طفل يخرج من قبره لينتقم من امه.. سبحان الله - الصفحة 10

حمدان الدرعي · #1 01-08-2008, 11:37 AM

طفل يخرج من قبره لينتقم من امه.. سبحان الله

السلام عليكم ورحمة الله وبركاته

سمعت هالسالفه الغريبه العجيبه
من الأم نفسها

هذه القصة فعلا حدثت في رأس الخيمة

و إللي ما مصدق سالفتي
بعطيه رقم الأم عشان يتصل بروحه ويتأكد

السالفه من البدايه

عاشت قصة حب مع شاب
تقريبا سنتين

وتحدوا حارتهم عشان يتزوجوا

المهم تم الزواج بعد عذاب
وتعب وكان أحسن عرس حسب ماتقول

مرة السنوات

جابت الأم الولد الأول وبعده الثاني وبعده الثالث حتى الخامس

ولما حملت سادس مره

قالها زوجها أنا أريد بنت ولوجبتي ولد بطلقك

الام إنصدمت من كلمة بطلقك

وقالت أسوي المستحيل ولا يطلقني

يريد بنت أجيبله بنت بس كيف؟!

ما لقت طريقه إلا جارتها ام نوف

خبرتها بالسالفه وقالت لها ساعديني

المهم فكرت ام نوف وقالت ولا يهمك

خلي بس موعد الولاده يجي

عقب يصير خير

ام نوف عندها معارف في إحدى المستشفيات في رأس الخيمه قسم الولاده

المهم إتفقت مع الدكتور أحمد علاء خواجه

على أنه إذا الأم جابت ولد يبدل الولد مع أي بنت مولوده في المستشفى

وقالت الأم بدفعلك إللي تباه بس سوي هالطلب

المهم غرته الفلوس

على قولة المثل الفلوس تعمي النفوس

وافق الدكتور أحمد {على طلبهم}

يوم جا وقت العمليه

ولدت الأم

بس

شو جابت

جابت

ولد

ولد مثل القمر

بس للأسف بتستغنى عنه

جا الدكتور عندالام عشان يفحص حالتها

قالت له يالله روح بدل الولد قبل لا يجي زوجي ويطلقني
شوفوا كيف تستغنى عن ولدها بكل سهوله وبرود

رد عليها الدكتور
لا إسمحولي ما أقدر أشارك في هالجريمه

ردت الأم قالت كيف بعد ما خذيت الفلوس تقولي

المهم الأم وجارتها مو بفاضين حق الدكتور

راحت أم نوف تفكر بعدين قالت

شو رايك نذبحه ونقول لزوجك أنك جبتي بنت عقب ماتت

قالت لا كيف اقدر أذبح قطعه من لحمي وروحي

قالت أم نوف كيفك خلي زوجك يطلقك

خافت الأم من هالكلمه

قالت (أم نوف)شو رايك ندفنه في صحراء
ونخليه يموت بروحه...

المهم الأم بعد ما إقتنعت راحت هي وأم نوف وسو ا فعلتهم

بس قبل ما تدفنه
رضعته من حليبها

ودفنته

ردت الأم بيت زوجها

قالت له جبت بنت بس ماتت

قال كذابه لازم أروح أتاكد بنفسي

جارتها أم نوف راحت المستشفى وإتفقت مع بعض الدكاتره والممرضين على أنه إذا جا الزوج يقولوا له أن زوجته جابت بنت بس ماتت وغرتهم بالفلوس

راح الزوج و تأكد وطلع أنه فعلا زوجته جابت بنت بس ماتت

المهم إستوى عزا على أنه البنت فعلاماتت

والأم قلبها متقطع
على ولدها إللي دفنته

بعد مرور شهر

هني تبداالسالفه

بعد شهر او أكثر بشوي

راحت الأم عند جارتها

وقالت لها أريد اشوف ولدي

بروح عندولدي

قالت أم نوف يا هبله ولدك مات صار له أكثر من شهر إنسيه يامجنونه

قالت الأم

أنا بسير عنك وإذا بتيين اناهناك

المهم سارت الأم لين ما وصلت المنطقه إللي دفنت فيها ولدها

تمت الام تدور عن المكان إللي دفنته فيه

لأن صحراء وصار لها أكثر من شهر من دفنته

جات جارتها وقالت لها :

الصراحه ما قدرت اخليك بروحك

قالت الام للحين مالقيته

تمت الام والجاره يدورن عالولد

فجأه

فجأه

بدون إنذار

فجأه

سمعت الام وجارتها

صوت طفل يصيح

صرخت أم نوف وقالت اعوذ بالله هذى صوت جني المنطقه ما فيها أحد

قالت الأم

لا هذا صوت ولدي

قالت ام نوف ياهبله
ولدك مات تعرفين شو يعني مات
يعني خلاص إنسي انك تسمعي صوته

المهم الأم أصرت وقالت أنا قلبي يقولي أن هذا صوت ولدي ولازم اروح أشوفه

سارت الام وجارتها لين ما وصلوا مكان الصوت

وشو تتوقعوا شافواهناك

شافوا شي غريب

شي ما يخطر على البال

شافوا

والله شي غريب

إللي شافوه

هو

أن الولد هو إللي كان يصيح

ولقوه حافر مطلع نفسه من تحت

سبحان الله شهر كامل

تحت الرمال الحاره وعلى ضوء الشمس الحارق

بدون اكل ولا شراب وعمره ماكمل شهرين

سبحان الله

خلوني اكمل

المهم خافت ام نوف وقالت حق الام هذا مب ولدك

الأم فرحانه لأنها شافت ولدها ومطقعه لأم نوف

المهم

شو تتوقعواسوى الولد

شي أغرب من إللي فات

شي غريب وغريب وغريب

لو عرفته أكيد بتستغرب

وبتقول سبحان الله

إللي سواه الولد الله يسلمك

تكلم

أيوه تكلم ليش مستغرب

وقال

ماما

ماما

وفوق ماما زاد كلمه وقال

مام

ماما

ماما

اناجائع

بالعربيه الفصحه قالها

جائع ما قال جوعان

هذا حسب ما تقوله الأم

سبحان الله

المهم بكمل السالفه

جت الام تريد تحضن ولدها عشان ترضعه من حليبها

صرخت أم نوف

وقالت لا لا خليه هذا مب ولدك هذا مب إنس

هذا جني خلينا نروح

قالت لا هذاولدي وهو من شدة الجوع تكلم

برضعه ويستوي إللي يستوي

المهم حضنت الام الولد

وجت تريد تخلي فم ولدها فيصدرها

صرخ الولد صرخه قويه

وقال

ماما

ماما

ماما

أناجائع

بس

ما

أريد

أشرب

من حليبحك

شوفوا تخيلوا وقولوا سبحان الله

من كثرالولد كاره أمه قالها ما اريد اشرب من حليبك

سبحان الله

بكمل شو قال الولد

قال

ماما
ماما
أناجائع
بس
ما
اريد
أشرب من حليبك

وكمل وقال

ماما

أنا

أريد

أريد

أشرب

حليب

حليب نيدو

صادوووووووووووووه

أدري
أنه كل واحدقرى الموضوع وده يضربني او يذبحني

وبعد كل هذا تريد رقم الأم و إلاهونت

انا حبيت أمزح معاكم __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لاأملك إلا أن أقول ... سبحان الله .. سبحان الله .. سبحان الله ..من علمه ؟!!	محروم.كوم	منتدى أخبار المواقع والمنتديات العربية والأجنبية	0	04-18-2010 01:50 AM
سبحان الله - الراجل يخرج من بطن الحوت حي	ne3na3net	هواتف , مسجات , وسائط , برامج , ثيمات , نغمات , بلوتوث	12	01-18-2010 04:47 PM
مالذي يجري ؟؟؟ حتى البيض اختلف !!!! سبحان الله	محروم.كوم	منتدى أخبار المواقع والمنتديات العربية والأجنبية	0	10-30-2009 01:40 PM
تـوقيع اسلامي بسيط .. لذكر الله سبحان الله وبحمده سبحان الله العظيم	محروم.كوم	منتدى أخبار المواقع والمنتديات العربية والأجنبية	0	07-01-2009 03:10 PM
يخرج الحي من الميت . . . سبحان الله وبحمدهـ سبحان الله العظيم	محروم.كوم	منتدى أخبار المواقع والمنتديات العربية والأجنبية	0	06-19-2009 11:50 AM