آأضــٍحكـ وؤآأنـآأ‘ فـي دآأخـلي مجـروح ..بقلــمـ‘ي ..

حـبـڪ مايشرفنيـﮯ · 07-04-2010, 05:17 PM

.................................................. .................................
المكان: شارع الامارات..
الساعه: 11.الظهـر
امـــــــــــــ!ــــــــــل.
.................................................. .................................
كنا سايرين راك ف الدرب.. كنت سايره هالمره ويا قوم ابـويه بنسير بيت قوم خالو.. افف ان شاء الله ماجوووف هزاعوه..
هاذا سيفو بعد مسولي ازمـه .. لاتسوين جيه ولاتسرين هني.. افف منه.. اونه يوم قلتله بنسير بيت خالوه اونه لاتسيرين..
ع طاري بيت خالوه ريمو روحت عند ريلها امس.. ماطاعت اتم
اكثـر.. اونه تولهت ع بيتي وماعرف شو.. ورديت حق الملل انا
ورا باجر عندي كليـه بعد .. ارف وقسم احس اني ماشبعت من الاجازه.. واصلا منو يشبع من الاجازه ههه..
شويه ووصلنا بيت خالوه.. روحت فوق غرفة خوله يلست سلمت عليها وفصخت عباتي كنت لابسه مخوره .. هع ..
امل: انا بنزل تحت تعالي ويايه
خوله: روحي ودقاايق بلحقج..
امل: اوكــيه..
طلعت من غرفة خـوله وتوني صاكه البااب انفتح بااب غرفة هزاع .. موووولت طلع وهو يغني .. انا بسرعه دخلت قصتي ويايه بسير .. سمعته يزقرني
هزااع : امــل..
افف شو يبا هاذا...
امل: نـــعم...!
هزاع: انعم الله عليــج.. شحالج؟
امل: تمام
هزاع: صح نسيت اقولج مبروك..
امل: ع شوه؟
هزاع: لو انها متأخــره ع الملجـه..
امل: هيه الملجه ههه الله يبارك فييك وعقباالك..!
هزاع: ان شاء الله بــس صدقيني مابتتهنيين..
امل: الحمدالله لك يارب متهنيه ومستاانسه..
هزاع: مابيدوم هالفرح بتجوفيين..
امل: شو بتسوي يعني؟
هزاع: بتجووفين وانا هزااع ولد *** جان ماخربت عليج
امل: تعرف بقولك شي..
هزاع: قولي فديتج..
امل: اولأ تفدااك جني .. ثاانيآ: اعلى مافي خيلك اركبه ..
روحت عنه بسرعه ونزلت تحت .. دخلت الصاله ويلست وياهم..
شويه ودخل هــزآآأع.. اونه يهددد بعد هه ... مايروم يسوي شي..
اففف شقد اكرررههه هالانساان.. ماداانيــه .. عكثر المشاكل الي
تسببلي فيها مايستحي .. ولا بعد يلعوزني .. والله احس بغييض
ف قلبي وحرقه احس قلبي يحترق من القهــرررر.... ماقول غــير
حسبيـ الله عليــــه دنيا واخرـه ربي ياخذلي حقي منه.. ..
افف شقا يطالع يعل عيينه البط...

انا شـكلـي بتصــل ف سيـف بخليه اي ياخذني من هني .. لانه
هاذا شكله مطوول وانا مب متفيجـتله..
قمت من مكاني.. سمعت خالوه تقولي..
ام هزاع: وين بتسيرين امل؟
امل: بروح بتصل ف سيف شويه وبرد
ام هزاع: هييه الله بوفقكم
ابتسمتلها وروحت فوق ادري اني قهرت هزاع وهاذا المطلوب هع
المهم سرت فوق جفت خوله تتكلم ف التلفون شليت فوني واتصلت ف سيف ..
سيف: ياااهلا وغلااا
امل: اهلين وسهلين .. شحالك؟
سيف: تماام فديتج وانتي؟
امل: بخير انته فين؟
سيف: انا الله يسلمج فالدرب جريب
امل: ياي راك؟
سيف: هييه اكيـــد
امل: اوكيه تعال خذي بنتمشى ف راك..
سيف: خلاص انا عند البااب تعالي.
امل: مابتنزل .؟
سيف: بعدين يوم بنرد بنزل
امل: اوكيه باي
سيف: باي
بندت عنه وسرت لبست عباتي
خوله: ويين بتروحين؟
امل: بروح ويا سيف شويه
خوله: افا مايلسنا وياج..
امل: ماعليه فديتج بعدين ..
طلعت عنها وانا نازله من الدري..
كنت منزله راسي ارمس ربيعتي عالمسن..
سمعت ..
هزاع: عاااش بلاك بيري .. ممكن ياحلوه البن كود مالج..
رفعت راسي طالعته بكـــل احتقـآآآر وييت بمشي واقف ف النص ..
مب طايع يخووز عن ويهيـ..
امل: خووز
هزاع: مابخووز
رفعت راسي جفته يبتسملي.. افف واع واع وااع
امل: احسنلك خووز
هزاع: شو بتسوين يعني؟
امل: مره من المرات قلتلي شو بتسوين وصفعتك طراق ياابـطـل
وهالـــمرـــه... اذا تميت تتحداني جوف شو بسوي؟؟
هزاع: عادي حبيبتي الطراق برده بشي اقوى .. قوليلي هالمره شو بتسوين؟
امل: اولا حبتك القراده .. ثانيا اقــل شي بصرخ صرخه بلم البيت كامل ع رااسك وانت الخسران صدقني .. ثالثا: ريلي فديته يرياني برع ..
تعمدت اقول جيـه عسب اقهرره ..واع انا اتفدى سيف خخ مستحيل
هزاع : هه هالمره.. بخليج اطوفين .. كسرتي خاطري..
خاز عن الدرب وطفت عنه
امل: اصلا غصبا عنك مو برضاك..
هزاع: لسانج هاذا يباله قص ..عن طولة اللسان..
امل: هه قصهـ جان فيك خيــر..
هزاع: سلمي ع ريلج حوبي.
امل: ريلي مايقبل سلام اشكاالك ..
طلعت من البااب وسرت برع ركبت عند سيف
امل: السلاام عليكموووو
سيف: عليكم السلاموو
امل: كيفوو؟
سيف: منييح يادلبوو..
امل: هع صح هزاع ولد خالو يسلم عليك
خ خ خ خ قلتها بس عسب اقهرره خخ متسويه نذله هالايام انا هع
سيف: الله لا يسلمه ويين جفتيـه.؟؟!
امل: بعد ويين ف بيتهم..
سيف : انا مب قايللج لا ترمسينه.. شوقالج..؟؟!؟
امل: ماقالي شي .
كان يرمسني بعصبييه وانا ارسمه ببروووود فضيع
سيف: امل بالطييب رمسي شو قالج؟؟؟!
امل: ماقاالي شي اقولك
ماحسييت فييه الا ساحبني من جتفي صوبه
سيف: اقولج رمسي دام النفس عليج طيبـه..
صديت صووبه بكل عصبيه حطييت عيني بعينه حسيته ارتبك
اول مره اسوييها لول..
حطيت ايدي اليميين فووق ايده الي حاطنها ع جتفي اليسار..
ومسكت ايده بالقو انتفض من حركتي .. سحبت ايديه من ع جتفي وفريتها بعيد عني .. ويلست عدل..
امل: ثمـــن حركااتك لو سمــحت... والزم حدودك وياي ماسمحلك ترمسني بهالطريقه وثاني شي اطالع الدرب مب ناقصه اموت ف عز شباابي .. تبا تموت بروحك نزلني من السياره..
انصدم من رمستي وطريقتي ف الكلام.. اعرف اييب راسه السبال
هااه الي ناقص سيفو يستقوى عليه اناآ... هه..
جفته ســكــت عني .. ههه ساعات احسه مايحس مول...
اناا يعني كاش مبينتله انه ولاشي عندي .. وهو عادي عنده.. يبالي اسميه الرجل الفوولاذي مايحس مايتكلم مايجوف خخ

