¤-¦ حط ابيات الـقـصيـد واهديهــا ¦-¤

.•.عيـون.الهنـوف.•. · 11-20-2011, 12:38 AM

لعيووووووووون *نظره مني تسدك* فووووووديتها *^

يامـن غلاهـا بامتـدادات السمـاوات الطـبـاق && لابعد مدى ياصل غلاهـا مـا يحـده مـن يويـق*

يابو علي كمذا وانا ارقب وانتظر عـذب الريـاق && القلب مشجن واشهد ان القلب فـي همـه غريـق*

ياقصر لك ظـل(ن) يظلـل واعمدتـك لهـا رواق && قصر(ن) شموخه معتلي جدا وله ساس(ن)عريـق*

أهيم فـي الدنيـا وقلبـي فيـه ثـورات العـراق && والقلب كن وسطه من القوات ما يضـرم حريـق*

الهم واحـد خذا قلبي بـس مشقينـي وعـاق && يكسر شموخي ما تركني في سمـا وقتـي طليـق*

يابوعلـي يابوعلـي ياشيـن لحظـات الـفـراق && لاحن بمن يصبر عليه ولا حن اللـي لـه نطيـق*

تكبـر مآسينـا ونبحـر ونتـعـرض للمـشـاق && ونكابد اهجوس الزمان وثـورة الوقـت السحيـق*

تظلم ممرات الامـل وادروبنـا صـارت زقـاق && مازاد وسعـت حلمنـا والحـظ عيـا مـا يفيـق*

لفح القوايـل هجـد أركابـي وهمـي مـا يطـاق && تعايدت في الجوف ضيقه تحتبـس بيـن الشهيـق*

احلامنا راحت مراح الريـح فـي حلـم التـلاق && نطرد سرابـات الأمـل ويغرنـا نـوض البريـق*

حتى الضمير بذا الزمن عند العرب مـازاد فـاق && مـات الغـلا بقلوبهـم والصـدق معهـم مايليـق*

احبابنـا ولا اصدقانـا سـاروا بنفـس السـيـاق && الكـذب واضـح فـي تعاملهـم وخوتهـم طبيـق*

وين الصديق اللي معك ليضاق ضقت وضقت ضاق && وين الصديق اللي تسـرك خوتـه ليجـاك ضيـق*

خـوة ردييـن العـرب فيهـا تفـرد وانشـقـاق && تفهم مغازيها ليا من جيـت تدخـل فـي العميـق*

والا انت وضعك غير واجزال القصايد بك دقـاق && لو صب بحر الشعر في جوف اكثرك ما بل ريـق*
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ابيات بالطير هنا فقط	محروم.كوم	منتدى أخبار المواقع والمنتديات العربية والأجنبية	0	06-22-2010 01:30 PM
ابيات من الواقع	محروم.كوم	منتدى أخبار المواقع والمنتديات العربية والأجنبية	0	06-14-2010 09:10 AM
ابيات اعجبتني	محروم.كوم	منتدى أخبار المواقع والمنتديات العربية والأجنبية	0	12-15-2009 12:20 PM
ابيات شعر	اسير العذاب	الشعر المنقول	9	02-21-2009 01:20 AM
ابيات شعر	alshamsi	شعر و خواطر	2	01-13-2008 10:27 PM