இஇ يـــــــــــــــــــــــــــا عذابــــــــــــــــــــــــــــــــــــي இஇ - الصفحة 87

{,.בرايّـر.,» · #1 10-06-2008, 08:43 PM

في مكان بعيد عن الحشرة
مكان هادي.. موسيقى رومنسية
شمــــــــــــوع على إضاءة خفيفة
سهيل وشيما
سهيل اللي ما مل من كثر ما يطالع شيما..
شيما وهي ميته من المستحى: سهيل.. بلاك تطالعني جذه؟
سهيل وللحين سرحان
شيما: سهيـــــــــــــــــل.. هههههه شفيك؟
سهيل: هــــــــا؟ شو السالفة
شيما وهي تبتسم برقة: ما ادري عنك.. أنت اللي قاعد وسرحان
سهيل: تعرفين..
شيما: خير؟
سهيل: أحبج
شيما: والله؟
سهيل: وربي.. وأنتي؟

شيما: اممممممممممم
سهيل: شـــــو؟
شيما؟ شو شـــــــــــو؟
سهيل: تلعبين بأعصابي حضرتج.. جاوبيني؟
شيما وهي تستهبل: أجاوب؟ على شو؟
سهيل: لا والله.. قلت لج تحبيني؟
شيما: اممممممممممم
سهيل: يلا عاد شميم لا تزعليني __DEFINE_LIKE_SHARE__

{,.בرايّـر.,» · 10-06-2008, 08:44 PM

شيما: متأكد تبي تعرف
سهيل: أكيد
شيما: بس مارح تزعل
سهيل: يا ربــــــــــــــــــي شيوم لا تخليني أعصب
شيما: ههههههه خلاص خلاص.. بقولك.. أنا... ما أحبك
انصعق سهيل..
شيما نقعت من الضحك يوم شافت ردة فعل سهيل
شيما: حبيبي شفيك؟ لا يكون صدقت.. كنت بقولك أنا ما أحبك.. ألا امــــــــــــــــــــــــــوت عليك
سهيل جرب منها وهمس: ادري انزين
شيما: لا والله
سهيل: هي والله
قفطت شيما: وليش كنت حاشرني
سهيل: عسب أطمن يا حلو
شوي ويرن موبايل سهيل..
سهيل: أففففف كلش كلش هب وقته.. ورد من غير نفس
حارب: أنت ما شبعت مغازل..قم يلا بنروح
سهيل: ههههه وأنت ليش غيران؟ كيفي يا أخي
حارب: يا أخي هب زين خل شوي حق عقب العرس..
سهيل: هههههههه الله يخس ابليسك
حارب: يلا قم بنظهر
سهيل: وين أنتوا؟
حارب: عند القرية الصينية بنلاقيك

سهيل: خلاص نتشاوف هناك __DEFINE_LIKE_SHARE__

{,.בرايّـر.,» · 10-06-2008, 08:46 PM

وسكر من عنده.. وظهروا.. وبعد ما تشاوفوا الكل ركب سيارته
.. سيارة ثاني..
شهد وشمة الحمد الله راقدات وثاني ارتاح من صدعتهن
أم ثاني: ياحليلهن والله .. وايد اتعبوا
ثاني: هههههههه الا قولي ياحليله سواف... مات من كثر ما لعبهن
أم ثاني: هههههههه فديته والله.. حتى ميسون ما قصرت.. شهودة وشميم قالن لي أنها لعبتهن

ثاني: منو؟
أم ثاني: بسم الله شفيك.. أقولك ميسون ربيعة سارة
ثاني: هي والله ياحليلها ما قصرت.. يزاها الله خير
أم ثاني: ها ثنوي.. بلاك عالبنية.. لا يكون حاط عينك عليها؟؟
ثاني: هـــــا؟ أنا ؟ منو قال؟
أم ثاني: يلا يلا أونك عادة لا تنكر.. واضح انك حاط عينك عليها
ثاني: والـلـــــــــــــــــه.. أنا ما قلت لأ.. هي جمال وأخلاق وعقل ورزانة و.. و..و...
أم ثاني: بس بس بس .. حشى ههههههههه والله وطلعت هب هين يا ثنوي
ثاني: انزين إنتي قولي شرايج فيها؟
أم ثاني: شو بقول أكثر عن اللي قلته يعني؟
ثاني: يعني عيبتج؟
أم ثاني: والله ميسون بنت والنعم فيها.. ليش ما تعيبني
ثاني: خلاص عيل باجر نسير ونخطبها
أم ثاني: هههههههه لا إله إلا الله..
وقعدت أم ثاني تضحك على خبال ولدها __DEFINE_LIKE_SHARE__

