آأضــٍحكـ وؤآأنـآأ‘ فـي دآأخـلي مجـروح ..بقلــمـ‘ي ..

حـبـڪ مايشرفنيـﮯ · 05-27-2010, 01:56 PM

بدآيـة البـآرت

.................................................. .................................
المكان: سيآرهـ امـل
الساعه: 3 الظـهـر
امـــــل..
.................................................. .................................
كنت ف السيااره راده من الكليـه.. وقفت عند المحطه اصب بترول عـقب نزلت اشتريلي كم شـي..
وانا اركب السيااره سمـعت صـوت فوني يرن ركبت وطلعته من الشنطـه..
جفت آسـم سـيـف اويييه اول مره يتصلي من ملجنآ يآربي.
ماادري ارد علييه ولا لا كنت ميوده الفون فـأيدي واطالعه مب عارفه شو اسوي فجأه بند سيـف .. الحمداللـه...
رن الفون مسـج.. فتحت المسـج جفته من سيـف
كان كاتب فـيه.. " هلآ وغلآ .. شحالج الغلاآ؟ وينج اتصل ماتردين"
ياااربي الحيين شو اقووله اممممم..
رديت عليه كتبتله ..
"اهـلين.. الحمدالله بخـير .. كنت بعيد عن الفون ومالحقت عليه"
. فريت الفون ع السيت الي حذذالي وحركـت السيآره
شوييييه ورن الفوون مره ثاانـيه . كآن سيـف متصـل
يااربي شو اسوييييبـه ... اممممم مايستوي مارد عليـه ..
احم احم وردييت عليه
امل: الو
سيف: هلا وغلآ..

امل: اهـلين..
سيف: شحالج .؟
امل:يسرك الحال وانته؟
سيف: بخـيير داآمـج بخــير..
امل :دوم
سيف: وياج
تمييت ساكته وهو ساكت بعد .. كان واحد حذالي يدق هرن مسوي حشـره
سيف : امم انتي طالعه
امل: راده من الكليه
سيف: هييه انتي شو تدرسين؟
حسييته يستهبل امساات يوم سالفه هزاع يايني الكليه وكليتنا كليه طب بـس.
امل: علوم طبيه..
سيف: يعني عقب ماتخلصين بتستويين دكتووره
امل: ان شاء الله
سيف: ان شاءالله منو قدي مرتي دكتوره
امل: ههههههه
سيف:فديت الضحكه
سكت عنه ماباه يتعود يرمسني جيـه افف
امل: انا الحين بخليك لاني وصلت البيت
سيف: اممم بترقدين؟
امل: مادري بس ماتوقـع.
سيف: اوكـيه عيل بتصل بج بعدين
امل: اوكـيه باي
سيف: باي
بندت عنـه ونزلت من السيااره .. شليت الاب وكتبي ودخـلت داخـل
جفت امآيه يآلسه ف الصاله
امل: السلام علييكم
امايه: علييكم السلام والرحمـه.
امل:شحالج امايه؟
امايه: الحمدالله بخيـر تعالي يلا تغدي
امل: اوكـيه ..
يلست اتغدى وعقب سرت فوق كنت تعبانه بدلت ثيابي ورقـدت ..

نـشــيت عالساآعـه 7 كان يأذن المـغرب نشيت خذتلي شور وصليت ..
سرت تحت جفت قوم امايه ظاهرين من البيت ردييت فوق شليت فوني اتصلت ف امايه...
امل: السلام عليكم
امايه: عليكم السلام
امل: ماما انتي وين؟
امايه: امم بيت خالج انا
امل: اها سلمي ع شوق وعموه
امايه: اوكيه يوصل مابتين انتي
امل: لامابي بيلس ف البيت
امايه: اوكـيه عـيـل يلآ بـآي
امل: بآي بآي
بندت عن امايه ونزلت تحت ادورلي شغله اسويها من الملل
.................................................. .................................
المكان : بيت بو سيف ..
السـآعه : 7 ونـص
سيـف
.................................................. .................................
توني طالع من البيت .. شليت فوني بتصل ف امل مساعه كنت بدقلها بس سمعت عموه تقول انها راقده . اممم فدييتها وربي
احـب اسـمع صووتهآ ..بس احس في شي غريـب فيـهآ ..مادري شو..
معقووله بعدها تكرهني عسب سالفة مزمان.؟ بس لا ف الفتره الاخيـييره قبل لااخطبها كانت عادي وياي ..
مااعرف والله .. ركبت سيارتي ودقـيتلهآ ..
شـوييه وردت عليـه..
سيف : مرحبآ
امل: مراحـب..
سيف : شحالللج الغلا.؟
امل: الحمدالله بخير وانت شحالك ؟
سيف:يسرج حاليه .. شو تسوين؟
امل:اكـل ..
سيف:بالعاافيـه بس شو تاكلين؟
امل : اممم اندوومي ..
سيف: هاذا الا سقـم كيف تاكلين مب زين

امل: احـبه.
سيف : امم مب زين فديتج لاتاكلينه مره ثانـيه
سكتت مادرت عليه مادري ليش بس يمكن مستحـيه.
سيف : بروحج ف البيت؟
امل: هييه
سيف: تبيني امـرعلييج توني طالع من البيت؟
امل: امم لا لا مب لازم بتم ف البيت
سيف: براحـتج ..
تمييت اسولف وياها يعني سوالفنا كانت ممله او شبه سخييفه
بس عادي هاي البدايه ان شاء الله عـقب كل شي بيستوي اوكـيه..
عقب سرت صوب الربع ايلس وياهم شـويـه..
.................................................. .................................
الـمـكآن : بيت بو احمـد ..
الساعه : 8
امـل.
.................................................. .................................
تونـي مبنده عن سيـف .. نزلت الفون من اذني .. جفت كم دقيقه رمسته 40دقيـقـه.. كنت اتمشى ف الحوي دخـللت ..داخل لاني بردت .. ماكنت ابا ارمس سيف وايد بس شو اسوي كنت ملانه.
حلييله والله كاسر خاطري مايستاهل وحده شراتي يستاهل احسن مني انا مابقدر احـبه انآ قلبي مب ملـكـي خلآص..
شو اسوي الله كـريم...
..................
مــر اسـبووع عن الي استوآ .. سيف كل يوم يتصلي ايلس اسولف وياهـ..... يتصل كم مره ف اليوم ودوومه يطرش مسجات..

نهآآآيه البـآرت.. __DEFINE_LIKE_SHARE__