•..{ يا عاشقين اسمعو قصة غرام احكمو}..•

ţЋề ĀИģĔŀ · #1 12-30-2009, 07:53 PM

مرحبآآ مليوون ولا يسدن في ذمتي

اممم اول مره أكتب قصه وأول مكاان أنزل فيه القصه هني

انشا الله أشووف تفااعل

مااي ستوري من وحي الحقيقه وبطلها وااحد أسمه سيف أبيضااني شعره نعيم وطوييل

جسمه حلو ويكره البنات كره العمى وكل مع ولد عمه رشوود وعمره ماشاف بنات خالاته بس يعرف بنات عماته

بس هب متأقلم معااهم

(عند سيف وراشد ) كانو يسوولفوون ورن مباايل سيف كان عبيد

عبيد : هلا والله
سيف : أهلين
عبيد : أقوول سيف ترى مسوين عزيمة اليوم وابغيك تكوون موجوود

سيف:بجووف اذا كنت فااضي
عبيد : لا ماشي لازم تكوون موجوود
سيف : بحااول أفضي جدول أعمالي
عبيد : يلا عاد كله عند رشوود رشوود
سيف : بحااول أفضي عمري
عبيد : وغلاتي عندك لتكون موجود
سيف :أوكي أوكي بكوون موجوود
عبيد :زين عيل أنا برووح بجووفك بعدين
سيف : مع السلامه
عبيد : مع السلامه

راشد : هاه سيفو شو يبغيك
سيف : ماشي يبغيني أكوون في بيتهم اليوم
راشد : وبتسير
سيف :هيه
راشد : يا الخريط قايلي بنسير عوافي
سيف : اسمحلي رشوود بس والله غصبني
راشد :ياربي وأنت ربيع من خطف
سيف : شسوي
راشد : قووله مغوول
سيف :قلتله كان مصر
راشد : وضااعت علينا سيرت عوافي وااحسرتااه
سيف : عادي خيرها بغيرها
راشد :قاام يضربلي امثال الولد أقوول سير سير تسبح للجمعه
سيف: يلا عيل اشووفك يوم برجع من العزيمه
راشد :مع السلامه

راح سيف بيتهم ودخل البيت
كليثم أخت سيف : سيف حسبن الله عليك ماتسبحت للحين
سيف : أحين بتسبح
كليثم :بسرعه احين الساعه 12
سيف : زين زين
ريم بنت كليثم : وييييييييييو ناازعووه
سيف صخي يلا صخي يووم يتكلموون الكبار الصغار ينطموون
ريم : يدووم نازعيه
أم سيف : يا ربي خلها في حالها
سيف : بس عشان أمايه ولا أنا بسفرج سيلان
ريم : سخيف
كليثم : بس ريم خليه يرووح يتسبح
راااح سيف وبدل ثيابه وتسبح وصلو الجمعه عند بيت عبيد
سيف مايعرف وين الصاله والميلس مايعرف شي في البيت
ودخل الصاله وشاف هذيك الملاك جدامه من جمالها ماقدر ينزل عيونه بعد خمس دقاايق

سيف : وين عبيد
....: عبيد في الميلس
سيف ارتبك لأنه مايعرف وين الميلس
سيف : محد هني غيرج
...: لا بس خواتي
سيف : أمج
... : لا ماما محد
سيف : ابوج
... : لا بابا محد
سيف بالله ابتلشنا : انزين وين الميل

راحت وودته عند الميلس عند باب الميلس
.... : لا تنسى بيتنا مره ثانيه
سيف : أوكي مشكووره
....: العفو
دخل سيف وكاان سرحاان بالملاك الي شاافهاا جداامه وخلوود ولد اخته حس انه سرحاان

خالد : سيفو بلاك
سيف : ها لا ماشي
خالد : يعني انت ماعندك سوالف البنات يعني بمنو بتفكر
سيف : بعدين بقوولك
خالد : لا احين
عبيد الي كان لا هي مع الشباب شاافهمو واستوى عنده فضوول
عبيد : في شو تتساسروون
سيف : لا ماشي
عبيد : يلا عااد أنت اصلا هب على بعضك شفيك
سيف : ماشي والله ماشي
عبيد : برووح أجووف شي نشربه وبرجع لا تتكلموون ولا كلمه
طلع عنهم عبيد
خالد : بتقوول شفيك ولا لا
سيف : بقوول بس هب جداام عبيد
خالد : ليش يعني
سيف : بعدين بعدين
خالد : عيل والله لتقول
سيف : ماشي بس جفت بنيه وعيبتني
خالد : احلف
سيف : والله
خالد : لا لا حد يصب علي ماي باارد أنت تحب مستحي سيفو يحب لا
سيف : ماقلت اني احب قلت عيبتني
خالد : وغربلاتك وشسمها
سيف : ماعرف
دخل عبيد عليهم
عبيد : هاا شو قلتو
سيف : ماقلنا شي
عبيد : حلفو عااد أكبر خرااطين
سيف : عيل بقوول لخالد خبله انا
خالد : ليش شو فيني انا
سيف : لا ماشي سلامتك
خالد : مسود الويه
عبيد : احترام الكبير وااجب
سيف : أي احتراام يا حسرى
خالد :خخخ المهم عبيد سيف يبغي يشووف بيتكم عادي

ستووووووووووووووووووووووووووووووووووووووووووووب

شو راايكم في القصه وشو تتوقعوون بيستوي هل عبيد بيواافق على طلب خالد
وبيشووف سيف ذيج البنيه وبيعرفهاا
توقعااتكم وراايكم على القصه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جديدي حكاية عاشقين	محروم.كوم	منتدى أخبار المواقع والمنتديات العربية والأجنبية	0	03-18-2010 08:11 AM
حوار بين عاشقين	وريثــة القلــب	شعر و خواطر	5	10-15-2009 09:45 PM
الامير الفارس محمد السديــري رحمه الله اسمعو نخب القصيد	محروم.كوم	منتدى أخبار المواقع والمنتديات العربية والأجنبية	0	07-10-2009 02:20 PM
نعيمي وليا الفخر {}{}{}{ رجال إذا اسمعو نداه اجمعوا لبيه	كنترول النعيم	تصاميم الاعضاء	24	06-30-2008 12:36 AM