مع غيري( إلـ ع ـب) وبين له( مهاراتك) - الصفحة 5

هيمـان يالمنصوري · #1 06-24-2008, 03:44 PM

الــ ج ــزء الرابــ ع..

••.•°¯`•.•• صدفــــة ••.•°¯`•.••

شفته وروح خاطري مشحـوني..عني بعدي وصورته في عيوني..
والناس ما تدري عن ال ماياني..كني طـــــعين بمرهفن مسنوني..

ظهــر سيف من سيااارته..وتم ايصاااارخ على روضه ابصوووت عااااااالي.. <<<<ويا رااسه..
سيف:شو انتي ماااااااااا تشوفين..تربعييين جنج الا ياااهـــــــــــــــل..ويمكن اليهــــال احسن عنج..
روضه" خااايفــه..بس كنت تحااول تصلب عمرها..":انزين انااااا مااااا جفتك..
سيف:جــــــــــب وياااا هالويـــــــــــــه..لقفتي دربــي ولا ما قبضت برييك جنج الا من عدااااد الموتى..ياليعرى..
روضه..دمعتها واااقفه عند طرف عيوناتها..تتريا كلمه منه اكثر عسب اتطييح..بس مب روضه اللي اتصيييح عسب هالسبــــــــــال..هاذي الرووض اللي ما يهزهـــا شــــــي..رفييـــــــعة الشاااان قوية العــــزم...>>بس من داخلها اضعف ضعييفه..
قفى بها وراواها عرض اكتووفه..وحرك سيااارته وتم الرمل كله افويهها..بسبة سيااارة الخسيس ع قولتها اللي اسمــه سيــف.."بس والله لارد حقي..هب انا اللي انسى اللي يستويله افدقااايــق.."
ثواني ووصلـــن شمووس وفطامي..وفالسياارة تم حموود رااس البلا يضحك..رااحــو العزب..ويوم وصلــوا للبيت..طلبت من فطامي وشموس ما ينشرن الخبــــر..ماتــــدري لييش؟؟
"ماااااالت علييه الحمار جايفني اصغر عياااله يهاازبني..وياا هالراااس..اول مرة يهزبني..حد غير حمدان خوويه..ولا ويقفيبي عاااد...ويرويني ظهره ..اول مرة يستويلي هالموقف وينزل من مســــتواااي..سهيل سهيل اللي انا احبــه واتقبل كل شي منه..ما سواالي هالحركـــه..ايي سيف اللي ما يودي ولا اييب يسويلي هالحركه..سمعـــت انه خقــاق..وسمعت انه حااد الطباااع..وسمعت انه له هيــبه..وسمعت انه مزااجي لأبعد الحدود..وافــدقيقه يتغير مزااجـــه..سمعت انه قوي قلـــب..وسمعت ان رحااامته محد يتحدااه ابسبتهــا..سمعت انه طويييل وعرييض..وعظمته كبيرة..سمعت ان سند وظهر ومايرد حـــد..وسمعت ان لا انطــرى اسمه في الميالس الا فزوا الرياااييل وقالوا والنعم والله..سمعت انه يعتمد عليه..وانه شهم وبدوي ع الأصووول..وان بناات اسويحـــان وبوظبي يموووتن على نظره من عيووونه..وسمعت ان رااعي الفزعاات ..وعلاقاته وييا النااس واايد اووكي..والكل يذكره بالخيــــر..سمعت المدح وابووو المدح فييه..هاللي سمعته بس مـــا سمعت ان اسلووبــه مااصــــخ..ولا يعرف يتفــــاهم..وانه يستفز غيـــره...؟؟!!!! اف والله قـــــــاهرني.."

كــانت روضه مب رااضيــه تتعشى ويااهم..وياالسه ورى الحرمات بشوي وهن يتعشن فالحوي..وعنودي تلعب جدامها..مــن بعد ماتعشــن البنات والحرمات .. يلسن البنات عند الحرمات يتسمــعن سوالفهن ويعلـــقن تعليقات بسيييطه..ع السااعه 12 بدى العرب يرووحون وينفضى الحــوي..الكــل سااار يرقــد..طبعن الا البنات والشباااب..يااتهم خلوودي بطرها"بشورها" واقترحت عليهن انهن ايسييييرن صوب الصاله التحتيه اللي فيها الفيديو ويجوفـــن فييلم هندي يديد وتوه طاالــع..ولأن روضه اتحب الأفلاام الهنديه الا اتموت فييــــها...اول من رحب بالفكـــــره..

