساعه كم بنـﻆـهر
حارب : اممم وحده وثلث
هزاع : لييش هاي الثلث بعد
حارب : وشووو دراني يلا يلا عن الحشرة
هزاع : ............

((مارد لان سكر من زمن))

وحارب يقول : ههههههههههه كالعاده يعني ههههههههههه حيوااان هذا

..............

هزاع اول ما سكر عن حارب سار سيده صوب نوره

وفج الباااب مال دفاشه ولقاها متلحفه

سار على طول وير اللحاف

هزاع : حووووه انتي ايييييييه
نوره قفزت : شوووو
هزاع : انا اليووم ورا باجر مسافر ومابرجع الا عقب 6 شهوور تسمعيين والباب ما تشبرينه
نوره شهههقت : شوووووووو يعني ما ﻆـهر من البييييت تباني اخييس هني
هزاع : اللي سمعتيييه ولا تزيدين
نوره : برمس يعني انته تقدر اتم 6 شهور كاملات من غير ما تـﻆـهر
هزاع : هههههههههه انا هب اهبل ولا غبي هههههه عشان اتم 6 شهور ما ﻆـهر فيهن وانتي غصبن عنج بتسوين اللي انا اباه
نوره : انته شووو ماتحس باللي تسويه
هزاع : هههههههههه ولييش احس انا ماصابني شي
نوره سكتت عنه خلااااص هذا هو هزاع ما ينفع وياه شي طول عمره اناني ويحب غير نفسه وبحياته ما بيحس ابها

هزاع طالعها وهو رافع حاجب واحد وهالشي يدل على غروره ابتسم باستهزاﺀ وهو يطالعها ورووح عنها

روح وخلاها ويا دموعها اللي ما تخلص وشكلها ابدا ما بتخلص والسبة هزاع

.........

اممم اليوم كان ممل واكثر بعد

وكان يمر شوووي شووي

مريوم الشووق ذابحنها ودها تشوف مايد

وميره قامت تفكر بسالفه مرت عليها ايام ولازالت تفكر في السالفه
طبعا السالفه يوم رمست ويا حمدان ((تذكرونه صح))

ومي للحين متضايجه من سيف لان مايحس ابها

اما مريم ((لاااا تعلييق))

اممم ميود هذاا نايس والله

سلووم مسكين حاله يحب وحده ما تطيقه ابدا

خالد هذا بدا يرجع على طبيعته وردت سوالفها الغبيه

راشد مايرقد الليل مسكين حاله نوره تصيح وتتعذب وتعذبه وياها

علي اممم مازال على سخافته وثقل دمه

حمد مسكين حاله اليووم بالليل بتطير به الطياره

عبد الله اوونه بيعرس بس الكل سكت عن موضوعه

ساره طوول الوقت تفكر بمصيبه يديده حق مريوم لانها السبب بفصلها والحين قايمه تخطط الها

عمييير حليله كان حاط في باله ياخذ نوره لكنه انصعق يوم خبره هزاع

امااا هزاع أكثر واحد عايش حياته مكيف ولا عليه من حد ومايفكر الا في مصلحته

نوره لا شغله ولا مشغله بس تصيح على حاالها و حـﻆـها النحيس

................

في الليل في بيت بو حمد

حمد يحب امه وابوه فوق راسهم

ويبوس مريومه ورغد على خدهم ويتخاشم ويا حمود وعزوز

حمد : امااايه بلاج تصيحين عادي مافيها شي ترانيه ادقلكم داايما وبعدكم ما ملييتو منيه
ابو حمد : وفي ام تمل من عيالها
حمد : فيه بس هب امايه
ام حمد تغير الموضوع : اسمعنيه من توصل اضرب على رقم البيت وطمنا انك وصلت
حمد : ان شاااا الله
مريومه : هييييييييه ولا تنسى الهديه ههههههههه يوم بتي اووكي وغير شوي من اللي تشتريه لاحـﻆـتك تحب اللون الوردي عالبنات هههههههههه
ام حمد : شوو بعد يحب ولا مايحب اص يلا
حمد : هههههههههه كلامها صح انزين احب اللون الوردي عالبنات حرااام
ابو حمد : اسمعو هذااا
حمد :آآآآآآآآخ من اشووف وردي اتخبل انا هههههههههه
محمد : احلـــــف من متى عندك هالسوالف
حمد غمزله وطلع لسانه على طرف
ام حمد : شوفو مسود العين واتحرانيه ما شوفك خز عني خز
رغد : هيه انته تعااال انا كاااكاااوات من مناااك
حمد : ههههههههه انزين انزين بييب لج من منااك
رغد : انزين لا تعيب ويا فيسك
ام حمد : امـــــــــــفف عليج عدلي رمستج وتبزي الكلمه بد
محمد ومريومه وعزوز ورغد وحمد نقعوووو
حمد : اماااايه تقصد فيييس فييس بالانجليزي يعني ويـــــــــهـ
ابو حمد : وااعليه على حرمتيه اذلفووو عصبتوبها
محمد : فديييتها امايه محد يعصب ابها
عزوز : ويييه مالت انته اكثر واحد فينا يرفع ضغطها
محمد : جب انته محد رمسك
حمد : ايييييييييه ايييييييه جااااب انتو الاثنين ياخي سوو جو ياخي عشان تودعوونيه كح كح ههههههههه

طبعا دقايق وحمد ﻆـهر عنهم عشان يوصله محمد مطار دبي

وام حمد تصيييح مره ثانيه غامضنها حمد اوونه بهدلووه هههههههه

.................

كآآآآآآآآآآآت

نهاية البارت 62 __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
((جيتـ كليـ شوقـ وإحساسـ ولهـ أحملـ أشواقـ الإماراتـ بيديـ)) قصة حب اماراتيه رووعه .	♕ وليد الجسمي ♕	قصص و روايات	22	06-13-2011 04:51 PM
بصمه اماراتيه ف عالم الدخون والعطور بايدي اماراتيه	محروم.كوم	منتدى أخبار المواقع والمنتديات العربية والأجنبية	0	06-29-2010 11:10 PM
رسايل شوقـ	دبدوب الامارات	هواتف , مسجات , وسائط , برامج , ثيمات , نغمات , بلوتوث	17	04-23-2009 07:45 AM
ضـآعت أحلآمك يـآٌقلبي .. وآهـ ليـتك مـآهويــت .. توبيكــآإآإآت رووعه	طالبه مجرمه	المسنجر وملحقاته , توبيكات , ماسنجر بلس , msn	11	12-01-2008 04:14 PM
جديد الفنانين والموهووبين رووعه x رووعه	ولد الاوغاني	نغمــات للهــواتف	55	08-19-2008 04:08 PM