الســ(تقرير عن الجي تي ار Gtr 35 الجديد)ــو يدي

الســـويدي · #1 06-18-2008, 04:20 AM

مرحبااااااااااااا ...

الكل يعرف الموتر الوحش " الجيتي "

وهالموتر عاش صداقة قوية مع شباب الامارات من ايام الثمانينات

وامتعنا وايد بسباقاته ونغمته الحلوة ... وحتى ويلاته @_@

ولكن اندثر ف الفترة الاخيرة .. يوم صدر قرار بانه يتوقف من الشركة المصنع الام ف اليابان NISSAN
ف سنة 2001

ولكن مشاءالله على الشباب ... حافطو على هالموتر ... وفيه منه الجديم الي من موديل 79 لين ال2001

وعيني باردة على شباب المنطقية الشرقية ( الشارجة وعيمان والفجيرة وانته ساير ...ألخ )
لانه تلاحظ غالبية مب شوية منهم للحين الموتر محافظين عليه ... ومسولهم جـــو ... ^___^

فــ سنة 2005 ... كشفت الشركة NISSAN ... عن المفاجاة القوية فــ معرض طوكيو ..

لاول مرة ...عن اسطورة الجيتي ار ... الجديدة ..

وباسم جي تي آر 35 GTR

فنقول (( بسم الله الرحمن الرحيم ))

وبه نبدأ ^_~

حيااااااااااكم فــ تقريري البسيط والسريع ... عن السيارة الاسطورة .. من شركة نيسان NISSAN ...

الجيتي آر GTR 35 الجديدة كليا .. @@

مثل ماشفنا وعرفنا وسمعنا من الاخبار ...

انه الجيتي آر الجديد وصل البلاد هنيييييه عدنا ف الامارات ... قبل اسبوعين تقريبا

مع انه سمعنا اشاعة قوية تقول بانه الموتر مابيوصل الشرق الاوسط بالمرة ..

بس الحمدالله ... وصلت دفعة بسيطة للخليج ..ماتتعدى ال30 سيارة

ووزعت على عدة سيارات قليلة مابين الكويت والبحرين

ولكن الامارات كان لها نصيب الاسد من هذا الموتر (( ملك الشوارع ))

ومجموعة الدفعة الي وصلت البلاد كانت الاعلى مابين الخليـــــج

وكانت دفعتين .. للدولة

للشيوخ وكبار الشخصيات فقط ..

الاولى تقريبا مجموعها 7 سيارات لديوان بوظبي ... وانشلن كلهن ..

وموترين حق شيخ من شيوخ المعلا ( ام قيوين ) طولي بعمارهم

و المجموعة الثانية 18 سيارة ..

لدبــــــي

وترتيبها كــ الاتي ..

15 سيارة " عدة الوان "للشيخ حمدان بن محمد بن راشد آل مكتوم (( حفظه الله ورعاه ))

و( سيارة ) وصاحبها الشيخ محمد بن مكتوم بن راشد آل مكتوم (( حفظه الله رعاه )) وولونها حمراء

( سيارة) وصاحبها خالد الرستماني ولونها رصاصي دخاني ( ولد راعي وكيل النيسان ف دبي ( الرستماني " العربية للسيارات )

بس بعدها ف الوكالة مطربلنها ههههه

والاخيرة ولونها ابيض واحد من قوم السويدي من دبي ورقمها 825 C دبي

اني عن مواصفات الموتر

والبداية شكله

انسيابيه حلوة[img][/img]
[img][/img]

وقفة جمالية ^_^

[img][/img]

الرنق دخاني يليق بكل الالوان [img][/img]

ويا ويلي على الاصطاب الخلفي ( الليت الي ورا )) الي ماتغير عن الموديلات الجديمة
[img][/img]

وهذا هوه الابيض !
[img][/img]

وهذا هوه نفسه الابيض من الداخل
[img][/img]

صورة اقرب
[img][/img]

والسكان
[img][/img]

والشاشة
[img][/img]

والمكينة .. تخوف ^_^[img][/img]

ومجموعة بسيطة
الاسود رعـــب بصراحة , ,[img][/img]

طبعا بنتكلم عن الموتر الحين بشكل عام , ,

بلد الصنع : اليابان

المصنع : NISSAN

سنة " التسويق " : 2008

السعر : حسب الدرهم الاماراتي 435 الف درهم

2 باب ... كوبي يعني ... @@

مقاسات السياره

الطول : 4655 مم

العرض : 1885 مم

الارتفاع : 1380 مم
قاعدة العجلات : 2680مم

الوزن : 1740 كلجم

المكينة نظام TWIN TURBO .. يعني نحن نقول ...تون توربو ... ثنينة ..

6 سلندر

3.8 لتر

480 حصان ( حسب اخر تجربة )

نظام القير 6 غيار

من الصفر لين ال100 حسب الكيلو فـــ 6 , 3 ثواني ( حسب اخر تجربة لها )
ومن الصفر لين الـ 60 حسب الميل

وهنيه حطيت لكم فيديو .. تجربة الجيتي ار وكالة من غير تزويد

مع الزد 350 ا المزود حق سباقات ال GT500 المعروف بانه قوي ومايتقارن

والجيتي آر .. مسح الارض بهالموتر
http://فــيـــديو التجربــــة

وهذا فيديو استعراض ... شوي عن الخاطر ...^____^

الاستعـــــــراض

والدفعة الي الياية الي سمعناها انه بتكون السنة الياية ان شاءالله ..

وبعد سمعت انها بتكون معدودة وحق كبار الشخصيات

يعني مالنا نصيب فيها ...
بس الي يقدم طلب من الحين .. يمكن يسوون له اولوية وانته وحظك ..

وهذا ماكان ف تقريري البسيط ... وعسى انه نال اعجابكم وتقديركم
واسمحووووووولنا طولنا عليكم

والسلام عليكم ورحمه الله وبركاته ...

اخوكــــــــــــم .:. الســـويدي .:.
[img][/img] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الجديد buxcent الضغطة ب 0.01 و الحد الأدنى ب 1 دولار	محروم.كوم	منتدى أخبار المواقع والمنتديات العربية والأجنبية	0	05-26-2010 04:00 PM
تقرير الكائن الحي الذي لايشرب الماء أبدا سبحان الله	محروم.كوم	منتدى أخبار المواقع والمنتديات العربية والأجنبية	0	11-29-2009 08:50 PM
الحج صوت وصوره ( تقبل الله من الجميع ) تقرير شامل مصور	محروم.كوم	منتدى أخبار المواقع والمنتديات العربية والأجنبية	0	11-12-2009 11:30 PM
الحج صوت وصوره ( تقبل الله من الجميع ) تقرير شامل مصور	محروم.كوم	منتدى أخبار المواقع والمنتديات العربية والأجنبية	0	11-12-2009 11:20 PM
هل في الجي ام سي الجديد مشاكل في الحراره؟؟ صور من العيص	محروم.كوم	منتدى أخبار المواقع والمنتديات العربية والأجنبية	0	05-22-2009 01:01 AM