السلام عليكم ورحمة الله وبركاته

يشرفني ان اضع لكم اول قصيده لي بمنتدى مكشات والذي قصرت معه كثيراً من ناحيه انعدام مشاركاتي وهذه القصيده عربون اعتذار للمنتدى السخي بكل شيئ

(ول !يالذي عينه كما قوع فنجال)=جيب السفاري منوة اللي سروبه
نيسان لاشبهت مهره وخيال=اللي على راس الطويله رقو به
مكملين شروطهم اربع رجال=ومتعزبين لجيبهم ما نقصو به
سواقهم مضبوط مشيه ولا مال=وجه شمال وفاهمً في دروبه
يمر بين خبوت ويمر بتلال=ويشر ! على منزال عام نزلو به
تشاورو وخيارهم طيب منزال=ثم وقفو ثم نزلو ما جهزو به
تسامرو مابين قصه وموال=والشعر حاضر والورق ما قرو به
يازينها رفقه بها راحة البال=العلم غانم وعلمهم جاهرو به

وسلامتكم

فايز العنزي