«¦[ رحلة ألى حيث كآنت طفولتنآ ]¦» - الصفحة 8

فلووونه · #1 07-19-2008, 02:46 PM

اشكر اخوويه بقايا انه اختاارني >> شكله بيا يظهر فضايحي ...

[mark=000000][ المحطه الاولى ][/mark]

اوصف طفولتك بجملة واحدة

طفولتي .. كانت طفوله رائعه .. مليئه بالشقاوه و المغامره و العنااد >> ههههههههههههه

.
.

[mark=000000][ المحطة الثانية ][/mark]

ما هو اجمل موقف او اجمل ذكرى تتذكرها من طفولتك ؟

هممممممم يمكن ما يكون اجمل موقف او اجمل ذكرى .. يمكن تكون تجربه حلوه

في يوم من الايام و كان يوم الخميس الصبح ..كان عمري تقريبا سنتين .. و طبعا محد في البيت غيري انا و اختي اللي كبري تقريبا .. و الخدامات .. و امايه كانت رايحه مكسار الصبح .. و قالت للخدامه ما تخليني انا و اختي نظهر من البيت ... عاد الخدامه تبا تتحكم فيني >> ع منو ثرها ما تعرفني عدل <<.. المهم يت و قالتلي"" ماما قوول ما في سير برا ايلس داخل البيت ""...حتى الحوش ما خلتني اظهر ...
طبعا كنت عنيييييده لدرجه ما تتصوروونها .. يعني الحين هاي الخدامه بتتحكم فيني ... >> بتبطي ..
فاتفقت ويا اختي انه نغافل الخدامه و نظهر من البيت بس اختي جبانه ما رضت ..
الخدامه راحت تغسل الثياب .. فظهرت و رحت غرفه الطباخ و حطيت جرايد وولعتها و شردت من البيت .. رحت بيت عمي اللي في الحاره الثانيه .. و لا كـني مسويه شي ...

طبعا البيت فووق تحت محد يدري وين انا و غرفه الطباخ تحترق ...

و عالساعه 1 الظهر ... امايه دقت ع حرمه عمي تتخبرها عني .. قالت اني موجووده عندهم و يالسه العب مع محمد ولدها >> صديق الطفووله ... هههههههههههههههههههه

ف يتني امايه و اخوويه العوود في دوريه الشرطه اللي كان يسووقها يارنا الله يرحمه .. >> منو قدي راكبه الدوريه ههههههههه

طبعا محد قالي شي .. بالعكس امايه يلست تصيح تتحسب صار عليه شي من الحريقه ...

و ابوويه في البيت واقف ويا المطاافي ...

و يووم وصلت ابوويه لاوي عليه و يقوولي شي صار عليج .. قلت له بكل برأأأأأأءه .. لا ..

و بعد ما هدى الوضع .. قلت لامايه و ابوويه السالفه كلها > ما عرف اخش ..

بس طبعا محد ضربني و لا حد قالي شي .. ههههههههههههههههههههههههههههه
.
.

[mark=000000][ المحطة الثالثة ][/mark]

ما هو أصعب أو أحزن موقف مر عليك في طفولتك ؟

اصعب موقف ... الحادث الي صار ع اخوويه العوود ..
الحمد الله يووم انه ظهر من الحادث حي ... >> كنت في ثالث ابتدائي ..

.
.

[mark=000000][ المحطة الرابعة ][/mark]

ما هي أجمل هدية تلقيتها في طفولتك ولم تنساها لليوم ؟

وااااااااااااااااااايد تلقيين هدايه و انا صغيره ..

بس الهديه الغاليه عليه و لا يمكن انساها .. عباره عن مجمووعه العاب كان اخوويه يايبنهن لي يوم كان راد من السفر
.
.

[mark=000000][ المحطة الخامسة ][/mark]

هل هناك انسان معين كرهته في طفولتك .. ولماذا ؟

في حيااتي ما كرهت انسان .. بس في شخص كنت واااااااااااااااااااااااااااااايد اخاف منه >> الله يرحمه
.
.

[mark=000000][ المحطة السادسة ][/mark]

ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟

هممممممممممممممممم اهليه في حياتهم ما ضربووني >> مع اني كنت شقيه و مشااااغبه و لا اسمع الرمسه ..

بس مره واحد من عيال بنت عمي .. يبا ينتقم مني و يبا يضرنيي لاني عضيييييييته و طبعا ما يقدر يضرنبي لانه بيتهزء >> كنت غااااااااااليه ع الكل و محد يجرأء يقرب صووبي .<<

فقالي قوومي بنلعب كووره قلت يلا >> حليلي ع نباتي <<... و كنا مجموعه كبييره ...

ضربني بالكووره ع بطني ... >> طبعا هو اللي انضرب بعدين هههههههههههههههه>> الله يذكره بالخير تووه معرس هههههههه

.
.

[mark=000000][ المحطة السابعة ][/mark]

هل كنت غيور بطفولتك من اخوانك وتحس فيه تمييز بينك وبينهم ؟

الغيره موجووده في كل طفل ..

و اهليه ما كانوا يقصروون ويانا .. كل شي نبا و الا ما نباه نلقااه عندنا ..

بس الغيره وين .. يوم كانوا ايبوون لخوويه الصغير > اخر العنقوود <العاب غير عن العابنا >> هو ولد و نحن بنات.. ههههههههههه

.
.

[mark=000000][ المحطة الثآمنه ][/mark]

ما هي اكثر وافضل لعبة كنت تلعبها و أنت صغير ؟

من الالعااب الالكترونيه .. كنت امووووووووت ع الاتاري ...خص لعبه الشرطي حرامي .. هههههههههه

.
.