جفته وداني صوب الكرنيـــش... ووقف عند الكرنيش مسوين مطعم جيه شكله حلـوو ..
نزل هوه من السيااره وجفته وقف يترياني انزل شكله بيبطي ..
تم خمس دقايق ويأ فتح باابي..
سيف : تفضلي يا انسـه
امل: مابغي ..
سيف : ليش؟
امل: ردني البيت.
سيف : انزين ليش؟
امل: الي صار توه مب كفايـه..
سيف : انا مستحيل اردج البيت ..
امل: كيفك بس انا مابنزل..
كنت انا منزله راسي وارمسه .. كنت العب بالدبله الي ف ايدي .. ماحسيت الا هوه ساحب ايدي .. رفعت راسي..
جفته يلعب بالدبله ال ف ايدي خخ الحمدالله الشارع فاضي .
سيف: اممم، امــل..
طالعته بنظره يعني شوه..
سيف : اناـآأ .. امم انآآ يعني اقول
خخ خير هاذا شوفيه قابضلي انا وانا .. عسى ماشر كككك
امل: انته شو؟
سيف : اممم اانا اأسف يعني اذا ضايقتج ولا شي ماكنت اقصد واصلا انا من اعصب ماجوف شي جدامي وانا ماسويت هالشي الا لاني اغاار علــيج... اسمحيلي فديتـــج..
عقب رفع ايدي وبااسهاآآ ..

عااش رووميو خخخ

الصراحه اانا يوعانـه خخ ابا اتغدى عسب جيه برضى عليه
امل: اممم اخر مره..
سيف: هــيه ان شاء الله ماتتتكرررر..
امل: خلاص رضيت ههه
سحبني من ايدي ونزلت من السيـآآره.. دخلنا صوب المطعم..
وهوه ماسك ايدي اكرره حياتي يوم يمسك ايدي

عقب دخلنا تغدينآ وجيـه.. ووطلعنا من المطعم
ف السيـآره عقب :
سيف: انته عندي حااجه غير هاذي مافيها كلاام.. امول
امل: خخخ هاه؟
سيف: فديت الضحكه ياقلبي كم بتتحمل من هالبنت تذبحنيييي بحركاتها

خخخ خرف الاخ..
امل:ههههه
سيف: امم غني فديتج
امل : ماابي مابي
سيف : ليش ياقلبي ماتبين..
امل: بس
عقب سرنآ المنـآر ..
دخلنآ فـلم.. وعقب ماخلص الفلم ردييينا بيت قوم خالوه..

الحمدالله هزاع محد.. وافتكييت من الصدعه

روحنا البيت وتميت يالسه ع النت شويه وعقب رقدتتت..

