عباة ولا فستان

{,.בرايّـر.,» · #1 07-02-2008, 10:29 PM

السلام عليكم والرحمة

سؤال في بداية موضوعي ..
هاي عبي ولا فساتين ..؟
هاي عبي بالمعنى اللي نعرفه و اللي هو ( عباية تستر ما تلبسه المرأة)

عبي أنواع و أشكال
بكل الألوان
ضيجة لدرجة إنهــا تبرز ملامح جسم المرآه

في هــذي الأيام الأجانب اخترعو كل شي
و تدخّلو في كل شي
حتى لبسنا تدخّلو فيه
مو بس في الإمارات
هذا الشّــي منتشر فالخليج كلهـا
و ظهــرت ما تسمّــى بالعبائات الفرنــسيّة
تخــيّلو إنــكم تسيرون الموول و تشوفون بنات لابسين عبي شراتهـا
اللي مسوية عمـرها خفّــاش
و اللي عباتهـا قوس قــزح
و كل هــذي مفاتن ..!
تجــذب الشــّباب

ظهــور مثل هــذي العبي هو اكبــر سبب لمعــاكسة الشباب
طبعـا ماقول ان العتب كله ع البنت ..
صحيح ان هي اللـي اختارت تفصل شروا هالعبي
بس شو نقول دام الأجانب رزّو بعمارهم فكل مكــان
حتى العبي قامو يفصلونهـا لنا
صارت فساتين مب عبــي
و ماقامت تستر شي من جسم المرأة
بل صــارت ألعــن و ألعــن

سابقـا عبي مفتوحة و بناطلين تحت العباه
و لكــن الحين اخترعو شي يديد واللي هو "عباه شغل"

صــار الكل يفصل هالعبي
ما قلنا لا تفصلون
بس خفّــو من الشـغل الّلي فيه
بحيث لا يخالف احكـام ديننا الإســلامي

سرنا مــكان عــام ممزور بنات و شباب و شفنا هالأشكال من العبي
اللي يقول سايرين عرس هب مـكان عــام

وين أهــلهم عنــهم ليش ما نصحوهم
و كيف ما سألوهم اشعنّه فصّلتو هالعباه
و أحيانا أخوها ويّاها و هي لابسة عباه شغل
تجذب كل شاب يطوف عنها
وين الأخـو الي يخاف على اخته من عيون الشباب
وين غــيره الأهـــل
ما عــاد في خوف من رب العالمين
الدنيا تخرب و تدمر كل يوم أكثر و الناس ساكتة
متى بس يصحوون من غفلتهم و يدركون ان الي عايشينه غلط فـ غلط
ما بيستفيدون منّه أي شي
و لا عاد في تفكير في يوم الســّاعة
"يوم لا تقبل توبة عابــد"

الله يسلمكم أنا ما تعيبنــي هالعـبي أحسهــا هب شي وغلــط . . حتى لو ڪَان شي بسيط ما أحــبه لأن أحس هالشي يجذب الشبـاب ويخليهم يطالعونج وجـي والحين طبعا ما قصروا ڪَل يوم مظهرين لج موديل يديد الفراشه وما ادري شو والبنات اونهن يواڪَبن الموضه وڪَل وحده تسوي لها عباه وتتحدى الثانيـه أنا أحيد العبي للســتر هب للمباهاة أو الانجذاب . . حتى الحين يعني تشووفين العجب يوم تسيرين مڪَان عبي مرصصصه من الخاطر ومبطله والشغل جنه سايره عرس هب موول ولا مڪَــان . . الله يهدي هالبنات . .!

كل يو موديل مرة فراشة و مرة خفاش ومرة بات مان
صبروا شوي يا بنات بتطلع عباة خنفسانة و بقرة وسبال

.

.

سيلانية و انتحر __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إللي طلبت فستان عروس تتفضل(فستان عروس أبيض وبسعر مناااااااسب حياكن)	أم ريانM	بيع و شراء و عروض التجارية	22	11-07-2009 07:12 PM
تساؤلات و صدى عتاب	محروم.كوم	منتدى أخبار المواقع والمنتديات العربية والأجنبية	0	10-26-2009 07:00 PM
تساؤلات و صدى عتاب	محروم.كوم	منتدى أخبار المواقع والمنتديات العربية والأجنبية	0	10-26-2009 06:50 PM
عتاب	قـلب دبـي	شعر و خواطر	4	06-10-2009 08:44 PM
عتاب	ناقص حنان	التبريكات والمناسبات	10	05-05-2008 02:37 AM