{,.בرايّـر.,» · 10-06-2008, 08:47 PM

.. في سيارة علي ...
سيف ياحليله من زود ما تعب من المراكض ويا شهد وشمة ياه صداع ما قدر أنه يرمس..
علي: ههههههههه يا حليلك يا سواف... الحين منو برمسني؟
سيف وهو يطالعه بنص عين: تطنز حضرتك؟
علي: لا والله.. كنت مونسني بسوالفك
سيف: آاااااخ يا راسي صداع فضيع..
صح أن علي ارتاح من هذرة سيف بس كانت سوالفه مونستنه ع الاقل
.. في سيارة نادر..
ميسون قاعدة تفكر بثاني وكل شوي تذكر شكله.. وهب منبهه حق سوالف عليا ونادر
عليا: ياااااااي وايد استانست الصراحة.. وخاصة في اللعبة
نادر: الله يخسها من لعبة.. كنت بروح فيها
عليا: والله محد قالك
نادر: جب جب اللي يقول كلش ما زغتوا أنتن البنات يعني؟ صراخكن واصل آخرالدنيا
عليا: أنا كنت زايغة؟ منو قص عليك.. بالعكس وايد كنت مستانسة..حتى أسأل ميسون.. وتصد صوب ميسون: مو صح ميسون؟
ميسون طبعا كانت في عالم ثاني >>>>>>>>>صج عالم ثاني
خخخخخخخخخخخخخخخخ
عليا وهي تعلي صوتها: ميســـــــــــون؟ بلاج رقدتي شو؟
ميسون وتوها تنتبه:هــــا؟ شو السالفة؟
عليا: لا الظاهر أنتي خبر خير.. كملي رقادج أبرك لج
.. في سيارة أحمد وحصة..
أم سهيل وأم علي من زود التعب رقدن ياحليلهن
حصة للحين زعلانة من أحمد وهب راضية ترمسه

أحمد: حصـــة...
حصة:....... طـــــــاف.....
أحمد: حبيبي حصة.. ترى والله ما أروم على زعلج؟
حصة: خل شيشتك تنفعك
نقع أحمد من الضحك:ههههههه حلوة هذي
حصة: أعتقد إني ما قلت شي يضحك
أحمد: حصوه يلا عاد ارمسي.. ترى ما أروم أسوق وأنا أسمع شخير العيايز.. ارمسي عالأقل
حصة ضحكت من سوالف أحمد وما رامت تيود عمرها
أحمد: فدـــــــــــــــــــــــــــــــــــــيت هالضحكة والله
نزلت حصة راسها
أحمد: حصة يا قلبي.. والله غصبن عليه.. يعني شو نسوي شباب ومتيمعين قالوا تعالوا نشيش.. تعرفين ريلج ياهل وبسرعة ينقص عليه..
حصة: لا والله..
أحمد: هي والله.. قلت لهم أنا.. ما بي مابي بس أصروا ألا أشيش وياهم
حصة: بس أنت قلت لي انك ما تشيش ولا تدخن؟
أحمد: يعني تخافين عليه؟
حصة: كــــــــــنت... وإذا أنت ما تهمك صحتك فليش أهتم.. كيفك بدخن بتشيش .. ما يهمني
أحمد:أفااااااا.. يعني عادي عندج لو مت..
حصة: ودام انك تعرف أنه مضر بالصحة ليش تشيش؟
أحمد: عسب أدلع عليج.. أحس أن في أحد يخاف عليه
حصة: وربي سخيف
أحمد: ههههههههه والله العظيم أحبج
حصة: قص قص عليه الحينه
أحمد: شو؟ أقص عليج؟ يعل لساني القص إذا كنت أقص عليج
حصة: بسم الله عليك.. لا تدعي على روحي ترى ما أرضى
أحمد وهو متشقق: فديت روحج والله
حصة: بس توعدني انك ما تعيدها
أحمد: أوعدج؟ لا عاد هذي قويه.. خلينا نقول إني بحاول
حصة: بنشوف انزين
أحمد: حبيبتي والله
......................................

سووري على التاخير __DEFINE_LIKE_SHARE__

ذبحهم غلاي · 10-06-2008, 11:36 PM

تسلمين فديتج ع البارت الحلو
نتريا البارت لياي __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-23-2010 08:30 PM
இ♥♥♥இ بكل الحب مبروووووووووك .. متعني و متصرف இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-21-2010 04:30 AM
இ☜♥☞இ مجموعة الحمام المغربي لتببيض البشرة இ☜♥☞இ	محروم.كوم	منتدى أخبار المواقع والمنتديات العربية والأجنبية	0	06-29-2010 12:20 AM
mahmoud இ☜♥☞இ بكل الحب مبرووك இ☜♥☞இ ‏	محروم.كوم	منتدى أخبار المواقع والمنتديات العربية والأجنبية	0	06-03-2010 03:00 AM
இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ	Дјறàl Диsǎήһ	الإسلام والشريعة	10	07-07-2009 02:45 AM