البنت تغرم بالبنت

غلا الغيث · 01-07-2008, 07:24 PM

وعليج السلام والرحمه

هذا الموضوع تعبت وانا اكتب عنه

تبين الصراحه اتعرضت لهالمشكله

وشرات ما قال اخويه الخطاف البنت اللي تنحب هي اللي تتضرر

وانا اتضررت وايد

..

والصيبه ان نحن كانت كل نقاشاتنا ورمستنا عن الاعجاب

وبين سنه والثانيه انيي وننصدم ان عصر الاعجاب خلاص انتهي

وبدا عصر العشق والغرام

بترمسين

بيقولن لج كل البنات جذه

بتصخين بتنصدمين اكثر

اذا الحينه الابنيه قامت اتشارك حبيبتها الفراش والعياذ بالله

وغيره وغيره أشيا الصراحه تستحين انج تذكرينها وجنج ترمسين عن فلم اجنبي فاضح مب عن بنات البلاد اللي ويانا فالمدارس والجامعات

وغير هذا ما تبا اتعرس

على قولتها خلوني اعيش حياتي

ومرات اتفكر انها تتزوج اللي اتحبها <<<< يعني صار هالمجتمع شرات قوم لوط والعياذ بالله

اي حياه هذي ؟؟

هي تتلذذ بهاي الاشيا لكنها لو فكرت اشوي بتحس ان اللي اتسويه ارف بمعنى الكلمه

والمشكله ان الابنيه لو طاحت فهاي الامور صعبه وايد انها تظهر منها

.
.

هي تتهرب من شي اسمه الفضيحه واتحاول تزخ عمرها عسب ما تتمادى ويا واحد من الشباب

واتيي واتييب لها البديل واللي هو وحده من البنات

لكن صدق

عقب امنو بيرضى يخطبها اذا درا انها من هالنوع

انا نفسي ما برضى اني أخطبها لإخويه

إتعددت الاسباب والمرض نفسه

ضعف الوازع الديني

اذكر على ايام الثنويه العامه

لو مشيت فالساحه انصدم

اسمع العجب

ما يرمسن الا عن الحب

حسيت عمري صدق فمجتمع غريب

ما مرت عليه وحده كانت عندها سيره ثانيه

اللي اتصيح [ حبيبتي خانتني ]

اللي الهم ذابحنها ومب رايمه ترقد الليل [ حبيبتي ما اترد ع مسجاتي .. حبيبتي اتصدني ]

اللي اترد عليها [ ما عليج هاي لعّابه .. قصت على كذا وحده ]

واللي اتقول [ اللي خانك خونه ]

واذا اتطورت السيره اشوي

اسمع وحده فالاعداديه او حتى فسادس ابتدائي اتقول

انا احبه

الثانيه اترد

هذا كافر اشقا اتحبينه

اتقول لها مب كافر .. مسيحي يعني يعرف الله !!!!!!

<<< وهالسالفه صارت يدامي

وايد وايد وايد

لو بتم ارمس عن اللي اشوفه واسمعه ما بخلص

وبتتشوه صور البنات فعيون الشباب وحتى فعيون البنات اكثر واكثر

^^

واسمحيلي عالاطاله __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
«تنظيمية التعاون» تغرم الوصل 150 ألف ريال سعودي	ولـد الـمـرفـأ	رياضة محلية و عالمية	2	05-07-2010 07:38 PM
دبي للخدمات المالية» تغرم «الاخوان عبد الله» 11 مليون درهم	محروم.كوم	منتدى أخبار المواقع والمنتديات العربية والأجنبية	0	03-22-2010 02:50 AM
الرجاء المساعده بالبوت	محروم.كوم	منتدى أخبار المواقع والمنتديات العربية والأجنبية	0	02-24-2010 03:50 PM
المحكمة الرياضية تغرم تــــوتــــي	مزيون آلـ ع ـين	رياضة محلية و عالمية	7	06-06-2008 08:07 AM