تمن ايطاالعــن الفيلم..وافنص الفيلم يووا الشباب وخربوا عليهن..اللي حدروا الصاله هم حمد وسهيل وسيف وخلووف....والصرااحه هااييل دوومهم وياااا بعــض..وشلة محد يتحداااهم..
اما محمد وحمدان ما يوو..محمد راقد فالملحق..واهناك عندهم غرف خاصه فيه..أما حمدان مسوي طااااف لبنااات العاااايله.. وسار زاخر صوب هل حرمتـــه..ولا يعطيهن ويــه..هع هع هع هع هع..
يلسوا هاييل الثلاثه ع الغنفه..يعني مجاابل رووضــه بالضبط....وبدوا يستهبلون..اونه هاذا شو قصته..وهاذا شو سالفته..؟؟وين حبيبته....
ااااااااااااااااه ياااا نظرااااات سهيييييــــــــــل اسميييــــــــــها صوبت قلبها.."فدييييييييته وفدييييت نظرته..وفديييت قلبه..والله احس عمريه ضااايعه بدووونه.."هااي روضه اترمس عمرها..متناااسية وجـــوود اللي يالسين عندهــــا..
كاان يطالعها..و هي صدت صوبه مرة وحده وبعدين طنشته..فطامي لو انتبهت لهم بتم طاايحــه فيهم تعليقات..واهي ماا فيها عليها..باختصار فطوم ما تستــحي من حــد..عادي عندها ترمس عن سهيل وروضه ونظراتهم جدام حمد وسييـــف وخلووف..
كاااانت ااتفكــر ولا انتبهت لا للفيلم ولا للشبااااب اللي كانوا يرمسون وييا سلامـــه..تسمــع اصواتهم وتسمع رمستهم ولكن مب عاطتنهم هااذااك الإهتمااام..ولا تفهم شو يقولون..فزت من يلستها وهي اتجووف الكل يطاالع صوبهـــا ويزقروونها..اقصد البنات..
الكل:روووضه والله مالنا خص رووضه اتعرف..
صد تروضه صوب فطامي اللي كانت تضحك وتقول..:بتحبوا ميين..
خلودي وسلامه وشموس وغبوش وموزة:رووضــــــــه..
فطامي:يلا قووولي معانا ؟؟
خلودي وسلامه وشموس وغبوش وموزة:رووضه..
روضه:بـــــــــس فهموني السالفه..
حمد:ليش الأخت ما كنتي يااالســــــه ويــــــانا..
روضه:كنت ياالســه بس ما انتبهت لكم..
خلودي:اوكيك انا بقوولـــج شو السالفه...الشباب المفلع اللي عندنـــا يبوون نسكاافيه..واذا عيبهم بيخلونا انجوف الفيلم ونكملـــه..واذا ما عيبهم بيشلوون الفيلم وبيودعوونا..
روضه:احن ياايين قبلكــــم..والمطبخ يرحب سيروله..
حمد:لأ يعني لأ يعني لأ..
فطامي:دخييييييييلج رواااااضي انتي الوحيده اللي اتعرفين اتسوويين هالأشيااااء..دخيييييلج والله الفيلم رووووووووووعه..
شموس:دخيييييلج رواضي طلبناااااااااج..
خلوودي:حراام عليج والله الفيلم طر ونبا انكملـــه..
سلامي:روااضي بيعيبهم غصب عنهم..انتي الوحيده اللي محد يغلبج في النسكااافيه وهالسووااالف..
موزة:فدييييييييييييت قلبج يااا بنت راااشد ..طاااالبتنج سويلهم خليهم يظهروون من الصاله..
غبوش:تدرين روااضـــي اول مرة اجوووف فيلم هندي..
روضه " مستسلمه":امري لله..
صاارخن البنااااات... وفرهن حمد بالمخده الصغيرونه يسكتهن الشوواب والعيااييز كلهن رااقدين..
نشت روضه وهن ورااها ..وحدرت المطبخ وسوت النسكاافيه..صج ترى محد يسوي نس كاافيه من بنات العاايله شراتــهااا..والعصير وهالسوالف اتمووت فيها..بس احلى شي عندها النسكاافيه..وتبون الصدق.لأن سهيل ايحب النسكاافيه..لو كان يكرهه..حتى هي بتـــكره النسكاافيه..
خصصت كووب عوود لونه زيتوني ..وخلته لسهيل..وبتسوي اللي تقدر عليييه عسب سهيل يااخذه..وعسى الحظ مااا يعااندها هالمـــرة..ساارن البنات كلهن للصاله مقرهن الأولـــي..يترينها اتحط الأكواب فالصينيه..وحطتهن ويت صوب هل الصااالـــــــه..
انقهــــــــرت يوم حمد خوها شل الكووب الكبير..ودها الا تاخذ الصينيه وتصفعـــه..بس سهيل بين لهـــا عااادي..حمد وسهيل قااالوا انه حلوو واايد ومااشي شرااته..عكس سيف اللي ما علق بكلمه.."أحسسســــــن ماريد تعليقه يحتفظ فيه لنفســـه..واااااثقـــه من عمــرية..">>>>>>>هالبنيه دووم ارتمس عمرها..
من بعد ما سمعت تعليقاتهم ..ومن بعد ما طاحن البنات فوقهــا يبوسنهـــا ويشكرنــهــا..ع الإنجااز اللي سوته..شلت بعمري فوووق..لأن مزااجهــا ما يسمــح انها تيلــس ويااهـــن..اول ما حدرت حيرة فطـــامي..فرت عمرها ع الشبرية ودقت ابووها نومـــــه ع الشبرية...برااايهن البقيه وين بيرقدن ماا عليها منهن...........؟؟!!

. . . . . . . . .

ودي اعوض ما مضى وكان مفقود..مني عــــــلى مر الليالي الطويله..
بعطيك من قلبي غلا ماله احــــدود..انته الغلا انته لي مــا ادور بديله..

