تخيل يوم عانقني خيالك .. خاطري وش قال !!

ظبيانيه استايل · #1 01-06-2008, 05:07 PM

السلام عليكم ورحمة الله وبركاته

جبت لكم ابيات جدا اعجبتني بس ابغاكم لا قريتوها

تقرونها على روااقه واقروها بصوت عالي

وحبه حبه ومرره بتعجبكم

,,,,,

على ذكر‎ المواجع والسفر والحل والترحال !!
طويت آخر ورق عندي في دفتر أحزاني ...

طويته .. وانكسر قلبي وصوتي بالمواجع ســال
ودريت إن الظلام اللي تحت كف السهر جاني !!

جلست أجمع مسافاتي وأغني للسفر موال
على صفحة من الماضي بها حلمي وعنواني ..

بها كم سافرت عيني ليالي والظلام أهوال
وبها كم سافرت روحي وأنا بالليل وحداني

حبيبي كل ما أشوفك تجي بالذاكره تختال
نهر من فايض الذكرى يجي من داخل أشجاني

تخيل !!

تخيل يوم عانقني خيالك .. خاطري وش قال !!
تخيل قبل أسولف لك نشدني عنك وجداني!.

نشدني لين خلاني ![مدينه هزها زلزال ]!
تخيل !! ماهدا حتى لقاك بوسط شرياني

أروح لسدرة الموعد معاي لموعدك مرسال
وأخاف إنك تجي قبلي وترحل قبل تلقاني ..

هنا كانت ليالينا ![غـــــلا]! والمقبلات![آمـــــال ]!
وهنا كانت مواعيدك مطر تخضر به أغصاني !!

هنا شف .. باقي آثارك على رمل الوعد مازال !.
وهنا شف دمعه طاحت من عيونك على شاني

حبيبي لا تنشدني عن أوضاعي وكيف الحال !!!
أنا بعدك سحاب أبيض ![أضم الريح بأحضاني]!

تسافر بي الذكرى وأحسب إني وصلت آخــر وطن بالبال !!
واثرني ماوصلت إلا بدايـــة درب حرماني

وتبقى سيرة الذكرى قصيده تكتب الترحال

سوالف للعيون اللي صداها "دمعةأحزاني"

,,,,

هاااه وش رايكم

ان شاء الله تكون اعجبتكم

منقوول لعيوون الحلووين __DEFINE_LIKE_SHARE__

راكان المنصوري · 01-06-2008, 09:24 PM

بسم الرحمن الرحيم

شحالج ختيه بربج بخير

تسلمين على هذا النقل الطيب و على انتقائج النقل .

صدقنيه النقل على فكره يعطي دافع على انج تكتبين من بنات افكارج و على قولتج

حبه حبه من خلال النقل و التميز فيه بتتكون عندج قاعدة معاني وفيره .

و اذا اي استفسار اخوانج الشعراء موجودين

دمتي بود __DEFINE_LIKE_SHARE__

.: الـشـامـخ :. · 01-06-2008, 10:16 PM

السلام عليكم

سلمين على النقل الغاوي

وينقل الموضوع الى المكان الانسب

تقبلي مروري

@@@ أخوج @@@ __DEFINE_LIKE_SHARE__

اميـ اليافعي ـن · 01-06-2008, 10:17 PM

[align=center]من أروع ماقرات في إستراحات زايد

كلمات جميله ..
مصدرها القلب والوجدان ..

قافيه أجمل
وأما من ناحية الوزن فلا غبار عليه

الظاهر إنكِ متمكّنه في هذا المجال

يجب عليا متابعة مثل هذه الهواجس .^_^.

مروري ومحبّتي الأخويه[/align] __DEFINE_LIKE_SHARE__

أصدق أحساس · 01-06-2008, 11:35 PM

تسلمين عالنقل الروووووووووووووعه(-: __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نسيت أنساك ~* حياآك `~*	βαяρêγα	تصاميم الاعضاء	17	02-01-2009 09:23 PM
انسج خيالك بخيالي	شــمــ انثى ــو خ	شعر و خواطر	15	08-25-2008 10:39 PM
خيالك...صعب تحقيقه ...	دهـــ العووود ــــن	الحوار والنقاش - الرأي والرأي الآخر	15	08-17-2008 01:59 PM
البنات لهم ذوق ماهي يدامك بتسليه ...	كيفي إماراتي	الشعر المنقول	6	01-28-2008 10:03 PM
البنات لهم ذوق ماهي يدامك بتسليه ؟؟؟؟؟	كيفي إماراتي	المواضيع المكرره	2	01-27-2008 06:00 AM