قصة فتاة اهتديت على يد شاب بسبب عبائتها المتبرجه .. =)

الريم كسرتيم · #1 01-07-2010, 07:21 PM

في يوم من الأيام قابلت زميلتي (س . ع) وهي ترتدي عباءة سوداء من القماش الثقيل وفضفاضه

تفاجئت في الوهلة الأولى لأني لم اعهد زميلتي من قبل بهذا الأحترام...

فقد كانت تلبس العباءة المخصرة المطرزه التي توحي للناظر بأنها فستان..

وكانت تكشف وجهها مع اضافة بعض مساحيق التجميل الخفيفه بحيث تبدو طبيعيه

بعد حديث مطول بيني وبينها سألتني: باين عليك انك مستغربة من عباتي لأن مو بالعاده اللبس كذا !!

اجبتها : بصراحه بس ماحبيت اسألك

ابتسمت في وجهي قائله: الحمدلله الي هداني الى طريق الصح

والله يوفق ويصلح اللي كان السبب

- أي سبب؟؟؟؟
اسمعي السالفة: في يوم كنت رايحه مع صديقتي السوق وكنت لابسه عباية ملونه ومطرزة وشك من فوق لتحت والفه ( الغشوة) شفافه وتلمع وكنت كاشفة الوجه وحاطه لي كريم اساس وكحله وماسكره وروج وردي ناعم وانا اتمشى بالمجمع لاحظت ان شاب قاعد يراقبني بنظراته ...وبعدين

- تطور صار يلاحقني ،، طبعاً ماهتمينا فيه لأن احنا في مجمع ومايقدر يلمس شعره مني
- ايه وبعدين وش صاااااار!!!!!

بعد ماوصلنا مكان شبه معزول بس كان فيه ناس وقفني وقال لي: حرام عليك اللي تسويه فيني .تبغيني ارتكب الحرام غصب

انا انصدمت من كلامه وقلت له: وش تقصد؟؟

قال: انتي مو شايفه شكلك مو شايفه عبايتك مو شايفه مشيتك... والله حرام عليكم تلفتون انتباهنا وتخلونا نرتكب الحرام
بعدين رفع ايده للسما وقال: يارب ضاعف لها العذاب ضعفين مثل ماعذبتني وعذبت غيري

وبعدها رجعت البيت وانا افكر في كلامه ... طول عمري اتزين واتمكيج .. بس كنت اتوقع اني بحمل سيئات نفسي مو سيئات كل شخص الفت انتباهه..

يعني اذا لفت انتباه 100 شاب بكره يوم القيامه ربي بحاسبني عليهم اكثر مما بحاسبني على نفسي

وقعدت ابكي وابكي وابكي واستغفر ربي على جهلي وقررت اني اللتزم بعباية محترمه واغطي وجهي عسى الله ان يغفر لي ذنوبي

صديقاتي واخواتي لا تبالغي في زينة عبائتك فحتى لو كانت في نظرك عباءة خفيفة الألوان وزخرفة والتطريز لكن لاتضمنين نظرة الشباب اليك...

فلا تجعلي عبائتك وحشمتك حجه عليك يوم القيامه

دعونا جميعاً نتمسك بالعباءة الاسلاميه ولنفتخر جميعنا بخلووو عبائتنا من الألوان والزينه

.

__DEFINE_LIKE_SHARE__

BOSS KK · 01-08-2010, 02:09 PM

ها الكلام عين الصواب

اتمنى والله الكل يسمع الرمسه

لا عباه مفتوحه ولا مزينه ولا هم يحزنون

أسود ساده وفضفاضه ...والله حلاته..^^

ترانا من نشوف هاي الأشكال من عباه مفتوحه ومكياج وخربطان..صج صج ...إيينا الشيطان وغصب نفكر بالغلط
وهم السبب..

الله يهديهم اجمعين

مشكوره اختي وبارك الله فيج
ما قصرتي والله __DEFINE_LIKE_SHARE__

ريـــف.. · 01-08-2010, 02:23 PM

×

.
.

قصه حلوآ حيييل
جزآك الله خير ~
فميزآن حسنآتك

يعطيك العآفيه

’’

تسلملي ديآتك ..

مآننحرم^^ __DEFINE_LIKE_SHARE__

Ủм Šʜαʜάđˇ · 01-08-2010, 03:45 PM

هيه يابنات اسمعوا الرمسهـ والبسوا عبايهـ ....العبايهـ للستر مب للزينهـ أو فستان .. (طبعا مب كل البنات ...كل بنت عارفــهـ نفسها طبعا)....... واقروا القصــهـ عدل يمكن الله يهديكم شراتهااااا ......يلاااااااااااااااااااااااااااا

مشكوره اختي ع القصــهـ الحلووووووووه.......^^

اختج ..
ماحد شراتي ..^^ __DEFINE_LIKE_SHARE__

【الهامورة】 · 01-08-2010, 05:18 PM

السلام عليكم ورحمة الله وبركاته

الله ايكثر من امثال هالشاب ...

البنات يعرفن وش يبن جنة والا نار .. ومثل ما اختارن صيغة العباة وسلكها .. بيختارن هالشي ..

تسلمين وربي يجزاج الخير ... __DEFINE_LIKE_SHARE__