فاليوم الثــــاني..ع الساااعه تسع الصبـــــح..نشـــت من رقـــادهــأ ع حشـــرة خلودي ..كانت تتعبث في ادراج الكبت..فتحت عيووونها بكسل..وتفوهت ونشت من الشبريه..
خلودي:اوووه روااضي السمووحه وعيــــتج..
روضه:لا افا علييج امبوني شبعاانه رقــــاد..
صدت صوب الســـــاعه..وطالعتها وخلاف صدت لخلودي..
روضه:للحينه واااعيــــــة..؟؟؟!!!
خلودي:شسوي؟؟كله من فطاامي شلت صورة سلطان..ومــادري وين حااطتنـــها..
روضه:وانتي طبعن ما رمتي ترقدين بدون ما اتجوفين الصورة وتبوسينها.....هع هع هع ..
خلودي وويهها محمر:فقدتج سوودا الويـــه..
روضة:ياالله يااا حلاتي فيني البياااض كلـــــــه..
خلودي:اول مرة اشوف وحده ناشه من رقاادها واتسوولف..سيري سيري صلي..
روضة:هيه صـــح اللحينه بنش...وين شنطتنا انا وشمووس..؟؟
خلودي:عنديه..بسير بييبهـــــا..
ظهرت خلودي..وصدت روضة صوب فطامي وسلامي اللي كانن راقدات ع الأرض..فطامي حااطه يدها ع رااس سلامه..وسلامي فااجه ثمهـــــا..هع هع هع ..ابتسمت يوم جااافت اشكااالهن..
يتها خلودي وياابت الشنطه وساارت ترقد المسكيينه..فجت الشنطه جااان تنصدم يوم جااافت صورة سلطان..خطيب خلودي..هااي فطووم ما تستحي حطت الصوورة في شنطة قوم روضة عشان ما تلاقيها الأنسه خلوودي العااشقه..دست الصورة في واحد من الأدراااج.. وهي تضحك افداخلها ع حركات فطااامي ..النص كـــم..
من بعد ما خذتلها شوور..عدل مزااجــــها..ومن بعد ما لبست كندورة حمرا فيهــا شغل بالأبيض..سحت شعرها..ولمت قصتها كلها ع صوووب..شكلها جييه أحلى..سوت لها مرطب للويه..وجحلت اعيووناتـــها..حطت شيلتها ع راسي اللي كان لونها أحمــر..ولبست سااعتها الجلد الســــــوودا"من عند محمد اخووها"..وحطيت سلستلها اللي فيها حرف الأس والإتش.. تبون الصرااحه هو حرف الإس حرف سهيل..والإتش عسـب يتكمل ويصير حرف شموس..يعني الأخت اترقع السااالفه....تمت ادورلها عطر يدش خــاطرها..اخر شي خذت لها عطر..وتعطرت وظهـــرت من الحيــــرة..
نزلــــت من الدري وماا سمعت ولا همـــــس..نزلت بشوي شوي..وجافت حيرة يدوتها منفج بابها..جاان اتسير صوبها بس ما لقتهــــا..يعني اكيد فالحمااام الله يعزكم..
سارت المطبخ وسوتلها نسكاافيه..ودورت اكبر كووب..جافت البشااكيــر يالسات ايسون الريووق..ظهرت والجووو روووعه..توها الشمس باادية تظهــر..يلست ع الدري اللي جدااام باب الصــاله..وحطت الكوب..وظهرت تيلفونها وتمت اتصـــور..شدها منظـــر الحديـــقة اللي ع طرف الحـــوي..كانت على شكل داائــــــرة..واللي يدش في هالدائره محد يشووفه..لأنها محميه بالأشجـــــار..اتصدقون ما جد مرة ارتفعت نسبة الفظوول عندها وحدرت هالحدييـــــــقه..خاطرها اتجوفها مع ان بابها الزجـــاجي..دوومه مفتوح.. قالت بسميها"الحديقه السريه"..هع هع هع هع ..شرااات الرسوووم..

