احــبك من صغر سني ** ما بالغ من يوم ميلادي

Grshoob Albdoo · 07-29-2008, 04:09 PM

السلام عليكم
السموحه منكم .....
بس اختي ماقدرة اتكمل لان امرقدينها فل مستشفى
وانا امبارح راد من قطر وماقدرة اكمل لكم
وسموحه مره ثاني
مشكوره اختي ملاك الروح كملتي بدالي

اه من قلب غدا حبه جنوني
واه من خل علي بالي طارا
لي سطاف الروح وتمكلك شجوني
من صدوده ياملا دمعي جرا
بعد اسبوعين من سفر حمدان
في بيت يدوه شيخة
الساعه 9 العشاء
الود كانت عند يدتها والريم ومها تدرس حليلها ماباقي شي عن امتحاناتها
الود : يدووه كيف كان يدي الله يرحمه
يدوه وهيه تذكر : هيه ها يا امايه يدج كان معروف عند الناس ولي طرو اسمه تفزله الميالس ويشابه حمدان يوم كان صغير

الريم : هي عسب جيه تحبين حمدان اكثر واحد ثره يشابه يدي
يدوه شيخه: لا انا كلهم احبهم ما افضل حد عن حد كلهم اعيالي
وشوي يسمعون صوت مسج
الود : يدوه تيلفونج ياينج مسج
اليده : شو مكتوب فيه
الود تشل التيلفون : همم يدوه هذيل الاتصالات
اليده : شو يقولون؟؟
الود : جانج مضايقه ولا تبين تهدين حد اغاني دقي علي الرقم مالهم وبتسمعين الاغاني
اليده عصب: شو هل المنكر الي مسوينه يوم بضايق بقرالي قران هب اسمع اغاني شو هاي المصاخه ويعرفون اني حرمه عوده اشعنه يطرشولي شو هل المصاخه باجر من صباح الله خير سايره الاتصالات اهزبهم بس فالحين ياذنوني مايعرفون اني حرمه عوده يطرشون هاي المسجات
الود والريم خلاص بيموتن من الضحك
اليده : واشعنه تتكعكعن
الود وهي تحبس ضحكتها : يدوه فديتج هم مايعرفون بس يطرشون علي كل الارقام
اليده : لاا لا انا اعرفهم يبون يكفروبي علي اخر زمن يبوني اسمع اغاني امف عليهم
الريم :ههه يدوه هم شو دراهم
اليده : الا يدرون بس يستهبلون باجر انا سايره اهزبهم هل المنكر هب عليه انا
الود والريم خلاص مايقدرن يستحملن :هههههههه
مايد وهو يحدر : السلام عليكم
الكل : وعليكم السلام
ويطالع الود والريم الي بيموتن من الضحك وراح يوايه يدته وعقبها قعد عدال الريم
مايد : شو فيكن ؟؟
الود والريم يضحكن
اليده : اشدراني يا ابويه ابويه باجر الصبح اخطف عليه
مايد : ليش يدوه وين بتروحين ؟؟
اليده : بروح الاتصالات
مايد وهو مستغرب : ليش ؟؟
اليده : اماذيني كل شوي يطرشولي مسج جان الامضايقه ولا فراحنه وتبين تسمعين اغاني اتصل علي رقمهم مايعرفون اني حرمه عوده اشعنه يلعوزوني ويبون يكفروني
مايد وهو بيموت من الضحك :ههههههههه يدوه فديتج الله يهديج هم شو دراهم
اليده : الا يدرون اشعنه مايدرون
مايد : مايدرون هم بس يطرشون علي كل الارقام
اليده : ماشي رقم غير رقميه
مايد : لا شي
ويرن تيلفون ريم بهل اللحظه
الريم وهي ترد : فدييييييييت هل الصوت ياربي << ويصد مايد يطالعها وتكمل ريم : شحااااالك حبيبي ولهت عليك << مايد قاعد يطالعها