بعد اسبوع...~*)
.................................................. .................................
المكان: بيت بو احمـد..
الساعه : 1 فليل
امـــــل
.................................................. .................................
كنت يالسه ع الاب وارمس سيف بالفون مستانسه باجر اجازه
امل: ملللللل
سيف : سيري ارقدي ...
كان يثاوب
امل: خخخ شكلك فيك رقاد؟
سيف: ههه هيه ..
شغلت اغنيـه..
امل: اسمع اسمـع
سيف : شو يعني اعتبرها اهداء
امل: لا لا خلاص لاتسمع
بندت الاغنيه ع طول وبندت الاب توب مره وحده
سرت طحت ف نص السريـر.. وتميت اغني
امل: جييت وش جابك حبيبي من بعد طول المغيبي ولا ناوي ياحبيبي تغرق الغرقان اكثـر.. واافدييت هالاغنيه ياربي وفديت الي يغنييها مررره خـطـييـر..
سيف: لاا والله
امل: شو؟
سيف: تتفدييينه هوه وانا انا رييــلج ماتتفديني ..
امل: والله عاد انا كيـفي.. اتفدى الي ابا شو حارنك..
سيف: مب كيفج..
امل: كيفي ولله كل واحد عنده كيف وانا كيفي اسوي فيه الي ابا خخ
سيف: سخاافـه..
امل: ههه انا سخيفه انته شو يخصك هااه؟!
سيف: مابحرق عمري ع شي تافه
امل: هههه ليش بترول تحترق ...
سيف : اوهو
امل: اوهو ساائل ولا جاف
سيف: بس عاد
امل: عاد ولا ثمود
سكت فجأه والله نقعت من الضحك
امل: هههههههههههههههههههههههههههههههههههههههههههههههههه هههههههههههههههههههـ
سيف: امل انا ماحب هالسخافات..
امل: انا احب ..
سيف: اففففف
امل: افف ولا اوون..
سيف : انتي شاربه شي اليوم
امل: شاربه ولا ماكله لا لا ماشربت شي اليوم
سيف : متأكده يمكن بالغلط شربتي الديتول
امل: هههههههههههههههههههه ديتول ولا معقم ...
سيف:ههه بس عاد
امل: كككككك
سيف : هيه صح ليش تتفدييينه ؟
امل: قلتلك كيفي
سيف: لا مو كيفج
امل: امبلى كييييفيييييي
سيف: لاتصارخين انزين ..
امل: افف انته تنك مب طايع تفهم انه كيفي ارمس الي ابا واتفدى الي ابا واحبــ الي ابآآآهـ..
سيف : يعني افهم من كلامج انج ماتحبيني .. ؟؟
امل: هالشي بعده مب وقته الحيـن..
سيف : لاوقته
امل: المهم باجـر ابا اطلع
سيف : ليش تغيرين الموضوع؟!
امل: ماغيرته بس انا قلتلك مب وقته وخلاص..
سيف: اوكيه وين تبين تسيرين ياهانم
امل: انا مب هاانم انا انســه
سيف : لافديتج انتي الحين مب انسـه انتي ســيده من يوم ملجت علييج..

تبون الصــدق هالمره صـدق قــهرررررني ... بس طبعا يخسي ابينله انه انا مقهووره
امل: هههههههههههه هييه صح نســـيييـت ...
سيف : ههه لاتنسين حبيبت قلبي انتي
امل: والله؟؟!
سيف :شو؟
امل: والله انا حبيبت قلبك؟!

سيف : جييـه توه تعرفين حووبي..
امل: انزين يلا قولي انا ابا اعرف كل شي..
سيف : كل شي مثل شوهـ..
امل: كيف حبـــــــــيتني ..؟!
اول مره اتجرأ واكلم سيف ف هالمواضيع..
سيف: مب وقتهـ
امل: مب وقته شوه؟
سيف : امل مب وقته اتكلـم عن هالشـي ..
امل: براحتــكــ..
سيف: ماقلتيلي وين تبين تروحيــن تمورو؟!
امل: امممممممـ ماعرف ع ذووقك
سيف: هيييه صح شورايج انسير بوظبي..
امل: داار الظبي ..امم مش بطاله الفكره بس ليش؟
سيف : عندي شغله مره وحده بنتمشى وبخلص شغلي
امل: ايوا ايوا ... بس باجر زحمه الجمعه
سيف: عاااااااادي فديييتج ...
امل: وهيــك ...
سيف :هيـــه ..
امل: اقرآ قصـه خطيــيييــره
سيف : يعني قصه عن شو؟!
امل: قصه اممم باجر بقولك عن سالفتهاآ ..
سيف : اوكيــه ..حياتي انا بسير ارقد
كان يتثااوب..
امل: لالالا تم وياايه مافيني رقاد..
سيف : انتي راقده الظهر انا وحليلي مارقدت.. ناش من الساعه 5
امل: عادي تمـ .. طفشانه
سيف : اوكيه عشاانــج بس !
امل: انزين سولف
سيف : ماشي سوالف..
امل: اهاآ..
شليت تلفوني البلاك بيري.. جفت مطرشيلي نكت يلست اقراهم.
عقب طرشت حق الي عندي..
امل: هههههههههههه اسمع بقولك نكتــه..
مارد عليه
امل: حوووه وينك ؟؟
بعد مارد غريبـه.. سكت شويه سمعت صوت نفس
اويـــــــــه وحلييــله رقد ..خخخخخ رقد ع الخط.. من التعب..
شكله تعبان صدق تمييت شويه وياه ع الخط.. عقب بندت الخط ..
وسرت بندت اللييتاات ورقدت..