مشت بخطواتي الشبـــه مسرعه صوووب هالحدييقـــه..وهي ميوده افيدها اليمين الكوب..وافيدها اليسار الموبايل..حدرتها..ومااا كنت متوقعتنها افهالجمــال..يعني صج تحفه اثريه..شكل ورود الجـــوري مسككككت..والفخار اللي ينصب من الماي في ناافــورة صغيــرة..شكل المكان رووعـــه؟؟
يابت الورده الحمرا وصورتها عداال الورده البيضاا..ومن خلصت منهن تمت تتحوط..ماا حست الا بمـــــاي باارد ينصب عليها..خيسها من فوووق لين تحــــت..اويييييييه المسكينه مااتت من الخـــــووف..ولفت بنظرها اتــابع هووز الماي من وين يــأ..اهااا..هوز المااي ياااي من برع الحديقه..ظهرت وجافت سيف ميود الهوز..كان لابس كندورة كركميـــه..والسفره نفس الشـــي..ومخييييس بالماااااااي من فوووق لماااا تحت..
انقهـــــــــــــــــــــــــــرت وماااتت من القهــــر..وكانت بتموووت بعد من البــرد..بس لازم اترد حقـــها..تخبت ورى الأشجـــار..وصورته كم صـــورة وهو يلعب بالمـــــاي..والله جنه يــــــــااااهـــــــــل..فســـــخ سفرتـــه وعقــها عالعشب عدااال تيلفونه..شعــــــره عذااااااب ويخبــــل..حرك شعره بطريقة تلقااائية وكأنه يجففه..ومــا زاال ميود هووز المـــاي..اللي ما تعرفونه على قد رزاااانة سيف..على قد خبااااله..يعني ناادرن ما يخترش جدااام حــــد...
دق تيلفونه..وكانت تبا تسمع هو شو يقول..وعلى طووول يودت تيلفونها وصورتــــه فيديو.."نياهههاااااههااااااهاهاهاااااااااا...فضييح تك على يدي..نيااهاهاهاهاها..ان ما نشرته مـــا اكون انا الرووض..">>>>>نذلة هالرووضه................؟؟!!!!
سيف:هلاااا والله بسلطان...يسرك الحاال..ومــن صوبك..بعدني فالبيت..والله توني بظهر بس يوم جفت هوز الماي..ما قاومت جاان اشله واتمي العبـّــه..لا الحمداللله محد يشووفني..ع قوولتك ضيعت علوومـــي..اللحينه ببدل وبيـــك..لا تحاااتي دقااايق بس..
بند تيلفونه وفره وكمل لعبــــه..كان يرفع هوز المااي فووق..ويطيح الماي ع شكل قطرات ع ويهه..ويوزع الماي ع الحديقه..اللي كانت روضة يااالسه فيـــها..تمت اتصوره..بتنشره عسب تتأدب..
يمكن تم نص سااعه وهو يلعب ويقول لربيعه دقاايق..خرااط..فهالنص ساعه كانت اتراقبه واتصوره..وميوده ضحكــــــتها...من خلص حدر البيـــت وراااحــت هي المطبـــخ وودت الكوب..وتمت ياالسه عند الدري اللي مجابل المطبخ..جاافت سيف وهو ظــاهر..كان لابس كندورة بيبضا وسفره حمرراا..وميــود شنطه سبوورت..شكلــه راايح يلعب ريااضــه..والله ولا كأنه اللي قبل شوي يلعــب بهوز المــــاي..من اتجوفونه بتقولون هاذا رياال مستحييل ايسويها..له هيبه في مشيته..شموووخ امبين من عيونه..وعزة نفسه ظااهره من حركـــاته..قاالت ابصوت مسمـــوع..:ووووووووع..مـــــــــالت عليييك..أكرهــــــــك..
ما كاانت متوقعه انه بيصد صووبــــها..عطاها نظره من بعد ما رفع نظراته الشمسيه..ومشى وهو راافع خشمه..اااااااافففففف.."طفربي..والله ما ينبلع..ثجييل دم..فدييت سهيل والله محــــد شرااتـــه..">>>لازم اتدخل سهيل فالسالفه ويا رااسها..
روضه:ااييييه عنودة لا تسبيني وياا رااسج..
العنيده212:لا عيل من زيين رااسج..اقوول صخي خلينا انكمل قصتنا...
"""""نرد للقصه".."""""
يت الســـاعه تســـع..روضة قضت هالفتره عند يدوتها..وامهــا وعموتهــا نورة وريســـه وعليا وحريم عمومتـــهـا..طبعن كانت أول النااس متريقــه..موول ما أتقصر في بطنها..كانت يااالســـه ع الغنفه واتقلب افهالقنوااات..وحطت على قناه وردت يلست عدال يدوتها..
ع الساعه 10ونص..جافت فطوم وشموس توهن حادرات الصــاله..يلسن يتريقـــن..رااحت وتريقت وياااهن..مرة ثاانيـــة..وشوي ين خلودي وسلاموه وغبوش وموزاني ..وتريقن وتريقت ويااهن مرة ثااانيه..هع هع هع هع هع..صدق انها ما تشبع من العيشه..
ام راشد:عنلااات صدااااج يا رواضي كم مرة متريقه..مب زيين لج فدييتج..
فطامي:بتشوفون كيف بتغدي خلاف...
روضة:لالالا..انا لو شو آكـــل..اممرة ما اتغير..
خلودي:يالله جاانكم الا اللحينه متفيجين..
روضة:اطمني عنوني صورتج لقيتها افشنطتيه..امبونها الشيخه فطامي ما تقصر..
كانت تقصدلها صورة سلطان..تمن البنات يطااالعن في بعض..ونقعن ضحــــك مرة وحـــــده..
سلامي:اوووه امس شو سوينا عسب هالصووورة..
غبوش:عاد الحمدالله لقيتيها..
شموس:امس كنا كلاب بوليسيه..ندور على هالصووورة..
موزة:ههههههه..ماا ينرزا علييينا..
روضه:هااي فطووم يبالها كف يسنعها..
ام راشد:جيه شو مسويه مضيعة المذهب..
روضه:شوو سوت؟؟خليها على الله يماايه..ما جفتييها امس عذبتنا..شااله صورنا واحن صغاار وتربعبها في الصاله الفوقيه..وجان سلامي تعطيها كف ع ويهها..عصبت فطوم وشموس طبت وياهاا..وسلامي وشموس تنااتفن بالكشيش..جان اتعصب خلودي يوم انه ضاربن ختها..يودت سلامي وطيحت ويلست فوقها..جان تي موزة وتضرب خلودي بوووكس مااشي شراته ع ظهرها..جان اتطيييح خلودي ويصب دم من ثمها..نشيت من مكاني ودقيت للإسعاف..وربج يونا بسسسرعه ولا البنيه جااان تعوقت..وخلاف راحت شموس وداوتها..ودقينا للإسعاف نعتذر منهم وطالبين السمووحــــه..طالعي خلودي فديييتها والله..طالعي ثمها شقااايل معواااي..>>>>كانت ترمس وبطرقه مبااالغه..اونه استوى شي جاايد.. خراطه هالبنيه..
البناااات كلهن نقعن ضحـــــك..
ام رااشد:واايه التراااب يا ضرابتكن ما جنها الا ضراابة شباب..اااه يا مضيعات المذهب عاقاته فالشاارع تترين شي هندي اييبه حقكن....اللحينه هااي سواتكن..قربي قربي غناتي خلودي صوبي بشوف ثمج..اخاف الا هي روضه تجذب علينا وحده من جذباااتــــهــــا..
الكل:هههههههههههههههههههههههههه..
خلودي:فديتج يالغلا ما استوالي شي..بس هااي رووضي اتتحب تألف قصص جذااابه..
موزة:امبونها هااي مسيلمه الجذاااب..
غبوش:يااليته جذااب وبس...وسراااااق بعد..
روضه:شو سراقه ؟؟اقول سيري سيري ويا هالراااس..
غبوش:لااا وكتابي الفيزيا منو بيسرقه؟؟العصفوور؟؟
روضه:لا..كنت ابغي اعيشج في رعب كمن دقيقه..نياااهاهاهاهاهاهاهاهاهاها..
الكل:هههههههههههههه..
وع أصوات الضحك..انفج باب الصــــاله..وحدر سيف..عق شنطته وفسخ نظارته..ويأ صووبهم..سلم ع يدوته ويلس حذالها...يعني روضه عدال يدها اليمين وهو اليساار..
سيف:بلاااكن تتضاااحكن..
ام راشد:ماادري فيهن هااييل البنات..الرووض كل ما قالت كلمه تنااقعن ضحــــك...
سلامه:ما نقدر نقااوم رمسة الروض..
سيف:جيه الروض مهــــرج..؟؟>>>يتمصخر ويا شكله..
روضه:لا الشيخ بس رمستيه تعيبهم وتونسهم..
سيف:هيه ع بااالي بعـــد..
ام راشد:وينهـــم خوانك ما اجوف حد منهــــم __DEFINE_LIKE_SHARE__

