«®°·.¸.•°°·.¸¸.•°°·.¸.•°®»شحالكم وشخباركم ،، عساكم بخـــــــير «®°·.¸.•°°·.¸¸.•°°·.¸.•°®»..


اليوم إن شاء الله بقدم لكم وصفتي واللي هي عبارة عن ( القريصات ) هي تشبه القيمات بس تكون عريضة شوي أو مسطحه .. ونحن نسميها قريصات ، اما عنكم انتوا ماأعرف شو تسمونها .. شوفوا وبتعرفوا !!

اولا نعجين العجينة ،، والعجين مكون من : طحين رقم واحد ، خميرة ، سكر ، هال مطحون شويه ، نيدو (جاف) ، ماي دافي .. وبس ، وتعجنيها بس ما تكون وايد رهيفة ولا غليظة وسط يعني ،، ونتركها عشن تتخمر ،، وبتصير لنا جي مثل اللي ف الصورة ..



عقب نييب تاوه مثل ما يسميها البعض ،، ونحط زيت شويه ف القاع مب واااايد ونسخنها على النار ..



ومن يسخن الزيت نحط من العجين شوي ويكون ع شكل دواير ، يعني شلي بإيدج شويه وحطيه ف الزيت مثل ما هو موضح ف الصورة ..



عقب من تشوفي اطرافها احمرت شوي اقلبيها على الصوب الثاني عشان يتحمر ..



وخليه شويه عشان يحمر الصوب الثاني ..



وحطي الورق اللي يمتص الزيت ف الصحن وطلعي لقريصات فيه ،، وهذا شكلهن النهائي بيكون جي ..




حطيه ف صحن صغير وحطي فوقه عسل أو دبس ، اللي تحبوه يعني ،، الناس أذواق ع قولتهم ..