[mark=000000][ المحطة التاسعة ][/mark]

هل ستربي اولادك بنفس الطريقة التي تربيت بها في طفولتك؟

شي اكيييييييييد .. اهليه ربووني احسن تربيه .. و ما قصروا وياي في اي شي ...

و ما اعتقد اني بربي عياالي غير تربيه اهليه لي >> بس طبعا باختلاف الافكار شووويه ..

في النهايه احب اشكركم ع عالموضوع ...

> خليتووني انبش في صندوق ذكرياتي <

ليتها تعووود ^_^ __DEFINE_LIKE_SHARE__

فلووونه · 07-19-2008, 02:48 PM

هممممممممممممممممم

اختار

الروح دايم

^_^ __DEFINE_LIKE_SHARE__

! غرشوووبة بوظبي ! · 07-19-2008, 03:18 PM

ههههههههههههههههههه
يالشريهـ ..
كنتي عنيده .. زين ماصار فيج شيء من الحريجهـ .
حلوووة طفولج .. واااااااااااااايد ..
زين زين انبشي اكثر في صندوق الذكريات ..
تسلمـــين فلونه ع تلبيتج للدعوهـ ..

ربي يعطيج الف الف عافية

ونترقب الروح دايمـ .. __DEFINE_LIKE_SHARE__

الـروح دايـم · 07-19-2008, 04:15 PM

[ المحطه الاولى ]

اوصف طفولتك بجملة واحدة

صعب أوصفها لانها فوق الوصف

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟

ههههههههه ويا خواني كنت يالسه فلمطبخ وأمياه كانت تسوي يالقيمات ياخبز رقاق وهو يلعبون كوره
وكانت وراي دريشه وختيه العوده كانت مجابلتني فجأه ماتجوفون غير هلكروه متجهه وبكل قوه علي الدريشه
حتا أخوي يقولي يوم كنت بيجوت الكوره خخخخ يالس يقول ضربت الصقر خخخخخخخ المهم أختي جافت الكوره يايه
بس ألي سوته نزلت راسها ويت الكوره فلدريشه وتنكسر الدريشه وفراسي وحليلي هههههههههههه والمشكله العوده أني هب يالسه أصيح لا أيدي يافيها دم ويالسه أقول حق أمايه هههههههههههههه أمايه حنا عاد ر كبوها علي رمست صغار بس أمايه تقول وايد صب مني دم ذاك اليوم هههههههههه يعني هاذا أكثر موقف أقدر أقوله خخخخخخخخخخخخخخخخخخخخخ

[ المحطة الثالثة ]

ما هو أصعب أو أحزن موقف مر عليك في طفولتك ؟

سفر أخوي العود كان أصعب موقف

.

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟

هههههههههههههههه سياره خضره أبوي يابلي أياها بس شو عجيييييييييبه
خواني لكبار كلهم ركبوها ولين أحين يذكرونها وحليلها هسياره

.

[ المحطة الخامسة ]

هل هناك انسان معين كرهته في طفولتك .. ولماذا ؟

هي والله والمشكله أني أكرهه لين أحين

[ المحطة السادسة ]

ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟

ههههههههههههههههههههههههه مره ضنتي وسبب عبيييييييييط يعني أبوي يمكن كان معصب وضهر حرته فيني خخخخخخخخخخخ بس صدق يضحك السبب

.

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟

أبدااااااا ماكنت اغار لاني فذيك الفتره كنت أصغر وحده أمبينهم هم كانو يدلعوني أكثر من أمي وبوي

.

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟

ههههههههه طبعن غير الالعاب وهسوالف
كنت دوم أجوف أمايه تنخل الحنا بس الطريقه كانت وايد تعيبني تيب مله وتحط فوق المله خلقه وتحط فوق الخلقه الحنا وتم تنخله ههههههههه عاد أنا كنت أيب رمل ونخله وذاك اليوم سويت جي وحطيت عليه ماي وبنت خالي هاديه وايد يوم كانت صغيره نحن قد بعض بس هي كانت هاديه يبت عصااااااااااه وخليتها جدامي ونا مصره ألا تتحنا من الحنه ألي مسوتنه خخخخخخخخ وهي ماتبا تقول مالج وع وجان أضربها وأخر شي حنيتها ههههههههههههههههههههههههه وماتتخيلون حنيت راسها هب أي شي ثاني ياربي مني ههههههههههههههههههههههه بس روعه هلعبه أستتمتاع .
.

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟

أكييييييييييد بربيهم شرات مأنا تربيت بس أكيد في فرق بسيييييط يمكن ( الله العالم لين حزتها ) __DEFINE_LIKE_SHARE__

الـروح دايـم · 07-19-2008, 04:21 PM

أممممممممممم

هههههههههههه

الله يستر من ألي بيسويه فيني بس أختار

( أهبل يستهبل ) __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلوب ساندويتش	(****)	تجارب طبخات الاعضاء	37	03-27-2013 12:40 AM
ميد نايت كلوب	محروم.كوم	منتدى أخبار المواقع والمنتديات العربية والأجنبية	0	11-29-2009 01:10 PM
«¦[ رحلة ألى حيث كآنت طفولتنآ ]¦»	خبلة	المواضيع المكرره	2	01-21-2009 02:01 AM
(¯`•._.•[ (هذي طفولتنآ برآءه و تذكــــااار .. توبيكات) ]•._.•´¯)	الاميرهـ الصغيرهـ	المسنجر وملحقاته , توبيكات , ماسنجر بلس , msn	28	01-13-2009 08:00 AM
كلوب ساندوتش بس غير	ღشمـوس دبـيღ	فن المطبخ والطبخ	13	10-03-2008 05:11 PM