هيمـان يالمنصوري · 06-24-2008, 03:59 PM

سيف:خطفت عليهم فالميـــالس..بعدهم رااقديــــن..
ام راشد:عااد سر بعد اشوي ووعهم..عسب يروحوون صلاة الظهر ويااك..
سيف:فااالج طيب..
ام راشد:فالك ما يخيب..
فطامي:السيييف..
سيف:لبيييه..
فطامي:لبيت حاايـــه .. ابغيك اتودينا السووق..
وتمت اتطالع في روضه.. تباها ترمس..عسب تقنعه..لأنها تقنع الكل..بس روضه صدت الصوب الثااني.."مااالي حاايه فالسووق..ليش اسيــــر.."
سيف:الشور لمايييه العووده..
وصد صوبهـــا..
ام راشد:قرن ميلسكن..اشوفكن ضيعتن العلوم..وفريتن المذهب..شو لكن فالسوق كل ويوم والثااني طاابات له..
خلودي:يالله يماايه احن شو قلنا..الا ودونا السوق مب المريخ..ثلاث ساعات بالكثير وراادين..والله نبا نظهر كلنا ارباااعه..من متى ظهرنا اربااعه ويا بنات خوالي..من ذييج السنه..
سيف"ببرود عكس خلوودي":زين لا تصيحين..>>>>هاهاهااي حللللوة..
ام راشد:لالالا..ما يحتااي..يلسن يلسن فالبيت اخيرلكن..
خلودي طالعت روضه..وعقبها فطاامي يبنها ترمس..وغبوش وموزة وسلامي كلهنصادات صوب روضه..ونظرااتهن اتدل على انهن ودهن ايصفعنهـــا..
روضه:يالله علني فداااج يماايـــه..اللحينه ملجة خلودي الأسبووع الياي..جيه شو تبغيناا نلبس..يرضيج الرووض بنت رااشد الـــ.......ـــي..تلبس حيالله لبس افهالملجــه..طلبتج قولي تم..ولا تردين بنت رااشد..ومثل ما قالت خلودي..احن من زمان ما ظهرنا ارباعه..وكل واحد تاخذ راي الثاانيه..افدييتج عن خاطرهن..لا ترديينهن..امبونها بنت راشد ما ترد حد..صح رمستيه..قوولي تم؟...
ام راشد:تـــــــم..
روضه:خلينا انسييير السوووق..دخيييييييلج لا تردين روااضي عيونج حبيبة قلبج بنوتتج الصغييره..
فطامي وخلودي وسلامي وموزاني وغبوش وشموس:امااااااايه دخييييييلج..
ام راشد:خلاص عيل سيييرن..
استاانسن..بس خرب وناستهن الأخ سيف..
سيف:لا مااشي سييرة..
صدت فطوم صوب روضه..وخلاف ردت نظرها له..
فطامي:السيف عاد بلا حركات قرعــه..امايه قالت سيروا..
سيف:تبون السووق؟؟
الكل:هيه..
سيف:سون الغدا..وان عيبنا والله لوديكن..امممرة كلكن يالبنات اللي في خاااطركن شلنه..وانا مووول ما برمس..وكل شي ع حساابي..بس اللحينه اتسيرن وتطبخن الغداا..>>>>>حركاات يبغي ايعذبهن و يذلهن..
سلامه:لاا انا مااا اعرف اطبـــــــــخ..
روضه:لحظه لحظه لحظه..هاذا ايقص عليييكن..ما بيدفع لكن شي..
سيف:رياال وقد رمستيه..
ام راشد:وانا اشهد..
فطامي:امايه العوده شااهده..
نشن البنات من عندهم وهن يتناقشن فالموضوع.. ضاامنات السيرة..شمووس وسلامي وموزي عندهن..أكبر طبيخات في العااايله..>>>>>حلوه اكبر طبيخات..سوووا طاااف..
حدرن المطبخ..وشموس قسمت الشغل عليهن..روضه وفطوم عليهن الترتيب والسلطات ..غبوش وسلامي العصير والماي وهالسوالف...خلودي وسلامه وشموس وموزة يتعاونن في الطبخ..هعهعهعهعهعهع
ونبدا العد معكم يالقراااء...واااحد..اثنين..ثلاثه..
و سلامي عدت الأرقااام ويانا ..تعلن بداية الشغل..وبالفعل كل وحده ادت اللي عليها وعلى اكمل وجه..واللحينه..الشله..السبع بنات..واقفات عدال شموس..اللي كانت واقفه عدال الجدر..وتوها شموس ذاقته..وصدت صوبهن وعلامات ويهها اتدل بخبر شين..بكل بطء حطت الملاس ع الطاوله..
شموس:مااااااااااشي احلى عنه..
صرخن وتمن يلون ع بعض..ويغنن اغاني ع كيفهن..
الكل:نحن الطبااخين نحن الطبااخين بنروح السوق وبنخسر سيف وبنخسر سيف..
موزة:جنا ما سرنا السوق من سبع سنين..
فطامي:ولا شاايفاات خيير..
سلامي:يلا يلا يلا زقرن البشاكير يودن الغدا في ميلس الريااييل..
شموس:والله خااايفه..ما جفتن الميلس كيف ممزور..
روضه:لا لا بيعيهم..حتى عمومتيه..
خلودي:يلا بزقرهن..عسب يظهرن للحرمات بعد..
وبعد ما خلن البشااكير يودن الغدا صوب الريااييل والحرمات..يلسن كلهن ع الدري اللي جدام المطبخ..اللي ع الدري الثالث او الأول..سبع بنات مااشالله..ومن يشوفهن بيقول يالسات يتصورن..وحل السكوت عليييهن..يترين حد يظهر من ميلس الرياااييل يعلق عليييهن
شمسه:احترقناااااااااااا...
روضه:هالبنيه من يوم ما عرفتها..واذا وقفت تحت الشمس..قااالت..
موزي وسلامه:احترقنااااااااااااااا..
الكل:ههههههههههه..
غبوش:ويييييييييييييييييييييلي..
الكل:بلاااااااااج؟؟
غبوش:بااجر امتحان رياضييات..بموت ان نقصت درجه..
خلودي:جب جب جب بس جب..
فطامي:احن وين وانتي وين؟؟
روضه:خلوها هاي بصوووب..
غبوش:بنات سخيفات..
موزة:علمينا الظرااافه..
سلامة:بس كله ولا غبووش..
روضه:ليش اتداافعين عنها..عشانها سوتلج تقرير الدين..
الكل:ههههههههههههه..
سلامي:موزه لقطي ويهج..
موزة:خسارة ويهي عريض ابا حد يسااعدني وانا القطه..
الكل:هههههههههههههههههههههههههههههه..
روضه:بل بل بل بل بل..هاذا وااحد ظهـــر..هجووم عليييييييييييه..
نشن البنات كلهن..وكان هاذا سيف سااير للصاله ..وربعن البنات كلهن وراااه..وحدرن الصاله..عسب يسمعن شو يقول وعلق تعليق بسيط..