الريم : انا بخير وسهاله واعلومك لا انا في بيت يدوه هيه اوكي
الريم وهي تطالعهم : حمدان يسلم عليكم
ويسحب مايد التيلفون من ايديها : يالسبال ولا تتخبر عن عيال عمك من رحت نسيتنا
حمدان : هههه حرام عليك والله مشغول في الدراسه واعلوومكم
مايد : بخير وسهاله ومن صوبك
حمدان : متوله عليكم واايد
مايد وهو ينغزه : متوله علينا ولا علي ال ال
حمدان : ههههه فديييتها والله وينها
مايد وهو يطالع الود ويغمزلها : بخير يسرك حالهم
حمدان : دوم
اليده : عطني بكلم الغالي
مايد : حمدان لحظه يدوه تباك
اليده : الو
حمدان : وفدييييييييت هل الصوت
اليده : حمداان الغاالي شحالك يعلني فداك
حمدان : بخير وسهاله
اليده : واعلومك ابويه واعلوم دراستك
حمدان : والله كل شي تمام
اليده : وشو ابويه ياكلونك هناك ومنو ربعك
حمدان : هيه فديتج ناكل اهنيه هب رايحين صحرا والحمد الله الشباب الي هنيه كلهم مخاوين شما عيال حلال
اليده : زين زين يابويه
حمدان : يدووه
اليده : لبيه امر الغالي
حمدان : من ارد اريد اعرس واشل الود معايه اكمل الدراسه هناك
اليده : امره فالك الطيب انا قتلك املجو ويا مايد وريم لكن بطرانين مابغيتو
حمدان : خلاص انتي كلمي قوم امايه من ارد وعقبها بسبوع العرس لانه بتكون عندي اجازه شهر وشوي
اليده : من اعيوني
حمدان : تسلمين فديت روحج انا انزين انا احين بسكر تامرين بحايه
اليده : سلامتك غناتي واتحمل علي عمرك
حمدان : انشاء الله من اعيوني وسلمي عليهم
اليده : يردولك السلام وداعت الله ربي يحفظك
حمدان : ربي يحفظكم
وسكرت اليده عن حمدان ودمعت اعيونها
الود خافت انه حمدان فيه شي : يدوه شوو فيج ؟؟
اليده : ماشي امايه الا ولهت علي حمدان الدار من عقبه عوفه
الود في قلبها صدقها يدوه فدييت روحه ياربي
مايد : هااا يدوه شو قالج حمدان ؟؟
اليده وهي تطالع الود : ماشي بس يقول اني اخبر الود واقوللها تجهز لان من يرد بعد اسبوع مره عرسهم ..
الود : يدووه ما يمديلي ازهب .
اليده : اشو بعد مايمديلج ازهبي من احين الريال يبا حد يخاويه في سفره بدال لا يتم بروحه
مايد وهو يطالع الريم ويغمزلها : يدوووه وانا متى
اليده : هكيه حرمتك عدالك جانك تباها شلها من احين
مايد وهو يمسك ايد الريم ويقومها : يلا قومي بنروح
الريم وهي مفتشله : وين
مايد : ماسمعتي يدوه شو قالت جانك تبها شلها يعني خلاص تعالي هب لازم حفله عرس
الود : لا والله هب كيفك اذا انت ماتبا هيه تبا كل البنات يحلمن في هل اليوم
مايد : اف اف رمست ام لسان
الود : صدق والله ريموه انثبري مكانج وانتي ماتصدقين من يقولج قومي قامت
اليده : ويدي واشعنه هذا ريلها لازم تسمعه
الريم ويها غادي احمر
الود وهي تروح عند يدتها : يدوه انا اليوم برقد عندج
اليده وهي مستانسه : زين زين يا امايه بتونسيني
الريم : يا حيوانه ليش ماخبرتيني كنت بيب ملابسيه وببات معاج
مايد وهو يطالع الريم : تبين تباتين اهنيه غناتي
الريم : هيه
مايد : انا بوديج وخلاف بردج
الريم : غايتيه
راحو الريم ومايد بيت الريم
وهم في السياره مايد ماسك ايد الريم ويطالعها
الريم : شو فيك ؟؟
مايد : تدرين اني احبج
الريم وهي تستهبل : لا ه لاه قول والله
مايد : بكفخج ياسباله
الريم واونها زعلت : ماحبك جب لا اترمسني
مايد : فديت الي زعلت ويمسك ايديها ويبوسها
الريم : ميوووووودي عاد استحي
مايد : جب جب كيفي
الريم : سوق سوق وانت ساكت
وصد مايد يطالع الطريق وحطالها اغنيه حرابي اه من قلب
مايد : ريموتي اهديتج هاي الاغنيه
الريم : ياااااااي احبها
وتمت تسمع الاغنيه الين ماوصلو البيت وقف مايد يتريها الين ماتخلص
وحطت ريم ملابسها في الشنطه وخبرت امها وابوها وراحت مره ثانيه
الريم وهي تحط الشنطه وراء
الريم : حبيبي
مايد : اعيونه
الريم : يوووو عاااااااانه
مايد : عن تاكليني انزين خلاص بوديتج لا تصرخين توني اقول البنت رومانسيه مسرع من غدت دفشه
الريم وهي تمد بوز : انا احين دفشه
مايد : لاابدن
وخطفو علي ماك دونلز وطلبتلها ريم حقها وحق الود وبعدها راحت بيت يدتها
وقعد مايد معاهم الين الساعه وحده وبعدها رجع بيتهم

في اليوم الثاني راحت الود بيتهم وفجت المسن وحصلت رساله مكتوب فيه
حبيبتي الود شحالج ربج بخير اتولهت عليج غناتي
اممممم يدوه خبرتج اني يوم برد بنزوج امره شورايج ايي علي الاسبوع الياي املج واروح
اتريا الرد منج
حبيبج حمدان لا تنسين اني احــــبــــــج

الود : واااااااااي فديت روح انا وردت طرشتله رساله

غناتي حمدان انا بخير من قريت الرساله
فالك الطيب جان تبا الملجه علي الاسبوع الياي انت خبر قوم امايه
وادرس عدل ماوصيك
من حبيبتك الود وطرشتها الود وبعدها سكرت المسن ولاب وراحت انسدحت علي سريرها وخشت اديها تحت المخده وشلت صوره شوق وباستها : تدرين شواقي اني تولهت عليج واايد وافرحي خلوف ملج علي غلوه وميود علي ريمو وانشاء الله علي الاسبوع الياي انا
احبج اتولهت عليج واااااايد وردت باست الصوره مره ثانيه وردتها مكانها __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آصغر ميكــآنيكي بالع ــآلم..!!	همس العشق	عجائب و غرائب	17	11-23-2010 11:00 AM
موضوع بالغ الأهمية ارجو من الجميع الدخول	محروم.كوم	منتدى أخبار المواقع والمنتديات العربية والأجنبية	0	06-19-2010 11:00 PM
مسمار بعين أسترالي دون ضرر بالغ	♥القلب الحنون♥	اخبار محلية و عالمية	4	09-25-2009 08:56 AM
طـــولـت بالغ ـــيبـه .. [سلطان الشحي]	• ™ мαяỉαмч «\|	كلمات الاغاني	42	10-22-2008 02:07 AM
> - - { فنـدق مآإآدونـآآ ـآلشهير .. أغ ـرب فندق بالع ـآإآلمـ ..	» [ ™S a s a ] ~	عجائب و غرائب	26	09-25-2008 01:39 AM