نشـــييت الصــبح ع الساعه 11.. خذتلي شور..ونزلت تحت
جفت ابويه بسته ع راسـه.. ويلست اسوووووولف وياهم
عقب قام يتجهز حقـ الصلآه ..
انا سرت فوووق .. شليت فووونيـ .. جفت مسج من سيف ..

بالقلـب مكـانك وعينـي تـرعـاااك ..
و إن زعلـت منـي أجـي لـ رضـاااك ..
مـاعنـدي بهالدنيـا أحـد مثـلك و شـروواك ..
و إن بـاعـووك كـل النـاااس يـالـ غ ــالي
تـرىى عمـري يفـداك

صباح الخيـر ..ٍ

قريت المسج يتني ضحكه ههههه رووميو ..
سرت غيرـت اسمه حطيــت { روميؤوو زمآأنــ‘ـه }

ههههههههههههههههههـ والله فـلــه هع

المهم فريت التلفون ونزلت تحت المطبـخ .. لبقت ضو وحطيت عود ف المدخن وسرت فوق دخنت ابويه واحمد وعبود
وعـــقب روحو المسيـد

انا نزلت تحت .. وسرت المطــبـخ.. سووييت كييكه
عقب ماخلصت من الكييــكــه.. صوورتهآ بفوني وطرشت الصوره حق سيف..
هــــ‘ع ..
عقب سرت داخل بدلت ثياابي وصليـــت الظـهر .. ونزلت تحت
جفت امايه يلست وياها اهذرب .. وعقب يو قوم ابويه امايه حطـت
الغدى...
عقــــب .. كلهــم ركــبووو فوووق ...
شليت فووني واتصلت ف ســيف ..
سيف :الو
امل: هاااااااي
سيف : هااايااات بيبي
امل: كيفوو
سيف: تمامو وانتي؟
امل: تمام .. هاه متى سوف نخرج؟
سيف : امم سوف نخرج بعد ساعه من الالآن
امل: اوكيه يلا باي سوف اذهب لاأتعدل
سيف : خخخخ اوكيه
امل: الى اللقاء
سيف: الى اللقاء في الحـلقه القادمه
امل: خخخخخخخخخخخخ باي
بندت عنه سرت غرفتي.. فتحت كبتي .. ووقفت جدامه
يااربي شووو البســ .. شو البسـ .. شو البســ.. اممم
جفت تنوووره تركوازيـه عيبتني .. طلعتها وحطيتها
ع السررـير..
بعدين طلعتلي عباه بعد فيها تركوااز ..
عقب سرت تجحلت باأزرق .. وحطيت غلوس فوشي
وبلشــر خفييف خخخ شكلي وااو كشخه هع..
عقب سرت بدلت ثياابي ولبست ويلست اتعبث ف البلاك بيري
شويه وسمعت رنة فووني..
شليته
امل:الو
سيف: اهلين حبيبتي..
امل: وسهليـن..
سيف: جاهزه؟
امل: يس..
سيف :انا توني طالع من بيتنا ..
امل: اها عيل جريب انا بسير البس عباتي وبنزل تحت
سيف: اوكيه اترياج
امل: اوكيه باي
بندت عنه وقمت لبست عبااتي سرت طلعتلي شنطه تركواز وحطيت فيها اغراضي وفوناتي.. عقب لبست كعب تركواز
هع لبست شيلتي .. ونزلت تحت خبرت امايه وطلعت من البيت
جفت سيارة سيف سرت ركبت السيـآره
امل: السلام
سيف : عليكم السلام والرحمـه..
عااش سيفوه كااشخ .. كان لابس كندوره سوده وغتره بيضه كان لابس غتره وعقاال هالمره .. شكلـه طاالع رهيــب .. هع

فجـآأه لف صوبي .. جفته رفع حاجب من حواجبه
سيف:كاشخه ماشاء الله
امل: ههه هيه
سيف : ليش ان شاء الله
امل: لا والله عيل تباني امشي حذالك يقولون الي وياها كاشخ وهيه جلحى ملحى
سيف : ايوا صح صح مايستوي بعد
امل: خخخخخخ هيه صح مايستوي ..

دخلنا شارع الامارت ..
سيف : انزين ياحووووبي قوليلي سالفة الاستووري.؟
امل: الاستووري هييه الله يسلمك .. كان يامكان في قديم الزمان في سالف العصور والازمان كان في بنت فقيره وحليلهاآ
المهم البنت كانت مخلصه جامعه وتدورلها شغل .. ف سارت
شركه من الشركات قدمت هناك زقروها حق المقاابله ..اول مادخلت ع المدير انصدمت المدير حلوو وخطيــر حببته من خاطرها وف النهاآيه هوه بعد حبها بس تصدق ماعندهم سالفه.!
ســيف : ليش ماعندهم سالفه؟
امل: حبـ وماحب كلها خرابيـط ..
سيف : خراابييط ..؟؟ الحين الحب استوى خرابيط.؟!
امل: اممممـ .. مادري
سيف:الله يهدييج ويحنن قلبج عليـه
ههههـ احسه غبي لو ماعرف اني ماحبه من كلامي توه
اهبـل هالانسان لايحلم اني احبه من بعد خـآلـد ..!

جفته يتعبث ف المسجل بدت موسيفى اغنيـه

شويه وبدت الاغنيـه
قـرّرت امـوت بحـبـّـك وامشي معـاك فـدربك
إنـتـا يا سـاكـن قـلـبي إسمحلي اعيش بقلبك
قـربـك تــرا يحــيينــي وصـوتك أنـا يهـدّينـي
وبُعــدك تـرا يبـكـّينـي لاتغــيـب عنـّي وربـّـك
بنسى معاك هـمـومـي واسهـر واخلّي نومـي
واعيش وقتي ويومي كـــلـّه وانــا بـجـنـبـّـك
مثـلـك أنـا مـاالاقـــــي يصعـب علـيـك فراقـي
صــادق أنـا بشـواقــي ولوتكذب أعشق كذبك

سيف: شورايج فيهاآ.؟
امل: اعرفها سامتعنها قبل
سيف: انزين حلوه ولا
امل: حلوهـ..

شويه ووصلنا بوظبي ..

مزماان ماسرتها بووظبي . .. تغيرت وايد

سار سيف مكان ونزل قالي شويه وبرد..
اممم تميت ملانه .. بطلت السده الي جدامي.. جفت عطورات سيف
واغراضـه.. هع تميت اشمـهم..
عقب.. بندت السدهـ.. لاحظت ع الجامه معلق سلسله..
ع شـكل قــلب فيه حرف a ... لفيتها ورا جفت مكتوب
احبـج..
استغربت معقوله سيف يقصدني بهالحرف..

بطلت السلسله من الجامه بسرعه وشليتها حطييتها ف شنطتي..

امممم عقب تميــت يالسه افكــر ... انزين ماحبه غصب .!

شويه وجفته ياااي صووبي شااق الحلج مستانس
خخخ بلاه مستانسـه.. دخل السياره.
سيف: تاخرت حبيبتي؟
امل: شويـه
سيف: فديييييييييييتج والله سوووري ماكنت اقصد
امل: عادي ..
سيف: شو زعلتي ؟
امل: لا
سيف: اقولج شي..
امل: شو؟
سيف: احببببج احبج احبج احبج وااااااااااااااااايد..
امل: الحمدالله والشكــر..خخخ بلاك تخبلت
سيف: ههههه فرحان.
امل: دوم بس ليش؟
سيف: اممم قبلووني؟
امل: ف شو؟
سيف: اممم كنت مقدم ع شغل ووافقو
امل: يعنـــي بتداوم هــني .؟!
سيف: يــس ويمكن ااخذلي شقه هني

الصــراحــه اتضـأأيجت مـآاعــرف ليــش ؟!
تعووودت واايد ع سيـف طول اليوم وياهـ ... بس عادي بتعود بعد

ماحبيت ابينله الي فخاطري ...

امل: هههه ناايس عيل .. مبرووك..
سيف: الله يبارك فيج حبي مع اني بشتاقلج
امل: هع
سيف: بس شي تلفونات طبعا
امل: هههه يلا ودني المارينا
سيف: اوكــيه حووبي...

روحنا صوب الماريييناآ ...

دخلنآآ اممم عقب تميينا نتحوط شـويه
ونحنا نتمشى.. مرن هنتيين حذالنا ..
البنت: وااي فدييتــه يخبــل..
اويــه شو هاآآي..
سحبت سيف وتجدمت صوبها كانت جدامي بالظبط..
جان امسكها من ايدهاآ .. لفت صوبي..
امل: مايغلــى عليج حبيبتي .. اكوه جدامج اتهني فيـه

ولفييت وروحت.. كان جدامي كوفي .. سرت يلست فـيه..

جفت سيف يااي عنــدي ..شكـلله مععصصب

فر تلفونه ع الطاوله ويلس ينافخ..
سيف: شو هالحركاات.؟؟
امل: ماشي ..
سيف: شو مااااااااااااشي
امل: بس عاد لاتصارخ مب اصغر عيالك انا
سيف: ماتستحين انتي؟!
امل: ههههه شو ماخذت رقمها ؟؟!
سيف: جآآآآآآآآآآآب
امل: يجبك وشوي شوي لاتصارخ
سيف: كلــمــه وحده وخلاص
شو بيقوول بعد بروحي عصبت منه
امل: قوول
سيف:من النهاآيهـ انتي تبيني ولاأ.؟ّ
حلــوووه هاي تبيني ولا خخ
امل: يعنـي لو ماباك بتطـلقني؟
سيف: يعني ماتبيني ؟!
ههه اعرف كيف اتصرف هههه هيه ماباه
امل: انا ماقلت شي انته قلتها
رفعت راسي حطيت عيني بعيـــنه جفت نظــره غريبـه
نظره مافهمتها يمكن انا اتنفضت منها
نش من ع الطاوله وشل فونه وسار
اوييه هاذا ويين ناافد..
قمت بسرررعه ولحقته
مشيت ورااهـ... بس بعده بيني وبينه مساافـه..
زقرته مارد علـيـه..
شويه ووصلنا الباركنات ركب السياره بسرعه و
شغلها
ركبت انا بسرعه السياره حتى بغى يروح عني
المهم بعد ماركبت السياره
امل: افف بلاك طاير شوي شوي ..
جفته لف راسه صوبي
سيف : جاااااااااااااااااااااب قلتلج مابا اسمع حسج
امل:اففف كلام الصدق مايعيبكم
سكت عني بس شكــله مفووول ...
جفته ع طوول طلع من بوظبي طااير
دخلنا شارع الامارااات .. صدق صدق
اووول مره ف حياتي اجوف سيف معصب جيه
انا خفت الصراحه
امل: سييف خف السرررعه
سيف: مايخصج واسكتي
امل : تبا تموت موت برووحك
سيف: مب عايبنج نزلي من السياره
خيـــبه معقوله
سكت عنه بس جفته زاد السرعه اكثر من اول
يمكن القييج كامل انا الصراحه خفت من سيف ومن ا لسرعه
شويه ووصلنا الشارجه ف رقم قيااسي يمكن اختصر ثلاث ساعات
بساعه

وصلنا فريجنا بربع ساعه .. والله احس خبل فيني
ماخلا دوار ماشوح عليه

وقف عند باب بيتنا ولا رمس بكلـمهـ ..
نزلت البيت وروح حتى سمعت صوت التوايــر

.........

بعد اســـبــــوووعيــن..

نهآآأ‘يـ‘ةالبـآرت

توقعـآتكم ..؟
__DEFINE_LIKE_SHARE__