سيف:مسككككككككككككككككككككككتتتتتتتتتتتتت..
الكل صااااااااااااااااارخ وتمن مستاانسااات..اول شي بيسيرن السوق اربااعه وبيسولفن ع كييفهن .."سوالف السوق غير"..وفوق هاذا محد بتدفع شي من مخباها..ع حسااب البطران سيف..وهو اللي بيوديهن وبييبهن..شو احلى عن هاااذااا كله..
سيف:الله يعطيكن العقل..
ونش من مكانه..ساير لقسمه..وحدر وبند الباب..وخلاف فجه وقال..
سيف:خمس دقايق واللي ما تظهر سيارتيه تتعذرلها..ركبن سيارة العايله الإستيشن اوكي؟؟>>وبند الباب..
روضه:الله يعطينا العقل هاه؟؟شووو اشـــــــوفك نسيت عمرك شو كنت اتسوي الصبـــح..جنك ياااهل تلعب بهووز الماااي..ماا عليـــــــه والله لفضحــــك..
موزة:شو شو ما سمعتج عيدي..
روضه:ولا شي..بعد ما تنتشر الفظاايح بيبين كل شي...تريوا بس انتوا..
وبكل جداارة ..فازن ..الكل تم يمدح طبــاخهن..يعني لهن الحق ايسيرن السوق ويخسرن سيف..نياهاههاهاهاهاههاي..ع السااعه 3ونص..الكل طلع فوق عسب ايغير ملابسه..ويلبسن عبيهن..وطبعن الكل لبس عبي مسكره..اول وحده روضه خلصت..شلت شنطتها ..وموباايلها ونزلت تحت..
الشبااب كلهم كانوا ياالسين تحت..سيف هو اللي بيوديهم..والكل تعذروا السيرة ويــاه..اونه مــــالهم باارض ع حشرة البنات..حراام عليهم..احن البنات حشرة؟؟؟؟..بالعكس لطيفات طيبات ظريفات دمهن خفيف.. رقيقات..هههههههههههههههههه..
يلست روضه حذال حمد..وهمست فاذنه انه يشغل البلوتوث ماله..كان نكه.."الخيال"..وروضه.."احلاهن وتتحداهن"..مااااا علييييييه ياا سيف..ضحكت ضحكه شرير افداخلها..وقالت بصوت وااطي "شوف شو بسويبك اللحينه.."
طرشت الصور والفيديو لحمـــــــــد اللي كان ناااقــع من الضحـــــك..وطلب من الشبااب انهم يفتحون البلوتوثات ماالهــــم..وبما انها تعرف نك سهيل.."البدوي"..طرشت له اول واحد..وخلاف طرشت لــ"راعي العراقيب"..اللي هو سيف..
اتحولت الصااله لسييييرك..الكل يضحك ع الفديو اللي سجلته باسم"يااهل اصغر عن عنودي"..كان اسم الفيديو يضحــــك تم حمد اخوها يطمش ع سييف وخلوف مشاركنهم..وحمدان ومحمد ما صدقوا شي يضحكهم..وحميد ملتزم السكووت وسيف كان ينااظرها بنظرات اتخـــوف..حست به منصصصصصدم من الحركـــه..ماا كاان متــوقع انه فيه حد ايجووفه وهو يلعب بهوز المااي..ين الشله..وراوتهن ايااه..والكل تم يضحك ع سيف..خلته مطنــــزة..ههههههههههااااااااااااااي...قالت روضه وبصوت مسموع"فديتني والله.."

