. [ بـنآتنـآ ~ إلّى متى . .!؟

~» مـآ غرنـﮱ مْــزيِـــﯛטּ ™, · #1 02-20-2010, 05:21 PM

[ . . . السـلام عليـڪَم والرحمـَ هـ . . . ]

يسعـدليّه صبآحڪَم // مسآڪَم
بڪَل أنــوآآع الجـوري . . [

*

ادري الموضوع اللي بطرحـه انطرح ونآقشوه وأيدين . . بس وربي القهر اللي فيني خلآآآني انـزل حتى لو كآآن قبل مطروح

فموّضوعـي هذآ بتڪَـلم عن [ بنـآتنـا ] . .!
عن اللي نشـوفـه وغيره . .!

.
.
،

. . [ بنـآتنا ~> إلــى متى . . . !!؟

هل نحــن فدولـه الإمآرات ولا دولــه ثآنيـه [ دولـه أجنبيــه . .!؟
هل نحــن فدولــه يـوم الشخـص يزور بلآدنـا يستغرب إذا هو فالإمارات . .!؟
ڪَل شي تغيــر . . الدولـه اطورت وتقدمــت . .! وبنآت وشبآب البلاد تغيـروا . . مآ تحسـون إن شي فرق ڪَبير بيــن المآضي
والحيــن . .!

قبل ،، البــنت تيلس فالبيـت وإذا ظهرت تظهر محتشمــه محد يرمس عنهآآ ..

أمـآ الحـين ،، شـو اللي نشـوفــه . . نشـوف العجــب وأڪَثر شي فالمولات والمرآآڪَـز

البــنت تـظهر من البيــت ولا حـد يحآسبهـا . . محد يقولهآ فلانه وين سآيـره ولا شو هاللبس
طبعاً هب الڪَل . .! البعــض ،، ليـش الأهل مخليــن بنآتهم جــي . !

طبعًا ڪَلڪَم يوم تسيرون المولات تشـوفون البنآت . .!
العبــآآه حـدث ولا حرج تقـولون فعرس هب مـول الحين انتي سايره تتشرين ولا سآيره
تلفتيــن الأنظـآر بعباتــج . . ڪَل يوم والثآني يظهرون موديــلات عجيبــه وعبيطه . . [
اللي ورا العبآه شعار نآدي . . ولا العباه من فوق لين تحــت ڪَلها فصـوص
والعبآه مفتوحـــه واللبس الله يستــر

والميڪَ اب . . تآرس الويـه يعني الوحده منهن لـو تغسل ويههآآ وتظهر جي شڪَلها يتغير 180 درجــه . . ! مآ برمـس وآيد فهالاشيـا لأن الڪَل يشـوف شـو يستــوي ولا غيره . .!

*

بس اللي يقهر الحيـن العتب عالبنآآت ولا الأهـل
اللي يخـلون بنآآتهن يظهرن بهالمظهــر . .
البنت تتحسـب إذا الواحـد تم يلاحقها ولا يقردنهآ بأن هو ميت عليهآ ولا ع شيفتهآ ..طبعًا الشباب يوم يشـوفون البنت جــي شي أڪَيـد يحطون فڪَره فبالهم إن هالبنت
ينقص عليهآآ بسرعه وهيه الحيآه عندهآآ فري ~

فبنآت اونهن يعصبن يوم حد يلاحقهن ولا غيره . .!

دخيـلج عآد انتي ظاهره بهالمظهر . . بهاللبس . . يعني تبينهم ما يلاحقونـج
احشمي عمرج . . والبسي لبس محترم واتحجبي محد بيقرب صوبـج

واللي يقهر بعــد . . إن مرآآت الأخــو يڪَون يا خواته وهن بهالمظهـر
ليـش هو مآ يغار ع خواتــه . . الصراآآحه هاللي من هالنـوع ما اسميـه [ ريآل ]
الحين الريآل يرضى إن أخــته تظهر جي والڪَل يطآلعها ويسوي لهآ حرڪَآآت أويعلقون عليها
وغيره . .!!

يعني ڪَذا مره شفـت شله بنآت ويآهن أخـوهن . . البنات طبعن نص الشعر برع والبرج اللي لابسينه ورآآ والعبي عبي أعراس واللبس حدث ولا حرج والميڪَ اب فـول . .! والأخــو يمشي ويآهن مستانس . . ورآآفع راســه يعني صدق شي يقهر . .

والحـين البنآت يسيرن المقاهــي وغيره . .!
الحين البنت شـو له تسير هالأمآآڪَـن . . !
ولا الحيـن البنآت قامن يلاحقن الشباب من مكآن لثآنــي . .!

يعني باختصآر هم مآشين ورا المـوضه والصيعه
حــتى الشبآآب ماشين ورا الموضه اللي نتآيجهآآ كلهآ
سلبيـه ونهآيتهآ دمآر بيـوت عآمره ~

الأخــو . . هب مهتم فخواته ،، رقآآد وسهر طول الليآلي وظهرات ويآ ربعـــه
وأهم شي ڪَشخته ،، سيآرتــه ،، ممتلڪَاته . .!
يعني البــنت باختصار تستغل هالفرصـه وتظهر من البيــت وإذا ظهرت
محـد يسألها ولا غيره خلاص [ لا حسيب ولا رقيب ]تسوي اللي تبآآآه . .!

يعني لييش انتوا الشباب يوم تشـوفون البنآت جي
بدال التقردين ولا غيره . . انصحوهــن . .!
[ من رأى منكم منكراً فليغيره بيده فإن لم يستطع فبلسانــه فإن لم يستطع فبقلبه ]
أڪَيد بتقـولون إذا نصحناهن بيســون طاف وبيردن بأسلوب واع . . ومب حــلو
بس نوبروبلم حآولـوآ وعطوهن ڪَاش فالويـ هـ يمڪَن وحدهـ منهن تستحــي

ع ويههــآ وتعرف ان اللي تسويـ هـ غلط . . !

،
.

إذا رمســت من اليوم لين بآجر ما بسڪَت لأن الحآل
اللي وصـلن له بنآتنـآ . .! حآل ما ينسڪَت عنــه يعني الواحد
اتيــه غصه يوم يشــوف جــي . . بس مآ نقول غير الله يهديــهن
ويستر عليهن ويهدي شبآبـنا

.
،

إلى هنــآ . . ينتهي المـوّضوع
لڪَم الحريـه بالنقآش . .!!

اترقب ردودڪَم
وأقول السموحه للي بيردون [ شڪَراً . . يسلمو . . إلـخ ]
اتمنــى مآ تردون أحــسن . .!

مـوضوع نقآشي . .!
يحتآج ردود نقاشيه لهاي الظآآهره . .!
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري