இஇ يـــــــــــــــــــــــــــا عذابــــــــــــــــــــــــــــــــــــي இஇ - الصفحة 83

{,.בرايّـر.,» · 10-02-2008, 06:02 PM

وشمة تزيد صراخ..

أم ثاني وهي تهزب ثاني: ثنــــــــوي.. خلاص عادة يوز عن أختك
ثاني: هههههههه خلاص خلاص هب مودنج صخي
شمة: ما أهبك
" ما أحبك"
ثاني: أنا اللي ميت عليج الحينة... بس ما علي خل يدي يلعبج
شمة: مـــــــــــامـــــــــــــا سوفي ثاني..
" ماما شوفي ثاني"
ثاني وهو يقلد صوت شمة: مـــــــــــامـــــــــــــا..سوفي ثاني.. ما أحيد أمايا حولة.. أكي ها تشوفني
شهد تبتسم ببراءة.. وشمة ميته من الغيظ
أم ثاني: خلاص يا أمي اسكتوا خل نوصل بالسلامة
ثاني: هههههههه خل نوصل بالسلامة.. اللي يقول سايرين لندن
ههههههههههه
وقعد ثاني يسولف ويستهبل عليهن ياحليلهن __DEFINE_LIKE_SHARE__

{,.בرايّـر.,» · 10-02-2008, 06:03 PM

.. في سيارة نادر وعليا وميسون...
عليا وميسون ما وقفوا رمسة من يوم ما ركبوا السيارة..
نادر: حــــــــــــــــــــــــوه بسكن صخوا شويه.. حشى شو بالعين؟
عليا: حتى الرمسة ممنوعة؟
نادر: لا حبيبتي هب ممنوعة لكن لو مصختوها الظاهر بتصير ممنوعة
عليا: لا والله
ميسون: أنتوا كله جذي.. مناجر في مناجر
عليا: اصلا إذا ما تضاربنا يوم واحد بتكون معجزة.. صح حبيبي ندور
نادر وهو يطالعها بنص عين: ندور فعينج
عليا: ههههههه فعيني وقلبي وروحي بعد
ميسون: أوب أوب كل هذ حب.. يا بختك يا ندور
عليا: هي إنتي ميسون احترمي نفسج.. ندور أونه.. اصغر عيالج شو؟
ميسون: يا سلام حلال عليج وحرام عليه
نادر وهو داش عرض: بتسكتن إنتي وياها والا أفركن الحينة في نص شارع الإمارات
عليا: ميسون انطمي أخوي وأنا أعرفه.. يسويها
وقعدت ميسون تضحك بصوت واطي على هبل عيال عمها __DEFINE_LIKE_SHARE__

{,.בرايّـر.,» · 10-02-2008, 06:05 PM

.. وأخيرا.. السيارة الأخيرة سيارة علي ومعاه سيف...
سيف ما شاء الله عليه إذا رمس ما يسكت
وعلي الله يكون في عونه
سيف: اقول علوي..
علي: قـــــول.. ويا كثر ما تقول؟
سيف: أفــا الحين هذي يزاتي إني قاعد عندك وأونسك
علي: هههههههه انزين ما قلنا شي بس لكل شي حدود بس أنت ما شاء الله عليك راديو..
سيف: اللـــــــه وأكبر..
علي: ههههههههه أونك عادة
سيف: المهم .. خلني أكمل لك السالفة..
علي ومن غير نفس: كمل
سيف: أقولك الأستاذ بعد ما زخني وأنا كنت أغش سحب عندي الورقة.. جان اقوم وأصارخ وأقعد أهزبه ولا سويت له سالفة..عقبها غمضني ياحليله مصري.. وأكثر شي اللي حدني إني أتسامج منه تعرف شو؟
علي اللي يقول قاعد يسمع: شـــــــــــو؟؟؟؟
سيف: ههههههههه اسمه الفقير اسمه فنتكة.. شحاته ههههههههههه.. المهم أقولك سرت له واتسامحت منه .. عقب تخيل شو سوا عطاني الورقة وفوقها البراشيم.. قالي غش بس لا تخبر حد..هههههههههه اسميه مال مقصة __DEFINE_LIKE_SHARE__

{,.בرايّـر.,» · 10-02-2008, 06:06 PM

علي: عيل منو يقدر عليك أنت؟
سيف: المهم خلني أقولك سالفة ثانية..

قاطعه علي: يــــــــــــــــــــــــــا صبر أيوب على بلواه... يا ربي متى بنوصل خلاص يا بوك تراك طفرت بي
وسيف ناقع من الضحك
.............................................
الساعة 6.7 المغرب..
وصلوا القرية العالمية
بعد ما نزلوا من سياييرهم وثاني كل شوي يعدل عقاله.. مستانس أن ميسون وياهم..تجمعوا كلهم ودخلوا سوا..
طبعا البنات مع بعض
والرياييل يتبعونهم
أول شي ساروا صوب المصلى وصلوا عقبها بدوا يتمشون في القرية كلهم ويا بعض
.. في القرية السورية..
حصة وسارة والبنات اختارن جلابية وايد غاوية واشتروها عسب كانن حاطين في بالهن أنهن بطقمن
بس كل وحدة خذت لون
سارة... لون أحمر
حصة... لون سماوي
ميسون... لون أخضر
شيما... لون أصفر
وأخيرا عليا... لون أزرق __DEFINE_LIKE_SHARE__

{,.בرايّـر.,» · 10-02-2008, 06:06 PM

في هالوقت انتبهن البنات أن الشباب هب وياهن.. يا سلام يعني يباخذن راحتهن
حصة: وين عموه وأمايا؟

سارة: شكلهن ويا سهيل وأحمد..سمعت أنهن بقعدون في مكان.. تعرفين بعد ما يرومون ع المشي
ميسون: زين عيل.. عسب ناخذ راحتنا أكثر
عقبها دخلوا البنات القرية الكويتية..
عاد هالقرية ما عليها رمسة وخاصة الدراريع اللي عندهم روعة
واشترت حصة جلابيتين وشيما وحدة حق أمها
أما سارة اشترت بدلة روعة باللون البرتقالي.. وعقب ما شافتها عليا عيبتها وايد واشترت مثلها..
وعقب ما دخلوا كذا قرية.. __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-23-2010 08:30 PM
இ♥♥♥இ بكل الحب مبروووووووووك .. متعني و متصرف இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-21-2010 04:30 AM
இ☜♥☞இ مجموعة الحمام المغربي لتببيض البشرة இ☜♥☞இ	محروم.كوم	منتدى أخبار المواقع والمنتديات العربية والأجنبية	0	06-29-2010 12:20 AM
mahmoud இ☜♥☞இ بكل الحب مبرووك இ☜♥☞இ ‏	محروم.كوم	منتدى أخبار المواقع والمنتديات العربية والأجنبية	0	06-03-2010 03:00 AM
இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ	Дјறàl Диsǎήһ	الإسلام والشريعة	10	07-07-2009 02:45 AM