وصلوا الموول..وسيف مطنش روضه وهي طنشتنه..ما سمحت لعمرها تشتري أي شي بفلووســــه..كان ايسولف ويا البنات ويضحك ويااهن..ويتمصخر ع الراايح وع الرداد..وهي ملتزمه الصمت ..لأنها ببساطه تكره هالإنسااان..من موقف..ومن نظرة؟؟؟؟
كــانن البنات يتشــــرن..بعد اللي عابلنه في المطبخ..وفطوم معصبه على روضة لأنها ما شرت شي للحينه....حدروا شومارت..وروضه ملت وقالت بتسير لسبلاش ولايف ستايل..تمت تتحوط وتمت تاخذلها مناظر وقمصان..طبعن بفلوسها ماتبا شي منــه..ردت لشومارت مالقتــــهم..؟؟
"وين سااروا مب متفيجـــه لهــــم"..كانت اترمس عمرها وهي حااطه الشيله ع ويهها..
وتمت اتحااوط فالمول ارووحها..ومرات متغشيه ومراات عاادي..شلة الشبااب اللي وراها من يوم ما كانت فسبلاش ..اربعه منهم..لعوزونها من الخااطر..وملت منهم..اتروح يمين ولا يسار هم ورااها..مرت سااعه كاااملــه..وما لقتـــهم..للحظه شكت انهم ردوا البيت وخلووها..>>>افكاار يااهل..
حطت شيلتها ع ويها وكملت طريقها اتحااوط فالمول..منها ادور عليهم..ومنها تتقضالها اكسوورات لملجة خلوودي..والوضع ما تغير ويا شلة الشباااب..وقفت عند كان كان..ع اساس انها بتدخلها..وسمعت وااحد من الشباااب..
واحد من المفلع:فديييييييييتها البنيه الغاااويـــة اللي جداامي..محلاااااااج..
ربيعه:غزاال من حلاتها...والله العظيم انيه اول مرة اجوف ابنيه افحلاتها..
ربيعهم الثالث:بس ليتها اتصد صوبنا مطنشششه ع الأخير..
واحد منهم:فديييت رووحها محلاات عوودهـــا..
فجـــأة انقطعت اصوااااتهم عنها..الحمدالله افتكت منهم..فجت تيلفونها بدق ع حمد ايي ياخذها ملت من السووق..بس كان تيلفونه مغلق..جافت المسجات اللي من عند سلامي تتخبرها عنها وين وعرفت انهم فوق عند المطاعم..حاسبت ع الأغرااض اللي عندها..وظهرت من المحــل.. حست ان في حد زخها من يدها..من لمسته ومن حركته ومن سمعت صوته..عرفت انه سهييييييل.."يااااااالله علني فداااااه "..تم ميود ع يدها ومشاا ويااها بدون ما يرمسون..ولا حرررررف..لين ما قطع الصمت..سحبت يدها بسسرعه..حركات سهيل ما تعيبها..
سهيل:ليش ارووحــج؟؟
روضه:ضيعتـــــهم..
سهيل:ربج كنت ياي لواحد من الربــع..لمحتج وعرفتـــج..
روضه:زين انك ييت..صارلي اكثر من ساعه ادورلهم..اللحينه قريب يأذن المغرب وريوولي عروتني من زود الحواطه..
سهيل :ييبي تيلفونج..
عطته التيلفون..
سهيل:اتشوفينهم هااييلاك الشله..وهاه رقمي اليديد لو محتاايه شي دقيلي...
روضة:تسلم..
سهيل:الله يسلمـــج..تامرين بشي فديتج؟؟
روضه:سلامتك الشيخ..
سهيل:يلا بااي..لا تنسين احبـــــــج مووت..
لفت ويها ابسرعه عنه..كالعاده..لأنها ما اتريد اتجوفه وهو ساااير عنهم..اتخاف ايسير ولا يردلها........؟؟؟!!!>>مثل ما قلت شعور غريب...
سهيل:الرووض..
صدت صوبـــه..ويــأ عندها..و قلبها مييت من الخوووف..
سهيل:مشتااااااااق..
روضه"باستهبال":لشووو؟؟
سهيل:لكلمــــة..
روضه"باستعباط":شوو من كلمــــة..
سهيل:كلمة احبك يا سهيل..متى بتقولينهــــا..
روضه:بدري عليها..
سهيل:اتحبيني؟؟
روضه:هيه ..
سهيل:حبيبي لا تعذب من اذا طال الجفا يهواك..تولع في هوى حبك وحبك صدق يحلالي..وانا ما همني الا اشوفك والتقي وياك..وابدد وحشة غيابك بوصلك يا بعد حالي..
صخت عنه..وهي فدااخلــــــــها تتفداااااه..
سهيل:توعديني؟؟
روضه:بشووو؟؟
سهيل:ما تتركيني...؟؟
روضه:انت اللي لازم توعدني انك ما تتركني..
سهيل:شفتيني غبي عسب اتركـــج..انا اترك هليه وهالعاالم كلـــه ولا اتركــــج..
روضه:ما ظني..انت بتنساااني..؟؟>>>>>>>اتسوي اختبار محبه..
سهيل:رواضي..مستحيــــــل انســــاج..
هالكلمتيين دووم يقولها عسب يسكتهــا..لأنها هالكلمــه الوحييده اللي تهدي ناارهــــا..
روضه:متأكـــــد..؟؟
سهيل:ما مليتي من الدرااســــــة..
روضه:لأ..شااطـــرة..
سهيل:شرااايــــج نملــــج؟؟
روضه:بعدني صغيرة..ما فيني التزم من اللحينه..
سهيل:رواااضـــي..
روضه:سهيل لا تحااول..لا ملجه ولا عرس ولا هم يحزنون..
سهيل:احيانن اشك انج موول ما تحبيني..؟؟
روضه:انـــــا ما احبك؟؟انا؟؟
سهيل:اثبتيلي..؟؟
روضه:من يحبك كثر ما احبك انا.. من يحبك حاول ويا ما إجتهد..
سهيل:روااضــي..
روضه:سهيل نتفااهم بعدييين فطااامي يايه..
قرب منها واااايد..همس قريب اذونها..
سهيل:احبج موووووت..واتمنى وصاااااااالج..
طالعته..ابتسم لها ..وساار..بس لفت ويها عنه ابسسرعه..باختصاار ما اتريد اتجوفه وهو ساايـــر..لأنه فكرة ابتعااده عنها تيننها..
يتها فطااامـــــي ..
فطامي:ويينج انتي..سيف ودرنا عسبج..راح يدورلج..هكو عند قوم سلامي..تعالي يلا..
طنشتهــــــــم..هب متفيـــجه لهــــــم..هم وين وهي ويييييين..محتشرين وحالتهم لله..وهي في قمة ونااااستــــها..الحمدالله انها ابتعدت عنهم..والا ما سمعت هالرمسه من سهيييل.."ياااالله ياا سهيل كيف احببببـــك..وما اسوى بدووونك..فدييت روحك وقلبك..">>>خبله دووم اترمس عمرها...
ماا حست ابعمرها الا وهم طـــالعين من المول..وركبــوا السياارة..يلس سيف يصاارخ عليها.."خرب ونااستي هالسبـــــــال..">>>قالتها روضه بصوت وااطي..
سيف:وين سرتي..ســـــــاعتين واحن ندور علييج..ولا تيلفونج مغلق..
روضه:نسييتـــكم..
سيف:حلفي انتي بــــس..اللحينه بيأذن المغرب..واحـــن ندورج..
روضه:لحووول..شو انته بتذلنا لأنك وديتنا السوق..ما ينرزى علييينا..
سيف:انا ارمسج ولا تغيرين السااالفــــه..
روضه:انا ماا غيــرت الســـالفه..جانك بتذلنا..انا وحده بظهر من سيااارتك..ومالي شغــل فيكم..
سيف:جان فيييج خيير سوييهـــــا..
روضه:فيني خير واحسن عنك.."قالت لشمسه"..خوزي عن دربي..
فطامي:رواضي استهدي بالله..
خلودي:السيف بلاك ع البنيه..
سيف:جــب انتن ولا كلمة..بجوفها جاان بتظهــــــــر..قوية العين؟؟
روضه:بظهــر ولا عليـــّه منك..
فجت الباب وظهــــرت..حتى أجيااسها ما شلتهن.."وياا ويهه السبااال شو جاايف عمـــره..اااااااااااااخ كيف اكرهه..">>>ههههههههههههههه
وقفــــــت ع الشــارع..وهو جنه ما صدق قحص بويل ودبـــر..وياا ويهه..دقت لحمد اخووها مغلق..ومحمد وحمدان دقتلهم سايريين ابوظبي ربااااعه..محد بقى الا سهيـــــل..
"لالا استحي ادقلـــــه..براايه..بدق لامايييه بس بتسويلي سالفه لييش ما ييت ويـــــاهن..يالله شووو الحــــل..أدق لبويه..؟؟بس الشـــايب مب رااايم ايي للعيـــــن..شــــــــو الحـــــــــل.."
سرحت بافكارها وهي على طرف الشاارع..طالعت الجــو..حل الليل خلاااص..ردت لخطوه ع ورى..وهي اتجوف الشباااب كيف ماازرين المكاااان..جاافت سهيــــل يـــاي صووبها..وجنه مستغرب من وجودها اهنيـــه..زقرها وسارت وياه بدون ما سألها ولا سؤااال..
ركبت سيــــارته.. بورش كاييت سودا..صد صوبها..بنظراته المعهوودة..اللي كلها حب وعشق وهيــــام..اللي من أتشووفهـــا روضه اتحس برااحه اتحل افقلبــــها..ورمسهــا..

ظنكم سهيل شو بيقول لروضه؟؟
ظنكم شو بيستوي ويا شموس وحمد..؟؟
ظنكم خليفه ليش مطنش سلاااامي؟؟

في انتظار تعقييييباااتكم.. __DEFINE_LIKE_SHARE__

مغروره بس معذوره · 06-25-2008, 01:26 AM

تسلم اخويه ع البارت

نرقب البارت الياي __DEFINE_LIKE_SHARE__

Roo7 wlhana · 06-26-2008, 01:02 PM

تسلم ونتريا الباارت الياااي __DEFINE_LIKE_SHARE__

النيادي مجنون · 06-27-2008, 01:30 PM

مرحبا الساع

شحالك شخبارك
الصراحه البارت حلو ونتريا البارت اليديد
ومتى بتنزله __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عطل في اللكزس وبدو حل	محروم.كوم	منتدى أخبار المواقع والمنتديات العربية والأجنبية	0	06-07-2010 10:10 PM
11 - 5 لعبة SPB Brain Evolution لتطوير مهاراتك العقلية.	محروم.كوم	منتدى أخبار المواقع والمنتديات العربية والأجنبية	0	05-11-2010 12:30 PM
الأن تعاون وتواصل وطور مهاراتك البرمجية والتصميمية اكثر مع مجمع لاين التطويري...	محروم.كوم	منتدى أخبار المواقع والمنتديات العربية والأجنبية	0	03-15-2010 03:00 AM
مبروك غيري دام غيري حلالك	الهنــــــوف	تصاميم الاعضاء	15	03-06-2009 03:36 PM
بين هم... وبين غم .. وبين جـرح ..!!!	أحلى رومانسية	الشعر المنقول	7	01-16-2008 01:21 PM